رواية وفي ليلة دخلتي الفصل الحادي عشر 11 بقلم Dr tuqa
1 كعدت وراها ب 11 احس راسي يريد ينفجر من النوم وعيوني مورمات مامتعودة تنام هلكد كل مرة عجوز البين تكعدني ماتخليني هلكد نايمةة ...
كعدت مااشتهي ريوك جسمي يموتني من الالم اي مكان المسه اصرخ عبارة عن جروح وكدمات واثار صاير جسمي خريطةة ..
كمت دخلت الحمام وغسلت باوعت لوجهي عبالك عجوز عمرها 70سنه مومال وحده طفلةة توها مراهقه خرب بحضي الاعوج الشمرني هيج شمرةة ...
ضليت كاعده وصافنه ع وجهي بالمرايا اتلمس بالهالات وبشفايفي الزرك وببوجهي الشاحب الاصفر مابيه كل حياة ...
جسمي ضعفان اكثر وعبارة عن اثار والوان وكدمات وجروح ...
كأنوا وحده جانت دتقاتل موو وحده متزوجه وعشتوا هذا شهر عسلها عود ...
بااثناء صفنتي فززتني دكت الباب ...
خير منو يجيني وشعجب ...
رحت فتحت الباب لكيتها مريومةة ...
فرحتت حيللل طرت لان طاكةة روحي كلش اريد اي شي يذكرني بحياتي قبل اريد واحد افضفضله يعرفني بطريقي لان احس روحي تايهةة كلشش ...
هي هم كلشش فرحت من شافتني واني شابكتها اجتني حسرة لاتلقائيه اتحسرت مثل الطفل الي يتيم الام ويشوف كدامةة صديقه يحضن امه وتبوس بيه ...
هي بهالاثناء مباشرةة فتحت عيونها وصاحتت خيرججج ورده بيج شي مو طبيعي ...
احجيلي فدوة لاتخليني قلقه ...
كتلها السوالف هواي والوقت هم هواي ...
اول شي كليلي ليش اجيتي شعجب اتذكرتيني ...
_ولجج شهالحجي شنو شعجب اتذكرتييني ليش اني اصلا ايمتا نسيتج حته اتذكرج ...
ياغبيه بس ماكدر اجي اكول عيب عرسان شيكول عليه الرجال اتوازت بهالايام تجي ...
_عشتوووا شلون ايام هيه سودةة مصخمه همداني وامده حظي وردة تفرحح وينها وين الفرح وردةة بصوب والفرح بصوب ثاني
_عزااا بعينج وردةة شكوو احجيلي ولج خرعتيني وكلبي راح يوكف فضيني
_لجج هسا دصبري كتلج افهمج كل شي بس جاوبيني انتي شمدريج انمار ما موجود ...
_ايييي لج دادةة نسيتيني غير البارحةة نص الليل ب 1 ونص تقريبا يندك الباب عاد اني ورجلي اخترعنا شكوو كلبي صار ببطني ...
كام مالحك حته يلبس دشداشته من الخرعةة فتح الباب. ولكاه انمار ...
كاله خيرك انمار عبالنا متعاركين لو شو شكو اني اخترعت بالزايد كلبي وكفف ...
كالةة لا ماكو شي لتخاف واسف ع الوقت المتأخر بس جنت مشغول ترا باجر اطلع اني الدوام ووردة تضل وحدها بالبيت خطيه كلش ضايجه ...
ختروحلها مريومة شكد متكدر تضل يمها هي كلش تحبها وترتاحلها اذا متصير زحمة عليكم ...
كاله رجلي اتدلل صدك جذب هي مريومه تكيف بيها والله دوم تلح عليه تجيكم واني اكلها لا عرسان عوفيهم براحتهم ...
كاله مشكور ماتقصر يالله اخذوا راحتكم خوفتكم بهاليل ...
كاله لا عادي فدوة الك ...
_هااا ماكالي البارحه اجاكم المهم زين يسوي والله جان هسا لكيتيني كالعاده متمددة وابجي ...
من الضوجةة والخنكه ...
_اوهوووو وردةةة شبيج ترا جزعتينا ونبي اكتلج هسا شبيج النسوان 50سنه عمرهن ويتوسلن يعزلن ورجلهن مايعزللهن وانتي بعدج هلكدوتج وعزلج المكرود ومامقدرة نعمتج ...
سويتيها سقمه مو نعمه شبيج بعدج عروسةة اهتمي بنفسج بجسمج جايبلج اشياء خلي عطور اعتني بشعرج بوجهج زيوت اعشاب كلشي عندج...
جربي مكياج ملابس نضفي بيتج رتبيه غيري ديكورج امسحي كنسي اتعلمي اطبخي اكثر اشياء جديده حلويات ...
سوي اجواء رومانسيه ...
_المن اجواء رومانسيه الي اني وحضي لو اني والجني غير المصخم بالدوام ...
_امداج ومده وجهج يابومةة والله مامصخم غيرج مدري شلون متحملج ادورلةة مرة المكرود احسنلنه ...
الاجواء الرومانسية هسا تسويهن كتدريب حته تشوفين الجو شينقصه شكد يرادلة وقت الترتيبات بحيث من يجي انتي ضابطتها مو توج تتعلمين ويضحك عليج ...
_انجبيي لج شنو يتزوج عليه حاصلة مثلي حته تدوريله مرةة ...
وبعدين ليش مو هو يسوي الاجواء الرومانسية ليش اني فوك مامطيح حضي برومانسيته اكعد اني اعزمه واسويلة اجواء خاف هو عايزه اجواء ...
حته يطيح حضي بالزايد ....
_شبيها الرومانسية يزمالةة والله انتي ماال واحد يكومج بكتله يكعدج بكتله حته ترتاحين مو مال واحد مدللج شبيج سولفيلي ...
_قبل لااسولفلج جوعانه نكوم نتريك سوة ونسولف كلشي. ..
_اي اني متريكه كاعده من 5 بس هسا هم جعت ع واهسج نتريك سويلنا بيض وحليب وسولفيلي طكت مرارتي من وراج ...
_ههههههههههه خرب يومج هسا افهمج اصبري لتصيرين فضوليةة هو وصلني كلشي مااحجي لأي شخص كان مهما صار بس اني سوري مااكدر اضم اكثر من هيج....
رحت دااسوي بالبيض واسولفلها ...
لج خيةة من ايام الخطوبة لمن يبوسني بوستةة عنيفه كلشش ...
احسه يطلع روحي مو جاي يبوس بحيث اول مرا ع الشط شفتي طكت دم ..
_اييي عادي ولد معوز حنان صارلة هواي مابايس وهو كبير ميخالف عادي بعد شصار؟
_اصبري اذا حجيتي حرف اسحلج سحل خلي اكمل حجي وشغلي المحلل النفسي الي بداخلج ...
_هههههه اوكك كملي كملي اسمعج ...
_بليله الدخله تعرفين البدايات وكذا التمهيدات اشو هذا راح طلعلي غراض مشتريهم ماعرف شنو ربطني وشد حلكي وبدأ يهجم عليه ويضربني ويقسي عليه بشكل مو طبيعي 🔞🔞
بحيث جسمي بعد ميطيقق صار عندي نزيفف وهو مااتوقفف مستمر وكل مااصيح واتألم يزيد هذا شبيه !!!
مااحس الا فقدت الوعي وبعدها صحيت بالمستشفى وتعرفين الباقي انتي ...
_لطمت ع وجهه وكالت عزا بعيني سادييييي صخام بوجهج يوردةة ليش ماكلتيلي من اول يوم يامطيةة واني اكول شبيها البنيه ذبلانه وماتتحمل ...
_اني احس ضربات كلبي تقرة الفف كتلها شنو يعني سادي فهميني شبيج؟...
يعني شبيه انمار بيه جني ؟....
_لا يمعزايةة هذا مرض السادية يعني الشخص مايرتاح الا لمن يأذي الشخص الي مقابيلةة زوجته يعني او عشيقته وكل ما الشخص يصرخ اكثر هو يستلذ اكثر ...
_عزا اي والله صح من اصرخ يكوم يضحك هو اي ونبي صح كله كلامج يعني هسا انمار مريض ؟زين شنو علاجةة ... احجي واني داارجف صرت جني سعفه مدااسيطر ع نفسي ...
واني اكول ليش ميقبل احجي الكم خاف تكلولي انو هو مريض زين هسا شلون شنو علاجة واكولة لولا؟؟
_اسمعيني يمصخمةة ...
هذا المرض بيه مستويات اقلهن الواحد يستلذ بقهر وبجي الي كدامه ...
ويوصل بيه ان مايرتاح الا يشوف الدمايةة تتطاير منج بأي طريقة كانت وماايتدخل بأي مشاعر او احاسيس كأنوا كدامه صخر ...
والشخص كل مااشاف الي مقابيله ساكتله يتمادى اكثر وتتطور الساديةة عنده ...
يعني انتي بسكوتج هذا دتتمرضينه بالزايد والساديةة دتتطور عنده ...
اما علاجة فلازم تقنعيه يروح لطبيب نفسي ويفتهم منه الاسباب والعلاج ولازم ماتماشيه نهائيا لان انتي داتضرين نفسج وانمار وياج ...
_عزا بعيني شلون اقنعه اكيد راح يضربني اذا حاجيته لان وصاني مااحجي لأي واحد اي شي ...
_لججج لاااا ديربالج حته لو ماموصيج شي اكيد بس يعرف انو اني عرفت بحالته راح يتخبل يكول كلها عرفت سالفتي شلون بيه ...
انتي لاتكليله عرفت وروح الدكتور وهاي سوالف ...
بس انتي حاربيه لتخليه يقتربلج ابدا ودائما اشتكي من الالم وفهميه مداتستمعتين بالعلاقة الجنسيه نهائيا بلكت هو يحس ويروح الدكتور يتعالج ...
_اممم زين مريومةة كل الرجال سادية لوونصهم لو وراثه لو شنو اسبابها ...
_لج خيةة هاي مرض الا اسباب كومةة مختلفه منهن انو الشخص متعرض لعنف اسري اوو..... اسبابة لاتعد ولاتحصى مختلفه ...
4
بعد بقت يمج تحاولين تتعرفين ع اسبابة الي عندةة وتفهميني واني بعد ما انقطع عنك ونكعد نتعلم اني وياج شنسوي ...
_اوكك باعي هسا اني لمن يجي ح اضل مبهذلةة ومااسبح ومااعتني بروحي ولاعطر ولامكياج. حته من يجيني ميشتهي يتقربلي لان مااكدر امنعه او احاربة اذا اشتهاني ...
تعرفين جسمه قوي وماكدرلةة ...
_لا لا لا ديربالججج اكبر غلط تسويه اذا شافج مبهذلة وممعتنيه بنفسج يستحقرج ويغتصبج وغصبا ماعليج واصلا ماايفكر بيج اذا هسا جاي يسأل عنج ويحاول وياج اذا صرتي مبهذلة يكرهج وانتي من تشوفين نفسج هيج تكرهين روحك بزايد ...
كلشي سوي بحياتج الا انج ماتعتنين بنفسج طلعيها من راسج ...
الناس كلها تستحقرج ومحد يقدرج وكلها تحجي عليه ومايحترموج ابدا ...
وانتي تكرهين نفسج بالزايد ...
لذلك نهائيا طلعي الفكرة من راسج...
تحاربيه بالعكس تتمكيجين وتكشخين ع اخررر حبة ومن يجي تاكلون سوه وتسولفين وياه وتعلقيه بيج اكثر بحيث كون كلششش يتعلق بيج ويحبج حته من تكليله اني داتأذى يحس وميتقربلج ويعالج نفسه مو بالعكس ...
واتماوعي بالحجي واتدلعي عليه هو اي ...
همه الزلم شيردون وحده حلوة مرتبة معتنيه بنفسها وبيه تحبه وتصونه تسويلة اكل تنضف البيت وترتبة وتسولف وياه وتكون قريبه منه بالمقابل هو يعيشها ملكه ...
_اي والله كلامج صح بستها وين احصل منج 😍😍😍
هسا شسوي تعاي علميني تدرين بيه مطفيه كل شي ماعرف ...
_كالتلي تعاي اول شي نرتب ملابسج ونشوف خلال الاسبوع الي راح يجي بيه شتلبسين انتي تحضر ملابس وتنسيقات واعلمج مكياج انوب نعتني باانفسنا ...
_كتلها اوكك ورحنا للغرفه اول مادخلنا كالتلي لاتكليلي هيج كانت غرفتج من قبل لاتنامون ...
كتلها اييي مالي خلك ارتبها والله ...
_امدااااججج شلون الولد ميصير سادي وهو كاعد بسجن مو غرفه ...
عبالك نايم وي رجال موو بنيةة مرتبة نازكه تسوي اجواء ...
_ليش يعني الغرفه والجو الهم علاقه بالساديةة ...
_حبيبتي خلي ابالج هي انواع مختلفه وحالات مختلفه ومستويات مختلفه واسباب مختلفه وعلاجات مختلفه يعني هي موحاله وحده لذلك خلي ابالج كلشي تسوين ممكن يكون اله علاقه بالسادية او لا ...
كتلها اوكك فهمت بعد مااعيدها ...
_اجت طلعت ملابسي من الكنتور حضرتلي سبع سيتات نوم باالوان مختلفه وفضايحح والتصميمم مالتهن كلش حلو ...
_كتلها لالا استحي البسهن والله ...
_كالتلي يغبيه لازم هاي جزء من العلاج مو مو طبيعي وع كيفج تاخذين راحتج سنه وتتعودين تلبسين مشلح ...
بعدين هو رجلج لو صاحبج عليمن مستحيةة ...
_كتلها اوككك🙄🙄...
_حضرت الملابس ع جهه عزلتهم حته اعرفهن ورتبتلي كل واحد يا يوم ...
وراها كالت تعالي دنرتب الغرفةة ...
كتلها يا لعد من هسا نرتبها تتخربط منا لأسبوعين ...
_ضربت ع وجهه كالت راح تجلطيني ونبي لجج خيةة الترتيب مو بس اله الججج انتي نفسيتج ترتاح من كاعده بمكان مرتب ونازك ونضيف وبارد ...
يالله بسرعه ما اسمع ولاحرف انتي كنسي واني اعزل ميزج ...
رحت كنست ومسحت بمنظف جايبه الي بيه عطر يموووت ...
وراها رتبناها طلعت تجننن مال مسلسلات مو غرفتي بعد الترتيب. ..
فعلا نفسيتي اتعدلت وكلشش ارتاحيتتت ...
وراها رحنه سوينا اكل للغده لان صارت ب 3 الظهر ...
طبخنا واكلنا ونسولفف صدك اتونست كلشش عبالك مسافرة للخارج مو مريم كاعده يمي ...
وبعدها كعدنا نسوي لوجهنا تقشير وخبطات واعشاب وكلساع تكلي شربي ماااي لاتنسيه ...
خلي يمج الماااي حته لاتنسيه ...
الا ان صار العصر كالت يالله خية لايطلكني رجلي من وراكم مدري يلكاله مرة خلي ارجعله.
_هههههه شحده وين اكو منج والله لو يفر الدنيا كلها مايلكه مثلجج يروحي ...
_يالله بيباي دادة ومثل ماوصيتج اعتني بنفسج ابدا لاتهمليها اسم الله حته لو ع فراش الموت اهم شي نفسج ثم نفسج ثم نفسج ثم هو ...
15
وهسا ارتاحي شوية نامي اذا تردين وسوي لنفسج شنو مشتهيه من اكل ...
واذا تردين تعالي النه بليل ...
خلي واحد يوصلج خاف ميقبل انمار ...
وبليل سبحي بدلي وخلي مكياج ومشطي لنفسجج حته تعودين روحج ع ترتيب وماتهمليها واني باجر اذا قبل اجيج هم واذا ماقبل رجلي ع غير يوم ...
تمام حبيبيةة
_تمام يعمري الله يفرح كلبج ويريحج ويجازيج مثل ماريحتي كلبي وفرحتيني يا بعد عمري ...
وين احصل مثلك والله حته اختي ماتوكفلي وكفاتج ...
كالتلي شالقصةة شمسوية هي كم حجاية والله كلش اتونست وياج اني ...
راحت لبيتهم ضليت وحدي ...
كعدت اعتني بنفسي واخلي مكياج كله خربته ابد ما عرفت اخلي عدل الا ان نعست ونمت بلا عشةة مااشتهيت ...
ثاني يوم انتظرتها واتمنيتها تجي بس مااجت هم حقها عيال ورجل ومسؤليةة هم متلحك خو ما بس اني عدها ...
اتريكت ع كيفي البيت مرتب رتبته اكثر وغيرت كم ديكور ...
بالبيت بعدها سبحت وبدلت واتمددت ...
للعصر اندك الباب كيفت رحت فتحته طلعت مسرة اويلي ماصدكت طرت من الفرحةة ...
وهي هم طارت من الفرحةة ...
شافتني سابحه ومبدلة ومرتبه كلش وشوية مكياج كالت شنو انمار هنايةة؟؟
كتله لا حبي راح الدوام ...
كالت اي مواكول كالولي مو هنا بالدوام بس من شفتج سابحه ومبدله استغربت ...
كتلها هههههه ليش متعلمه عليه وصخه الا هو يالله اسبح ...
كامت تضحك كالت علي وصلاني الج راد يدخل يسلم عليج وكتله ميصير هي وحدها واذا شافها اي واحد من القريةة تطلع عليها حجاية واحتمال هي متستقبلك اصلا ...
_لا بالعكس عادي البس عبايتي واسلم عليه عادي مثل اخوي علي ...
_الله عليج وردة بعدج تحبينه علي ؟؟
_لا والله ولاذرة محبه بكلبي اصلا استغرب ع روحي ليش جنت احبه وع شنو الضاهر جنت عميه ...
_هههههه اي والله اني هم مستغربة ع شنو جنتي تحبيه ...
اييي عوفينا تعاي سولفيلي ع زواج شلونه حلو لو لا ...
.شصار بااول ليلةةة ...
عزا مااصدك اتزوجتي قبل فترة نلعب سوا هسا انتي اتزوجتي ومرة شكبرج يبوو والله وكت
_هههههه اي والله حته اني مااصدك اني اتزوجت ...
اول ليله تكتل من الالم لا تزوجين اشرفلج والله كلشش اتوجعت ...
_عزا بعينج وكفتي كلبي شلون يعني وشكد ضليتوا ...
كعدت اسولفلها بعيدا عن اي تفصيل يدل انو هو سادي ...
وضلت تسأل وتسأل ...
كمنا سوينا اكل وسوينا كيك عدنا مكوناتها. ..
ومامصدكين دنسوي كيك ببيت وحدنا ...
قبل فترة زعاطيط غرفه وحدنا ماعدنا ...
اليوم اني وياها ابيتي وحدنا كلساع نتذكر شغله وخربنا من الضحك ...
محسينا بالوقت اندك الباب الساعه ب 11بليل ...
عزااا ولاحسينا بالوقت ...
لبست عبايتي وطلعت وراهم ...
سلمت عليه وهو يسلم عليه وبعيونه لمعه الحب مبينه بعدها ...
اتجاهلته نهائيا واتعمدت اكله شلونه خوية علاوي ...
هو جدا اتغيرت ملامح وجهه ضاج كلش ويحاول يغير بالموضوع ...
كال بعدج تتذكريني لو لا ...
كتله لا والله صراحة حته مسرة ناسيتها ملتهيه برجلي ونبي ...
وضليت اشاقةة وي مسرةة ...
وراها هو كالي وردة وعيونه لمعت وحجاها بهدوء عرفت وراها سالفه ..
كتله ها خويةة ...
كال اني لسا احبج واعشقج واهواج وانتي؟...
كتله الله شاهد ماكو بكلبي غير رجلي والموضوع ماينفتح بعد نهائيا مفهوم ؟...
كال حاضر اتدللي يالله مسرة اتأخرنا اخذها وراحوا ...
كتلها لاتكطعين تعاليلي مرة لخ واتوادعنا وراحت ...
دخلت محسيت بروحي كبل شمرت نفسي ونمت ...
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
