رواية عاد طليقي الفصل الحادي عشر 11 والأخير بقلم جمانه السعيدي
رجعت للبيت واني الدنيا طالعه من عيني منيين الكاها من السيد لو من عادل
احسن شي ابتعد فتره وافكر زين لازم قراري يكون صحيح وصائب حتى ما اتندم علي
دخلت للبيت لكيت ماما وبابا كاعدين
السلام عليكم
عليكم السلام
اريدكم بموضوع مهم
ممكن نسافر الاربيل اسبوعين نغير جو
بابا ليش بنتي صاير شي
نور لابابا ماصاير من زمان ماماخذه اجازه اريد اغير جو
شني اني مو منحقي اخذ اجازه
جمانه السعيدي
...لا اكيد من حقج حبيبتي الي تردي يصير
وفعلا خابرت شركة سياحه وحجزت لكيت حجز ثاني يوم
عادل كلساع يتصل واني ما ارد
بعدين بدت الرسايل ...
....ردي يمعوده وينج
حبيبتي صاير شي
....قلقتيني عليج
نور بشرفج ردي ترا خبلتيني
نور صبري خلص ردي فدوه حبيبتي
لزمت الفون وقفلته وابد مافتحته جهزنا غراضنا واجتنا السياره وطلعنا وصلنا هناك اجرنا شقه وكعدنا
ثاني يوم عادل منتضر بلمحكمه ماكو العصر بلمكتب ماكو سئل الكل محد يعرف نور وين اختفت
اذكر اخر شي نور طلعت ويه السيد وبعد مارجعت
السلام عليكم سيدنا عليكم السلام
اريد اسئلك على نور اليوم ماكو لابلمحكمه ولا بلمكتب اتصل عليها ماترد
جمانه السعيدي
السيد يمكن تجهز نفسها للعرس
عادل اي عرس
السيد عرسها اكيد
عادل شكاعد تكول اي عرس منو خطبها
السيد اني خطبتها ونشاء الله نعزمك على العرس قريبا
عادل انت تحجي صدك لوتشاقه
السيد الله عليك هذا وكت شقا
عصب عادل حيل وطلع راح الحازم
جمانه السعيدي
....اريد عنوان نور بسرعه عندي شغله مهمه
اخذ العنوان وراح كسر الباب محد فتحه سئل الجوارين محد يعرف
دزلها رساله
صحيح الخبر الي سمعته ولله اقتلج انتي ويا اذا صدك ازوجتي
انتي بكيفج تزوجين هذا الشايب انتي الي وبس فهمتي
رجع لليل دز رساله ثانيه
نور الخاطر الله الخاطر الكائنات ردي
ولج كلبي انشلع
وين ترحين لو اخر الدنيا الحكج فهمتي
اليل كله ماكدر ينام معقوله نور تزوج هذا بشرفي موتهم على ايدي
رجع الصبح دز رساله
نور ما اكدر انام خطيتي بركبتج ليش قافله الخره افتحي مو دمرتيني
راح البيتهم بعدا الباب مقفول
اما نور تطلع وتفتر وماكو مكان ماراحو شلالات وخضار لكن الكلب مامرتاح
كلبها يم عادل شنو النهايه ويا اكو تناقض بموضوع حبها تحبه وماتكدر تنسى الي سوا وياها
اتريده يختفي من عالمها لان ماتكدر تقاوم وجوده
خلصن اربع ايام وقررت تفتخ فونها
وتفاجئة بكميت الرسايل والاتصالات الي جايتها من عادل قفلت تليفونها مره ثانيه تريد تفكر بعقل وتحل كل مشاكلها
بقو اسبوعين
كل يومين عادل يجي البيتهم بلكت اجت
وبليوم عشر مسجات او اكثر يدز بدون فايده
خلصن الاسبوعين ولكت الحل نور المشكلتها اولا لازم تترك المكتب وتشتغل وحدها حتى تبعد عن الاثنيين
وعادل اطلعه من حياتها نهائيا
رجعو للبيت فتحت فونها
عدد الرسايل من عادل لايحصى ولايعد
خابرت مجموعة دلالين ادور مكتب وفعلا لكت شي عجبها صحيح غرفه ازغيره بس موقتا الحد ماتلكا مكان اكبر
وبدت اتاثث المكتب وراحت اجيب غراضها من مكتب السيد وصلت ماكو احد بس حازم
....هلو ست نور شلونج
جمانه السعيدي
....هلو شلونك زوجتك شلونها وبنتك
....الحمد لله وين هاي الفتره استاذ عادل كلب الدنيا يدور عليج
.....لاماكو بس استراحه ورجعت راح اخذ غراضي واروح صار عندي مكتب بوحدي ...
....اي بيها الخير تستاهلين
دخلت اجمع اغراضي واذا عادل اجا دخل باوع عليه
بدون سلام وين جنتي
....نعم لاتكون ولي امري واني ما ادري
لا ولي كلبي المصخم الي علقتي بيج ورحتي شكاعد تسوين
.....اجمع غراضي صار عندي مكتب وحدي
شويه وصار شي مامتوقعته ابد ابد
اجا بابا للمكتب وراي
ابو نور السلام عليكم ها بنيتي خلصتي جمعتي غراضج
التفت عادل وشاف ابوي نزل حواجبه
شنو شنو اشر على بابا والتفت عليه ابوج
نور اي ابوي استاذ عادل
عادل اوكفي اشويه خل استوعب يعني انتي نور واشر على صدره بمعني زوجتي
نور اي ليش متفاجى اني نور الحكرتها اني نور الذبيتها ذبت الجلب
اني نور طليقتك استاذ عادل يله بابا امشينا مالنا مكان هنا بعد
جمانه السعيدي
طلعنا وهو بقا واكف مثل الصنم بعد اشويه وينجلط
رحت وديت غراضي ورتبت المكتب ورحنا للبيت
العصر اتصل عليه عادل مارديت
دك مره ثانيه ما رديت
دز مسج نور اني برا اطلعي اذا ما اطلعين اكلب الدنيا
سكتت ما رديت كام يدك هورن
دزيتله اوكي نازله
طلعت لكيته فاتح باب السياره واكف شعرا مخربط وعيونه حمر
نور شتريد جاي وراي كلشي انتهى بيني وبينك
عادل اصعدي نور ما اصعد
عادل بعصبيه اكلج اصعدي احسلج لا ارتكب جريمه افتهمتي
نور ماتخوفني ما اصعد طلع من السياره وسحبني من زندي ودخلني بلسياره وصعد
نور مو عيب هذا التصرف الجوارين اذا شافتنا شتكول
عادل انعل ابو الجوارين اسكتي
سكتت وكام يسوق سريع
نور يمعود راح انموت فدوه على كيفك بس هو ولايسمعني ولايجاوبني بلعكس زاد السرعه ويصيح اسكتي لاتحجين
سكتت هواي مشينا تقريبا ساعه واني ساكته وصلنا بستان كله نخل وكف السياره ونزل اكو نخله واكعه كعد عليها
اني نزلت ورا انت شتريد مني المن جايبني هنا اني بيني وبينك مابقا شي
عادل اكعدي خل احجي وياج
ليش ماكلتيلي انتي نور
.....وليش اكلك بله بصفتك شنو
جمانه السعيدي
.عادل ..تمثلين عليه وتكولين..ما عرفتك وذكرني باسمك انتي اضحكين عليه
....اني مابيني وبينك شي افهم
....راح احجي ولاتقاطعيني وبعدين شتردين اتسوين سوي
اني ماجنت ناوي ازوج بس ملحت ابوي جبرتني وحب ابوي الج والاهلج خلا يختارج بدون ما يسئلني بعدين انتي ليش ضايجه اني وياج جنه مانتوالم
كل واحد من عالم اني خريج واصل وانتي طفله اقصى احلامها تتزوج
اني عدي اهداف انتي مو يم اهدافي ابد بعدين اني طلكتج مو احسن ما تضلين منتضرتني
عدي اهداف انتي مو يم اهدافي ابد بعدين اني طلكتج مو احسن ما تضلين منتضرتني هاي انتي حققتي احلامج وصرتي انسانه قويه بعدين تعاي انتي بمكاني شتسوين
زين انتي بهذا مكانتج وشهادتج تقبلين تتزوجين واحد لاشهاده ولاطموح ولاهدف
نور بس انت جان ممكن ترفض
عادل ما اكدر ابوي جبرني
نور مافكرت هاي الطفله شنو مصيرها طفله ١٥ سنه ومطلقه بمجتمع ما يرحم
جمانه السعيدي
عادل اني فكرت خلاصج هو الحل واني جنت مقرر ما ارجع ابد
لكن الله راد ياخذ حقج مني رجعني وخلاني احبج
واتعلق بيج
صدكي اذا تعوفيني اموت
نور كوم رجعني اني وياك مانرهم سوا لا اني اكدر انسه ولا انت تكدر تعوضني
ورحت صعدت بلسياره وهو بقا كاعد شويه واجاني وابد بعد ماحجينا رجعني للبيت واني بديت اداوم بمكتبي
واعرف الناس على مكاني الجديد
فات اسبوع اني كاعده بلمكتب واجه السيد عل خير المكتب الجديد
نور شكرا سيد الله يحفضك
السيد ليش عفتينا
نور ماكو شي بس الاستقلال حلو
السيد مارجعتي خبر بموضوعنا
نور سيد اني وياك مانتوالم ونصيحه من وحده ازغر منك اهتم بزوجتك واطفالك وعوف موضوع الزواج
السيد ماعجبه كلامي خله وطلع بدون مع السلامه
عادل ماعافني ابد يوميه يجي للمكتب يخلي كرسي ويكعد بدون كلام
اروح للبيت يجي بلسياره وراي يشوفني انزل يله يروح صار على هذا الحال اسبوع فد يوم اجا وكعد بلمكتب يمي وهو ساكت واني انفجرت
نور انت شتريد مني لاحكني اني وياك كلشي انتهى افهم كلشي انتهى
عادل ما اعوفج لحد ما اموت افتهمتي وراح اكون ضلج
منا لمن تقتنعين وترجعيلي
هزيت ايدي وعفته ومشيت
لكن ابد مابطل يلحكني وين ما اروح بدون مايكلمني بس يباوع عليه فات ثمان اشهر وهو ما يئس ابد اجا وراي للمكتب
عادل نور مو كافي انتقامج ما خلص ولله حاولت انساج وابعد ما اكدر كلبي مايطاوعني تردين اعتذرلج كدام الناس كلها تردين ابوس ايدج عاجبج حالي هو هذا عادل الي عرفتي راح اتخبل وخطيتي بركبتج
نور واني شيرجع اعتباري وكرامتي على الشي السويته
عادل اني حاضر بلي تردي
نور اريدك تبتعد عني
عادل هذا طلب مستحيل
ثاني يوم كعدت العصر سبحت واجفف بشعري حركه غريبه بلشارع كراسي على طول الشارع يمكن الف كرسي
نور بابا شنو عرس بشارعنا فصل شو الشارع انترس كراسي ...ولله ما ادري يبويه
شويه اجت زلم شي معكله شي لابسه قوط انترس الشارع اني اباوع من الشباك
جان اسمع واحد يصيح بنصهم وهم كاعدين منا ومنا اني عادل ابن محسن اعتذر كدامكم كلكم من نور على الي سويته بيها واريد اخطبها من ابوها
وذوله زلم شارعنا القديم كلهم جبتهم مشيه النور واذا ماتقبل بيه اكتل نفسي كدامكم كلكم
اني وتفاجئة ضليت صافنه شني هذا مخبل
ابو نور لأ ولله هذا تخبل
جمانه السعيدي
اجت الزلم على ابوي تقنع بي وابوي اجاني بابا مايهمج اذا ماتردي كولي اني ما اغصبج مثل اول مره واذا تردي توكلي على الله ترا ماجاب هاي الزلم كلها اله شاريج
اني انصدمت وفرحت كلش
حبيت الي سوووا
ترا موهين على الرجال يعتذر
خصوصا كدام هاي الزلم كلها
اي بابا موافقه وبنفس اللحضه عقدنا شيخ ومن راحو الزلم اجاني
عادل احبج ومستعد اسوي اكثر على مودج تقبلين احضنج وابوسج ضحكت مخبل
اي اقبل يمه حضني كسر ضلوعي وضل يبوس بيه
ومايقبل يعوفني صمم العرس ورا اسبوعين جهزت نفسي على السريع وزوجنا بلفندق
اول ما دخلنا سجد شكر لله وحضني ويكول ولله مامصدك انتي صرتي اليه
بدلنا نام واخذني على صدرا
احبج واموت عليج هان عليج ثمن اشهر تعذبيني
نور حيل وياك انت عشر سنيين عذبتني
كلما اريد اكوم يسحبني بعدني ماشابع منج
ورا شهرين من عرسنا انعرض بيتنا القديم للبيع واشترينا اني وعادل حتى اهلي يكونون قريبين عليه
هنا انتهت قصتي العبره البنيه الضعيفه محد يحبها
كوني قويه وحبي نفسج
حتى الناس تحبج
تمت
بدل ماتدور وتبحث علي الروايات خليها علي تليفونك وحمل تطبيقنا
