رواية قصاص الفصل العاشر 10 بقلم جمانه السعيدي
لمار....اسبوع كامل واني اخذ علاج ومهدئات وكريمات حتى اخفي الكدمات الي بوجهي
وابد ماطلعت من الشقه
وخالتي ماتقبل اشتغل اي شي
كاعده وكلشي يجيني بدون مااتحرك
الانسانه الي كانت تجي كل يوم تطمن عليه وتسئل
عن حالتي عهود صديقة خالتي معلمه وياا خالتي وصديقات من زمان حتى من اشترن شقق اشترن بنفس العماره
طبعا عهود ارمله وماعدها اطفال عايش وياها ابن اخوها
فارس ولد شاب خريج كلية علوم
من توفا زوج عهود وبقت وحيده اجا عاش وياها من عمر عشر سنوات الحد ماتخرج
شنو يشتغل بعد التخرج فاتح دورات تدريس مرحلة الابتدائيه
بما ان المجمع الي ساكنين بي مابي عوائل هواي الحد الان
تقريبا ١٧ عماره والسكان ١٠٠ عائله فقط
لان بعيد شويه عن الولايه وبعد ما واصله خط سيارات
ما كامل عدد السكان
طبعا اكيد للمستقبل بس يصير علي خط راح يزيد عدد السكان بس المجمع يخبل حدايق ومسطبات استراحه
ملاعب رياضيه ومدارس
كلش حلوووو
المهم عهود عرفت قصتي من خاله سمر وكانت كل يوم تجي تطمن عليه وتجيب وياها فد طبخه
لو بسبوبسه لو دولمه لو حلاوة جزر لو فطائر
هي متعوده ماتطبخ شي اله تتقاسم هي وخالتي ويكعدن يأكلن سوااا جمانه السعيدي
بعد اسبوع نزل زوج خالتي مجاز
من شافني حيل فرح بيه وبقه يسئلني شلونج
وين وصلتي بلدراسه ابوج شلونه
بليل خالتي حجتله كلشي صار وياي
كلش اتعاطف وياي وضاج عليه
بعدين كام يغلط على بابا يكول هو سبب هاي المشكله من الاول
هذا الشخص مبين مو مناسب اللج ليش يقبل بهاي الزواجه ترا الزواج اهم شي بي التوافق الفكري والاجتماعي
وهو لا متوافق وياج فكريا ولا نفس مستواج الاجتماعي
شنو بس يربد يخلص منج
عمي لو ادري جايبج عدنا من زمان
ولله اني اعزج على معزت امج الله يرحمه شكد جانت انسانه محترمه
عمو هذا بيتج واحنا اهلج وشتطلبين وتامرين اني حاضر
لا اضوجين ذوله عائله مامحترمه
ذوله من طينة نهال ونفس أخلاقه
ماشوفين هي تعرفهم وجابتهم يخطبونج
الله نجاج منهم ومن شرهم لا اضوجين كولي الحمد لله والشكر عدت على خير
ولا تخافين حق المضلوم مايضيع وانتي مضلومه ويتيمه
بنفس الوقت هله بيج البيت بيتج
اخذي راحتج
لمار ياربي شنو هاي كمية الحب والحنان والدفو الي بكلامه
ليش ابوي عافني لو بس سامعه منه كلمه حلوه
جان حالتي تحسنت بسرعه بس الله كربم
الله مايكطع عوضني بااهل ابدال اهلي
خالتي وزوجه احن علي من ابوي
الي شمرني وماسئل عني
زوج خالتي انطاني مصرف ١٠٠ الف كال اشتري ملابس جديده
لمار...لا عمو مااريد كافي كلامك الحلو
...ولله ازعل عليج اذا ماتاخذين انتي مثل بناتي
قابل هسه اني شمنطيج اخذي مني
خالتي...اخذي لا تفشلين عمو
اول شي خالتي اخذتني قدمتلي سادس خارجي
بدون ماادري
وكانت هاي احلى مفاجئه صارت اليه
بعدها اخذتني للصالون رتبت شعري لان عماد كطعه تكطع ام الصالون حيل رتبته وسوتلي خصل لون ثلجي مثل الصوره 👇👇👇👇 طلع شعري يخبل
واخذتني للسوك جابتلي ملابس يخبلن طبعا الميه الي انطانياها عمو ماتكفي هي كملت عليه
واشترتلي احذيه ومكياج وعطور وتراكات
خطيه خالتي يمكن كانت ضامه مبلغ للزمن واليوم
طلعت الفلوس واشترتلي
تريد اطلعني من أجواء الحزن
شكد فرحت مو بس بلاشياء الي اشتريته اكثر شي فرحانه لان خالتي جاي تهتم بيه وتحاول تسعدني
ماخلت شي ماجابته اليه
حسيت اكو تغير صار بنفسي وقررت ابدي اقرا من هسه
اريد انجح كافي الوكت الي ضاع مني
طبعا اني فرع ادبي والاشياء الي ادرسه كله درخيه
يعني شكد مااكدر لازم احفظ
طبعا صوت تدريس الاطفال ببت خاله عهود واصل البيتنا
لان شقته بصف شقتنا
وكان مسببلي ازعاج اريد اركز اريد اقرا
كمت اكعد من الصبح جمانه السعيدي اول شي اسبح حتى اصحصح
والبس تراك ارتب شعري واخلي معطر
واكعد اقرا خالتي رتبتلي غرفه خاصه بيه جابتلي سرير
وكنتور كلش حلو من الباله لونه سمائي وبي فله مرسومه على طول الكنتور
وخلتلي برده سمائي تول
الأجواء حلوه مال قرايه
كلما اطلع تكول ارجعي اقري واني اجيبلج اي شي تردي
طول هاي الفتره بابا مارفع التليفون وحاول يطمن عليه
وكانما ماصدك يخلص مني
المهم اني لازم انجح واصير انسانه ثانيه
رغم الظروف الصعبة الي مربت ببه بس سعبده
احس وضعي حيل اتحسن
انتقلت المرحله جديده
بيوم كعدت من الصبح حتى اقرا سبحت ولبست تراك
وردي ورفعت شعري وخليت معطر
وبديت اقرا من تكعد خاله الساعه عشره اتريك وياها
مااعرف اكل وحدي
الساعه عشره وربع كعدت خاله وبدت تحضر بلريوك
اندكت الباب بنات خالتي نايمات
رحت للباب افتحه واني جاي اقرا
فتحت الباب واني مدنكه على الكتاب واردد
من أبرز القاده في تاريخ العرب في هذه الحقبه
انتبهت اني فتحت الباب
وماشفت منو
رفعت راسي لكيت واحد واكف يباوع عليه وساكت
ولد شاب رشيق طويل شكله حلو مرتب
عندا لحيه وشوارب كان لابس تراك رصاصي واسود
وشعره مبلل يمكن قبل شويه طالع من الحمام
بقه واكف ويباوع عليه
رجعت كتله نعم تفضل
بقه صافن عليه وساكت كمت افر بعيوني فوك وجوه
عوجت حلكي
رجعت كتله تفضل اكيد تعرف تحجي ممكن اعرف شتريد
فارس....هااا دقيقه انتي منو
لمار...اني منو ترا انت الي دكيت علينا الباب انت منو وشرايد
فارس... هااا نسيت
لمار...نعم نسيت شنو
فارس ...دقيقه لا اطبكين الباب خل اسئل عمتي وارجع
لا اطبكين الباب ابقي واكفه
لمار..انت شبيك مخبل
يمشي بسرعه ويتلفت عليه دك باب الشقه الي بصفنا
هاي شقة خاله عهود
هاا افتهمت هذا ابن اخوها الي ساكن وياها يمكن
واكف باب الشقه ويصيح عمه عمه ويرجع يلتفت علبه
وياشرلي بايده اوكفي لا ادخلين
خالتي صاحت هاا لمار منو بلباب
لمار...واحد
خالتي.... واحد منو
لمار دخلت اريد احجي وياا خالتي وهو صاح من بابهم لا اوكفي لا ادخلين
عمه عمه وين صرتي انتي شردتي اني نسيت شردتي من بيت خاله سمر
لمار...دخلت وعفت الباب مفتوح
راسا رجع دك الباب مره ثانيه الباب مفتوحه
رجعت علي كتله نعم
فارس ...نعمله عليج اريد خمره
لمار...نعم نزلت حواجبي
فارس...لا مو اني اقصد عمتي عهود تريد خمره
لمار...دقيقه
فارس...اعذريني شفتج وتفاجئت ونسيت اني شنو اريد
لمار..دقيقه
دخلت والباب بقت مفتوحه
لمار...خاله هذا واحد يكول عمتي عهود تريد خمره
خالتي...اي افتحي هاي الخانه
لمار فتحته هاي العلبه كبالج لونه ابيض
لمار......هاي
خالتي...اي
لمار اخذته ونطيته اله
فارس شكرا مو عمتي تربد تسوي فطائر ولكت الخمره مخلصه
لمار..العفو دخلت وطبكت الباب
فارس...عمه اخذي منه خل ارجعه خاله سمر تريده
عهود..استغربت هاي مو اطباع سمر
اخذت من الخمره ونطيته اله رجعه
لمار.....شويه بعدني ما داخله للمطبخ اندكت الباب
لمار...شنو قصة الباب اليوم يوميه مانسمع الباب يندك
فتحته شفته واكف كدامي
لمار..نعم
فارس...شكرا هاي الخمره
لمار..ليش رجعته مابقبته عدكم
فارس...لا خاف تحتاجونه
لمار..تمام ردت أسد الباب كال
فارس.... شكرا لمار اسمج حلوو
لمار...نعم راسا سديت الباب بوجهه
هذا شبي
رجعت على خالتي للمطبخ
خالتي منو
لمار...فارس رجع الخمره
خالتي...ياا ليش
لمار...اخذو منه ورجعه
خالتي ...يله اتريكي ورجعي الغرفتح حتى تقرين
كملنا ريوك ورجعت الغرفتي
فارس...ولج عمه الحكي عليه ولج مااعرف شبيه
عهود...ياستار شكووو
فارس...عمه شفته وتخربطت احوالي
عهود...منو
فارس...هاي الحلوه نمار مدري لمار
عهود...ههههه هاي شبيك
فارس...عمه هاي شنو لعابه تخبل مااصدك هاي مطلكه
شكد غبي هذا الي طلكه
غير اكابله واكعد صدكي بس شفته نسيت انتي على شنو دزيتيني تخربطت احوالي
عهود...يمه يمه منك جمانه السعيدي عوف البنيه بحاله ترا هاي شبعانه ضيم خليه تدرس وتشوف مستقبله
فارس...الله عليج بعد ماتردين شي خل ارجع اشوف هلوجه الحلو
عهود...صار شهر كاعده بيت خالته ابد ماشفته طلعت
لو صادقت احد شكد.ثكيله ومودبه
اني كلش حبيته تدخل للكلب بسرعه
فارس....واني هم حبيته ودخلت كلبي بسرعه
عهود....اسكت وعوف البنيه بحاله
اليوم ماعندك طلاب ادرسهم
فارس ...لا اليوم اجازه
لمار......سمعت الباب اندكت
خالتي طلعت ورجعت بيدها ماعون فطائر
جابته الغرفتي
خالتي.... هاي الفطائر من عهود جابهن فارس
لمار...مااشتهي توني تريكت
خالتي ...عوفيهن يمج خاف اجوعين
لمار...خاله راح اصير دبه مو هيج كل النهار اكل
خالتي...شوفي خدودج شلون صارن حمر ورجع الدم بوجهج
لمار...بفضل رب العالمين وفضلج خالتي لو ما انتي
جان هسه نهال شامرتني بلشارع
خالتي...تخسى نهال وعشيرته انت مكانج بلقصور
مكانج بين الملوك مو بلشارع
الشارع النهال وامثاله
اني مو اخليج بيتي اخليج بكلبي اخليج بعيوني
انتي العزيزه بت العزيزه
لمار...فدوه الكلبج الحنيين خالتي الحلوه اموت عليج
حبيبتي
خالتي...يله نرجع نقرا لازم تنجحين وتصيرين شي مهم
وتنسين الماضي كله
باعي بلمرايه
لمار...ليش
خالتي باعي بلمرايه وكولي اني بت أليوم
اني نولدت اليوم اني قويه محد يكدر عليه
لمار...وين جنتي من زمان لو عايشه بيتج من ماتت امي جان صرت قويه فعلا ومحد كدر عليه
للحكايه بقيه هذا بارت الصبح لان صرت حوله من الكتابه
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
