رواية حورية خطفت قلبي الفصل الحادي عشر 11 بقلم هبة نعيم

رواية حورية خطفت قلبي الفصل الحادي عشر 11 بقلم هبة نعيم 

سيف بتنهيدة هاحكي لك وفعلا حكى لها كل حاجة 

ميرا ساكتة 

سيف بص لها ايه ساكتة ليه 

ميرا متفجأة بس ومتأثرة شوية 

سيف ايه رأيك 

ميرا أنا مش عارفة أنا مش هاقدر أقول حاجة دي حياتك ولك حق الاختيار المشكلة الكبيرة هتكون من ناحية ماما وبابا 

سيف عارف بس أنا هحاول معاهم لو رفضوا 

ميرا ربنا معاك يا حبيبي وييسر لك الحال هي حلوة لدرجة أنها خطفت قلبك

سيف حورية تبارك الله حلوة في كل شيءوعندها قبول رهييب تحسي أنها بريئة كده بتدخل القلب كده من أول مرة 

ميرا تبارك الله ربنا يكتبلك الخير يا حبيبي خليتني اتشوق أني أشوفها 

سيف يا رب وأنتي كمان افرح بيكي يا حبيبتي وقريبا هتشوفيها 

ميرا انكسفت باذن الله يا حبيبي طيب اسيبك بقى ترتاح أيوة بقى على الساعة وراحت فتحتها واو 

سيف حلوة 

ميرا دي حلوة كتير وغالية كمان 

سيف عادي بالنسبة لي 

ميرا كتر خيرها يا سيف أنها افتكرتك وجابتها لك 

سيف تشكر يا ستي 

ميرا ربنا يستر أما كلهم يعرفوا اللي أنت ناوي عليه 

سيف يا رب وكلهم لازم يفهموا أن دي حياتي اعيشها بالشكل اللي اللي يسعدني 

ميرا ماشي هاروح أنا بقى 

سيف ماشي يا حبيبتي 

ميرا راحت أوضتها ومسكت اللوحة وبدأت ترسم وسرحت في سيف ودعيتله بالسعادة وراح تفكيرها في أدهم بس قالت ليه بدأت افكر فيه معرفش وركزت في الرسم 

ويعدي اليوم على الكل بحلوه ومره وينتهي اليوم 

ويبدأ يوم جديد

نهلة قامت واتوضت وأدت صلاتها وقرأت وردها والاذكار واتجهت للمطبخ جهزت الحاجات اللي هتعملها وخرجت فضلت تروق شوية في الانتاريه والصالون لحد ما الكل يصحوا 

بعد شوية ميرا صحيت وراحت اتوضت وأدت صلاتها وفتحت الشباك بتاع أوضتها ورتبتها وخرجتياصباح الفل على مماما ست الكل 

نهلة يا صباح الورد يا حبيبتي 

ميرا صاحية من زمان 

نهلة من بعد الفجر على طول 

ميرا ربنا يعطيكي الصحة يا حبيبتي هادخل أجهز الفطار 

نهلة يا رب ماشي 

ميرا دخلت المطبخ يا صلاة العيد كل دي حاجات هنطبخها دا أنا هيطلع عيني النهاردة وبدأت تجهز الفطار 

سيف صحي واتوضى وصلى وخرج من أوضته لقى مامته صباح الخير يا ماما 

نهلة صباح الفل يا حبيبي تعالى أقعد ميرا بتجهز الفطار 

سيف هههه ميرا في المطبخ ربنا يستر 

ميرا من المطبخ سمعاك يا سيف ماشي هتشوف 

سيف هههه دا أنا بشكر فيك يا شيف 

نهلة هههه دا أختك شطورة هي مبتعملش علشان الدراسة بس هي بتعرف تعمل كل حاجة ومتعلمة كل حاجة 

سيف يا ماما أنا عارف بس بحب أرخم عليها

نهلة هههه ربنا ما يحرمكم من بعض يا حبيبي 

سيف ولا منك يا حبيبتي 

عادل خرج من أوضته وكان بيكح صباح الخير 

نهلة سلامتك مالك 

سيف صباح النور ألف سلامة عليك يا بابا 

عادل الله يسلمكم شوية برد كده 

سيف أجيبلك دكتور 

عادل مش مستهلة هاخد علاج من عندي وهابقى تمام 

نهلة ربنا يخفف عنك يا حبيبي 

عادل امين يا رب 

خرجت ميرا سلامتك يا حبيبي 

عادل الله يسلمك يا قلبي 

ميرا حضرت الفطار على السفرة وقعدوا يفطروا

خلصوا فطار ميرا اخدت الأطباق ودخلتها المطبخ وخرجت بابا تحب تشرب ايه 

عادل يانسون 

ميرا تمام ماما هتشربي ايه 

نهلة شاي 

ميرا وأنت يا سيف 

سيف شاي أنا كمان 

ميرا ماشي دخلت المطبخ غسلت الأطباق وعملت اليانسون واعطيته لباباها ورجعت عملت الشاي لها ولهم اخدته وخرجت اتفضلوا وقعدت معاهم

فضلوا يتكلموا ويضحكوا شوية 

سيف بعد اذنكم هادخل الأوضة اراجع شوية حاجات ودخل 

عادل هادخل ارتاح في الأوضة لحد صلاة الجمعة ودخل 

نهلة يالله يا حبيبتي خذي الكوبايات دي واغسليها وهحصلك علشان نبدأ نعمل الأكل الوقت بيعدي بسرعة ويوم الجمعة بيبقى قصير

ميرا حاضر وفعلا ميرا دخلت المطبخ وشوية نهلة حصلتها بعد ما اطمنت على عادل 

وبدأوا يعملوا الأكل 

عند أدهم صحي وكان فرحان جدا جدا فطر وروق الشقة واختار اللبس اللي هيلبسه وفتح التليفزيون وقعد في انتظار صلاة الجمعة رن تليفونه وكانت مامته فتح وقال السلام عليكم 

مامته وعليكم السلام ورحمة الله وبركاته عامل ايه يا حبيبي 

أدهم بخير الحمد لله وأنت يا ماما عاملة ايه 

سحر بخير الحمد لله وحشتني أوي يا أدهم 

أدهم أنتي وحشتيني أكتر يا ماما نفسي أشوفك وترجعي بقى وبابا وحشني أوي 

سحر حبيبي هنرجع قريب جدا وأنا كمان نفسي أشوفك 

أدهم طيب أمتى بس 

سحر بعد أسبوعين نازلين 

أدهم بجد أخيرا يا ماما 

سحر أيوة يا حبيبي وخلاص مافيش سفر تاني باباك هيستقر ويعمل مشروع في مصر 

أدهم دا أحسن خبر سمعته بجد فين بابا 

سحر معاك أهو

أدهم ماشي 

باباه السلام عليكم 

أدهم وعليكم السلام ورحمة الله وبركاته عامل ايه يا بابا 

أحمد بخير الحمد لله وأنت يا أدهم عامل ايه 

أدهم دوما بخير يا بابا أنا بخير الحمد لله كله تمام 

أحمد عامل ايه في شغلك 

أدهم الحمد لله تمام 

أحمد ربنا يوفقك يا ابني 

أدهم يا رب يا بابا هتنزلوا بعد أسبوعين خلاص

أحمد أيوة هكلمك قبلها

أدهم ماشي يا بابا في انتظار مكلمتك 

أحمد تمام خذ مامتك معاك أهي 

سحر أيوة يا حبيبي مش عايز حاجة أجيبها لك وأنا جاية 

أدهم لا يا ماما عايزك أنتي وبابا وبس أنا تعبت من الوحدة

سحر حبيبي تسلم قريبا هنتجمع باذن الله وافرح بك يا أدهم 

أدهم يا رب ادعيلي يا ماما 

سحر ربنا يفرح قلبك يا حبيبي 

أدهم يا رب طنط نهلة وسيف وميرا بيسلموا عليكي 

سحر سلملي عليهم كتير وأنا هاكلم نهلة باذن الله 

أدهم يوصل باذن الله 

سحر خلي بالك على نفسك 

أدهم وأنتي كمان يا حبيبتي 

سحر في أمان الله 

أدهم في رعاية الله وقفلوا 

عند حورية قامت من النوم واتوضت وأدت صلاتها فتحت أوضتها الشبابيك وروقتها خرجت راحت روقت المطبخ والشقة لحد ما شريف صحي 

شريف صباح الهنى على أحلى حورية في الكون 

حورية ردت بابتسامة جميلة راحت باست إيده 

شريف طبطب عليها وباسها من جيبينها شاورت له يقعد وهي هتحضر الفطار 

شريف قعد ومسك المصحف يقرأ فيه كان بيقرأ سورة الكهف 

حورية دخلت أوضة باباها فتحت الشباك والبلكونة وروقتها وبصت لصورة مامتها فضلت شوية تبص لها دمعت بس مسحت دموعها وراحت المطبخ تجهز الفطار

دنيا دخلت عند البنات وفتحت الشباك يالله يا بنات أصحو 

ريم يا ماما لسه بدري 

دنيا بدري ايه دا الساعة 10 بطلي كسل وقومي 

ريم حاضر يا ماما هاقوم 

روان صباح الخير يا ماما 

دنيا صباح النور يا حبيبتي فوقي يالله 

روان تمام يا ماما 

دنيا سابتهم وخرجت برة 

ريم عايزة أنام لسه 

روان قومي يالله علشان شوية وهنمشي 

ريم ماشي 

عند نهلة وميرا واقفين في المطبخ سيف محتاجين مساعدة 

ميرا والله على أساس أنك بتعمل كوبايه شاي لنفسك 

سيف ههههه دا أنا شيف بس مخبي علشان الحسد 

ميرا والله ما تيجي تورينا بقى الإبداعات سيف تدفعي كام 

ميرا ولا قرش طبعا 

سيف بخيلة 

نهلة بقولكم ايه اسكتوا يا هطردكم من المطبخ 

ميرا عاجبك كده روح بقى اعملك حاجة 

سيف ههههه هاروح اجهز علشان الصلاة ومشي وكان بيضحك دخل أوضته قعد سرح في حورية يا ترى عاملة ايه وحشتيني جدا وافتكر أنه كان اخد رقم باباها طيب اتصل واسأل عليها أجرب كده مسك التليفون ورن 

شريف بيفطر هو وحورية التليفون رن ايه مين دا السلام عليكم 

سيف وعليكم السلام ورحمة الله وبركاته ازيك يا عمو شريف 

شريف الحمد لله مين 

سيف معاك سيف 

شريف أيوة أهلا وسهلا يا سيف يا ابني 

حورية أول ما سمعت اسمه قلبها دق أوي 

شريف عامل ايه  

سيف الحمد لله كنت بطمن عليك والأنسة حورية عاملة ايه دلوقتي 

شريف أنا بخير الحمد لله وحورية كمان بخير 

عرفت أنه بيسأل عليها فرحت جدا 

سيف دوما تكونوا بخير

شريف تسلم يا ابني على سؤالك 

سيف العفو يا عمو عايز أي حاجة مني 

شريف لا جزاك الله خيرا 

سيف وجزاك مثله أي حاجة أنا موجود 

شريف ربنا يبارك فيك 

سيف سلام عليكم 

شريف وعليكم السلام ورحمة الله وبركاته وقفلوا 

شريف سيف دا ابن حلال وجدع جدا 

حورية هزت دماغها تأكيدا على كلامه وكملوا أكلهم 

ميرا ماما كده كل حاجة جهزت لسه بس الحاجة اللي في الفرن هعملها بعد الصلاة علشان متبردش

نهلة ماشي يا حبيبتي روحي ارتاحي شوية 

ميرا ماشي وراحت 

دنيا يالله يا بنات خالتكم اتصلت وبتستعجلنا نروح 

ريم خلاص يا ماما جهزنا أهو يالله يا روان انجزي 

روان خلاص أهو بلف الطرحة هو أنتي برضه هتخرجي بشعرك 

ريم أيوة 

روان يا بنتي فكري تلبسي طرحة هتبقى شكلها حلو عليكي صدقيني 

ريم مش في دماغي أنا حابة شكلي كده 

روان بس الحجاب حلو 

دنيا يالله بقى 

ريم مش وقته الكلام دا يالله حصليني وسابتها وخرجت 

روان ربنا يهديكي 

             الفصل الثاني عشر من هنا 

لمتابعة باقي الرواية زوروا قناتنا على التليجرام من هنا