رواية غيرة حب الفصل المئه والتاسع بقلم احمد صابر
محمد: ليه
انا: مش عرفة بس عايزه اعيط
محمد: لو ده هيريحك عيطي بس ممكن اعرف اي السبب
انا: مش عرفة بجد حسه اني مخنوقة
محمد: فضفضي مش لازم تقوليلي ليه قوليلي حسه ب اي
انا: حسه ان مخنوقة ومدايقة ومش طايقة حد وعيزه اعيط نفسي ابعد عن الناس كلهم
اداني منديل مسحت دموعي: واي تاني
انا: مش عرفة كل الي حسه بيه قلتو
محمد: فيه سبب
هزيت راسي ب اه
محمد: اتكلمي سامعك
انا: ماهو انا نسيت
محمد: الله يخربيت ذاكرتك
انا: محمد انا جعانة
بصلي وكان بيحاول يكتم ضحكتو: ده تأثير الزعل
انا: ايوه روح هاتلى 17 سندويتش وتعالي
محمد: وليه 17 يابنت قلبي فرقت من 3 يعني هجبلك ال20
انا: ماشي مش مشكلة
محمد: يخربيت عقلك
قام طلع من الاوضة وراح ع المطبخ وانا كنت قعدة ضمة رجلي ومسكة المنديل وكل شوية امسح دموعي شوية ولقيتو دخل
محمد: امسكي
حطها ع الترابيزة واخدت سندويتشين وانا مسكاهم ف الايدين وباكل وانا بعيط
محمد: دا اي الهبل إلى انا في ده ياربي بتعيطي ليه يا حبيبتي
أنا: انا بكرهك
بص ف الارض وسكت
انا: انت بتردش ليه
محمد: ماهو انا لو رديت هتعيطي اكتر
انا وباكل الساندويتش: كيف يعني
محمد: كلمة من 4 حروف
انا: شبشب
محمد: لا ده الي هديكي بيه ع دماغك
انا: محمد من أربع حروف
محمد: قومي يا إيمان مش عايز اشوف وشك انهارده
انا: براحتك عشان مترجعش تزعل باي انا مروحة
محمد: لا خلاص خدي هقلك
قعدت مكاني بغرور وهو باصصلي بحاجب مرفوع
انا: الدنيا حلوه واحلى سنين... تعالا نرقص
محمد: ربنا يهديكي
انا: كئيب
فضلنا ساكتين شوية
انا: الكلام لو كان يعبر ع الحنان كنت قلت اني بحبك من زمان الكلاااام لو كان يعبر ع الحنااااان كنت قولت اني بحبكك... من زمااان.... كل يوم الشوق بيكبر عليا باااان
كنت بغني وانا مسكة الفون ومختش بالي انو كان باصصلي بصيتلوا ب الصدفة ورجعت بصيت للفون وبعدين بصيتلوا بسرعة لقيتو باصصلي: في اي
محمد: صوتك حلو اوي
وشي احمر ومخي وقف عن التفكير واتكسفت ابصلو: انا هروح بقى عشان مش ورايا حاجة
بصلي وضحك: بحب اشوفك وانتي فراولة كده
وقفت وبصيت من البلكونة عشان احاول اخبي وشي الي بقى كلو احمر: انا هروح عشان عشان ال ال اسمها اي دي اه الهدوم دي هلمها باي
والتفت عشان امشي اتخبط ف الكرسي: طب حاسبي طيب براحة
عدلت الكرسي زي مكان وانا بتفادي النظر له ونزلت بسرعة ع السلم وروحت ع البيت دخلت المطبخ اشرب لقيت اطباق ف قررت اغسلهم: مخصماك وابعد عني انا مش طيقاك
والدتي: بتعملي اي عندك يا مصيبة
انا: اي يا ماما دانا بغسلك المو...مكملتش كلمتي والطبق الي كان في أيدي وقع اتكسر ميت حتة
والدتي: ياشيخة حسبي الله ونعم الوكيل فيكي انا طلبت منك تعملي حاجة اطلعي براااااااا
طلعت اجري ع فوق: اي بس ياست الكل دانا حتى بساعد... لسا مكملتش ولقيت الشبشب لبس ف دماغي... تسلمي يا مرات ابويا والله لقلو يتجوز عليكي
والدتي: امسكك بس وهنسر الشبشب عليكي
انا: ماما هو انا بنتك بجد يعني انتي مش لقياني قدام باب جامع
ولدتي: لا يا حبيبتي مين الي قالك كده
انا: طب الحمدلله طمنتيني
والدتي: انا جيباكي من ملجأ ايتام
انا: والله كنت حسه
والدتي: خشي يابت بلا وجع دماغ
انا: حاضر
دخلت الاوضة بس سمعت صوت تحت البيت ف بصيت لقيتو نازل هو وعلاء ومالك فا فضلت واقفة كان لسا هيركب العربية بس وقف ولفت وبصلي: خشي جوه
هزيت راسي ب لا
بصلي بنظره خلتني اتفضت من مكاني ودخلت عشان بحترمو بس مش عشان خايفة يطلع يفلقني نصين
انا: اي البني آدم ده..... امامااااااا
نزلت لقيتها بتقشر البطاطس: ع فكرة بقى ال.....
مكملتش كلمتي ولقيتها بتديني البطاطس: امسكي قشري ع ماخلص الي ف ايدي
وسابتني ومشيت: يا حجة استنى طااه
قعدت اقشر ف البطاطس ع ماهيا جت: ها اي رايك
مسكت البطاطساية ف ايديها وقعدت تلفها وبعدين حطتها ف الطبق: ها فين البطاطس
انا: سلامة عينك ياماما ماهي البطاطس اهي... عرفة انك اتبهرتي صح
والدتي: لا ده ليمون فين بقى البطاطس الي انا لسا مديهالك
بصيتلها بخوف وقومت بسرعة من ع الكرسي عشان اعرف اجري: ثانيه اوعي تقولي انها كده باظت
والدتي: هيا لو دي البطاطس يبقى فعلاً باظت
انا: لا لا دي دي ليمون مش بطاطس
والدتي: اومال فين البطاطس
انا: هقلك والله هقلك... مسكت وحده من البطاطس ف ايدي... اعترفي فين البطاطس هيا هتقولك اهي يا ماما يلا استأذن انا
فتحت الباب وطلعت اجري ورحت عند خالتي
انا: ع فكرة بقى الولية اختك دي مفترية
مني بضحك: ليه عملت اي
انا: هاتي اقشرلك البطاطس متتعبيش نفسك
ادتني البطاطس وقامت تشوف الاكل الي ع النار: بعد ما ابنك هزقني من البلكونة نزلت ليها لقيتها بتقشر البطاطس ف قالتلي خدي قشريها ع ماجي حلو الكلام
مني: حلو الكلام
انا: بعد ماقشرت البطاطس جت عشان تاخودها لقيتها مسكتها وتقريبا كده معجبهاش شكلها بتقولي هو ده ليمون ولا بطاطس
خالتي بصتلي وجت قعدت قدامي وابتسمت: وريني كده يا إيمان يا حبيبتي البطاطس
انا: ها اي رايك يا منمن
مني: فين البطاطس يا عيون منمن
انا: اهي
مني: اهي!! دي البطاطساية كانت قد راسك
انا: تلاقيها عملت دايت احنا مالنا يا منى خلينا ف المهم
مني: معلش انا استحملك... بصي البطاطس بتتقشرش كده
قعدت تعلمني حاجات كتير اوي ف المطبخ
انا: دوقي كده يا منمن
مني: حلوه بس حطي حبه ملح كمان بس متكتريش
انا: كده ياعني
مني: ايوه.
بعد ماخلصنا قعدنا انا وهيا لقيت الجرس بيرن ف قومت افتح: عملتلك سبانخ
بصلي بحاجب مرفوع
أنا: شكلك مش مصدقني طب تعالا ورايا
ودخلنا المطبخ
انا: قليلو يا منى مين الي عمل السبانخ
مني: إيمان هيا الي عملتها
انا: سمعت
محمد: هيا ناقصة تلبوك
انا: تصدق انا غلطانة ان عملتها
محمد: عملاها مخصوص عشاني!!
انا: ايوه
محمد: ليه بقى
انا: هو اي الي ليه روح يا محمد شوف انت رايح فين امشي
محمد: يابت اتلمي
انا: ولو متلمتش يعني
محمد: اللمك انا
مني بضحك: روح يا حبيبي غير هدومك ع ماحط الاكل
مشي وهو بيهوش ب ايديه قدام وشي اكنو هيضربني: نينيني خوفت
هوش ب ايديه مره وحده ف خوفت ورجعت لورا لقيت حط ايدو ع شعرو: يابارد
محمد: عارف
انا: مشيه يا منى مشيه
مني بضحك: حاضر... يلا يا محمد روح
مشي وراح ع اوضتو وانا بصيت لمنى وبستها من خدها
انا: يلا بقى باي
مني: باي اي خدي اتغدى معانا
انا: اتغدا اي عليا درس يلا باي
مني: الدرس مش هيطير اقعدي
انا: وحيات امك سيبيني دانا يدوبك اللحق اللبس يلا باي
بوستها من خدها وكنت طالعة: ابقى قوليلي قال اي ع السبانخ
مني بضحك: حاضر
كنت طالعة من باب المطبخ لقيتو ف وشي: رايحه فين
انا: الدرس يلا باي
محمد: طب كنت عايز اقعد اتكلم معاكي شوية
انا: حاضر لما اجي
محمد: استنى هاجي اوصلك
انا: ماشي هلبس ف ثواني وجايا
نزلت بسرعة ع السلم وروحت ع البيت غيرت هدومي لبست دريس لونو بينك وكوتش ابيض وطرحة بيضة وشنطة بينك ونزلت وانا مسكة الدريس لتكعبل ع السلم نزلت قدام البيت وقفت ورنيت عليه لقيتو طلع وبص من البلكونة وهو حاطط الفون ع ودنو: حاضر نازل
انا: كل مرة بشوفك فيها ببقى نفسي أ.... أ ااااه اجيلك اقلك انك كلك ع بعضك عندي بالحياه طب أ.... كلو الا داااااااااااااااا واياك تسيبني لا لا لا لا لا
محمد: ايه إلى انتي بتقوليه ده
انا: كلو الا ده واياك تسيبني لا لا لا لا
محمد: حاضر مسمعش نفسك بقى عشان صوتك خرم ودني
نزل وركبنا العربية
انا بغمزة: اي الشياكة دي ياباشا
محمد: انا بتعاكس!!
انا: حصل
محمد: بس اي القمر ده
بصيت من الشباك وانا بحاول اخبي وشي الي قلب للون للأحمر راح ضاحك عليا
فضلنا ساكتين لحد ماوصلت قدام الدرس فتحت الباب ونزلت
انا: باي
محمد: باي
دخلت الدرس ولما خلصت وطلعت لقيتو ف وشي كل ماجي افتح الباب يمشي ب العربية: يا محمد بقي
محمد: اركبي يا ايمان يلا
جيت افتح الباب راح طالع خطوه بالعربية: محمد
محمد: يالهوي هو ده اسمي
انا: اومال اسم مين يعني
محمد: ونبي تقولي محمد تاني كده
انا وبحاول مضحكش: خلص بقى
محمد: الله ماتركبي هو انا ماسكك
جيت افتح الباب راح طالع بالعربية خطوة: اوووف مش ركبة انت بارد اصلا
محمد: خلاص اركبي
جيت افتح الباب راح طالع تاني رحت ضحكة: يابني بقى
محمد: اضربي الراجل ده ع قفاه وانا اخليكي تطلعي
انا: ليه
محمد: مش عارف معصبني اوي
انا: هو انت تعرفو اصلا
محمد: لا
حدفتو ب الشنطة وانا بضحك: اومال بتتكلم ليه بطل افتري بقى
محمد: بصي وحيات امك شكلو مستفز اوي
انا: ده اهبل وبيشتم العيال
محمد: كلمك
انا: هو يقدر دانا كنت نزلت عليه ب الكوتش
محمد: جدعة تربيتي
انا: طبعاً يا باشا
محمد: قلب الباشا
انا: متحترم نفسك يا محمد بقى
محمد: اي يابنتي هو انا قلت حاجة
انا: مش هتحن عليا وتسبني اركب بقى رجلي وجعتني من كتر الوقفة
محمد: اركبي
انا: لا ياعم انت هتطلع
محمد: لا والله مش هطلع
فتحت الباب بحزر وركبت
انا: محمد
محمد: اي يابنت قلبي
انا: انا خدت بالي ان عيلتكم كلها بحرف الميم يعني مراد مني مازن محمد معاذ ملك
محمد: هو الشعب ده كده يسيب المهم ويمسك ف التفاهات
انا: هو انا عندك زي باقي الشعب ولا اي
محمد: تؤ تؤ انتي ف حتة تانيه عندي
انا: مش فهمة
محمد: لا مش عايز استعباط
انا بضحك: مش بستعبط
محمد: لا ونبي!
انا: اه ونبي
