رواية العشق الذي أحياني الفصل الواحد والعشرون 21بقلم فاطمة محمد

كانت تجري في غابه مظلمه لا تري شيئا حولها فالظلام يحل المكان و لكنها كانت تعلم بان عليها الفرار من ذلك الذئب الذي يسعي خلفها فظلت تجري و تجري حتي صدمت في شخص ما فرفعت عينيها الخائفه تتطلع اليه فوجدته ينظر اليها و عينيه شديد الاحمرار خافت من نظراته فابتلعت ريفها و حاولت ان تفر من امامه فوجدته يقترب منها اكثر و كلما اقترب منها تراه بوضوح اكثر فابتلعت ريقها و برقت عينيها عندما اتضحت معالم الشخص وجدته نفس الذئب و لكن راسه علي جسم إنسان و فجاءه هجم عليها حتي ينال منها 

استيقظت ريناد من نومها و هي تنظر حولها فوجدت نفسها بغرفتها فابتلعت ريقها و اخذت كوب الماء الموضوع بجانبها و قامت بشربه دفعه واحده

ريناد و هي تنهج : يخربيت ده حلم لا حلم ايه ده كابوس ياختي 

فتح الباب فجاءه و دخلت منه فريده : صباح الخير يا ريناد

ريناد و هي تنظر لها بانزعاج : ايه يا فريده حد يدخل كده في باب يا ماما تخبطي عليه

اقتربت فريده منها : طب يلا يا حلوه قومي عشان منتأخرش علي الجامعه

ريناد و هي تنام مره اخري : لا لا مش قادره روحي انتي انا هكمل نوم

اقتربت فريده و نزعت الغطاء من علي وجهها : متستهبليش يا ريناد و يلا بقا

ريناد بتأفف : اوووووف يا فريده 

فريده بترجي : يلا بقا 

ريناد بتوضيح : يا حبيبه قلبي انتي كليه عملي عشان كده لازم تروحي لكن انا مش عملي فانام براحتي بقا

فريده : ما انتي عارفه يا ريناد بحبك تنزلي معايا

تنهدت ريناد و اردفت بمرح : ماشي يا ستي عشان خاطرك بس 

فريده بسعاده : هنزل استناكي تحت عقبال متجهزي

ريناد بضحك : اللي يشوف كدا يقول ان انا الكبيره مش انتي!!!!

فريده بضحك : بطلي تبرطمي و يلا عشان منتأخرش

ريناد : طيب

★★★★★★★

علي طاوله الافطار 

اسيا بتبويخ ل ريناد : انتي يا بنت انتي مش هتبطلي الكسل اللي فيكي ده لازم كل يوم فريده تدخل تجيبك

ريناد و الطعام بفمها : مش كسل يا ماما بس انا مش بحب اصحي بدري

فريده بضحك : ظلمتيها يا ماما هي مش كسوله هي بس مش بتحب تصحي بدري

نظرت لها ريناد : ههه بس يا خفه و الا والله اطلع اكمل نوم اه مفيش الا بابا اللي بينسفني في البيت احبيبي يا بابا الا هو هيرجع امتي صحيح

نظرت لها اسيا باشمئزاز : ايه يا ريناد ده مش هتبطلي طريقتك دي

ريناد و هي تلاعب حواجبها : لا مش هبطلها

انطلقت من فريده ضحكه علي افعال اختها و نظرت ل ريناد 

مش يلا و لا ايه بقالك ساعه بتأكلي

ريناد و هي تنهي افطارها : لسه استني شويه

تنهدت اسيا بقله حيله من تصرفات ابنتها و نظرت لها فريده بتأفف

دخلت الخادمه حجره الطعام و اردفت

الخادمه : اسيا هانم السواق الجديد وصل يا فندم

اسيا بتذكر و تنظر في ساعتها : ممتاز شكله منضبط خليه يستني في الصالون و احنا جايين دلوقتي 

اؤمات لها الخادمه و خرجت من الحجره

ريناد بتأفف : سواق تاني يا ماما انا مش بحب الواقين ما انا اسوق و لا فريده تسوق مش هيحصل حاجه يعني احنا مبقيناش صغيرين

فريده بتحذير : ريناد انتي عارفه ان ماما بتخاف علينا

ريناد بانزعاج : ايوه بس احنا مبقيناش صغيرين

تجاهلت اسيا حديثهم و اردفت : يلا عشان نشوف السواق اللي سيف اختاره لحضراتكو

نهضت ريناد من علي الطاوله و قلبت عينيها بزهق و صارت خلف والدتها و اختها

في حجره الصالون

كان يقف في منتصف الصالون يتطلع علي الصوره العائليه التي كانت تجمع كلا من سيف و اسيا و فريده و ريناد

قطع مشاهدته للصوره دخول اسيا برفقه بناتها

اسيا باستغراب : انت السواق الجديد

جاسر بأدب : ايوه يا فندم اسمي جاسر

اما ريناد فظلت تتفحصه فهو كان وسيم للغايه و جسده رياضي و نظره عينيه يالله من عينيه

فاقتربت ريناد منه و الابتسامه علي وجهها : هاي انا ريناد 

نظر لها جاسر و تحولت ملامحه للصرامه و البرود : اهلا يا فندم

نظرت اسيا بتحذير لابنتها فهي عليها ان تنتبه لافعالها 

اما فريده فكانت تكتم ابتسامتها علي افعال ريناد

ريناد : فندم !!!

الحقي يا فريده ده بيقولي

اسيا و نفذ صبرها : ريناد اتفضلي انتي و فريده علي العربيه و جاسر هيحصلكوا

تأففت ريناد و جذبتها فريده من ذراعيها و ذهبوا من امامهم 

ريناد : شوفتي يا بت الواد حلو ازاي يخربيت حلاوته ده انا من هنا و رايح هحب الجامعه اووي

فريده : بقا كده يا ريناد دلوقتي هتحبيها ماشي

ريناد : ما هي بصراحه لازم تتحب مش شايفه حلو ازاي

فريده بخبث : لا شايفه و شايفه اووي كمان 

نظرت لها ريناد و انطلقت ضحكاتهم عاليا 

و قطع ضحكاتهم مجئ جاسر

جاسر بصرامه : اتفضلوا عشان اوصل حضراتكوا الجامعه

صعدت كلا من فريده و ريناد السياره و كانت فريده تقلب بهاتفها اما ريناد فكانت تنظر لجاسر تراقب حركاته فاقتربت و وضعت راسها بين الكرسين الاماميين

ريناد بتسئاول : هو انت اخرس ؟؟

التفت لها حاسر ينظر لها باستغراب اما فريده فلكمتها في ذراعيها 

ريناد بتوجع : اااه ايه ده بتضربي كده ليه 

ثم نظرت ل جاسر مره اخري : بس لا انت مش اخرس انت كنت بتكلم من شويه

تأفف جاسر من تلك الريناد و تجاهل حديثها 

اما فريده فابتسمت ابتسامه خفيفه

تأففت ريناد من غروره و عجرفته و رجعت لمكانها مره اخري 

ريناد بهمس سمعه جاسر : اومال لو مكنش سواق كان عمل فينا ايه يخربيت تقلك

نظرت لها فريده و همست لها : انتي ايه يا بنت كلتي ودان الراجل

ريناد و هي تشارو علي نفسها : انا!!!

ثم نظرت ل جاسر مره اخري : انا كلت ودانك يا جاسر

جز جاسر علي اسنانه و التزم الصمت 

اغتاظت ريناد كصيرا من افعاله معها و تجاهله لها بتلك الطريقه المستفزه

فاخرجت هاتفها و ظلت تلعب عليه بعدها لاحظ جاسر صمتها تطلع عليها من مرآه السياره فوجدها تلعب علي هاتفها فظل يتطلع عليها و علي فريده و بعدها نظر امامه و اكمل طريقه 

بعد مرور بعض الوقت 

وصل بهم الي الجامعه هبطت فريده من السياره اما ريناد فظلت بالسياره 

فريده من النافذه : ايه يا ريناد متنزلي

نظرت ريناد ل جاسر و اردفت : انت 

نظر لها جاسر بتسئاول

ريناد : اتفضل انزل افتحلي الباب يلا 

نظر لها جاسر قليلا و نزل من السياره و فتح لها باب السياره فنزلت ريناد من السياره و نظرت له بشماته : بعد كده تنزل تفتحلي الباب فاهم

لم يرد عليها و اتجه ناحيه السياره و ركب بها و غادر سريعاً

فريده : ايه يا ريناد ده من امتي بنعامل الناس كده

ريناد : هو اللي استفزني يا فريده عماله اكلمه و مش عاوز يرد عليا مش عارفه شايف نفسه ليه عشان حلو شويتين

فريده : ريناد ملكيش دعوه بيه هو ليه انه يوصلنا مش هنتصاحب يعني

ريناد : ماشي و قفلي بقا كلام في الموضوع ده

★★★★★★★

كانت فريده تستمع لذلك الدكتور التي تهيم به عشقا فهي تعشق محضراته كثيرا و لا تفوتها و سعدت كثيرا عندما علمت بانه يعلم اسمها بل و اخبرها بانه يعلم والدها فمن لا يعرف سمير الدمنهوري اشهر اطباء الجراحه ففريده اختارت ان تدخل كليه طب و تصبح مثل والداها المرحوم

فتنهدت عند ذكر والدها و بعد مرور. بعد الوقت انتهت الماضرت و خرج الجميع من المحاضره 

ياسين : فريده استني

وقفت فريده مكانها : ايوه يا دكتور

ياسين بابتسامه : بكره في محاضره عملي جاهزه 

فريده بلهفه : جاهزه جدا.طبعا انا بحب العملي اكثر 

ياسين بابتسامه جذابه : طب كويس اووي و كمان في موضوع تاني

فريده بهيام : اتفضل يا دكتور

ياسين : انا طبعا عارف انتي ممتازه ازاي و ازاي بتحبي كليتك فايه رايئك جمب العملي تنزلي تدريب معايا او بمعني اصح تبقي مساعدتي في المستشفي و تخشي معايا العمليات 

فريده بتسئاول : و ده ينفع دلوقتي

ياسين : طبعا ينفع انتي مش هتعملي عمليات انتي هتساعدينا انا و هتشوفي العمليات و الحالات بنفسك و اهو تبقي سبقه الكليه عشان لما الكليه تنزلك تدريب تبقي عارفه هتعملي ايه

فريده بسعاده لانها ستفقضي معه وقت اكثر : موافقه طبعا 

★★★★★★★

كان جاسر يجلس باحد الكافيهات يدخن سيجاره ينظر لساعته من وقت لاخر حتي يذهب و يجلب الفتيات من الجامعه

و بعد مرور بعض الوقت نهض من مكانه و ركب السياره و اتجه للجامعه و عند وصوله وجد ريناد تقف مع احد الشباب تمزح معه و فريده شارده في شئ ما جز جاسر علي اسنانه لا يعلم لما غضب عندما رآها تقف مع ذلك الشاب

انتبهت ريناد للسياره فاخبرت فريده و اتجهه ناحيه السياره و برفقتهم ذلك الشاب الذي يجهل جاسر هويته

رسناد قبل انا تصعد للسياره 

ريناد : فريده اقعد انتي قدام و خلي مازن جمبي عشان هيشرحلي شويه حاجات فاتتني 

اؤمات لها و صعدت بجانب جاسر و صعد مازن بجانبها في الخلف

ريناد بتأفف : الله يخربيت اللي يسمع كلامك يا شيخ انا ايه اللي كان دخلني حقوق ها مالي انا بكل الكلام ده

ضحك مازن و فريده عليها و التفتت لها فريده : تستاهلي قولتلك خشي طب في حد يبقا ابوه الدكتور سيف الدمنهوري و امه الدكتوره اسيا عبد السلام و ميدخلش طب دول كان هيذاكرولك يا شاطره

ريناد بانزعاج : يا شيخه اتنيلي بقا انا بقول حقوق صعبه تقوليلي طب

مازن و هو يمسك وجنتيها : انتي اللي كسوله يا حبيبتي

فريده و هي تنظر ل جاسر : جاسر احنا هنوصل مازن الاول و املته عنوانه

جاسر ببرود : تمام

ظل جاسر يتابع مازن و ريناد من المرآه حتي وصلو اسفل بيته فنزلت ريناد.معه و اخبرت فريده من النافذه

ريناد : روحي انتي يا فيري انا هطلع مع مازن انطي ريهام و البت كارمن وحشوني

اؤمات لها فريده اما جاسر فشعر بالغضب الشديد

جاسر : مينفعش لازم حضرتك تروحي معانا انا معنديش خبر انك مش هتروحي

نظرت له ريناد باستنكار و حدثت والدتها : الو ماما انا هطلع مع مازن اسلم علي انطي ريهام و هقعد مع كارمن 

وافقت اسيا و اغلقت ريناد الهاتف و نظرت لجاسر بتحدي 

ريناد : بعد كده متدخلش في اللي ملكش فيه سامع 

نظر لها حاسر نظره ارعبتها فابتلعت ريقها و صعدت مع مازن المنزل

اما جاسر فظل واقف مكانه بعض الوقت فنظرت له فريده

فريده : احمم مش هنتحرك و لا ايه

انتبه جاسر انه مازال واقفا و تحرك بالسياره

★★★★★★

زصلت فريده للمنزل و قابلت والدتها و قبلتعا

اسيا باستغراب : اومال فين ريناد

فريده بضحك : ايه ماما لحقتي تنسي معي كلمتك و قالتلك طالعه لكارمن و انطي ريهام

جزت اسيا علي اسنانها و اردفت : كلميهالي يلا

فريده : حاضر

اخرجت فريده الهاتف و هاتفت اختها و كادت تتحدث فاشارت لها اسيا حتي تعطيها الهاتف 

اسيا : اديهالي

انتي كلمتيني امتي يا هانم و قولتيلي ها انتي مبتسمعيش الكلام ليه يا ريناد انتي طالعه لمين نفسي افهم 

ريناد : ايه اللي حصل يعني يا ماما و بعدين كارمن مجتش الجامعه انهارده و قولت اطمن عليها

اسيا بغضب : هبعتلك السواق دلوقتي و تيجي معاه سامعه

اوووووف يا ماما اووووف

اسيا بتحذير : ريناد 

طيب مازن هيوصلني

اسيا : مازن عنده مذاكره قولتلك هبعتلك جاسر و متكلميش كتير

اغلقت معها و بعدها ابلغت جاسر باز سذهب حتي ياتي ب ريناد

وصل اسفل المنزل فوجدها تنتظره فركبت بجواره و لم تركب بالخلف فنظر لها جاسر بطرف عينيه و تحرك بالسياره

ظلت صامته طوال الطريق لا تريد الاحتكاك به 

اما جاسر فاستغرب صمتها فهي لم تصمت منذ الصباح 

نظر لها بطرف عينيه فوجدها تنظر له فتقابلت عينيهم و اردفت 

ريناد بطريقه طفوليه: انا جعانه

نظر جاسر للكريق : شويه و هنوصل يا هانم

ريناد : بس انا مش عاوزه اكل في البيت انزل جبلي اكل بقولك جعانه 

لعنها جاسر في سره و ركن السياره و هبط منها حتي يجلب لها شيئا تاكله لعلها تصمت

اما هي قامت بتشغيل احدي الاغني و ظلت تدندن معها و تهز راسها باندماج مع الاغنيه فلفت انتباها شيئا ما واقع بالسياره فجذبته بيديها فوجدته المحفظه الخاصه به و وجدت البطاقه كادت تقع منها فسحبتها و قرات اسمه بفضول 

ريناد : جاسر معتز حسن الجمال!!!!