رواية حورية خطفت قلبي الفصل السابع عشر 17 بقلم هبة نعيم
وفجأة ميرا والبنات سمعوا أصوات برة
خرجت ريم لقيت أدهم وسيف وأصحابهم جريت بسرعة ميرا أدهم جاء
ميرا قلبها دق أوي
دخل سيف أول ما شافها الله أكبر مبروك يا قلبي
ميرا بكسوف الله يبارك فيك يا حبيبي واخدها من إيديها والبنات بتزغرد خرجوا كان واقف أدهم راح سلم عليها تبارك الله قمر
ميرا ابتسمت تسلم
أدهم كان كمان أمور جدا اخدها من إيديها وركبوا العربية
سيف يالله يا بنات تعالوا معايا
ريم عقبالك يا سيف
سيف متشكر عقبال أما افرح بيكي
سامح عقبالك يا أنسة روان
روان بكسوف باذن الله
البنات ركبوا مع سيف وكلهم اتوجهوا علشان يتصوروا
في عربية أدهم وميرا
أدهم دا أجمل يوم في حياتي أخيرا الحلم بيتحقق ربنا يقدرني وأسعدكيا نبضي
ميرا يا رب ويقدرني وأسعدك أنا كمان
أدهم يكفيني بس وجودك جانبي وجودك في حياتي دا لواحده سعادة بحبك
ميرا كانت طايرة من السعادة
راحوا اتصوروا وخلصوا راحوا القاعة اللي فيها الاحتفال وكان الكل في انتظارهم
عادل ونهلة
أحمد وسحر
ودنيا
دخلوا القاعة وسط زغاريد وفرحة استقبلوهم راحوا الكوشة والاحتفالات بدأت والكل راح يسلم عليهم ويتصور معاهم نهلة مبروك يا قلبي
ميرا الله يبارك فيكي يا ماما
نهلة مبروك يا أدهم خلي بالك عليها
أدهم الله يبارك فيكي دي في عيوني
عادل سلم عليهم وبارك لهم
وجاءت سحر باركت لهم مبروك يا حبايبي
ميرا الله يبارك فيكي يا طنط
أدهم الله يبارك فيكي يا ماما
أحمد بارك لهم
دنيا راحت وباركت لهم
سيف واقف بيفكر في حورية فاق على ريم مالك
سيف مافيش
ريم عقبالك
سيف يا رب وعقبالك أنتي كمان أفرح بيكي
ريم يا رب سيف هو أنت في حد في حياتك
سيف حياتي ازاي يعني
ريم يعني مرتبط
سيف أيوة يا ريم أنا مرتبط بعد اذنك هاروح اسلم على العرسان وسابها ومشي
ريم كانت معجبة به وبتحبه حست بوجع في قلبها وكانت دموعها هتنزل مسحتها علشان محدش يشوفها
سيف مبروك يا حبيبتي
ميرا بفرحة الله يبارك فيك يا حبيبي
أدهم ايه ايه حاسب دي بقيت بتاعتي أنا
سيف دي قلبي وهتفضل قلبي عمر حد ما يفرقنا عن بعض
أدهم ربنا ما يحرمكم من بعض يا حبيبي ولا يحرمني منكم
سيف يا رب ألف مبروك يا صاحب عمري وأخوية
أدهم الله يبارك فيك يا حبيبي
سيف دي أمانة معاك حافظ عليها
أدهم دي جوة قلبي وفي عيوني مش تخاف عليها
سيف ربنا يسعدكم يا حبيبي
ميرا وأدهم ويسعدك وعقبالك
سيف يا رب واتصور معاهم ورقصوا كمان
روان واقفة كانت فرحانة علشان ميرا وبتصقف
جاء سامح ايه القمر دا عقبالك
روان بابتسامة شكرا
سامح أنا عايز اتقدم لك موافقة
روان اتصدمت
سامح موافقة
روان هزت دماغها
سامح هاروح اقول لسيف يا سيف ومشي بسرعة
روان ضحكت جامد عليه
مرام راحت هي وزياد سلموا عليهم وباركوا لهم واتصوروا معهم
زينة مبروووك يا مرمر ربنا يسعدك يا قلبي
ميرا الله يبارك فيكي يا حبيبتي وعقبالك
زينة ياااا رب
ميرا ضحكت هتفضحينا
زينة خلي بالك عليها دي الحلو اللي في شلتنا
أدهم بابتسامة حاضر
البنات والشباب أصحابهم فضلوا يرقصوا ويتصوروا معاهم
نهلة مبروك يا سحر
سحر الله يبارك فيكي يا نهلة
نهلة من اليوم دا ميرا بقيت بنتك
سحر ميرا باعتبرها بنتي من زمان
نهلة وأدهم في غلاوة سيف بالظبط
سحر طبعا يا حبيبتي احنا أهل
نهلة طبعا وعقبال البنات يا دنيا
دنيا يا رب يا حبيبتي ربنا يتم فرحة ميرا وأدهم على خير ذي القمر الاتنين ربنا يحميهم
عادل وأحمد قاعدين
أحمد الأولاد كبرونا يا عادل
عادل أنت اللي كبرت لواحدك أنا لسه شباب
أحمد هههه ربنا يسعدهم ويعطيك الصحة وتشوف أولادهم
عادل يا رب وأنت كمان تفرح بهم يا أحمد ناوي على ايه بقى
أحمد خلاص هاستقر هنا وهافتح مشروع
عادل كويس جدا
أحمد زهقت من الغربة يا عادل كفاية لحد كده
عادل فعلا أنت بقى لك عمر بتسافر فجاء الوقت أنك تستقر في البلد بقى
أحمد هو دا اللي هاعمله باذن الله
عادل باذن الله
سامح بارك للعرسان سيف عايزك في حاجة
سيف في ايه يا ابني
سامح تعالى بس معايا في مكان هادي علشان نتكلم
اخده وخرج برة القاعة
سيف خير
سامح الصراحة أنا معجب بالأنسة روان وعايز اتزوجها
سيف روان بنت خالتو
سامح أيوة هو في مانع
سيف لا هاقول لخالتو وربنا يسهل الحال
سامح يا رب طيب أمتى
سيف ههههه شكلك مستعجل يا سمسم
سامح أكيد متتأخرش عليا بقى
سيف تمام هاكلمك وارد عليك
سامح تمام دخلوا القاعة
روان شافتهم فابتسمت وبصت لقيت ريم واقفة لواحدها وشكلها زعلان راحت لها مالك يا ريم
ريم مافيش حاجة
روان في شكلك بيقول كده
ريم سيف يا روان طلع مرتبط
روان مرتبط بمين
ريم معرفش
روان مين قال لك
ريم هو قال لي
روان معلش أنا عارفة أنك بتحبيه بس كل شيء نصيب وربنا يبعتلك نصيبك يا حبيبتي قريبا
ريم بتنهيدة يا رب
روان فرفشي بقى وتعالي نروح لميرا
ريم ماشي راحوا لميرا ورقصوا معاها واتصوروا
وبعد شوية جاء موعد تلبيس الشبكة واشتغلت أغنية يا دبلة الخطوبة عقبالنا كلنا
يا رب كل القلوب تفرح واللي نفسه في حاجة يحققها
وكل البنات تتخطب وتفرح والشباب كمان ههههه
ولبسوا الشبكة والشباب كانت بتصفر والزغاريد ماليا القاعة
أدهم مبروك يا حياتي وعمري
ميرا الله يبارك فيك
أدهم ربنا ما يحرمني منك وأسعدك
ميرا ولا يحرمني منك وأسعدك وبعد شوية رقصوا سلو وكانت أجواء جميلة والحفلة خلصت والكل راح بيته وكانوا سعداء جدا
وتاني يوم في الشركة أدهم وسيف وزعوا شكولاتة على الموظافين والكل بارك لهم
سيف اخد شكولاتة وراح لحورية قابلته بابتسامة اعطاها الشكولاتة واعطى لشريف
شريف واضح في مناسبة حلوة
سيف ميرا أختي اتخطبت يا عمو
شريف بجد مبروك يا سيف وعقبالك
سيف بص لحورية يا رب قريب جدا يا عمو
حورية قلبها دق بسرعة
سيف هاستأذن دلوقتي
شريف ما بدري
سيف عندي شغل مهم وقريبا هاجي السلام عليكم
شريف وعليكم السلام ورحمة الله وبركاته
سيف ركب عربيته واتحرك ومشي
وبعد كم يوم سيف رجع من الشغل دخل السلام عليكم
نهلة وعليكم السلام ورحمة الله وبركاته
سيف ماما بابا فين
نهلة في أوضته في حاجة
سيف عايزكم في موضوع
نهلة خير
سيف بعد الغدا باذن الله نهلة تمام أنا هجهزه أهو ادخل غير هدومك
سيف ماشي ودخل أوضته ربنا يستر ويعديها على خير
غير واتوضى وصلى ودعا ربنا بالخير نهلة سيف تعالى الغدا
سيف حاضر جاي
خرج وقعدوا على السفرة ميرا مالك
سيف مافيش كررت أفتح الموضوع ميرا ربنا يستر
سيف يا رب
نهلة مالكم في ايه
ميرا مافيش يا ماما
عادل شكلكم مخبي حاجة
ميرا لا مافيش خلصوا الغدا قعد سيف عادل ونهلة
ميرا دخلت تغسل الأطباق وتعمل الشاي
نهلة في ايه كنت بتقول عاوزنا
سيف كنت عايزكم في موضوع مهم
عادل خير يا حبيبي
سيف عايز اتزوج
نهلة بجد أخيرا هافرح بك
عادل ومين دي اللي قدرت تغير رأيك
سيف اسمها حورية
نهلة حورية مين دي وعرفتها ازاي
سيف أيوة وعرفتها بالصدفة ومن يومها وأنا بفكر فيها ودعيت ربنا تكون من نصيبي
عادل طيب ظروفها ايه
سيف هي عايشة مع باباها ومامتها ماتت في حادث
نهلة يا حبيبتي الله يرحمها
سيف يا رب هي دكتورة أطفال ومحجبة وأخلاقها ممتازة وقمر تبارك الله عليها
عادل تبارك الله كويس
سيف بس مش بتشتغل لأنها حصل لها ظروف كده من يوم الحادث حصل لها صدمة لأنها شافت مامتها وهي بتموت
نهلة يا قلبي يا بنتي وحصل لها ايه
سيف بتنهيدة حصلها عجز في رجليها واتعلجت منه بس في حاجة تانية بتعاني منها
نهلة حاجة ايه
سيف فقدت النطق من الصدمة
