رواية حورية خطفت قلبي الفصل الواحد والعشرين 21 بقلم هبة نعيم
ويأتي نهار جديد مع حياة جديدة وأحلام جديدة
استيقظ أبطالنا من بدري
سيف قام واتوضأ وصلى وكان فرحان جدا
قامت نهلة وبعد ما خلصت صلاتها قعدت تدعي شوية ربنا يسعد ابنها وتكون حياته سعيدة وقرأت وردها خرجت من أوضتها خبطت على سيف
سيف اتفضل
نهلة دخلت صحيت يا حبيبي
سيف أيوة من شوية
قعدت جانبه على السرير خلاص كبرت يا سيف وهتتزوج وتسيبني
سيف مسك إيدها وباسها ماما لو كبرت 100 س هفضل طول عمري ابنك الصغير وبعدين ما أنا شقتي معاكم في نفس البيت مش هابعد عنكم ولا حاجة
نهلة ربنا يسعدك يا حبيبي ويتم فرحتك على خير وحضنته
سيف الله يبارك فيكي يا ماما
نهلة كل حاجة جاهزة
سيف أيوة متقلقيش أنا عامل حساب كل شيء
نهلة وبرضه مصمم تسافر على طول بعد الفرح
سيف أيوة يا ماما أنا حجزت الأوتيل اللي هنقعد فيه
نهلة ماشي يا حبيبي الشقة بعد الفرش بقيت تحفة
سيف فعلا جميلة أنا مختار كل حاجة فيها بنفسي
نهلة تعمروها بالصحة والفرح والسعادة يا حبيبي
سيف يا رب يا ماما
نهلة هاروح أجهز الفطار قبل ما الضيوف والحبايب تيجي
سيف ماشي يا ماما
خرجت راحت المطبخ وقفت تجهز الفطار
جاء عادل صباح الورد
نهلة صباح الفل
عادل مالك
نهلة مافيش
عادل لا فيه
نهلة علشان بس سيف خلاص بقى كبر وهيتجوز وهيبقى له حياة جديدة
عادل يا حبيبتي هي دي سنة الحياة وبعدين هما هيسكنوا معانا في البيت وبكرة يملوا علينا البيت بأحفاد
نهلة يا رب يسعده
عادل أيوة كده ادعيله واعملي بقى لنا فطار حلو كده من إيدك
نهلة بابتسامة حاضر
عادل هاروح اشوف سيف على ما تخلصي وسابها راح لسيف
ميرا صحيت على نغمة االرسالة فتحتها لقيت أدهم ابتسمت وصبحت عليه وقامت خرجت راحت الحمام غسلت وشها وراحت المطبخ صبحت على مامتها
نهلة خدي الأكل دا حطيه على السفرة
ميرا حاضر
عند حورية قامت من النوم كانت فرحانة جدا وفجأة مسكت صورة مامتها وفضلت تبص لها ودموعها نازلة باستها وحضنت الصورة ومسحت دموعها خرجت من أوضتها راحت الحمام غسلت وشها وخرجت راحت المطبخ وفضلت تبص له في كل مكان هيوحشها الشقة كلها هتوحشها جهزت الفطار وراحت حطيته على السفرة وخبطت على باب باباها
شريف فتح الباب وابتسم صباح الورد على أحلى حورية وأحلى عروسة
حورية ابتسمت وباست أيده
شريف حضنها وطبطب عليها اخدها وراحوا يفطروا
عند دنيا دخلت تصحي البنات أصحوا يالله وفتحت الشباك دخل الهوا والشمس
ريم صباح الخير يا ماما
دنيا صباح النور قوموا بقى علشان نفطر ونروح عند خالتكم
روان صباح الخير يا ماما
دنيا صباح النور قوموا بقى
البنات حاضر سابتهم وخرجت
ويعدي الوقت دنيا مع نهلة ومعاها سحر والحبايب والبيت فيه أغاني أفراح وزغاريد دنيا لولولولولوي مبروك يا حبيبتي
نهلة ربنا يبارك فيكي عقبال فرح البنات
سحر ربنا يتم على خير
نهلة يا رب وعقبال أدهم حبيبي وميرا
سحر يا رب
سيف وأدهم في أوضته
أدهم مبروك يا حبيبي
سيف الله يبارك فيك عقبال فرحك
أدهم يا رب بقى قريب
سيف يا رب هانت مبقاش كتير
أدهم كل حاجة جاهزة
سيف أيوة أنا مظبط كل حاجة متقلقش
أدهم تمام هتروح لحورية أمتى
سيف ميعادها الساعة 3
أدهم تمام
ميرا قاعدة مع روان وريم
ميرا ايه بقى رأيكم في فستاني
ريم حلو أوي
ميرا بجد حلو عليا
روان أيوة حلو جدا
ريم شوفي بقى بتاعي
ميرا الله حلو جدا
روان ودا بقى بتاعي
ميرا واو جميل جدا
ريم أنتي هتروحي مع حورية
ميرا أيوة
روان خلاص هنيجي معاكم ونلبس هناك
ميرا فكرة حلوة مافيش مشكلة وفضلوا يرقصوا ويزغردوا
الساعة بقيت 3
سيف خليك هنا هاروح أوديهموأجي
أدهم ماشي خرج سيف خالتو راحت حضنته مبروك يا حبيبي
سيف الله يبارك فيكي يا خالتو
سحر مبروك يا سيف
سيف الله يبارك فيكي يا طنط وسلم على ضيوف عندهم وباركوا له
سيف راح لمامته ماما هاروح أودي حورية وارجع على طول
نهلة ماشي ربنا يحميك يا حبيبي وفضلت تقرأ قرآن وتدعي له
سيف راح لميرا يالله علشان نمشي
ميرا ماشي البنات هتيجي معانا
سيف ماشي يالله
البنات مبروك يا سيف
سيف الله يبارك فيكم اخدهم واتحرك بالعربية نزل خبط على الباب فتح شريف أهلا بالعريس
سيف أهلا بك يا عمي فين حورية علشان منتأخرش
شريف ثواني هي جاهزة يا حورية
خرجت حورية وشايلة الفستان وحاجاتها
سيف راح اخدهم منها جاهزة
حورية هزت دماغها وابتسمت اخدها وراحت سلمت على البنات وركبت واتحركوا
وصلهم وسابهم ورجع البيت عادل وأحمد وسامي قاعدين عادل كبرنا وأولادنا كبروا وبيتزوجوا
أحمد أيوة يا عادل الأيام جريت بسرعة ربنا يسعدهم
سامي أنتم اللي كبرتم أنا لسه في عز شبابي وجنتل
عادل شباب ايه يا راجل والشعر الأبيض دا ايه ضحكم كلهم
الوقت فات شريف في بيته بيبص فيه لقاه فاضي دموعه نزلت خلاص حورية هتتزوج وهابقى لواحدي وبص لصورة نعمة أنتي كمان سيبتيني كان نفسي تكوني معايا في اليوم دا ونفرح مع بعض ببنتنا الحمد لله على كل حال عارف أنك فرحانة وحاسة بنا دلوقتي ربنا يرحمك يا حبيبتي
سيف لبس وجهز وطالع قمر ايه رأيك يا أدهم
أدهم حلو جدا يا حبيبي ربنا يحميك
سيف والبدلة حلوة
أدهم حلوة جدا مش أنا اللي مختارها لازم تبقى حلوة
سيف هههههه وأنت يا سامح رأيك
سامح ما شاء الله ربنا يحفظك ويتم لك على خير يا حبيبي
سيف يا رب تسلم لي
نهلة تبارك الله عليك يا حبيبي عسل ربنا يحميك من العيون
سيف امين يا ماما باركوا له خالتو وسحر والموجودين
سيف همشي بقى نتصور ونروح القاعة
نهلة ماشي هتلاقينا كلنا هناك
سيف ماشي السلام عليكم
ومشي هو وأدهم وسامح
نهلة وعليكم السلام ورحمة الله وبركاته لولولولولولولوي
سيف ركب عربيته وأدهم كمان ركب عربيته وسامح ركب عربيته واتحركوا وكانوا عاملين دوشة وجو فرح بقى
حورية لبست خلاص وجهزت ميرا أول ما شافتها الله أكبر طالعة قمر أوي سيف هيتجنن أم يشوفك
حورية ابتسمت وشاورت عليها بمعنى أنتي كمان قمر
ميرا حضنتها مبروك يا حبيبتي
ريم وروان كمان لبسوا وراحوا سلموا عليها وباركوا لها شوية سمعوا صوت برة ميرا راحت لقيت سيف وأدهم وسامح
سيف خلصتو
ميرا أيوة
سيف ايه الاخبار
ميرا هتشوف بنفسك
سيف دخل أدهم ايه الجمال دا
ميرا انكسفت ميرسي دخل سيف حورية كان قلبها بيدق بسرعة وصل عندها وقف ساكت يبص بانبهار وقال تبارك الله
