رواية وفي ليلة دخلتي الفصل الثاني 2 بقلم Dr tuqa
كاعدةة اسوي بالعشا وادحك ع الساعه لاتصير ب9 ...
لان هالمرةة عدنا عزيمةة وناس كلها يمنا يعنا نتأخر ع مانكمل المواعين وتفض السالفه عدهم سالفه عشاير وكذا وطبعا خطيبي المصون هم جاي وكلساع يجي مدري شيريد يحجي واني مانطيه وجه لو اعوفه واطلع ...
خلصنا العشا وبدوا يجون ياخذون وكلساع يصير انمار بوجهي واني ادحك عليه وملامح وجهي جامدةةةة ...
اكرهه مو بيدي احسه جدي مو الرجال الي اتمناه لان كلهم نفس الطينه همهم غريزتهم وبطنهم بس ايعع شكد تلعب روحي من هيج نماذج ...
خلصوا وصبوا العشا وفضينا ...
بعدها كملوا وصاحوا جججاي بسرعةةةةة ....
خدرنا وخلصنا ووديناها الهم
بعدها بدينا نغسل ونفض بالهوسةة الي صارت اشتغل وادحك ع الساعه وافكر شنو الي راح يصير معقولةة علي راح يكدر يخلصني من ظلمهم ...
خلصوا كتلهم اريد اروح لمسرةةة منو يوديني الها ..
صاحن زوجات عمي ثكلي شويةة استجني بييتج وين رايحةة بهاليل بنات تالي وكت ...
وذيج تردها اي والله خيةة يمكن امها دافنا صرتها هناك ...
-اشمئنز منهن ومن كلامهن وهوووواي اطمح اطلع من هالقاع الي همه بيه خزرتهن وكتلهن بساعةة الي احجي وياجن ردن محاجيه وياجن ....
اني حجيت هيج وطفرت عليه مرت عمي عادل ابو انمار تكتلني جرتني من ملابسي وتهلس بشعري ...
اصيح ادفع ماكو كن ثور هايج وجا عليه ...
وزوجات عمي يباعن ويصيحن حييييل بعد اقوةةة
اصيح اريد امي تجي ماكو متسمعني اخر شي طب عليه عشتوا خطيبي انمار دفع امه ...
وصاح بيها يمةةةة اخر مرة اشوفج تمدين ايدج ع وردة صدك تحجين انتي حاطةة عقلج وي عقل طفلةةة قسم بالله الي يلمسها كن امه مااجابته ....
اني واكفه وادحك عليه ...
صح موقفةة حلو بس م عيفهمني ولا يدخل كلبي احسه اكبر مني بهواااي ويختلف عني ...
-عفيةةة يااابن بطني من هسا صرت اخو مريتك بعدك ماعقدت عليها ... دامك تكول طفلةةة ماتعقلها شوف لسانها اطول منها بعدها بكد الب----...
بقت عليه بس الك-----
صحت بيها هيووووووو بالقرءان اذا عدتيها اكلب البيت ع راسج اشرفج واشرف اصلج ....
-فتحت عيونها ع حيلهن ادحكككك شلون صلفةة بالقرءان ماتصيرلج جارةة ما مربايةةة ...
كاااااااافي بمحمد عليكم كاااافي انتي شتردين فضيني ...
-اريد اروح لمسرةة عندي شغله مهمه وياها واريد واحد يوصلني ...
-اني اوصلج فضيني لبسي شي ع راسج وتعاي
-فتحت عيوني حيييل عزاااا هذا شلون بوصلني ماكدر اشوفف علي ...
لععع ماريدككك توصلني خلي يجي صادق لو محمد ويوصلوني ماريدك انت ...
صاح بيه دحكي يول صبري وصل حده فضيني خل اوصلج وارجع عندي شغلة مهمه ...
-بصراحةة خفت منه لان صار عصبي فعلا ...
رحت لبست شال ع راسي وطلعت وياه ...
دنمشي وكالي ...
ورده يول بالقرءان اعشكج شبيج انتي ليش مجاي تردين علي ...
وتتجنبيني انت مرايدتني كولي اخرب كلشي وافضها اريدج باارادتج توافقين ماريدج مغصوبةة ...
مارديت عليه امشي واتعثر ...
وهو يصيح انتبهي بويةة ...
وصلنا لبيت خالي كتلةة يالله كافي روح وصلت ...
جان يخزرني كال طبي كدامي بسرعةة ...
نص ساعةة وارجعلج
دكيت الباب طلعلي خالي سلم عليه انمار وراح
لح عليه خالي يضل كاله والله حيل مشغول بس ورده دكت رجل الا تجي وتعرفها اذا عاندت تكول عندي شغله مهمه وي مسرةة
ضحك خالي وكاله براحتك وليدي وخير ان شاء الله ...
دخلت سلمت ع خالتي ورحت كبل لغرفةة مسرة كتلها كتيلةة يجي يم شجرةة ...
كالت لا والله نسيت لان رجع ونام كبل ولسا ماكعد هسا اروح اصيحه يجيج للغرفةة عليش رايحةة يم شجرةة
-اوك يالله بسرعةة مستعجلةة هذا كالي نص ساعه ويرجعلي ...
-راحت ورا شويةة اجت كالت كعدته هسا يجي ...
ورا شويةة اجه سلم عليه وكال خير وردةة
-مسرةة عادي تخلينا شويةة لوحدنا
-اوك وطلعت مسرةة ضلينا وحدنا
خير ورده قلقتيني خما صاير شي ...
علي ابن عمي انمار خطباني واهلي كلهم موافقين عليه وراح نعققد دخيلك اتصرف مااريدةةة ...
-شنووووو صدك تحجين ذولي اهلج وين عقلهم وانتي ليش مارفضتي
-ههههههه ع اساس همه منتظرين رأيي زين منهم من دزولي خبر بيد امي اصلا ...
-يعني شلون راح تتزوجيه؟؟؟؟؟؟
-يولي عجل اني المن جايتك يحضي غير اريدك تتصرف شبيك
-وردةة شتصرف انتي جاي تكولين اهلج انطوا خبر ووافقوا ماعدنا حل غير ننهزم !
-مستحيل ماكدر انهزم يلزموني ويذبحوني والله غير حل حاجي اهلي حاجي الولد اكتلةة اي شي يمعود فدوةة لتتركني اتزوجه والله اموت ماااريدةةة احبكك
-والحسين ما بيدي شي وردةة اني هم اعشكج بس كليلي شنو بيدي عليج ماكدر اسوي اي شي...
-شنوو😑😑😑
يعني خلص اتخليت عني بهالسرعةة وحبك ال4 سنوات والي وعدتني تزوجني غصبا ع الكل وين راح كلامك لو بس همبلةةة
-دنك راسةة وكال الله يوفقج وردايتي
-هههههههههههه طبعا الله يوفقني ع الاقل الي خطبني رجال مو عار مثلك عساها النار الي بصدري ماتفوتلك ...
ياحقير يانذل كمت اصرخ وابجي انهاريتتت ...
اجت مسرةة تركض كالت شبيج وردة صوتج اهلي سمعوج كاافي شبيج اهدي شصار ...
-كتلها ولي وانتي هن كرهتج بكد ماكرهت اخوج دمرتوني الله ينتقم منكم كلكم ...
عفتهم وركضت ردت اطلع لزماني خالي ...
-شبيج بويةة ليش تبجين ووين رايحةة انمار لسا مااجة عليج
-اني ارجع وحدي عادي وافلت بيده اريد اروح ...
-دحكي بنيتي اني اعرف ييج تحبين علي وهو هم يحبج بس مايكدر يسوي شي يابنيتي وابوج وتعرفيه اكثر مني يعني لا تلومينه ....
-ضليت بس ابجي وايديه ع وجهي وساكتةة ماارد اي شي بس اسمع وابجي ...
سمعت الباب اندك طفرت اريد اطلعله .
-فوتي غسلي وجهج يول شيكول هسا علينا ...
-دفعت خالي ورحت طلعت فتحت الباب
اول ماشاف وجهي انصدم صاح وردةةة شبيج ...
كتلةة انمار بسرعةة اريد اروح لبيتنا بسرعةة ماريد ولاحرف
-كال اوك امشي يالله ...
جاي نمشي والصمت سيد الموقف ..
كسر السكوت وكالي تعالي نكعد هنا يم الشط ترتاحين شويةة ونرجع للبيت ...
اني هم ماجذبت كبل رحت كعدت لان ماريد ارجع بهاي حالتي لأهلي ادري محد يخليني بحالي الا تقرير كامل اقدملهم ...
-كعدت وكوة لازمةة روحي صافنةة ع شط والدمعه بطرف عيني امالي كلها اتحطمت ...
جان وووويييين امنياتي اتزوج علي ونعيش بغداد ويعلمني ع طبعهم وادرس خارجي وأصير دكتورةة وتصير الي شخصيةة وكيان واحترام ...
مااتزوج واحد اطبخ وامسح واكنس واخدم وللفراش بس ...
كاعده وكارهه الدنيا من ورا اهلي حطموا مستقبلي وادور اعذار لعلي وشخصيته الضعيفةة اكول حقه ماكدر يوكف بوجه ابوي ...
بعدين ارجع واكول لو يحبني ماتخلى عني بهالسهولةة حته ماحسيت بيه انقهر هلكد كأنوا شخص مسولفله قبلي ويعرف بالموضوع رده حييل بارد ...
ع الاقل ماا حاول ابد ولاشويةة ...
هههههه هسا اني ايمتا كعدت وياي الدنيا حته تكعد وياي هسا ..
صحيت من صفنتي لكيت انمار صافن عليه ويتأمل بوجهي
خزرتةة ودرت وجهي ...
جان يكول وردايةة ابجي لتكبتين بداخلج طلعي هالدموع حته ترتاحين ...
اني ماصدكت يحجي هالجملةة بعده ما كملها واني انهاريتتتت ودموعي ماصدكتت شلال ...
اريد اسكت بعد مااكدر عاد كام وحضني ....
واني حته معندي قوةة ادفعه كالي ورده شبيج احجيلي بلكت ترتاحين ...
ههه شحجيلك اكولك حبيت واحد مو رجال حبيته 4 سنوات تالي يكولي مو بيدي!
ماكدر حته يدافعلي ولا ينطي رده فعل مناسبةة
اكولك فضلت عليك واحد برخص باعني ...
مارديت عليه ضليت بس شابكته وابجي بعدين انتبهت لروحي دفعته وعدلت كعدتي ومسحت دموعي وغسلت وجهي ....
دحكت عليه ..كتلةة يالله ممكن نمشي تعبت ...
ماحس الا جراني وخمط مني بوسةة ...
بس شنو مو بوسةة ححيييل اذاني ا صيح بيه وادفعع وهو يزيد لحد ما حسيت روحي اختنكت كلش يالله وخر
اول ما وخر ضربتةة راشدي خليتةة مصدوم ...
كتلةة اخر مرةة تسويها قسما بالله ثاني مرة اسوي شي ميعجبك
"حسيت روحي طلعت كل قهري بيه بس شويةة ارتاحيت "
احس شفايفي تجرح بيه اتلمستهن ينزفن دم ...
صحت بيه انماااار حلكي ينزف شلون ادخل للبيت هسا ...
كالي كولي وكعت واتعورت ...
-والله مالي خلك اكعد ابرر لزوجات عمك اذا حجوا انت رد عليهم ...
-ماشي "كوة يحجي لان ضربتةة راشدي صح حقةة بس اني هم حقي حالتي نفسيةة صفر واصلا اكرهه وحرام ثم عيب يعني شنو جان منتضر مني اصفكلةة
غير انوا بوستةة همجيةة جدا مابيها كل رومانسيةةة "
وصلنا للبيت اول ماادخلنا استقبلتنا مرت عمي عادل ...
-هلوووو هلوووو تعاي عيني شنو هذا حلكججج ...
جاوبها ....
الى هنا نهايةة البارت الثانييي ....
رجاءا اريد اشوف تفاعل قوي تصويت وكومنتات حته يصيرلي واهس واستمر كثفوا كومنتاتكم وتاكات سوا حته استمر وانزل بارتات بسرعةة
بدل ماتدور وتبحث علي الروايات خليها علي تليفونك وحمل تطبيقنا
