رواية حظ عاثر الفصل العاشر ليل ادم
سعيد : انتا رايح فين مش هتدخل معايا
ادهم : طب أكل لقمه طيب وادخل معاك وحد الله وتعالي بس
سعيد : لا تعالى معايا قوله بس اني تبعك وروح اعمل اللي انتا عايزه وبعدين نرجع مع بعض
ادهم : تعالي
الحلاق : دومه عامل اي يا حبيبي
ادهم : الحمد لله تمام انتا عامل يا عادل
عادل : تمام والله اقعد
ادهم : لا بس ده سعيد اخويا شرعي خلي بالك
عادل : عنينا ليك يا عم انتا و اخوك
ادهم : انتا مالك يا عادل فيك حاجه
عادل: ياعم لا تمام والله عيب عليك
ادهم : طب خلي بالك منه دا عريس النهارده
عادل: اوبه ألف مبروك ياعم
سعيد : حبيبي يا اخويا
عادل: دنتا يخصك واحده كاظم الساهر
سعيد : اللي يجي منك حلو
ادهم : لا اهدا انتا بس يا سعيد بالله عليك يا عادل ولا كاظم الساهر بلا كاظم غيظه اظبط للواد الدنيا على الرايق كده وبلاش اللي في عينك يطلع علي دماغه
عادل: ياعم مش شارب حاجه والله بقولك عيب عليك اقعد يا سعيد انتا
ادهم : سعيد اي حاجه أنا جمبك هنا سريع سريع
سعيد : أمان
فعلاً راح ادهم ياكل لقمه في محل جمبه
صاحب المحل : عاش من شافك يا ادهم
ادهم : اعمل اي بس في سحله والله يا حج عبده
عبده : كده تمام ولا تحب اجبلك حاجه تانيه
ادهم : تسلم يا عم عبده
بعد انتهاء ادهم رجع تاني ل محل الحلاق
ادهم : ( أول ما فتح الباب ملقاش سعيد) الواد راح فين يابني انتا لحقت
عادل: راح فين ياعم الواد اهو
ادهم : ينهار أبوك اسود اي اللي عملته في دماغ الواد ده
عادل: خطفته مش كده
سعيد : ( بيضحك جدآ ) أصلي
عادل: انتا شربت الواد اي يخربيتك ده مبيشربش حاجه
سعيد: ( عمال يضحك) ياسطا عايز افوق أنا مش عارف اقوم من على الكرسي
عادل: ياعم تقوم ليه احنا نتعب شويه ونجيب العروسه هنا وتبقا اول قصه حب تنشأ في المحل
ادهم : يابني فوق يخربيتك شعرك وقع كله
عادل: خود صحبك يا ادهم أنا تعبان اوي
ادهم: اخدو فين هو بعد اللي عملته في ده هيقدر يروح عند حد
سعيد: ( مش مبطل ضحك) وديني المستشفى ياسطا وديني
ادهم : وديني وديني اي بس قوم الله يحرقك يا عادل
عادل: وأنا كمان والنبي يا ادهم
أدهم: استنا لما ده يفوق الأول
( حط ادهم دماغ سعيد تحت المياه وسابه شويه وبدأ يعمل نفس الشيء مع عادل لحد ما فاقوا من تاني )
سعيد : اي ده شعري فين الحق يا ادهم
عادل: هحلها والله يا جماعه
ادهم : اي هتزرع شعره من تاني
عادل: اسمع بس روح هاتلي قلمين كحل وسيب سعيد على الكرسي
ادهم : كحل يابني انتا اهبل
عادل: ياعم روح أنا عارف انا بقولك اي
ادهم : ماشي اجيبه منين ده
سعيد: ( بيعيط) اتصرف يا ادهم
ادهم : يخربيتك شكلك بقا وحش اوي
سعيد : يالهوي يا جدعان وربنا ما هسيبك يا حلاق الغبره انتا
في جانب آخر
أم سعيد: العيال أتأخرو اوي
الأم: اه اصل الحلاق ده صاحب ابني ادهم اوي اسم الله عليك يا دمدومتي رافع راسي في كل حاجه
أم سعيد: عبال ما نفرح بي يارب
الأم: يارب يا ايمان
في جانب آخر
ادهم : لو سمحت كنت عايز قلمين كحل
البنت اللي بتبيع : خود اللي يعجبك
ادهم : لا استني بس أصل أنا مش فاهم فيهم انتي أديني أتقل حاجه عندك
البنت : طب ممكن تجيب ليها ده نوعه حلو جدا مستورد خلي بالك
ادهم : ياستي مش ل واحده دول ل سعيد صاحبي
البنت : ( بأستغرب) نعم
ادهم: أصل النهارده فرحه
البنت : بعد اذنك يا استاذ اطلع بره أنا مش بحب الأسلوب ده
ادهم : ياستي والله مش بعاكس انتي فاهمه غلط الواد فرحه النهارده و شعره وقع
البنت : يا ساتر
ادهم : اه والله عندك حاجه احسن من الكحل
البنت : شوف أنا رأيي بلاش الكحل علشان لو المطره أشتغلت اليوم هيبوظ معاه
ادهم: اي ده صحيح طب نعمل اي
البنت : اي رايك تاخد ليه باروكه
ادهم : موفق فكره حلوه
البنت : بس في مشكله
ادهم : اي
البنت : اللي عندي حريمي مفيش رجالي
ادهم : مين طيب هنا بيبيع رجالي
البنت: للأسف مفيش
أدهم: طب أستني.
ادهم : ألو
عادل : اي جبته
ادهم : أنا لو اشتريت باروكه شعر بس حريمي هتعرف تتصرف
عادل: اه طبعاً هاتها فكره حلوه
أدهم: فكره حلوه اي بس ما كان ب شعره يا أخي
عادل : خلاص بقا يا ادهم ياله أنجز
ادهم : سلام
في جانب آخر
رحاب : ألو
ادهم : ألو
رحاب : احنا كمان ساعه كده جاين
ادهم : ماشي تمام مستنيكم
رحاب : سلام
ادهم : خود يا عم زفت هتعمل اي بيها
عادل: هتشوف ( وفعلاً لبس سعيد الباروكه وبدأ يقص منها بس برضوه كان باين انها شعر حريمي من نعومته )
ادهم : يابني كفايه عياط وربنا شكلك جاحد كده
سعيد : لالا يا ادهم أنا مكنش ينفع امشي من غير ما اضرب الواد ده
ادهم : ياراجل دنتا بقيت شبه وائل كفوري
سعيد : مين وائل كفوري ده
ادهم: بتاع الجبنه اللي فاتح عندنا في أول الشارع
سعيد: هو مسيحي
ادهم : تعرف تسكت
أول ما وصل ادهم وسعيد
أم سعيد: كل ده يا ولاد
الأم: الله اي ده ياواد يا سعيد
سعيد : اي في اي
الأم: في اي هو انتا عملت في شعرك اي
ادهم : معملش بس ياما
الأم: لا وربنا عمل قرب كده يا سعيد
سعيد : لا
الأم: هقرب أنا اوعا كده يا واد ( بمجرد ما شافت شعر سعيد ضحكه ضحكه عاليه جدا)
أم سعيد: في اي يا فاتن
الأم: ابنك عامل باروكه عايز يبقا چيمس بوند النهارده الله يسهلك ياعم سعيد
أم سعيد: باروكه اقلع ياض بلا قرف دنتا شعرك جميل و بيهدل
الأم: اي ده صحيح اوعا كده ( وشدت الباروكه من على رأس سعيد رميتها من الشباك)
أم سعيد: ( رقعت بالصوت ) دماغك فين ياواد
الأم: ينهر اسود اي ده يا ادهم انتو عملتوا اي في الواد
ادهم: شديتي الباروكه ليه ياما
سعيد: أنا هلغي الفرح مش هحضر كده أنا ( وبدأ يعيط)
الأم: استنا بس يا سعيد والله محلوله
ادهم : هتعملي اي
الأم: أحنا نصبغ شعره كله أسود والفاضي مش هيبان من الصبغه
ادهم : تفتكري
الأم: اه طبعا بس هات من عند أم أيمن وانتا طالع استشوار بتاعها
ادهم : ماشي ثواني
فعلاً نزل ادهم جاب الحنه وطلع خبط على باب ام ايمن
أم أيمن: ادخل يا ادهم
ادهم : مفيش وقت هاتي الاستشوار
أم أيمن: ايوه ياعم عايز تعمل ثبايكي
أدهم: ثبايكي اي الواد سعيد شعره وقع وبقا عامل ذاي الكلب الأبيض ف اسود عايزين نشوف حل جبنا حنه مع الاستشوار
أم أيمن: يا حبيبي يابني طب ياله هطلع معاك
عم جمال: رايحه فين يا وليه و سيباني في مرضي
ادهم: هو عم جمال لسه بيقاوم
أم أيمن: هو في حيل يقاوم ولا يتنيل سيبك منه ياله نشوف الواد
في جانب آخر
الأم: استنا بس اخوك ادهم يجي وكل حاجه هتكون تمام كفايه عياط بقا عينك هتوجعك يا حمار
ادهم : أنا جيت
أم سعيد: هات الحنه يا ادهم
الأم: اعمليها بقا وهاتي الطبق في ايدي
أم أيمن: خلي بالك الاستشوار ساعات بيطلع هوا سخن مره واحده بس بيكون عالي
ادهم : استني عندي حل
الأم: اي
ادهم : بنج رش علشان نعمل اللي نعمله ويبطل عياط ( وبدأ يرش على وش ودماغ سعيد لحد ما سعيد بدأ ينام منهم أصلا وعلبه البنج خلصت )
الأم: بس كفايه كفايه أفردي كويس يا حبيبه
حبيبه : اهو شغلي الاستشوار بقا
الأم: اهو امسك دماغ اخوك يا أدهم
ادهم : اهو
سعيد : اه سخن اوي ياما
الأم: ياد اسكت خليك راجل في اي
سعيد : لا حاسبي عيني عيني اه
ادهم : ياما خلي بالك رموش الواد ساحت
الأم: رموش اي بس هو كان عنده رموش ولا حواجب حتا بلا وكسه
ادهم: في ريحه شياط والله جامده اوي
الأم: الشغل بيشتغل يابن العبيطه
سعيد: ياجدعان وكتاب الله في نار في وشي أنا حاسس بيها
ادهم: ( ساب رأس سعيد ورفع وشه فوق سنه) يادين النبي ياما
الأم: في اي
حبيبه: حواجبه وقعت يا فاتن يخربيتك
أم سعيد: هو اي اللي بيحصلك يابني ( وبدأت تبكي)
سعيد: لا والله ما هحضر الفرح ( وعمال يبكي )
ادهم : ينهار اسود ياما الواد بقا شبه الطبق الصيني الأبيض
حبيبه: طب نرسم حواجبه بالقلم
أم سعيد: و رموشه
الأم: لا محنا مش هناخد كل حاجه لازم نخسر حاجه برضوه
في جانب آخر
رحاب : اي يا. ادهم احنا وصلنا
ادهم : أنا جاي لحضرتك اهو سلام
الأم: بتكلم مين
ادهم : رحاب وغاده جم
الأم: طب انزل هاتهم لحد ما نرسم حواجب اخوك
سعيد: اخوك اي بقا قولي اختك
ادهم : صحيح ياما نقي كلامك أنا نازل
رحاب : الشارع زحمه اوي ليه كده
غاده: اه هيا الاماكن الشعبية بتكون ونس طول اليوم كده
رحاب: جميله جدا
غاده: دنتي لسه هتشوفي مواهب في الفرح اصبري اصبري
رحاب: ادهم هناك اهو
ادهم : والله الدنيا نورت ( وفتح باب العربية) اي ده
رحاب: اي
ادهم: هو فين باقي الفستان
رحاب: ( بتضحك) لا هو فستان السهره كده بيكون فوق الركبه
ادهم : وريني كده ركبتك يا استاذه غاده اه هو نفس الفستان
غاده: مالك يابني في اي
ادهم : في اي في مصيبه تعالوا
رحاب : يابني مالك بتجري كده ليه
حماده علبه: أثبت
غاده: مساء الخير
حماده علبه: اي ده ياسطا انتا تعرف أجانب
ادهم: ياض انتا اهبل ما بتقولك مساء الخير
حماده علبه: لا دول أجانب
رحاب: هو في اي نثبت اذاي أننا مش أجانب
ادهم: ريحي بالك احنا هنا اي حد بيلبس فوق الركبه أجانب
حماده علبه: أنا حماده علبه
رحاب: انتا بقا حماده علبه
حماده: بشحمه
ادهم: لالا مش وقته ولا مكانه ياله نطلع البيت الاول اوعا يا حماده نهارك أبيض حل مشكلتك بليل في الفرح ياله امشوا
غاده: انتا ساكن هنا
ادهم : اه أطلعي الدور الثاني
أم أيمن: أهلا وسهلا نورتو الدنيا كلها والله
رحاب: ربنا يخليكي يا طنط
غاده: عامله اي
أم أيمن: الحمد لله أدخلوا واقفين ليه
سعيد : ( لسه بيعيط شوف حل يا ادهم )
رحاب : اي ده في اي
ادهم : بس بس مفيش حاجه
غاده: هو ماله
أدهم: ده العريس
رحاب: يا خبر هو ماله
سعيد: ( لطم على وشه) شوفت قولتلك بلاش
رحاب: اهدا بس كل حاجه ليها حل
سعيد: هو اللي أنا في ده ليه حل
غاده: بتكلمي مين
رحاب : أنا أعرف مصفف شعر هايل أن شاء الله خير
سعيد: بجد
رحاب: اه والله اصبر بس
الأم: أش تعمل المشطا في الوش العكر
فعلاً وصل المصفف ومعاه كل حاجه
رحاب: كريم حل الموقف بأي شكل
كريم : مفيش حاجه عادي معلش يا عريس خير متقلقش
سعيد: خير اي بس أنا وشي بقا شبه ال ولا بلاش
كريم: ياعم كفايه عياط والله هتتحل
ادهم : فاتن تعالي عايزك
الأم: بعد اذنكم
ادهم : غاده و رحاب لو نزلوا الفرح كده هتبقا شغلنه شوفي لكل واحده منهم جلابيه ولا حاجه
فاتن: والنبي اي انتا مجنون خلي حد كده يرفع عينه فيهم وشوف إحنا هنعمل اي
ادهم : ( عينه جت على السرير لقي تلات فساتين على السرير نفس اللون وكل فستان معاه شريطه مكتوب عليها أم العريس ) اي ده
الأم: تحفه مش كده
ادهم : لا بجد اي ده
الأم: مالك يا واد
ادهم : وكتاب الله أنا عارف أن فرحك يا سعيد مصر كلها هتتكلم عنه اي ده يا شويه تحف
سعيد: هو اللي أنا في ده ليه حل
غاده: بتكلمي مين
رحاب : أنا أعرف مصفف شعر هايل أن شاء الله خير
سعيد: بجد
رحاب: اه والله اصبر بس
الأم: أش تعمل المشطا في الوش العكر
فعلاً وصل المصفف ومعاه كل حاجه
رحاب: كريم حل الموقف بأي شكل
كريم : مفيش حاجه عادي معلش يا عريس خير متقلقش
سعيد: خير اي بس أنا وشي بقا شبه ال ولا بلاش
كريم: ياعم كفايه عياط والله هتتحل
ادهم : فاتن تعالي عايزك
الأم: بعد اذنكم
ادهم : غاده و رحاب لو نزلوا الفرح كده هتبقا شغلنه شوفي لكل واحده منهم جلابيه ولا حاجه
فاتن: والنبي اي انتا مجنون خلي حد كده يرفع عينه فيهم وشوف إحنا هنعمل اي
ادهم : ( عينه جت على السرير لقي تلات فساتين على السرير نفس اللون وكل فستان معاه شريطه مكتوب عليها أم العريس ) اي ده
الأم: تحفه مش كده
ادهم : لا بجد اي ده
الأم: مالك يا واد
ادهم : وكتاب الله أنا عارف أن فرحك يا سعيد مصر كلها هتتكلم عنه اي ده يا شويه تحف
