رواية خائن لا يعرف الحب الفصل الحادي عشر 11 بقلم أحمد حسن الخفاجي
اعلمج ع سوالفج كتلة اي علمني وبجيت كتلة اريد اهلي اريد امي
رجعني بداعت امك وهو كعد ع الكرسي واني كاعدة ع الارض وبجيت كال احجي بشنو قصرت وياج كتلة واللة ماقصرت بشي والنبي بس مو اني السويت كل هاذ اذا متصدك بية اسال علي وحيدر هو فتح عيونة نصدم كال شنو شنو حيدر شنو علي شنو انتي شدتمسلتيت يمكن الضرب ماثر عليج كتلة لا اني احجي الصدك كتلة واجهنة ال سكتي لا اطلع ضيم اللة بيج عافني وطلع ضليت ادعي بلكي اللة يهدي حيدر ويعترف ورة فترة وحسيت صوت الباب سويت نفسي نايمة اجة جايبلي غطة غطاني وتقربلي كال ادري بيج كاعدة كومي وضربني راشدي خفيف كعدت كال هاملعونة بس حصرتني الضحكة وخفت اضحك كال اليوم انهيج محجيت ورة شوية دك تلفونة وطلع يمكن صار الفجر ورجع اني مانمت افكر باهلي وبعدين مدري شلون غفيت وفزيت ع صوت عاط بية كتلة شكو منو مات كال اهلج واني صدكت كلت هذول كل شي يطلع منهم يحجي ضليت اعيط والطم وابجي ملخت نفسي كتلة العباس يضربك يالحقير وهو ضربني راشدي كال اسكتي ماكو هيج شي اسكتي بس تخبلت دخلو شباب ووياهم حيدر شفت حيدر ركضت علي ابجي واتوسل بي اهلي شبيهم طلعني هو انصدم كال،هاي منو جابها انتي شجابج كتلة همة جابوني نور جابني هو،تخبل علط بيهم طلعو برة كلهم طلعو كتلة فدوة حيدر هذول منو كال لتخافين اني يمج هذول جيش ..... كتلة انعل ابو جان يلطني ع حلكي كال سكتي يذبحوج بجيت كال خل يجي هالنذل كتلة هيج وهيج سوة بية وكتلة اسال حيدر وعلي كال لتخافين اني اعلمة الة اخلي يبوس رجلج كتلة كل شي ماريد رجعوني حيدر خابر ع علي كلة طمن اهلها لكيتها وعلي حجة وياي واني ابجي،وهو يبجي مر تقريبا ساعة ورجعوني لهلي طبعا اني بقيت يومين محجوزة بسبب الطائفية ونور انظم للجيش مجهول وهو وياهم مع الطائفية واحنة خلانة باول القائمة جانو يجيبون
معلومات ع العوائل الساكنين داخل المنطقة منو الشيعة ومنو السنة،ومنطقتنة جانت مختلطة،وحتئ مسيح جانو ويانة عايشين ع حب اللة بس صارت فترة يخطفون ودخلت عصابات يخطفون بنات ويختصبوهن وصارت منطقتنة مو امان اجانة تهديد وطلعنة بليلة سودة طلعنة خارج بغداد سكنة،بخانقين ع حدود ايران قريب ع بيت صديق بابا بقينة يومين عدهم واجرنة بيت تغربنة بقينة 4 سنوات احنة بخانقين كلنا متاثرين بس بالاشهر ال 4 بس بعدين تعودنة حتئ بيت ام علي ويانة تهددو وطلعنة سوة لخانقين اجرنة بيت جبير وكعدنة سوية عائلة وحدة صح خانقين حلوة وجوها يخبل اني اول مادخلت خانقين بابا حجة وياي كال امج لتقهريها لتبجين حاولي تهديهة وتنسيها كتلة ميخالف انقهرت ع اهلي عدنا شهد زوجة علي تحب تضحك وتشاقة ومرت ال 4 سنوات اني دايرة بالي ع اهلي ونسيتهم حزنهم وامي حالتها تحسنت والاوضاع صارت ابغداد حلوة بابا كال كافي خل نرجع لبغداد وفعلا رجعنة وبعنة بيوتنة وشترينة بيوت ب الكرخ الدوريين هناك امان اكثر وناسها طيبة ومرت تقريبا سنة كاملة واحنة ماشفنة شي لا خوف ولا شي رجعت حياتنة طبيعية بس هالمرة بيت ام علي كعدو بالشارع الورانة اني ضجت وهمة هم ضاجو بنين اتزوجت وتطلكت خطية ونقهرنة عليها بس بقيت اني ماتزوجت تقدمولي هواي بس مصارت وامي تنقهر علية كتلها هاذ امر اللة اجة بابا كال حضرو نفسكم اليوم احنة طالعين للخضر فرحت حيل بدلنة،وطلعنة احنة وبيت ام علي هناك وشفت
الفصل الثاني عشر والأخير من هنا
بدل ماتدور وتبحث علي الروايات خليها علي تليفونك وحمل تطبيقنا
