رواية فريسه الفصل الرابع عشر بقلم محمد ايمو
بعد ما فاق اسامه استغرب من افعال رئيس المافيا ... وقالو . كنت سعيد بخدمتك ياعزرائيل ... سكت اسامه وقام وخد تلفونو ولقى رسايل كتير جاتلو ...؟
بص لرئيس المافيا وسئالو عن سالم ... قالو احنا معتنين بيه ماتخافش زى ما طلبت مش هنسمحلو يموت ...؟
دخل عمر وهو متصربع ... ولما شاف اسامه جرى عليه وحضنو ... وبعد كلام مؤثر ... طلب عمر من المافيا يسيبو مع اسامه دقتين على انفراد ... عمر بيسئال اسامه عن وجودو هنا ... لانو كان متفق مع عمر ان عمر هو اللى هيتولى الامور مع المافيا عشان مايعرفوش يوصلولو ...؟
اسامه اتاسف لعمر وقالو ... اعذرنى على تهورى ... كنت ف حاله سيئه جدا امبارح وكنت ف غير واعيي تماما ... بس ماتقلاقش الامور مازالت لسه تحت السيطره ... وهنستمر على الخطه مع بعض التعديلات اللى هبلغك بيها قريب ...؟
عمر قالو : اسامه من فضلك ماتخلينيش اشوفك فى الحاله دى تانى ... انت حاليا مصدر الهام الناس كلها .... لو فقدناك هتختفى معاك كل احلامنا وامالنا ...؟
اسامه بص ل عمر وابتسم وقالو : ماتقلاقش يا عمر ... ومن هنا ورايح هحط احتمالات لتهورى ... عشان معرضش حد ل اذى ...؟
خرج اسامه وكان رئيس المافيا فى انتظارو ... وقف رئيس المافيا وفضل باصص على اسامه وعمال يلف حواليه ويبصلو من فوق وتحت .... واسامه واقف مابيتحركش ... رئيس المافيا سئل اسامه ... عمرى ما كنت اتخيل ان حد ف سنك يكون هو عزرائيل ... قعد يضحك وكان مستقل اوي ب اسمه ... قرب اوى من اسامه وحط راسو قصاد راسو وعنيهم هما الاتنين فيها تحدى ... ورئيس المافيا بيضحك وبيبراء ... وسئل رئيس المافيا اسامه ... اى رائيك تبقى من اتباعى ... وافتكر ان المرادى : اجابتك هتحدد مصيرك ...؟
اسامه فضل ساكت وباصص لرئيس المافيه ... وابتسم ابتسامه خفيفه ... وبعد كده ضحك ضحكه مخيفه اوى وعنيه اتحولت كانو شيطان . ومسك رئيس المافيا من ياقتو بقوه والاتنين وشهم ف وش بعض وبيضحكو ضحكه مخيفه ...؟
واسامه قالو ....؟
هو انت كل ده متعرفش انك انت اللى من اتباعى ......؟
انت مجرد ورقه لعبت بيها ... ووقت مالاقيك مبقاش ليك لازمه هغيرك ... وافتكر انك لو اتعديت حدودك معايا ف الكلام ... مش هستكفى بتدميرك ... فضل رئيس المافيا يضحك بستهزاء من كلام اسامه .... اسامه قرب من ودن رئيس المافيا وهمس ليه ببعض الكلام .... رئيس المافيا وقف ضحك . وبدائت تعبيرات وشو تتغير ... وبراء جامد اوى ... وبان على وشو الغضب ... واسامه مازال بيضحك ومش همو .... رئيس المافيا مسك اسامه من ياقتو وخنقو وفضل فتره ماسكو ... وعمر قلق وكان عايز يتدخل بس لقى اسامه مغيرش تعابير وشو .... ورئيس المافيا مازال ماسكو بغل وكائنو عايز يموتو ... اسامه رفع تلفونو وبيوري رئيس المافيا صوره و عد تنازلى ... راح رئيس المافيا سابو وخرج وهو كلو غل ....؟
الكل كان مندهش ... وكانو مستغربين ... وعندهم فضول يعرفو اى اللى قالو اسامه لرئيسهم عشان يخلى ب الحاله دى ...؟
.
اسامه عارف ان المافيا مابتتهدتش ب افراد عائلاتهم ولا بيتهددو ب الفضائح على اعمالهم الشاذه ... ولا بيخافو من حكومه ... بس عارف ان اكتر حاجه بترعبهم هيا زوال ثروتهم وخسارة عملائهم ...؟
عشان كده وقتها اسامه كان بيقول لرئيس المافيا مافيش داعى يتهور لان اسامه يقدر يتحكم ف كل رصيد وحسابات رئيس المافيا وكل تعاملاتو البنكيه ويقدر يخسرو كل عملائو ويخليهم يفقدو الثقه فيه ... وكل ده فى خلال خمس دقايق فقط ... عشان كده اسامه كان بينصح رئيس المافيا لو اختار انو يكون تابع ل اسامه ممكن يزود رصيدو اللى ف البنك ضعف رصيدو الحالى بتحويل املاك ورصيد والد سالم لحساب رئيس المافيا ولو اختار انو يكون عدو ل اسامه فى خلال خمس دقايق هيخسر كل حاجه وهيعرض رئيس المافيا لمشاكل كتير مع عملائو لان اسامه بيتحكم فى كل حاجه من تلفونو ف اى مكان هو فيه وكان اسامه محضر تطبيق خاص لرئيس المافيا ف حالة لو اتعرض لخطر من قبل رئيس المافيا ...؟
سعتها رئيس المافيا حس نفسو لعبه بيتحكم فيها اسامه اللى كان مستهزاء بيه ... وكائن اسامه رابط طوق حوالين رقبتو مش هيعرف يحلها ... عشان كده كان عاوز يقتل اسامه بكل ما عندو من قوه ... بس مقدرشى عشان عارف انو ب الشكل ده هيضيع كل تعبو واملاكو ... وخرج وهو مقيد ومش حر افعالو ... وهو خارج كان شايف اسامه على شكل شيطان حرفيا ... كان شايفو شخص يقدر يهلك اى خصم يقف قصادو ... شخص عندو القدره انو يدب الخوف ف صدور اعتى الرجال حتى لو كانو اقوى منو جسديا ... عرف ان اسامه مش مجرد شخص يسقط بسهوله ... وان التهور معاه ممكن يقلب حياتو رائسا على عقب .....؟
اسامه وقتها اعطى عمر بعض البيانات وطلب من بعض رجال المافيا يتبعو وخرج من الموقع ... وهو خارج ... لقى رسايل كتير من كريم واهلو وزمايلو ف المدرسه والملازم و حتى رساله من مريم ...؟
وقف اسامه وفتح رسالة مريم ... لقاها بتعتذر عن كل اللى عملتو والمشاكل اللى سببتهالو ... وبتعرفو انها هتسافر قريب ... وبتطلب منو ... يرجع زى ماكان طالب عادى ومايسببش لنفسو مشاكل اكتر من كده ...؟
قفل الرساله واتصل بمرم لقى تلفونها مغلق ... بعتلها رساله بيطلب يشوفها وبيترجاها تديلو فرصه يحسن هو الامور بنفسو ...؟
وفتح رسالة الملازم لقى معلومات عن القياده العليا ملف مغلق مشفر ... وبيطلب من اسامه يحرص على سلامة عائلاتهم هما الاتنين لانو حاليا مبقاش عندو السلطه او القدره على حمايتهم ... وفتح رسالة كريم ... لقى بيطلب منو يحضر عزاء والدو ... ولقى اهلو بيسئالو هو فين عشان قلقانين عليه ... وفتح رسالة ايناس ... لقاها بتتكلم عن مشاعرها اتجاهو وانها معجبه بيه وبتطلب منو يقابلها بكره ... اللى هو النهارده ... فى مكان حددتو ... المكان كان قريب من بيت اسامه طلب اسامه من بعض رجال المافيا يروحو لبيت الملازم ويحضرو اهلو لموقع حددو ليهم وطلب من الباقى انتظارو عند البيت ... وراح اسامه يقابل ايناس ... وكانت حالتو فظيعه خالص الهدوم عليها دم وشعرو مش متسرح وهدومو مش مترتبه ... وايناس تاعبه نفسها وحاطا مكياج ولا عروسة المولد ومتشيكه ولا كائنها رايحه حفله فى دريم بارك ولابسه هدوم العيد ولا اى ماتعرفش ... وبرفان معطر الشارع ماتفهمش ليه ده كلو ... واستغربت من شكل اسامه ( وانا والله لو مكانها لا اديلو ب البولغه اللى ف رجلى ) .....؟
المهم عشان انا فصلت ومتضايق والله بجد ... ....؟
ايناس بتسئال اسامه ... مالك اى الدم ده ... ( لكن من جواها تقصد اى المنظر ده )
اسامه فضل ساكت ومكشر ومكتئب ك العاده ....؟
وايناس واقفه مزهوله من اللى شايفا ( عندها حق والله ... ياخسارة الفستان اللى جبتيه بشئ وشويات ) .... ( فقع للبت مرارتها )
اسامه قالها اعذرينى يا ايناس ___ انا مش فاضى _____________( ياروح امك )
( طب ماكان من الاولى تبعتلها رساله ... بدل مانت قهرت البت .... انت عارف الفستان اللى هيا جايبا ده بكام ... ده بمصروف السنه كلها )
( حسبى الله ونعم الوكيل )
المهم ....؟
فضلت ايناس بصا ل اسامه وهيا حزينه ... ومش عارفه تتكلم ... ( هتقولى اى يابنتى ___ ربنا يعوضك عوض الصابرين )
مشى اسامه من غير اى كلمه تانيه .... وايناس يعينى مصدومه ... ( اهو يا ستى اخرت الحب واللافلافه .... فيها اى لو كنتى فضلتى متنيله على عينك سينجل ... ياله انتى اللى تستهلى ___ بس متهيائلى يابت ان دى عين ..... روحى لشيخ خليه يرقيكى )
......؟
اسف انى فصلتكم عن القصه والله ياجماعه ... بس انا حبيت احط تعليقات نيابه عنكم ... عشان انا عارف المصريين وتعليقاتهم ...؟
حبيت اطلع الغل االلى جواكم بدالكم .... ؟
مشى اسامه ودخل البيت واهلو كانو مستنينو ... وحضنو وسئالو اى الدم ده وكانو مخضوضين عليه اوى وسئالو ليه بات بره من غير ما يعرفهم ... قاطعهم اسامه وطلب منهم يجهزو هدومهم عشان هينقلو ف مكان تانى ... مكانوش فاهمين اسامه بيتكلم عن اى ... وفاجئه مجموعه من الاشخاص اتباع رئيس المافيا دخلو وبدائو يحملو متعلقاتهم ف عربيات ... واهلو عمالين يسئالو في اى يا اسامه قالهم هشرح كل حاجه واحنا فى الطريق ... وبدائو ب الفعل كلهم ب التحرك ... اسامه بعد ما استحامه وغير هدومو ... قال للمافيا اسبقونى انتم ... امو سئالتو انت رايح فين انت مش قولت هتفهمنا ... وبداء اهلو يقلقو... قالهم هعزى صديق ليا واجيلكم ... راح اسامه ل كريم ... وكان كريم بيتعامل فى العزاء على ان ده مجرد عمل او مهمه ... مش عزاء والدو ... قدم اسامه عزائه لكريم وكان هيمشى ... بس مسك ايد اسامه ... وقالو عاوز اتكلم معاك على انفراد ... وبالفعل طلعو سطح الفيلا ... وكريم قال ل اسامه ... عارف انك ساعدت ف موت ابويا ... وعارف كمان ان ابويا يسحق انو يقتل عل افعالو وجرايمو ... بس انت ليه ماديتنيش فرصه اودعو ... ليه مبلغتنيش قبلها ... انا اى ب النسبالك يا اسامه ... اسامه فضل ساكت وقال ل كريم ... انت مجرد عقبه ب النسبالى ... وسبق واكدتلك الكلام ده .... كريم بيستمع لكلام اسامه وهو كلو حزن ووجع ... اسامه قالو ... حذرتك كتير ونبهتك كتير ... بس انت دايما افعالك متهوره ... عرفتك انك ماينفعش تدخل فى حاجات هتسببلك مشاكل ... وانت بكل استهتار ماسمعتش كلامى ... تعرف مدى المشكله اللى انت وقعتنى فيها بسبب افعالك وتهورك ... انت كنت سبب ف انك خليت القياده العليا ترصدنى من خلال والدك ... بسبب فعلك المتهور عرضت الملازم اول جلال الدين لخطر هو وعيلته ... حتى عيلتى انا كمان باقو اهداف للقياده دلوقتى ... عاوز تعرف ازاى انت تسببت فى المشاكل دى ... ابوك كان مراقبك فى الفتره الاخيره ... حط برامج هاك فى تلفونك وانت اللى كشفتلو سرى ... وهو بلغ القياده العليا عنى وعن الملازم ... وانت جى بتسئالنى دلوقتى ليه ماديتكش فرصه ... قرب اسامه من كريم وبقى وشهم قريب من بعض و اسامه قالو ... انا اللى عاوز اسئالك ... ليه انت اللى مااديتش نفسك فرصه انك تسمعنى .... ليه دايما بتكون سبب فشل خطط واحتمالات باكون واضعها سابقه الاحداث ... تعرف انى باقيت احط احتمالات لتدخلاتك فى كل مره بخطط فيها لحاجه دلوقتى .... ازاى بقى عايزنى اعتبرك حليف ... ؟
هتفضل دايما نصيحتى ليك ياكريم ... بلاش تدخل لعبه انت مش قدها ....؟
كريم حس ب اهانه من اسامه بس كان عارف ان اسامه بيتكلم صح ....؟
اسامه كان هيمشى بس كريم قالو ...؟
لو ينفع خلينا ننسى اللى فات ... انصحنى ازاى اقدر افيدك ... وانا اوعدك انى هسمع كلامك ... اوعدك انى مش هكون نفس الشخص اللى بيتهور ويستعجل فى قراراتو ....؟
ارشدنى ... علمنى ... ارجوك يا اسامه ... انا ماعتش ليا حد فى الدنيا غيرك اقدر اثق فيه ...؟
ركع اسامه وقاله ... انا بتاسف على كل المشاكل اللى سببتهالك ... من فضلك يا اسامه ... ساعدنى اكون شخص افضل ...؟
اسامه اتاثر بكلام كريم ... وحس هو كمان ب الذنب ... رجع ومد ايدو ل كريم ... فضل كريم باصص ل ايد اسامه ... وحط ايدو ف ايديه ... اسامه قالو : اول خطوه لانك تكون شخص افضل لازم يكون عندك ايمان بنفسك : ماتعتمدش على حد عشان تنجح ... نصيحه منى ليك ك صديق ....؟
كريم مكنش مصدق اللى بيسمعو ... اسامه صرح بانو صديق لكريم ... وده خلى كريم يبكى ويحس قد اى اسامه شخص يستحق الافتخار بيه .....؟
اسامه قالو : نصيحتى ليك ك صديق ... الغى كل اعمال ابوك ... متستمرش على تنفيذ مشروعاتو ... لانها قائمه على ضرر للمواطنين ... وادالو كارت فيزا مكتوب فيه رقم حساب وقالو ... حول كل فلوسك على رقم الحساب ده ... واتعامل ب الفيزا دى ... وماتثقش فى المحامى : لانو تابع للقياده العليا ... وحاليا ... اتباع القياده العليا محوطانى ....؟
وب الفعل ف كل مكان حواليه كان فيه قناصه متصيدين ل اسامه
كريم : كان مندهش ومصدوم من كلام اسامه ...؟
واتخض وكان هيلفت نظرهم بس اسامه قالو ... ماتتسرعش واسمعنى كويس ونفذ اللى هقولك عليه ... وقف كريم ينصت ل اسامه .... اسامه قالو ... بما ان القياده العليا عرفت انا مين ... مبقاش فيه داعى اهرب منهم ... انا جيت هنا وانا مستعد انى اواجهم ... وبصراحه ياكريم ... انا كنت بحاول ابعد عنك الخطر ... عشان كده كنت بحاول اخليك تتجنب اى حاجه تخليك تدخل فيها معايا ...؟
بس الاكيد وجودك معايا اكيد هيفدنى ... لو انت مستعد للمخاطر ... خليك معايا نواجها مع بعض ... لو انت مش مستعد تقدر تسيب ايدى دلوقتى .... كريم بص ل اسامه ... ومسك ايدو اوى ... ابتسم اسامه وقالو ... الى اللقاء يا صديقى ... اتعامل عادى واستنى منى رساله ... انا رايح اقابل اتباع القياده ....؟
وافتكر انك وعدت مش هتتهور تانى ...؟
ومشى اسامه ...؟
وب الفعل مجرد ما اسامه خرج من عند كريم ...؟
جنود اتباع القياده العليا ... خطفو اسامه ....؟
وف نهاية المشهد دخل شخص لابس قناع .... وشال الكيس من على راس اسامه وهما مكتفينو على الكرسى ....؟
