رواية مشاعر مبعثره الفصل الحادي عشر 11 بقلم دودي

رواية مشاعر مبعثره الفصل الحادي عشر 11 بقلم دودي 

يوم جديد.. قاديت راسي.. ونزلت للبازار..كنت باغا ندي معايا ولدي.. ولكن حماتي رغباتني انه يبقى معاها.. خليتو ونزلت.. بقيت كنخدم وكنبيع .. ولاحظت واحد الشخص ضمن هادوك اللي كيهزو السلعة.. وبديت كنحاول نعرف شكون هاداك.. فايتلي شفتو.. فجأة هزوني هوايشي.. معرفتش شنو وقعلي.. مشيت عندو وكنشنق عليه وكنسبو.. هو حاول يدافع على راسو ويدفعني.. حتى لقا رضوان قدامو.. شدني رضوان وبدا يحاول يعرف مالي.. على بالو تحرش بيا هاداك ولا شي حاجة.. 

رضوان: تهدني .. شنو دارليك..

الرجل: والله مكنعرفها اسي رضوان.. 

اسماء: الحمار انا غانقتلك.. 

رضوان: ( اشار للخداما الاخرين) خليوه معاكم انا غنرجع دابا.. 

جرني وهو شادلي يديا بجوج بيد وحدة.. وداني لواحد البيت عندو تما.. كان بيت فيه ناموسية وبعض الحوايج.. 

اسماء: اش هاد البيت... اش كديرو فهاد البيت.. 

رضوان: واش تسطيتي؟؟؟ مالك مع السيد. شنو دارليك.. 

اسماء: جاوبني الاول.. 

رضوان: يا ربي صبرني.. هاد البيت كنرتاح فيه مللي كتكون الخدمة بزاف.. ومللي مكنطلعش للدار .. كنعس ساعة ولا نص ساعة هنا.. تهنيتي دابا؟؟ 

اسماء: كلشي كيدخليه ولا غير نتا.. جاوبني.. 

رضوان:تسطيتي بالبيان.. لا.. تا واحد مكيدخليه من غيري.. سوارتو غا عندي.. 

اسماء: حتى انس الله يرحمو؟؟ 

رضوان: حتى انس مكانش كيدخل ليه.. دابا غاتقوليلي شنو كاين ولا غادي نتعصب عليك.. 

قربت منو وعينيا كيغرغرو بالدموع.. 

اسماء: عقلتي مللي لقيت انس... 

رضوان: شنو علاقة داك الموضوع..، 

اسماء: هاداك هو اللي كان معاه.. كنت حاسة اني باغا نقتلو.. هو عايش حياتو عادي.. وانس مات.. 

تنهد..و شد يدي..  

رضوان: تهدني.. كنواعدك مغاديش تشوفي وجهو تاني هنا.. 

اسماء: غاتجري عليه؟؟ 

رضوان: باينة.. غير هو.. بلا متنفاعلي من هنا الفوق.. كان ممكن تقوليهالي بهدوء.. مكان لاش نفتحو علينا الفوام دعباد الله.. 

اسماء: واخا.. 

رضوان: تقدري تمشي ترتاحي.. 

اسماء: غانرتاح هنا.. يالله.. 

رضوان: لا حول ولا قوة الا بالله.. 

خرج وخلاني.. وانا تكيت على ديك الناموسية.. وخشيت وجهي فالمخدة كنشم فيها ريحتو.. اش درتي فيا يا هاد الانسان... ورجعت نفكر فأنس... حسيت اني كنخونو حيت. كنفكر فخوه.. ولكن حتى هو خانني.. على الاقل انا مفكرت فحتى واحد فحياتو .. حتى مات.. مقدرتش نجلس.. نضت وخرجت لعندو للبازار.. لقيتو جالس.. ومشيت جلست حداه.. 

رضوان: تهدنتي شوية.. 

اسماء: اه.. سمحلي على داكشي اللي درت قبيلة.. ولكن عدرني.. محسيتش براسي.. 

رضوان: ماعليش.. ماشي غريبة على شي وحدة مسكونة بحالك.. 

اسماء: كيفاش مسكونة اسي رضوان.. 

رضوان: بسم الله الرحمان الرحيم،. اهوما حضرو عليك تاني.. 

شد السوارت وحطهم فيدي.. 

رضوان: التسلييم.. 

لحت عليه السوارت ونضت وانا مفقوصة.. تمشيت وانا نضور لقيتو كيضحك وكيشوف فيا.. الضحكة ديالو كانت بحال شي سهم فقلبي.. سحراتني،. تهدنت بسرعة البرق.. جيت نرجع.. وانا نحبس.. وكملت طريقي... طلعت للبيت ديالي.. تكيت على الناموسية وبقيت كنتقلب بحال ديك الفقمة اللي كتقلب على الرملة.. شوية لقيت هند كتدق عليا.. ودخلات.. وانا نتفكر باللي كنفكر فراجلها.. الصراحة حشمت منها وحشمت من راسي.. اش هاد التبرهيش راني فيه.. حتى فالمراهقة مدرت هادشي.. 

هند: شفتك جيتي بكري.. ياك لاباس.. 

اسماء: لا لا.. غير عييت.. وجيت نرتاح.. 

هند: عاوديلي .. كاين شي معجب ولا لا؟؟ 

اسماء: الصراحة كاين.. ولكن خايفة نكون كنخون انس.. 

هند: اشمن خيانة.. انس مات الله يرحمه.. ونتي صغيرة.. ومن حقك تعيشي شبابك..

اسماء: اه عارفة.. معرفتش والله.. فشكل.. 

هند: سمعي مني.. ديري المبادرة.. عاوديلي عليه.. كيداير.. 

اسماء: طويل وعريض وعندو اللحية...هههه ( مواصفات رضوان) 

هند: الله الله الله شوقتيني نشوفو.. 

اسماء: امااانعرف.. غانوض نمشي نشوف ولدي.. 

خليتها وانا حشمانة منها.. ناري كنتغزل فراجلها.. شحال خايبة انا .. مشيت شفت ولدي .. 

           الفصل الثاني عشر من هنا