رواية ملكة الشيخ ضاري الفصل الخامس عشر 15 بقلم ساره المجيد
بعدني أنطر تدگ الباب و أطلعلك و أكـلك
ها يـ ضيم صباي ؟ بعدك بيه مــا مهتم !
وحگ عينك بعدني شما يذكرونك
شكو بهالروح يتلعثـم ..
زينة ..بقيت افكر بصكر وبسالفته وشنو الي يريده مني ياهل ترى صحيح نيته شريفه وناوي زواج لو مثله مثل غيره يلعب ..
اووي هسه شبيه اني شاغلة نفسي بي خلي انام احسنلي ..
في مكان اخر ..
ادم ..يابه اني كتلك خلي نخطبها كتلي قاصر وصغيره لسانها بطولي وين صغيره
ابو أدم ...انت شلون مانخلص من سالفتك
ادم ...شششو يابه ثالث متوسط بسسس تصير ثالث متوسط سناريا تصير بذمتي بنت عمي واريدها وغصبا عن الكل
ابو ادم ..خوش روحووا
ادم ..مو خوش وبالاخير تعوفني
ابو ادم ...هسه انت وجدك طابخيها السالفه وهستوك جاي تاخذ رأيي ..بالله تحجي
ادم ...ههههه جدي يعرف يملص رأسها مو انتم منطيها عين ومخليها ع مايها ..
عفته ابوي وطلعت من كل عقلهم اعوفها والله يالله لبست نظاراتي وطلعت ركبت بالسياره افتر ..
صار ثلاث ايام هي بيت خوالها وابن خالتها ابد مامرتاحله ورا مصيبه امبين بس يجي يوم اعرف كلشي ماينضم شي عني ولا شي ...
وكفت بمكان ادخن دك موبايلي ...
الوو..ها اي نعم ..شششنو هاي شوكت هسه دقايق ويمكم
ركبت السياره بسرعه وطلعت بيها ل.... خرب وكتهم مو وكتهم كلشششش كلشششش
وصلت للبيت دكيت الباب اربع مرات طلعلي خالها ...
ادم ..السلام عليكم عمي حسين دزني اجيب عياله
خالي ...اتفضل جوه وهسه هم يطلعون
ادم ..لا مستعجل خلي يطلعون عسريع
خالي ...لالا مامحسوبه تعال طب وخلي نضيفك
ادم ..خوش ..طبيت كعدت شويه شربت جاي وسلمت ع شيخ ضاري ..
شويه وسمعت صوتها ...سناريا ...ثاني يوم الصبح كعدت تريكنا وخلصنا امي كالتي راح اروح اشوف خالتج هبه ماجت ..
كتلها اجي وياكم كالت تعالي ركضت لبست شالي وطلعت بسرعه حتى شال مدري شلون صار المهم ينحسب شال ..
طلعت وي امي وشايله علي ع خصري وطبينا سلمت ع جدي فضل وبيبي خديجة (( تعرفوا لفضل يصير اخو جدو ضاري ولان اخو نصيحله جدو هوه هم ومرته هم نصيحلها بيبي)) ..
وكعدت يمهم اخذتنا السوالف سمعت صوت سياره رفعت رأسي وشفت ثائر هلا هلا ..
كمت بسرعه ملهوفه علي مادري شبيه عود البارحه رزلني صدك كلبي يحبه من شوكت وشلون ماعرف بس الي اعرفه ملهوفه علي ..
مشيت بسرعه اله هو جان صاعد بالسياره مدري شسوي طبيت لبيتهم سلمت ع خاله جنان شويه وطب صيح ..
ثائر ...يييمه اكلاص مي بارد
اخذت اكلاص مي بارد ومشيت اله هو اله غرفه بس لسه ماكامله يعني نص ونص طبيت وياريت ماطبيت 😐 ..
شفته نزع التشيرت مالته وشفته منطيني ضهره بس ضهره بي شي احمر وركبته من ورا هم ظليت واكفه واباوع علي ركزت علي بشكل جبير نفس العلامه الي كالت عنها أمال بس المزوجين يسون هاي الأثار ..
رجف الكلاص بيدي والدمعه ع شعرايه وكفت بطارف عيني ..شمرت الكلاص وطلعت اركض كل ماعندي من سرعه ..
حسيت بطعم الخيانه بشكل جبير ولسه بالبدايه مافهمت شنو مشاعري غضب حزن خيبه لو شنو ...
بس الي اعرفه الي شفته غلط طلعت من درب البستان بسرعه وان اركض بجيت بس مافهمت ليش بجيت !!؟ ..بس احس بغصة خنكتني جنت اركض بلا وعي وابجي
شنو السبب احس مخنوكه حيييييل حيييل ..معقولة هذا الي يسموا الحب بس لا مستحيل اني احب جنت احجي ودموعي بعيني واني اركض ..
اتزحلكت وكعت بالطين وجان يطب برجلي غصن شجره يابس بنص رجلي صرخت بصوت مالت وحده ميت رجلها وفجأة شفته واكف اكبالي ..بسرعه اجه قرب مني بس شفته تذكرت الي شفته ع جسمه ..دفعته بسرعه وكتله وخر عنيييييي وخر عوفني لا تلمسني والله اخزيك
ثائر ..وجع شمالج تسودنتي كومي ولج راح تنشل رجلج خلي اساعدج
سناريا ..وششششنو يهمك وخر وخر ..دفعت ايده وحاولت اوكف بس ماكدرت هو من النوع صبره كصير بسرعه شالني من خوفي لفيت اديه ع ركبته ويمشي ويحجي عليه ..
غمضت عيوني والوجع موتني بذيج اللحظه كرهته من صدك كرهته ..
ثائر ...شششبيج بوية ليش طلعتي مثل الخبله
سناريا ...نزلني مالك دخل خليك حاير بحبيتك مدري هاي الكلبة الي جانت وياك ..
ثائر ..انتي شبيج شتحجين بس مو هسه نحجي خلي نوصل واني افهم ..
سناريا ...والله بس نوصل اله اكلهم عليك تشرب جكاير
ثائر ...ههههههههههههههههاييي صايره قديمه حبيبي
سناريا ...اشششششش لتكول حبيبي اني مو حبيبتك افتهمت اه اخ يمه رجلي 😭
ثائر ..ههههه هبلة والله بقيت حاضنها واتمنيت الدرب مايخلص حتى ابقه حاضنها واشتم بعطرها ااااخ من خرررب عشيرتج بله هاي حالة سوت بيه هل مفعوصة
ظلت اتدردم وتبجي واني اهدي بيها
سناريا ..اخذوني كبل للمستشفى طبعا ماكلكم ع كمية الصياح والصراخ فضحتهم فضيحه بصوتي لان الغصن اجه بالطريق اتشنجت رجلي ..يعني حركه ماكدر اتحرك جنت نايمه ع السديه وامي بصفي لازمه ايدي وابجي واصيح ...
دخلت الدكتوره لغرفه وياها ممرض ..
كالتي الدكتوره ..مدي رجلج ضربتني تخدير بايدي لحضه وكمت ماشوف شي غمضت عيني وان اشوف تخلي شي حاد بنص رجلي فتحت عيوني لكيت لافين رجلي وامي يمي وبيبي ملكة وخالو وهم ثائر ..
وكلها تضحك كتلهم ...شكو شصار
امي ...مصار شي هههههه
خالو ...سناريا عاشت ايدج خوش فضحتيهم لبعض الناس
ثائر ..والله ماقصرت😒
ثائر ..من اخذتها للمستشفى اعرف هي ضايجه مني من الي شافته الي بضهري انتوا هم راح تحكمون عليه مثل الخبله هاي لا لتظلموني ..
لان الي بضهري كرصة زنابير جنت راجع للبيت وكفت بص شجره ادخن لان اذا دخنت بالسياره راح اتظل ريحة الدخان
المهم وكفت بصف هاي الشجرة وبالغط رجعت راسي وجان اضرب كوره الزنابير وجان يهجمن ع ضهري وركبتي ماحجيلكم عن الوجع ههههه شلون صار ..
رجعت للبيت واني بس احك بركبتي وضهري من الوجع دخلت للبيت كلت لامي اريد ماي بارد اغسل ضهري بي دخلت للغرفه نزعت التشيرت وبقيت بكيمونه اني ابيض واي شي كرصه شي بسرعه اتبين ههههه فا الي يشوفهه راح يفكر شي
ثاني احم احم
جنت افرك بركبتي درت وجهي ع صوت اكلاص جان اشوفها بسرعه ركضت خرب انه اعرفها خبله وراح تفضحني طلعت اركض وراها عبالك راكض وراها جلب تكرمون بسرعه تركض هههه ..
سمعت صوتها من صرخت بسرعه رحت جان اشوف غصن شجره يابس مكسور بنص رجلها طبعا هذا يسبب شلل اذا اتاخرت وعفته اجيت اشيلها ماتقبل فضحتني بصوتها ...
شلتها غصب عنها وصلتها لبيت جدي ضاري كلها تفازعت عليها اخذتها ورحنا لمستشفى دخلت الدكتوره ضربوها بنج الدكتوره تشتغل وهاي كامت تخرط من البنج وفضحتني فضحية الله اكبر كلشي تعرفه عني حاجيته ههههه
كتتهن كت كلهن ماخلت شي يعتب عليها 😂 ..
وخالي يخزر بيه اخر شي خليت ايدي ع حلكها يلا سكتت ..تكول حقير يشرب جكاير ابو النسوان مايستحي ..
بعدين تكول ادم انت واحد ادبسزز ماحبكم امي تطبخ وتضم ومتخلييني اكل كلكم ماحبكم احب بس ثائر وهذا هم طلع خاين ابو النسوان امداك عبالي حباب بس طلعت انت هم خاين وحقير طاح حظكم كلكم ..هههههههههه...
من كعدت احنه ميتين ضحك ع خريطها ...
خالو ..يلا بابا اذا صرتي زينه خلي نرجع للبيت
اسمهان ..كول لحسين سناريا بالمستشفى
خالو ..خلي نرجع ونخابره
اسمهان ..خوش يلا ماما كومي عدلي نفسج
ثائر ..خاله اذا ماتكدر خلي اني اشيلها
سناريا ..لع ماريدك اني اكدر امشي دير بالك تلمسني
خالو ..ثائر روح جيب عكازه احسن
ثائر ..خزرتها وكتله ..خوششش
مشيت واني ضايج فوك مافضحتني وهسه متقبل اساعدها اني الج اني الج ياهبلة ...
سناريا ..اول ماطلعنا اخذنا تكسي بس رأسي يوجعني من البنج حيل قوي ورجلي هم توجعني امي تكول شكوها حتى يطلعونه للغصن ..بس مافهمت ليش ضحكوا كل ماكلهم رأسي يوجعني من البنج رجعنا للبيت وامي اتصلت ع ابوي وطبعا ابويه عنده شغل لرأسه وكال راح ادز ادم يجي ياخذكم ضجت فوك ماني ضايجه
امي لمت ملابسنا وغراضانه اني اخذتني الغفوه ماكعدت اله ع صوت امي وهي تكلي يلا كومي اجه ابن عمج كمت بدلت واكفه بالغرفه اعدل بحجابي جان رافعه راسي واشوف ثائر واكف ويباوعلي ..
ثائر ..هاي راح ترحين
سناريا ..دنكت اكمل لف الشال وكتله بضيكة خلك ..اي شسوي ظاله هنا
ثائر ..قربت منها وكتلها ..زعلانه
سناريا ..هه وهل شي يهمك يعني
ثائر ..بس اني الي لازم ازعل
سناريا ..هه ليش
ثائر ..انتي فضحتيني فضحيه ولو غير خالي جان مانتظر دقيق وكال لبوي
سناريا ..جنت تحت البنج يعني مو بوعيي بس يمكن انت من سويت هيج جنت بكامل وعيك صح مو
ثائر ..ولج منو كالج الي بضهري او ركبتي مثل الي بالج
سناريا ..هه🙄
ثائر ..لزمت ايدها جان يدك موبايلي رفعته شفت رقم أسراء خرب ..
سناريا ..شفته باوع ع موبايله وضاج سده بس ظل يدك ..سحبت الموبايل بسرعه من ايده وفتحت خط ..
أسراء ..الوو شلونك ثأوري ..
سناريا ..اختنكت حيل اريد اتنفس مكدرت بلعت الغصة واخذت الموبايل وشمرته بوجها وكتله هيه هاي الي جنت يمها هه بالعافيه عليك
ثائر ..خرب ولج تعاي وين رحتي خرررررب بحضك ثائر خرب يومج اسراء ع هل دكه .. يعني وكتج هسه تنبصين جانت عايزه والتمت ع راسك يثائر .
سناريا ..طلعت وكلت لامي كملت سلمت ع بيبي وع الكل وطلعنا شفت ادم اكبالي دنكت اجه بسرعه لازمني وسندني طبعا مامنعته ردت احرك كلبه لثائر مثل ماحرك كلبي يعني يخون باليل والنهار كله احبج واحبج ..هه شهل الحب هذا ..كله جذب بجذب ..
صعدت بالسياره وجدي ضاري انطه لامي تمر وفواكه من خير البستان مالتهم كلها ..صعدت ومشينه ...
ادم ...شلونج عمه
اسمهان ..الحمدالله يمه تعبناك ويانه
ادم ..لا عمه ع بختج صدك جذب تعبج راحه
اسمهان ..مشكور يمه
ادم ..الشكر ل الله اكلج شبيها سناريا
اسمهان ..طلعت للبستان وزلكت ودخل برجلها عود شجره يابس
ادم ..اهأأأأأأ الحمدالله ع السلامه يابه
اميره ..اكول ادم ماشفت شوكت نمتحن اني مادورت
ادم ..والله أموره بنفس مدرستكم بس المدرسات مختلفات شدي حيلج ماشي بنتي صيري سباعيه
اميره ..هههه ان شاءلله
ادم ..اكلج اميره اكو شخص صوته ماسمعنا شكو شصاير بس لا العملية اثرت ع اوتاره الصوتية 🤔
سناريا ..اختنكت حيل يعني ضايجه ومخنوكه وهو يحشش وي ست أميره خليت رأسي ع شباك السياره وغمضت عيني نمت بسرعه من التعب ..
من وصلنا محد مكعدني يعني ادم شاينلي ومنومني بالغرفه ماكعدت اله ورا الصلاة العشه جان جسمي كله مكسر يادوب ارفع رجليه من التعبت ..
......
في مكان اخر
زينه ...ظليت يومين حايره بنفسي هسه ضروري انطي حضر اوف اذا شلت الحضر راح يكول هاي كاتله روحه عليه بس هو لزكه يعني ماريده ليش يلزك استغفرالله حتى اخاف افتح الموبايل ويصير شي شلون ورطه ..
اتصلت ع مروه وكالت الامتحانات النهائيه راح تطلع مالت الفاينل ..وتقيم وكومه لحد فد يوم تصلت ع مروه
زينه ..الو مروه شلونج
مروه ..هلا زينو
زينه ..مروه اذا رحتي جبت النتائج مالت الامتحانات فدوه جيبي نتيجتي وياج
مروه ..ليش متجين
زينه ...ها لا ماجي
مروه ..اووو ليش يمعودة تعالي ع الواهس شبيج
زينه ..ماكدر والله تعبانه شويه
مروه ..سلامتج كلبي اكول زينو خابرتي النقيب
زينه ..احم لع
مروه ...علينا😉
زينه ..اي تصلت بس بالغط كنت اقصد ثائر وطلع رقمه اكبالي وبلغط طلع أسمه ..
مروه ..لا ياربي شلون شغلة هاي هههههههه
زينه ..اسكتي صرت بنص اهدومي والله فوكها يصيح ويعيط ..
مروه ..هههههه لا حبابه احجي سالفه كلها
زينه ..هههه اي سمعي ..حجيت كلشي لمروه وكضتها تنصب عليه وعلي سوت سكرين لصفحه الفيس مالته ودزته الي ..
ظليت اكلب بيها للفجر اني ومروه يلا نمنه يعني ماكعدت اله لما الشمس غابت ..ههههكمت رحت توضيت صليت صلاتي كلها لان كضيتهه نوم امي مخلصه الشغل كله ثائر بره وحسين مثل كل مره مخلي موبايل ويلعب بي ..
شفت مروه دازه رساله وياها رقم غريب دخلت اشوف منو جان مكتوب متوقعت القزومه تزور صفحتي وماتسلم ..
عزززززززززه عززززززه بعيني عزه هاي شوكت زين شلون عرف ياربي دخيلك ..كمت اركع اخماس بأسداس ....
اصخام الصخمك يابليس شمدري وشلون عرف اني جنت بصفحته لا يالله غير فشلة
.......
صكر ...جنت كاعد بالمكتب واراجع بكم قضيه وكل ماصفن تجي بالي هاي القزمه هسه خلصت امتحانات شلون اشوفها لازم انتظر كم شهر حتى ترجع اداوم دك موبايلي شفته رقم امي واخواني مالي خلك ارد شويه القضيه ماخذه بالي ..
مرت ساعات اشتغل من خلصت الشغل باوعت لساعه 6 العصر خلي ارجع ارتاح بالكرفان مالتي احسن ..
او كرفان الجنود هههه
دخلت لكرفان كلها ضربت تحيه نزعت الحزام السلاح وفتحت اول كم دكمه من القميص اجيت اخلي رأسي ع المخده جان يدك موبايل رفعت عيني علي شفت رقم غريب ..
رديت كلت خاف منتسب او شخص من الحكومه ..لازم ارد ..رديت اجاني صوت انثوي ..رقيق حيل وناعم ارتعش كلبي رعش اصلا انهزيت بكبري ..
من سمعت تكول ثائر كبل كمزت عرفت هاي القزمه اويلي يابه ..
خليتها تخلص وكتلها ...اويلي يابه ع هذا الصوت سدته بوجهي عرفت مو قصدها تتصل عليه بس كلت خلي اشد وياها احسن من الدلال الزايد ..
رجعت اتصلت واتصلت هم ماكو شمرت الموبايل ورحت للبيت اول مادخلت أستلمتني امي.
صكر ..السلام عليكم
الكل ..وعليكم السلام
امي ...ها اجيت ليش ماترد مو ادك عليك ليش تنطي رفض
صكر ..خير يمه صاير شي
امي ..مصاير شي بس ردت اروح لبيت عمك ناخذ بخاطرهم البنيه راح يصير عمرها بال30 وانت لسه مخاطبها
صكر ..لا حول ولا قوة الا بالله يعني ما اخلص من هاي السالفه يييييمه لشوكت تظلين تلحين بيييها كتلج نفسي ماترغبها نفسي ماتريدها هاي اخواني ماشاءلله كل واحد بطولي لو اطول مني ليش ماتخطبيها الهم ..اما اني اعتقيني يوم زواج مازوج هل مخلوقة فهمتي
امي ...بسسسك لا تاخذني بصوتك العالي انت اصلا ماتعجبك بت البيوت تريد بت الشوارع مو ...
وهسه تالي عمري ابني وسندي يكسر كلمتي ويخليني علج بحلك اليسوه والمايسوه
صكر ...لالالا انتييي الحجي وياج ماله نفع شوفي يمه انتي امي ع عيني ورأسي لو دوسين ع رأسي بنقدرتج هم رأضي بسس صدكي وثقي بالله يمه ماريد اكسر كلمة بس نفسي ياعالم ماترغببها ماحبها ماطيقها حسوا بيه مو صنم اني انسان عندي مشاعر اريد اتزوج انسانه احبها لو حرام هل شي ..
شفت امي سكتت و ماردت وكامت تعوج بحلكها ..
نزعت البيريه والبسطال ورحت دنكت عليها وبست رأسهه ..
وكتلها يمه يابعد كل هلي وناسي ياغاليه وتاج رأسي يايمه ياكلبي اكو يوم طلبتي مني شي ورفضته ها كولي اكو يوم رفعت صوتي عليج شو اخوي مهند الجبير اذا رفع صوته عليج اهججه من البيت ..
امي ...لا تقنعني بهذا حجيك المعسل ترا مايوكل خبز عندي ..
شوف يمه بت عمك موش غريبه خلي ناخذها تستر ع عيوبنه واحسن من الغريبه ..
يايمه احنه اعيال هواي واخوانك ماشاءلله كلهم كبار والغريبه بنصنه شسوي ياميمتي الحجي سهل بس الفعل صعب ..
انت احكمها بعقلك موش بكلبك البنيه اذا اجت ماتريد تاخذ راحتها بالبسها بمكياجها ..
بت عمك متعوده علينا لا تكسر بخاطري وخلي انروح نخطبها الك ...
صكر ..كمت وكتلها يمه انه اكو وحده بالي وبت عمي مالها مجان بحياتي لان ابنج عشك هل بنت ومستحيل يشوف غيرها ..
بكلبي كلت هل بنت خلتني ماشوف دربي ولا اشوف غيرها واتحديت الصعب حتى اخذها هل بنت جنت ادور عليها وعكب مالكيتها يا امي تريديني اعوفها واخذ بنت عمي غصب ....
وللحكاية بقية ..
كأنك خُلقت ليُغرم ويتوه بكَ قلبي ..
وكأنك خُلقت لتُرضيني . ♥️
بدل ماتدور وتبحث علي الروايات خليها علي تليفونك وحمل تطبيقنا
