رواية ملكة الشيخ ضاري الفصل التاسع عشر 19 بقلم ساره المجيد
اسعد الله مساء احبتي بكل خير
#تنويه ..مثل متعرفون كل سبت استراحة الي مانشر ... لكن باجر الحنة مال اخوية وحفلة وهوسة فنشرت اليوم بارت حتى باجر اتكون استراحتي مانشر ..ان شاءالله الكل صار عندو علم واتفهم وضعي 😘😘
🌸🌸🌸🌸🌸🌸🌸🌸🌸🌸🌸🌸
صكر ..اشوكت يحن هل گلب ع هل عاشك الولهان
..
زينه ..كسر خاطري هاي ثالث مره يكول هيج ماريد اتقدم خطوه خطأ واندم عليها كتله ..اكول صكر امي تصيحلي باي ..
صكر ..اشردي براحتج وداعتج اول وتالي انتي لصكر ومتصيرين لغيره 😏..
زينه ..اها ماشي يلا اترخص عندي شغل باي ..
سديت الخط منه ورحت نمت بس كل ماغمض اتذكر كلامه وارجع اندم واحس بتأنيب الضمير ..
ماعرف شوكت غفيت بس كعدت ع صوت ثائر يريد تشيرت السمائي اوف كمت طلعت غسلت وجهي وع السريع بدلت وتريكت ..
امي متروح ويانا كالت ابوج مريض وماكدر اعوفه فالبست مثل ماتفقت البارحه وي صكر وطلعت اني وثائر لكيت الكل مجمعين بالحديقه مال جدو ضاري ..سلمت ع سناريا وع خالاتي طبعا ثائر اني منبع أسراره ..
كولشي يحس بي يحجيلي من كالي ع سناريا شجعته لكن كتله بالحلال كال بس تنجح لثالث وتعبر الاعداديه اخطبها ...
فرحت اهواي اله حيل ..المهم خلصت صعدنا كلنا بنص الطريق دز رساله اني منتضرج اهناك اريد اشوفج خفت منه حيل ياربي خاف أحد يشوفني اني ويا ...أستغفرالله شلون جريئ يربي ..المهم وصلنا سحبت سناريا وخاله هبه لحمامات من طلعنا شفته واكف قريب ع مكان الي كاعدين بي لابس دشداشه نيلي وغتره لافها ع رأسها اوووف كلبي راد يوكف اتخردلت مدري شصار بيه كمت اتعثر بطريقي وانخبصت ..
من شفته عبالك شفت امي وابويه ضحكت بسري اويلي ..شلون طالع صاك شفت اكو ابنيه بعمر ال30 .وحده اصغر 17 او اقل ويا شكيت بالموضوع وهو دزلي رساله كاتب ..(*من اكول ادوخين اكبر رجال بنزاكتج اتجذبيني منين اضمج اخ ياكلبي )
..
ضحكت ورحت كعدت بمكان الي احنه بي دزيت اله رساله (منو جاي وياك)..
رجع دز (خواتي نوسه اقصد وسن وأسن )..
فرحت بكلبي وكتله ..(بس ؟!)
صكر ..(اي شتريدين اجيب العشيره كلها حتى لو كوستر متكفي)..
زينه ..(هههه اي حقك ماشاءلله )
صكر ..(الي جاي وياج منو )
زينه ..(خالاتي وبس )
صكر ..(وذوله الشباب منو)
زينة ..(امممم ابن عمي أسمه امير واخويه ثائر متعرفه مثلا وحسين)..
صكر ..(اهاأأأ لا اعرف بس ثائر )
زينة ..(انت وين)
صكر ..(واكف وراج).
زينة ..درت وجهي وشفته صدك واكف وقريب حيل خرب).
ابتسمت وخاله هبه كالت يلا كومو نروح نزور كمت وهو كام اخذ خواته ..
ورحت زرت وطلبت من السيده شريفه تريح بالي واعرف صح من الغلط بحياتي واحكم صح ...
بس ماعرف شنو الي ضامه الي الزمن ..طلعت اول وحده وكل شويه شويه طلعن من طلعنا اجت طفله صغيره انطتني علاكه وكالت هاي من النقيب صكر وابتسمت بكلبي اكول اله يخليني بموقف محرج يلا يرتاح اوووف منك صكر ....
رجعت كعدت وهم راحوا شويه وتغدينا وكمنا نسوك ونشتري هدايه ...
رجعنا للبيت جنت تعبانه حيل بسرعه رحت شمرت روحي ونمت بملابسي ونمت ...
في مكان اخر
سناريا ...من خلصنا رجعنا لسياره ركبنا اني من التعب نمت وصلنا كبل رحت جطلت روحي ونمت كعدت المغربيه لكيت مسوين عشه ظلينا يم خوالي طبعا فا تعشينه وشويه اجت خاله جنان وثائر كعدنا نتعلل خالو محمود كال تعالو نلعب ملك جلاد حرامي ..
سناريا ..صرنا فريق اني وخالي وخاله هبه وثائر ..
جبنا ورق كتبنا عليها وبلشنا نعلب ...
طلع لثائر حرامي وخالو محمود جلاد وخاله هبه وزير ..واني ملك
ثائر ..هههههه اي عمي بخوووت
محمود ...صدك بخووت ههههه
هبه ..يلا انتي ملك منو تأمرين الجلاد يجلد ..
سناريا ..امممممم اجلد الحرامي
ثائر ..ههههه لا ياالله
محمود ..هي كالت اني مالي شغل
سناريا ..كام خالو كتل ثائر وكلها ضحكت ظلينا نعلب واخر شي ملينا بطلنا وخاله هبه هي فازت لان مانجلدت ابد ههههه
بيبي ملكة كالت كوموا يلا فرشوا نعسنه
كمت فرشت ..النا كلنا ثائر واخوي محمد وخالو محمود ينامون بالديوان كمت فرشت الهم ...ورجعت كعدت ..
ظلت خالاتي يتعللن واني نمت ع الموبايل ..وماكعدت اله ثاني يوم الصبح ....
كعدت ع صوت ركعت باب قويه عبالك زلزال طلعت من الغرفه اركض حتى نعالي تكرمون ماعرفت البسه ..جنت لابسه اتراك رصاصي وشعري مفتوح واميره تركض وراي وجان اشوف اكبالي فتحت عيوني ع كبرها ابوي وامي واخواني مطلعين الزوالي الشتاء الثكال وشامريها من فوك لي جوه ..
كعدت ع عتبت الدرج واميره كعدت بصفي وكتلهم ..
حرام حلال انتم شنو من عائله جنت نايمه من خرررب بحظي خافوا ربكم شويه ماتكولون ذني الصخلتين النايمات شنو ذنبهن بله متنا شتكولون لربكم
ابوي ..ههههه كومي كومي ام متخافون ..راح نبيع ذني الزوالي
سناريا ..واحنه شكو
اميره ..قصده كومو اكربو ..
امي ..اشش ولا صوت ساعه 11ونص ياصباح هذا سناريا كومي سوي ريوك ولمي كفشتج وانتي اميره كومي ساعديني انزل الباقيات ..
سناريا ..كمت واتأفئف ونافخ مدري شبيه لميت شعري بقراصه وكمت اسوي بالريوك سويت بيض وجاي وخبز من وراهم حتى خلفا بعد مانخلف ههههه خرب بيومهم ...
اجوي العمال العصر اخذو الزوالي مالتنا ومالت عمامي وباعوهم ابويه بفلوسهن اشترا بايسكل لعلي ولمحمد واني واختي اميره ايباد هههه همداني وين مجان لزكه ..
بيوم جنت طالعه باب ألطارمه مفتوح امي كالتي روحي اغسلي الطارمه واميره تكنس البيت فا دا امسح بالكاشي ماشوف غير رجلين رجال كمزت واشوف اكبالي ادم بلبس العكسري رجعت خطوتين .. وهمست بصوت خفيف ..
بي رجفه وخوف ورعب ..
غمضت عيني وبللت شفايفي احسهن يبسن ..
من كثر الخوف كتله ..اااااأد اأأأدم ..
ادم ..ايي ادم لعد منو جني
سناريا ..شششسسوي جا جاي اطلع بره لا صيح لامي
ادم ..صيحي لامج شنو خايف يعني 😕
سناريا ..لزمت الماسحه ورفعتها و وجهتها بوجها وكتله بتحدي وخوف ...ابقى يمك ولا تتقرب افتهمت ترا والله اسوي مصيبة ع راسك
ادم ..تقدمت خطوتين وكتلها ..شتسوين وهاي قربت مامشتاقتلي صار اسابيع ومشايفج
سناريا ..اني اشتاقلك شبيه خبله لو مضروبه ع رأسي دمشي عيني يله هوينه واختفي من كدامي ..
ادم ..اخ شكد مشتاق للسانج وطولته ..
سناريا ..يييييمه ييييييمممممه تعايييي ..
ادم ..اصرخي بعد اعلى
سناريا ..بخوف بكلبي مو طبيعي ميخاف ومبين جريئ حيييل حاسه ورا شي ..
صرخت بصوت عالي اول مانضرب ضهري بالحايط ييمه لزمني من اكتافي ورفعني حيييل وهمس بصوت مدري شلون اوصفه ..
مشتاق لهاي الشامه بركبتج مشتاق لج كلج بس خلي نصبر حتى اشوف اكثر حدج منا ليل اذا ماجيتي برجلج الي راح العب بيج طوبه ..
لا تنسين انتي بت عمي والي حق بيج اكثر من الناقص ابن خالتج لا عبالج نايم ع أذاني ترا اسمع واشوف كلشي مال اعوفج لابن خالتج تحلمين ثقي باعرش رب الكون لو ينصب ذهب هم اخذج منه..
سناريا ..جنت بين ايده مثل اللعابة متبسمرة بدون حركة بس دموعي تجري ..
دار ظهري اله ودخل ايده بنص ظهري وضغط ع نهاية العامود الفقري توجعت حيل ودموعي نزلت صرخت ودرت وجهي وكتله شسويت ..
ادم بحقاره ...ختمت عليج
سناريا ..مافهمت قصده وعيونه تصول وتجول بوجهي سمعت صوت ابن عمي يصيح ع ادم قرب مني اكثر وكال ..
ادم ..ساعه 11بالليل منتظرج عندي حجي وياج اهواي تجين وغصبا عنج افتهمتي ..
سناريا ..دنكت خايفه منه حيييل وكتله ..انت احقر بني ادم شفته بحياتي احمدالله الف مره ماحبيتك ولا خليت كلبي بيوم يحبك ..
انت انسان انت اصلا متنحسب ع البشر انت لازم تنقرض ونخلص منك ومن مشاكلك بزعتني بعيشتي كرهتني بروحي انعل الساعة السودة الي صرت بيها ابن عمي ..
ادم بعصبيه ولزم كصيبتها وجرها عليه وكلها ..هسه مو وقت نتحاسب ياحلوه بالليل اعرف شلون اتصرف ويأج عندي حساب طوووويل وياج وتعرفين لو ماجيتي استعمل غير اسلوب ذاك الساع ..
سناريا ..دفعني حيل وطلع كعدت بالكاع مثل الي مات جسمي دموعي تنزل شلال بذيج اللحظه تمنيت الكاع تنشك وتبلعني ولا خلي يمسني تعبت ياربي تعبببببببببت ياربي تعبببببببت لشوكت اظل هيج ..
ماكو حل غير اخلي ابوي يعرف كلشي اي ماكو كمت ع السريع مسحت دموعي وركضت ع موبايل امي ماعرف وينه
طلعت رقم ابويه ردت اتصل ..
خفت وترددت حيييل فوك كل هذا كلبي قابضني حولت الاتصال لثائر اشوف لازم اليوم احد يساعدني
اني خبله شلون اخلي ثائر يعرف اذا عرف ثائر والله لايسوي عزة بلا ميت وراح تكبر الشغله واحتمال تطير بيها ركاب وتصير دم للرجاب بيمن اتصل وياهو راح يصدكني ..
مدري شلون خطر ابالي هذا الأسم بسرعه اتصلت ..دقيقه شويه وردت ..
بيبي ملكة ..هلا يمه اسمهان شلونج البنات شلونهم شخبار اميره نجحت لا ..
سناريا ..طكيتها بجيه وركضت لغرفتي وكتلها ..بيبي اني سناريا الحكيلي 😭
ملكة ..خير بيبي شبيج ليش البجي ولج احجي
سناريا ..بيبي تعبانه حيييل بيبي اني بمصيبه راح اموت بيبي حبابه ساعديني الله يخليج فدوة اروحلج مالي غيرج انتي الوحيدة الي تكدر اتساعدني 😭...
ملكة ...شكو حبوبه احجي ولج وكفتي كلبي شصاير لتخبليني
سناريا ..بيبي انتي تعرفين ادم ..حجيت كلشي الها وهي تسمعني عبالك احجي وي نفسي من خلصت وكالت ..
ملكة ..سناريا أسمعي حبوبة بطلي تعيشين طفله الي يشوفج مايكول طفله يكول مره لبسج الضيك من حجيت عليج ذاك اليوم زعلتي مني بيبي اني احجي لمصلحتج الولد شاف بيج شي رايده صيري حريصه ع نفسج خوش ..
وديري بالج منه واذا بس تجي امج كليلها خوش ماريد مشاكل يمه امج ماناقصه مشاكل كافي عليهه اخوانج وانتي الجبيره يصير كد نفسج ..
سناريا ..بيبي انتي حيل ريحتيني بس هسه شتسوين هو كال ..
ملكة ..لا ترحين وكعدي واسكتي ومثل ماكتلج بلشي يوم جديد غير كلشي بيج ومن تجين يمي انه اعلمج كم شغله خلص رصيد امج هسه تذبحنه
سناريا ..مشكوره بيبي الله يخليج النا ..
ملكة ..مثل ماوصيتج حبوبة ومن تجي امج كليلها خلي تعرف تصرف ويا خوش بيبي
سناريا ..ماشي بيبي تدللين ..
سديت الخط كعدت شويه ع الجربايه وافكر وافكر شويه وصعدت امي كالت تريد الموبايل انطيته الها وكعدت ارسم طبعا عندي موهبه رسم خطيره ..بس بعدني مو هاي الدرجه ارسم ..يعني مبتدئه ..
باوعت ع الساعه 5 العصر بعد ست ساعات ياربي عيني وطلعني من هاي الورطه ظليت افتر بمكاني وافكر بكلام بيبي صحيح اني حيل بارز جسمي بس يعني صغيره ..
لازم اغير استايلي كله ..بالبيت البس الي اريده ومن اطلع انسى هاي الشغلات ظليت بين اي وبين الا ..
باوعت ع الدرج هو سيراميك مطبك خطرت ابالي فكره جهنميه امي بالمطبخ تطبخ ومحمد وعلي يلعبون بالبليستيشن ..اخذت زاهي مسحت الدرج كله وصعدت لفوك ترست رجليه زاهي اموت وماخليك تاخذ الي ابالك استاذ ادم مو سناريا الي تنكسر وداعتك اله اطلع عينك واذلك سهلة ..
اول مره اتصرف بلا تفكير بس بي فائدة رفعت بجامتي شفت اثر العمليه مالت رجلي مصار الها شهر ونص وراح ارجع اكسرج يلا عادي المهم ابقى وماروح اشوف ادم ...
مشيت خطوات ليورا ونزلت اركض ع الدرج ماحس غير اتزحلكت واكعه من خامس درجه ع ظهري ..
من كثر الألم صرخت بصوت عالي رجلي انلوت اجت امي واميره ..يركضن خطيه اميره بالحمام وطلعت حتى مامنشفه شعرها ..
كمت وكفت واني ابجي وادعي ع ادم ..بكلبي
اسمهان ..ولج شبيييج مسودنه من خررب يومج اتكسرتي شسوي هسه فهميني
سناريا ..بوجع يمه جنت امسح الدرج زلكت وكعت 😭..
اباوع لاصبعي الجبير خزن دم وماحس بشي غير من غمضت عيني فتحت عيني لكيت نفسي رجلي مجبسه وابوي فوك رأسي وعيونه بكصته وامي تحجي عليه ..
من طلعت من العيأده مال الدكتور كلها ظلت تحجي عليه وانتي خبله وماعندج عقل اكو وحده تسوي هاي عملتج ..
بكلبي كلت ..سويت هيج حتى اخلص من ادم كم اسبوع لازم اظل شهرين ماتحرك ولا اسوي شي رجلي مكسوره واصبعي هم مكسور ههههه..
ع كد الوجع فرحت فرحه هل كبرها المهم ماروح يم ادم اوف شكد مرتاحه حتى اميره تكلي ..
اميره ..انتي متأكده من نفسج مكسوره 🤔
سناريا ..اييي ليش هههههه
اميره ..وجع الي يشوفج يكول يوم عرسها ..
سناريا ..اششش المهم ماصار الي ابالي اغير اموت ولا خلي يصير
اميره ..هو شنو ولج راح يصير
سناريا ..اششش مالج شغل بس اسكتي ..
اجت امال ظلت يمي وحجيت كلشي الها طبعا ماكتلكم اني عندي فيوز من يضرب لو ابو ابويه يجي اسوي الي بالي ..
المهم ماصار الشي او مصيبه حجتلي امال ع حبيبها المجهول باوعت لساعه 10:4 ..خرب بأنه عبالي تصير 11 لسه 10 ..اووووف ..
امال ..شبيج سنورة هواي تباعين للساعه ..
سناريا ..ها اي مو عندي علاج ولازم اخذه
امال ..اها اكول انتي صدك نكسرتي هيج لو اكو أن بالموضوع 🤔.
سناريا ..اممممم زين احجي بس متكولين لحد ..
امال ..لاوالله وعد
سناريا ..اني كسرت نفسي حتى ماخلي ادم يسوي شي الي يريده
امال بشك ..مثلا شيسوي ..
سناريا ..امال كومي شوفي شنو سوه بظهري
امال ..كمت وكفت شفت اكو اثر ختم او هيج شي ..
كتلها عزززززززه لج هذا خاتم عليج ..
سناريا ..ايي شفتي حتى اتصدكين من احجي عليه محد يلومني
امال ..استغفرالله هاي شلون مصيبه الله يساعدج علي ..
سناريا ...ياختي بس اصحه اعرف شلون انتقم منه عبالج كسر رجلي هينه والله اخذ فصل يكسر رأسه بس خلي اصحه واخلص ذني الشهرين واني اله ..
امال متردده تريد تكوللها شي وترجع تسكت تالي حجت برتباك ... سناريا اكلج شي بس لا تزعلين مني
سناريا عكدت حاجبها باستغراب كلتلها ..كولي شنو
امال ....
وللحكاية بقية ....
لتنسوون التصويت حبايبي ..طبعا القصة لحد هسه متصدره المركز الاول بالواتباد تسلمولي غوالي لتصويتكم وتفاعلكم الراقي 😘😘
بدل ماتدور وتبحث علي الروايات خليها علي تليفونك وحمل تطبيقنا
