رواية ملكة الشيخ ضاري الفصل السابع عشر 17 بقلم ساره المجيد
مساءكم هيل وزعفران حبايب گلبي
⚘⚘⚘⚘⚘⚘⚘⚘⚘⚘⚘⚘⚘
سناريا ....لبست دشداشه خفيفه مالت الصيف وشال وطلعت اركض بس كوه اريد الحك ع امال حتى اغسل ..
جان اشوف جدي ويا ثلاث زلم واحد يطلع عمره ب30 واحد اقل وهم معكلين واحد منهم انتبه علي بسرعه ركضت دخلت بالطارمة ..
طلعت رأسي شويه شفت ماكو احد اي زين خلي اعبر مشيت مسافه ودخلت شفت امال فارشه الحصير ع صبة الطارمه وحاطه الزاهي وتايت وفرشه منتظرتني ..
امال ...ها يمعوده يلا
سنايا ...اشش يلا بلشي
نغسل ونغني امال صوتها يجننن من تغني وخاصه اذا شي يخص علي الدلفي تموت علي هههه
كملنا غسل جاي ارفع رأسي واشوف ادم يمشي ويباوع ويخزر امال اتصنمت واني ولا عبالك رجعت اكمل شطف ..
ادم ...ولجنننننننننن
امال ... ولج سناريا اجه ملك موت
سناريا ...لا حبيبتي اجه بروسلي هذا مايلحك ملك موت رفعت ايدي وخليت اصبعين بحلكي وصوفرت لادم
ادم ...لا يا ادبسزز تعاي اني اعلمج
سناريا ...تعال هلله هلله ..جنت شامره زاهي وماي بالكاع اول ماخله رجله زلك وكع اتسفط بالكاع ..متت ضحك وكع ع ضهره ..شلت الصونده وكمت ارش علي
امال ..عزه بعينج عوفي خبلة
سناريا ...هههههههه ولج جيبي صابون دانغسل كفشته
ادم ...خربببببب يومج ولج طايحت الحظ عوفي المي احسن ماسوي بيج شي
سناريا ..امال راحت تركض تخاف منه واني ارش بيه كام ع حيله وكف صار كله مي قرب مني اكثر واكثر ضرب ضهري بشجره اخذ الصونده المي وذبهه بالكاع جر طرف شالي ومسح وجها ..
سناريا ...يييييييع عوف شالي خرررب يومك
ادم ..ايييييع بيج ام الوكاحه شوكت تعقلين
سناريا ..من اتشيب الكرع 😏
ادم ..ولج سوالفج اتشيب اكبر رجال
سناريا ..هيهيهيهيييييييي (ضحكه مصريه هههه)..
ادم ..خرببببب ولج انتيييي شنو هاي تصرفات سوي اغراءات بت الك...... وقاطعته سناريا بنبرة صوت حادة .....
سناريا ..دير بالك تغلط ع ابوي فهمت لو لا ..دفعته ومشيت ..
ادم ..اباوع عليها خرب بيومي شلون تمشي تكول عارضه اويلي هسه ياربي دخيلك متخلي كلبها ينبض بحبي كلشي ماريد بس تحبني بت هذا الگلب ...
رحت للبيت غيرت هدومي ورجعت لديوان جان جايينا ضيف كعدنا ويا وحجينه وشويه وجدي كال ...
الشيخ سالم ..بويه ادم كوللهم خلي يزهبون الغدا
ادم ...ع امرك جدي
طلعت وصيت عمتي ام امال وعماتي هم يصبون الغدا ..رجعت كعدت وصبينه غدا وتغدينا وهستوا عباس يصب الجاي جان واحد منهم كاله ..
الشيخ مضفر ..لا عمي جاي مانشربا اله من اخذ حاجتنه ..
الشيخ سالم ...كول ياشيخ شني حاجتكم
الشيخ مضفر ..احنه من جاي جنه ع غايه وهاي اللمة الحلوه جاي نوسعها بكربنا منكم وانتم شيوخ ونعم منكم ..
ماشاء لله صيتكم يحد أجبال ..
الشيخ سالم ..مشكور بس شني حاجتكم ما كلتنا ..
الشيخ مضفر ..هذا ابني وشيخ العشيره بعدي وصاحب جلمه وخريج وبعده شاب انه جنت ناوي اخذ بت من بناتكم ع سنة الله ورسوله ..
الشيخ سالم ..والله وننعم منك ومن أسد ..كلكم ع رأس بس بناتنا موش خرج زواج ياشيخ ..
الشيخ مضفر ..مافهمت
االشيخ سالم ...انه اكلك بناتي وبنات اوليداتي موش خرج زواج اصغار ع حمل هذا التعب وهاي ولد عمهن شاهدين كلهم رايديهن ومانطي لغريب وماغريب غير الشيطان بينا ..
الشيخ مضفر ..هاهيه شيخ يلا بويه كوم
الشيخ سالم ..هلا بيكم بأي وكت صدر البيت الكم والعتبه النه ..
ادم ...جدي ..اشمالك شو متكدر
عباس ...جدي هم شعرفهم اكو بنات خرج زواج
الشيخ سالم ..الحجي بيناتنه شافو بت عمكم حسين وهي طالعه ..
ادم ..فرت فور مو طبيعي ..ششششششنو شوكت طالعه وشلون تطلع اليوم اكسر راسها هاي ماتستحي شلون تطلع وتدري يمنه خطار
الشيخ سالم ..اسسسسكت يأدم اسسكت البت ماجان كاصده تتطلع جا هيه شعرفها شوكت يجون ويطلعون الخطاطير (جمع خطار)..
ادم ...كافيييي كافيييي جدي انت ركبت اجنحات لهاي سناريا لحد ماتكبرت وصار راسسها يابس تمردت علينا كلنا ..
غصب ع روسنا خليتها تكمل دراسه وخليتها تسوي خط غريب وانت تدري ماعدنا بت توصل للمتوسطه كتلك ياجدي خل اعقد عليها كتلي بعدها صغيره احاجيها تنتر بوجهييي ....
الشيخ سالم ...اسسسسسكت ولك شنيي انت تزرزرت فوك رأسي ولك انه الي ربيتك ..وجاي تعلي صوتك علي وانه جدك ..
ادم ..لا العفو جدي اني مو هيج قصدي بسس ردت اكلك انو ..
الشيخ سالم قاطعه ..بسسسك كافي يلا بره طلعو كلكم ..
ادم ...بست رأسه وطلعت كبل لهاي الادبسزززز اني اعلمج اتطلعين وتراوين طولج للخطار اني اعلمج ..
راح اطيح حظج بنهوه تكسر ظهرج اني الج سناريا ..
وصلت لبيتهم دخلت شفت مرت عمي والجهال كتلهم ويييييين سنارياامي ..شبيييك تصيح ماهيه بيت جدها تغسل
ادم ..خوششش
طلعت اغلي بنار انييي الج انييي الج راح اراويج ادم شيكدر يسوي ..
وصلت لبيت جدي طبيت وشفتها واكفه هي وامال تشر ملابس ويضحكن ..
ركضت عليها سحبتها من شعرها ..وسحلتها سحل للغرفه وسديت الباب ..
وكفت اكبالي وصحت بيها وكتلها حقيره وطراك ضربتها راشدي فريت وجها فر انصدمت مني ..
سناريا ..(اول راشدي اخذته من ادم كان هذا وجعني حيييل بيومها حيل تأذيت )خليت ادي ع خدي وصرخت ..انت شلون تضربني ياحقير
ادم ..انجبي ياادبسززز اضربج واكسر راسج واربيج بعد
سناريا ..اني متربايه احسن منك افتهمت
ادم ..اييييي المتربايه ماتعرض نفسسها ع الرايح والجاي متخلي الزلمة يشوفون طولها وتتمندل
سناريا ..احترم نفسسسسك
ادم ..تقدمت عليها وسحبت شالها وشمرته بالكاع وجريت شعرها لفيت كصيبتها حول ايدي وصرخت بوجها كتلها اسمعي لج من احجييييي لا تنتريييين بوجهييييي افتهمتي
سناريا ...وخررر دا توجعنيييي اخخخخ ..
ادم ...شمرتها بالكاع واباوع عليها ماكدر أذيها احبها بس هيه تأذيني كامت ع حيلها جان اكو مزهريه شالتها وشمرتها علي وكامت تكسر وتصيح حقير نذل وع صوتها اجه جدي وحبوبتي حاولت اسكتها ماتقبل ..
ركضت لزمتها من خصرها حتى تسكت غير تسكت خرب كامت تخرمش بوجهي وتضرب ع صدري ولسان مهدود هسه اني شورطني ..بيييج
ماحس ع نفسي غير مخلي شفتي ع شفتها تصنمت حيل اجه بالي شكلها وهي تغسل ومفاتن جسمها مبينه خرب ..
بسرعه بعدت عنها وهي متصنمه ..فتحت الباب وهي طلعت تركض ..
بيبي ام ابوي ..ولك يالمعززة شمسوي بيييها احجي
ادم ..ها حبوبه مامسوي شي وحك كبر عمي
بيبي ..ادري بيك عاكل شلت عصاتي وضربته بيها ..
ادم ..اخ اخ حبوبة شمالج وجعتيني
امال ..بيبي
بيبي ..ها يمه
امال ..بيبي اكو مره بره تريدج ..
ادم ..امال فد اكلاص مي بارد
امال ..بنزعاج ..ذاك واشرب
ادم ..خرب بحظي حتى انتي كلبتي علي شنو اني ماعندي حظ بالبنات ابد 😕..
.................
سناريا ...رحت ركض للبيت اول ماطبيت صرخت بوجه امي وابجي بحركه شعور مقزز حسيت بي من باسني عبالك بايسه قرد مو بشر لعب نفسي منه وابجي واصرخ واحجي وادردم ع ادم امي مافتهمت مني وظلت تصيح ع صياحي ..
كتلها ييييمه ادم هاي ثاني مره يتقربلي
امي لطمت ع صدرها راحت لبست عباتها وطلعت لعمتي زهره وصار امصايح ع هاي وهاي وعمتي تكلها بتج شامره روحها ع ابني وامي تكلها ابنج قليل ادب مايستحي ..
كعدت بالبيت وصدك بجيت يعني ضربني وأذاني ورجع باسني لعب نفسي منه حيييييل اميره حضنتني وكالت ..دعوفي مايستاهل تبجين باوعت لخدي وكالت ..ضاربج مو ان شاءلله تنكسر ايده بحق الحسين الشهيد ..
الليل اجه ابوي وامي وعمتي زهره كبرنها ماصغرنها المصيبه .. حبست روحي بالغرفه ظليت ابجي واتذكر من كالي ثائر احبج مثل شعور الخيانه بس أصعب ....
اسمهان ...اسمعي ازهيره كضبي ابنج ع بتي كبل لا اكول لحسين
زهره ...شو طيري لو مابتج ذابه روحها ع أبني بالاول ضبي بنتج وتعالي احجي
اسمهان ...اييييييييييييولي ولج انتي شوكت تبطلين يالماتستحين ..
بيبي ..ولجن كافي فضحتنه الله اكببببر عليجن
امال ..بيبي هو ادم ..
ام امال ...اششش اسكتي امال مالج دخل
زهره ..عمه بسس يجي عمي خلي يسوي حل لهاي الجاهله كبل لا اكسر راسهابيبي ام ابوي ...اشش انتي اسكتي الثانيه ولجن شني من نسوان مابيجن حيل بس الطلايب استغفرلله من هيج جناين ..
امي ...عمه بس يجي عمي وحق العباس اكله يسوي شي لهذا ادم البنيه صار بيها خوفه ..
كل ماتطلع لو يضربها لو يهددها شني مريض نفسي ترا هاي واكفه يعني ابن عمها ع عيني ورأسي بس مو يسوي هيج ..
اجتني مخترعه تبجي وتصرخ سناريا طفله وصغييييره حييل ع هاي السوالف رايدها يجي من الباب مو هاي التصرفات ترا والعباس اخلي حسين يلعب بي لعب ..
ذاك اليوم اني سكتت وماكلت شي لحسين بس هاي المره ماسكت لان زادت الشغله عن حدها لو تزوجوا لو تسوون جاره ترا اني مليت وبنتي مامسويتها وقف ال ادم افندي باجر اخذها وروح لبيت ابوي الشيخ ضاري احسن من كعدتي اهنا ...
بيبي ...اكول اسكتيي ومن يجي عمج انه اخلي يسوي حد ل ادم
امي ..اني كايمه بس شوفي عمه اذا مالكيتي حل اكول لحسين ..
زهره ..خايبه اسكتي لتخوفينه بصياحج
امي ..انتي تسكتين لا اجي اهد عليج موتيني
ام امال ..اي كومي تناكرن وتكافشن ..
امال ..يييمه
ام امال ..اشش لا تدخلين
امال ..كاعدين وجان يطب جدي سالم وعمامي
كمت اسوي جاي وأسمع عماتي هجمن ع جدي بالحجي بسالفة سناريا وادم مرات احسد سناريا ع حب ادم صح هي حلوة ورشيقه مو مثلي ..
بس اني احب ادم من اني صغيره لكن هو مايشوفني يشوف بس سناريا يمكن لان مختلفه هي جريئه ماتخاف من اكبر واحد ..
اني ارجف من أسمع صوت وهيه توكف وتصيح وتخبص الدنيا بصوتها وتاخذ حقها ..خدر الجاي واخذته الهم وأسمع جدي كال ..
الشيخ سالم ..امال بويه روحي صيحي لسناريا ..
امال ..حاضر جدي
سناريا ..كاعده صافنه باوعت ع حوض مالت التراب مالتي هههه
احب أجمع تراب من كل انواع فاسويت مزيج من انواع التراب اخذت شوية بيدي ورحت للحمام خليته بحلكي وكمت اغسل بي اغسل واغسل حتى طكيت شفتي دم ..
سمعت صوت امال تصيح غسلت حلكي ع السريع وطلعت شفتها ..كتله ها اموله
امال ..اباوع عليه عزه هاي شصاير بيها كتلها ..جدي يكول خلي تجي
سناريا ..ماشي
عدلت شالي وطلعت وياها كتلها شرايد جدي
امال ..ع موضوعكم ..
سناريا ..امممممم ..جانت الدنيا ظلمه ونمشي وخايفه من الي راح يصير ...دخلت شفت بس جدي وعمامي الصغار وبيبي وامي وعماتي ماكو دخلت بست رأسه سلمت عليهم ...
الشيخ سالم ..بويه اكعدي يمي
سناريا ..الجو مكهرب خفت حييل ياربي سترك كتله ها جدي كالوا صايحلي ..
الشيخ سالم ..اي بنتي خلينه نحجي بالمختصر المفيد ادم ابن عمج متقدملج توافقين بي
سناريا ..😨
وللحكاية بقية ....
ادري البارت قصير اعذروني ان شاءالله راح اعوضكم بالليل لان هسه عندي طلعه مالحك اكتب بعد ..انتظروني بل10 بارت اضافي تعويض لصبركم 😘😘
بدل ماتدور وتبحث علي الروايات خليها علي تليفونك وحمل تطبيقنا
