 |
رواية عرض جواز الفصل الثاني 2 بقلم اسماء صلاحالبارت الثاني من عرض جواز توفقنا لما نظرت نجمه للشخص اللي قاعد علي الترابيزة واللي هو مروان واخذت نفس وراحت له وشدت كرسي الترابيزة وقعدت قصاده ورفع مروان وشه ونظر لها وقال باستغراب : افندم نجمه قالت : انا اسفه علي اللي عملته ماتزعليش مني مروان قال بدهشة : افندم انتي بتقولي ايه نجمه قالت : تتجوزني ونظر لها مروان بصدمه نجمه قالت لنفسها بابتسامة خفيفة : ايوه هي دي ردت الفعل اللي انا عاوزها وقام مروان من علي الكرسي وهو مصدوم وقال : انتي قولتي ايه نجمه قالت : ايه انت ماسمعتنش بقولك تتجوزني وقامت من علي الكرسي وبعدين انت وقفت ليه اقعد علشان نتكلم ماينفعش نبقي واقفين كده مروان قال بصدمة : انتي مجنونه صح نجمه قالت باستغراب : مجنونه مروان قال بضيق : اهااا مجنونه وشكلك كده هربانه من مستشفى المجانين وطلع المحفظه من جيبه نجمه قالت : انت ازاي تقول كده وحط مروان الحساب علي الترابيزة ونظر لها بغضب وماشي نجمه قالت لنفسها : ماينفعش يمشي دلوقتي لسه الحوار ماخلص انا عاوزا انفعال اكتر لازم امنعه وراحت مسرعه ووقفت قدامه ووقف مروان ونظر لها بدهشة نجمه قالت : انت رايح فين وسيبني كده لدرجتي زعلان مني ومش عاوز تتكلم معايا مروان قال بضيق : زعلان منك ايه وزفت ايه هو انا اعرفك علشان ازعل منك اتفضلي امشي من قدامي نجمه قالت : امشي مروان قال بغضب : ايوه تمشي اتفضلي وشاور بايده نجمه قالت : انا عارفه انك زعلان بس تعال نقعد ونتكلم مروان قال بضيق : نتكلم ايه انا ما اعرفكيش اساسا علشان نقعد نتكلم نجمه قالت باستغراب : ماتعرفنيش مروان قال بضيق : ايوه ماعرفكيش ويلا امشي من قدامي وشاور بايده نجمه قالت : لدرجتي زعلك مني نساك كل اللي كان بينا مروان قال بعصبية : انسها ايه هو انا عمري شوفتك نجمه قالت بدهشة : عمرك ماشوفتني مروان قال بصوت مرتفع وبغضب : ايوه عمري ماشوفتك ويلا بقي امشي من هنا انا مش ناقص جنان على الصبح نجمه قالت : اهدها بس وتعال نقعد انا عارفه انك زعلان مني علشان اللي عملته فأنا اسفه ماكنتش اقصد والله مروان قال بصوت مرتفع وبعصبية : انتي مجنونه هو انا اعرفك وجاءالجرسون على صوت مروان بيه ونظر لنجمه باستغراب والتفت لمروان بيه وقال : فيه حاجة يافندم والتفت له مروان وقال بغضب : انا عارف ايه البلاوي اللي بتتحدف علي الواحد دي وشاور بايده علي نجمه وبتنظر نجمه لمروان وقالت : انا بقيت بلاوي انت زعلان مني ليه دلوقتي ما انا اعتذرتك والتفت الجرسون لمروان بيه باستغراب مروان قال بعصبية : اعتذرتي لي ايه وزفت ايه انا ما اعرفكيش افهمني انت ايه ما بتفهميش والتفت الجرسون لنجمه بدهشة وبتنظر نجمه لمروان وقالت : كفايه بقى ان انت بتعمله ده الزعل ليه حدود وبعدين انا بدات اتضايق بجد وبينظر له الجرسون بدهشة وبينظر مروان لنجمه وقال بعصبية وبصوت مرتفع : ما تضايقي ولا تتحرقي حتى انا مالي نجمه قالت : اتحرق وبينظر لها الجرسون باستغراب وبينظر مروان لنجمه وقال بضيق : ايوه تتحرقي وابعدي بقى من قدامي احسنلك وراح له الجرسون وقال : اهدها بس يا فندم والتفت له مروان وقال بغضب : اهدها ايه وزفت ايه انت كمان ازاي تدخلوا ناس مجانين كده الكافيه نجمه قالت : انا مش مجنونه فاهم واياك تاني مرة تقول الكلمه دي وبعدين انت بتكلمه كده ليه هو عبد عندك علشان تكلمه كده يعني الحق عليه انه بيحاول يهديك مروان قال بعصبية : انا بقولوا كده علشان هو غلطان علشان سمح لمجنونه زيك تدخل الكافيه وتقعد المفروض اللي زيك يبقوا في مستشفى المجانين مش ماشيين لوحدهم كده في الشوارع وبعدين مش مجنونه زيك تعلمنى اتكلم ازاي فاهمه نجمه قالت : قوتلك انا مش مجنونه سامع ورفعت ايدها في وشه مروان قال بعصبية : امال تسمي اللي انت عملتيه ايه ده غير الجنان يعني انت مجنونه وابعدي بقى من وشي احسنلك وبينظر لهم الجرسون بدهشة وبتنظر نجمه لمروان وقالت : مش بعدها ووريني بقي هتعمل ايه مروان قال بغضب : قوتلك ابعدي نجمه قالت : قوتلك مش بعدها الجرسون قال : يا انسه ما ينفعش كده ابعدي حضرتك والتفتت له مروان وقال بغضب :انت بتحترمها اللي زي دي ونظر لنجمه تطلعها وترميها بره الكافيه مش تحترمها نجمه قالت : والله اللي زيك هو اللي يترمي بره مش انا الجرسون قال : ياانسه مايصحش كده انت متعرفش ده مين والتفت له نجمه وقالت : هيكون مين يعني رئيس الوزراء ونظرت لمروان مروان قال بصوت مرتفع وبعصبية : شوفي انا هعد من واحد لتلاته وقسم بالله لو مابعدتي انا هعرفك اكون مين وهتشوفي اللي عمرك ماشوفتيه وهخليكي تكرهي اليوم اللي اتولدي فيه نجمه قالت : والله مروان قال بضيق : واحد وبينظر الجرسون لنجمه بدهشة وبينظر مروان لنجمه وقال : اتنين نجمه قالت لنفسها بقلق : ايه اللي انا عملته ده الموضوع كده هيكبر وبعدين انا كنت عاوزا ردت فعل منه وخلاص ايه اللي خلني انفعل بشكل ده وخرج عن الموضوع لازم الم الموضوع قبل ما يكبر اكبر من كده ونظرت لمروان وبينظر لها مروان بغضب وبينظر الجرسون لنجمه وقال : يا انسه ابعدي ماينفعش كده والتفتت له نجمه ونظرت لمروان بغضب وبعدت شويه من قدامه وبينظر لها مروان بضيق وماشي وبتنظر له نجمه وهو ماشي وقالت بضيق : استني ووقف مروان والتفت لها بغضب نجمه قالت بغضب : اوعى تفتكر ان انا بعدت علشان خفت من تهديدك ده لا تبقى غلطان انا ما بخافش ولا عمري هخاف الا من اللي خالقني انا بعدت بس علشان ما اعملش مشاكل في المكان مش اكثر وراح لها مروان ووقف قدامها بغضب وقال : ما تعمليش مشاكل في المكان كل ده وما عملتيش مشاكل انتي والله اكيد مجنونه وبعدين انتي ما بتخافيش بس انا بقى كنت هخليك تخافي وذوقك ازاي طعم الخوف بس انت اشتريتي نفسك لما بعدتي وكويس انك عملت كده علشان انا مش فاضي لوحده زيك ومشي وبتنظر له نجمه وهو ماشي بغضب وبينظر الجرسون لمروان بيه وهو ماشي بقلق وخرج مروان من الكافيه والتفت الجرسون لنجمه نجمه قالت بضيق : ايه الحيوان ده ومشت وبينظر لها الجرسون وقال لنفسه بقلق : حيوان مروان بيه الشناوي يتقال عليه حيوان طيب كويس انه ما سمعكيش وان كان عمل فيك إللي عمرك ما شفتيه وقعدت نجمه علي الترابيزة بغضب ومروان وهو بره ركب عربيته وقال لنفسه بعصبية : دي ايه المتخلفه دي وتحرك وبتنظر نجمه وهي قعدت علي الترابيزة حوليها بغضب لقيت الجرسون واقف بينظر لها وقالت : ايه فيه حاجة الجرسون قال : ها لا مافيش نجمه قالت بعصبية : امال بتصلي كده ليه الجرسون قال : ها لا يافندم مافيش ومشي ونظرت نجمه قدامها وقفلت اللاب توت واخذت شنطتها وطلعت الفلوس ودفعت الحساب وحطت اللاب توت في شطنتها وقفلتها وقامت وبينظر لها الجرسون باستغراب وخرجت نجمه من الكافيه وبتنظر لقيت تاكسي وقالت بضيق : تاكسي وشاورت له بايدها ووقف سواق التاكسي وركبت نجمه العربية وقالت بضيق : اطلع يا اسطي السواق قال : حاضر وتحرك في فيلا الشناوي : خرج كريم من غرفته ونزل وبينظر ملقاش حد وقال لنفسه : هي ماما فين معقول لسه نايمه يا عايشه عايشه وجاءت عايشه الشغالة وقالت : ايوه يافندم كريم قال : هي ماما فين لسه نايمه عايشه قالت : لا يافندم صحت كريم قال : امال هي فين عايشه قالت : قعدة في الانتريه يا فندم كريم قال : في الانتريه عايشه قالت : ايوه يافندم كريم قال : طيب روحي انتي اعملي كابتشينو عايشه قالت : طيب ما احضر لحضرتك الفطار يا فندم كريم قال : لا اعملي كابتشينو بس عايشه قالت : حاضر يافندم ومشت وراح كريم على الانتريه وبينظر ملقاش حد وقال نفسه باستغراب : الله ما فيش حد هنا والتفتت لقي عايشه ماشيه عايشه ووقف عايشه والتفتت له وقالت : ايوه يافندم كريم قال : مافيش حد في الانتريه وراحت له عايشه ونظرت ملقتش حد والتفتت له وقالت : بس ان شفت وجدان هانم كانت قاعده هنا من شويه يا فندم كريم قال : امال راحت فين هي ماما مش في المطبخ عايشه قالت : لا يافندم كريم قال باستغراب : مش في المطبخ عايشه قالت : ايوه يافندم كريم قال : امال هيكون راحت فين ونظر قدامه يكون ماما اتبخرت وبتنظر له عايشه بابتسامة وسمعته والدته وهي جايه وقالت : اتبخرت ايه يا قليل الادب انت ونظروا عايشه وكريم وراهم لقوا وجدان هانم كريم قال : ايه يا ماما كنتي فين والدته قالت : هكون فين يعني ما انا قاعده معاك اهو والتفتت لعايشه روحي انتي يا عايشه عايشه قالت : حاضر ياهانم وبتسم وهي ماشيه وبينظر كريم لوالدته وقال : قاعده معايا فين انا بقالي ساعه بدور عليكي انتي كنتي مستخبيه ولا ايه والدته قالت : وهستخبى ليه عامله عامله ولا ايه وبعدين ايه اتبخرت دي كريم قال : اصل عايشه قالت لي ان انتي قاعده في الانتريه فجيت عشان اشوفك ما لقيتكيش افتكرت ان انتي اتبخرتي يعني اختفيتي زي الافلام الاجنبيه اللي انا بتفرج عليها تلاقي البطل من دول اختفى فجاه يا ماما والدته قالت : بطل ايه واختفى ايه انت بتخرف على الصبح وبعدين انت ايه اللي مصحيك بدري مش عوايدك يعني تصحها دلوقتي كريم قال : يعني اصحى بدري مش عاجب اصحى متاخر مش عاجب ارسلكم على حل عشان اعمله واخلص والدته قالت : احنا برده اللي نرسي على حل انت اللي ترسى على حل ونظم حياتك شويه كريم قال : انظم ايه يا ماما هي جدول علشان انظمه دي حياتي وبعدين كفايه واحد منظم عندنا هيبقوا اثنين هتبقى خنقه والدته قالت : ما تتلمي يا ولا وضربتها على كتفه كريم قال بابتسامة : صباح الفل يا ست الكل وبسها على خدها والدته قالت بابتسامة : وانا ايه اللي انت عملته ده كريم قال : ايه ببوسك بلاش ابوس والدتي كمان والدته قالت : مافيش فايدة فيك مش هتكبر ابدا ونظر كريم لنفسه وقال : كل ده يا ماما وما كبرتش وشاور بايده على نفسه والدته قالت : انت صحيح بقيت طولي بس عقلك لسه قد كده وشاورت بايدها كريم قال بابتسامة : يا صغير قوي يا ماما ما تكبريش شويه والدته قالت باستغراب : اكبر ايه كريم قال : عقلي اللي في ايدك ونظرت والدته لايدها والتفتت له وضحكت كريم قال بابتسامة : ايوه كده اضحكي وحط ايديه علي كتفها وباسها من خدها وجاءت عايشه ومعها الكابتشينو ونظرت لهم وقالت بابتسامه : اتفضل يا فندم الكابتشينو ونظرت لها كريم وقال : طيب وشال ايديه من علي كتفه والدته ونظرت له والدته وقالت : انت فطرت الاول عشان تشرب كابتشينو والتفت لها كريم وقال : لا يا ماما انا هشرب ده بس مش عايزه افطر والتفت لعايشه واخذت الكابتشينو شكرا يا عايشه عايشه قالت : العفو ومشت والدته قالت : ليه يا ابني ما تفطر الاول ده وقطع كريم كلامها وقال : عارف يا ماما ان انتي هتقولي ايه هتقولي ان الفطار اهم وجبه في اليوم كله صح والدته قالت : اما انت عارف انها اهم وجبه في اليوم كله مش عايز تفطر ليه كريم قال : علشان ما ليش نفس وبعدين انتي عارفه اني ما بفطرش قوي وبيشرب من الكابتشينو والدته قالت : ايوه بس بتاكل اي حاجه كريم قال : انا هبقى اكل اي حاجه في الجامعه يا ماما والدته قالت : ليه انت رايح الجامعه كريم قال : ايوه انما قولي لي هو المنظم فين وبيشرب من الكابتشينو والدته قالت : ولا اتكلم كويس عن اخوك وضربته على كده واهتز المج من ايد كريم وقال : حسبي يا ماما الكابتشينو هيقع عليه ولو وقع هروح اغير لسه والدته قالت : خايف قوي على الشياكه لا تبوظ كريم قال : ايوه طبعا مش لازما ابقى شيك وهو انا اي حد يا انا كريم عابد الشناوي يا ماما ومسك ياقيه الجاكت وبعدين يا ماما انا منظرك الناس لما تشوفني شيك كده وزي القمر هتعرف ان امي شيك صح ولا لا والدته قالت : صح يا اخويا بس بطل غرورك ده وخليك متواضع شويه كريم قال : هو انا عندي غير التواضع يا ماما والدته قالت : اه ماهو باين كريم قال : شفت بقى ما قلتليش المنظم فين مش سامع صوته يعني والدته قالت : ثاني بتتكلم عن اخوك كده يا ابني مروان ده اخوك الكبير ما ينفعش تتكلم عنه كده كريم قال : ده هي سنه يا ماما إللي بيني وبينه وبعدين انتي اللي غلطانه مش عارفه تجيبيني انا الكبير الاول والدته قالت : هي دي حاجه بايدي علشان اعملها واجيبك انت الكبير كريم قال : اه صح معاكي حق وبعدين كويس اللي ما بقتش انا الكبير والدته قالت باستغراب : ليه بقي كريم قال : علشان بيقولوا ان الكبير بيبقى عاقل اوي وعنده عقل كبير وانت بتقولي ان انا عقلي صغير قده كده وشاور بايده والدته قالت بابتسامة : صح انت معاك حق انت ما تعرفش تكون الكبير كريم قال بابتسامة : ومش عايز ابقى الكبير يا ماما لو هو بالشكل ده انا مبسوط وانا صغير ما قلتليش بقى المنظم فين والدته قالت : برده كريم قال : خلاص ولا تزعلي نفسك اخويا الكبير مروان فين كده كويس والدته قالت : هيكون فين يعني راح الشركه كريم قال : ايه ده رايح الشركه من غير ما يصبح عليا ويشوفني والدته قالت : ما انت كنت نايم وما رضاش يصحيك كريم قال : طيب امسكي ومد ايده بالكابتشينو ونظرت والدته للكابتشينو والتفتت له وقالت : ايه مش هتكملوا كريم قال : امسكي بس ياماما والدته قالت : طيب واخذت المج كريم قال : سلام وباسها علي خدها وماشي والدته قالت بابتسامة : انت رايح فين تعالى كمل الكابتشينو بتاعك ووقف كريم والتفت لها وقال : لا دي هديه مني ليكي يا ماما اشربيه انا هروح الشركه اشوف الاستاذ وأصبح عليه وبعدين اروح الجامعه والدته قالت : بس ليكون مروان مشغول ولا حاجه هتعطلوا عن الشغل كريم قال : هعطله ايه يا ماما هو ده بيتعطل ابدا ده دماغه بس متبرمجه على الشغل يا انا بتكلم معاه وهو بيشتغل وما بيرد علي ولا اديني حد قاعد والدته قالت : ما هو انت عارفوا لما بيكون مشغول ما بيعرفش يرد على حد بتروح له ليه بقى هو مشغول كريم قال : ما انا لو استنيت يا ماما ان هو لما يفضى يبقى مش هتكلم معاه خالص عشان هو ما بيفضاش اساسا يبقى اعملوا ايه اكلمه وخلاص بقي وهو مشغول والدته قالت : ما هو الله يكون في عونه شايل الشغل كله لوحده من ساعه ما عابد مات وانت ما تتكسفش على دمك وتروح تشتغل معاه تساعده شويه لا كريم قال بابتسامة : ايه يا ماما مش انت لسه قايله ان عقلي صغير هشتغل ازاي بقى والدته قالت : هو انت ما صدقت ان انا قلت انك عقلك صغير قاعد تفكرني بها كل شويه كريم قال : بصراحه اه يلا سلام واشاور بايده والدته قالت بابتسامة : مع السلامه وخرج كريم من الباب الفيلا والدته قالت لنفسها : مافيش فايدة وبتشرب الكابتشينو ايه ده يا من غير سكر بيشربوا ازاي كده وهو مر يا عايشه عايشه وجاءت عايشه وقالت : ايوه يا هانم وجدان قالت : امسكي الكابتشينو ده عايشه قالت : حاضر واخذت الكابتشينو وجدان قالت : اشربيه او كبي عايشه قالت : حاضر يا هانم تامري بحاجة تانيه وجدان قالت : لا روحي انتي شوفي شغلك عايشه قالت : حاضر ومشت ومشت وجدان وراحت علي غرفتها امام باب الفيلا : راح كريم عند عربيته وفتح الباب والتفتت لجاد البواب قاعد جانب البوابة وقال : جاد ونظر له جاد وقال : ايوه يا كريم بيه كريم قال : افتح البوابه جاد قال : حاضر وقام وفتح البوابة وركب كريم عربيته وتحرك ونظر له جاد وقال : مع السلامه يافندم وشاور له كريم بايده وهو في العربية وخرج من الفيلا وقفل جاد البوابة وراها وقعد جانبها في بيت نجمه : خرج جمال من غرفته وقال لنفسه : اما اشوف عندنا كده طماطم ولا لا علشان الطبيخ ولو مافيش اجيب معايا وانا جاي من المدرسه وراح ودخل المطبخ وراح عند الثلاجة وبينظر ملهاش فيها غير طماطميتين كويس ان انا افتكرت قبل ما انزل اهو ما كانش فيه طماطم لو ما كنتش افتكرت كنت هعمل الاكل بايه بقى هبقى اجيب وانا جاي بس يارب ما انسى خرج من المطبخ وراح وفتح باب الشقه وخرج وقفله وراها ونزل وبينظر لقي سعيد جارهم في الشارع فاتح الدكان بتاعه صباح الخير يا سعيد ونظر له سعيد وهو بيرص الحاجه في الدكان وقال : صباح الخير يا استاذ جمال اتفضل جمال قال : لا شكرا اصل انا رايح المدرسه سعيد قال : طيب مع السلامه وشاور بايده جمال قال : الله يسلمك ومشي في التاكسي : نجمه قالت لنفسها بضيق : هو ازاي يكلمني كده شايف نفسه علي ايه ليكون رئيس الوزراء وانا مش واخده بالي لا وبيهددني كمان ده ايه البجاحه دي وايه اشتريت نفسي ليه كانت البلد سايبه ولا ايه علشان شايف نفسه كده وبيهدد الناس كده ايه القرف ده ووقف السواق العربية ونظر لنجمه في المرايا وقال : وصلنا يا انسه ونظرت له نجمه وقالت بغضب: ها السواق التاكسي قال : وصلنا الجامعه ونظرت نجمه من شباك العربية لقيت الجامعه والتفتت للسواق وقالت : طيب ودفعت الحساب ونزلت من التاكسي ودخلت الجامعة وراحت علي كليتها وقعدت جانب الكليه بضيق وتذكرت اللي حصل معها في عربية مروان : وبيتذكر مروان اللي حصل معه في الكافيه وقال لنفسه بضيق : كان ناقصني كمان مجانين على الصبح ده ايه قله الادب اللي هي فيها دي اكيد دي ما عندهاش عقل و مجنونه فعلا جايه تقول لي تتجوزني دي ما عندهاش احترام ولا اخلاق ازاي تقول لواحد كده ماتعرفوش انا مش فاهم اهلها فين دول و سايبينها كده تعرض نفسها على الشباب ده ايه الحقارة و القذاره دي انا ما شفتش كده لا و واقفه كمان تعلمني اتكلم ازاي يعني حقيره و معدومه الاخلاق وجايه تعلمني اتكلم ازاي ده ايه ده ونظر من شباك العربيه بغضب امام المدرسه : وصل جمال علي المدرسه ودخل وبينظر علي التلاميذ في الحوش ورايح علي فصول ونظر لقي استاذ عصام مدرس الرياضيات جاي وقال : صباح الخير يا عصام عصام قال : صباح الخير يا جمال ايه انت لسه جاي ولا ايه جمال قال : ايوه ما انا عندي الحصص بتاعتي متاخر شويه عصام قال : اهااا يا بختك يا عم هو دايما التاريخ كده واخد حقه انا هنا من الساعه 7:00 جمال قال : ايه انت هتقر ولا ايه عصام قال : لا يا عم مش هقر ما تخافش انا عينيه ايه مش مدوره جمال قال بابتسامة : طيب انا همشي بقى علشان عندي حصه عصام قال بابتسامة : طيب ومشي جمال ونظر له عصام وهو ماشي بابتسامة ومشي وراح جمال علي الفصول ودخل وبينظر لقي التلاميذ قعدين بيعلبوا وقال : قايم ونظروا له التلاميذ ووقفوا جمال قال : جلوس وقعدوا التلاميذ جمال قال : يلا طلعوا كتاب التاريخ وفتحوا علي الفصل الرابع التلاميذ قالوا : حاضر يا استاذ وطلعوا الكتب وفتحوا علي الدرس الرابع وراح جمال واخذ كتاب من تلميذ وبدا يشرح امام شركه الشناوي : وصل كريم على الشركه وقف العربيه ونزل منها وبينظر علي الشركه ودخل ورايح علي مكتب مروان وبينظر له الموظف ووقف وقال : صباح الخير يافندم والتفت له كريم ووقف وقال : صباح الخير ومشي وبينظر له الموظف ومشي وراح كريم علي مكتب مروان وهيفتح الباب وبتنظر نجوي السكرتيره لقيت كريم بيه وقامت وقالت بابتسامة : صباح الخير يافندم والتفت لها كريم وقال : صباح الخير يانجوي ونظر للباب وهيفتح الباب نجوي قالت : هو حضرتك رايح فين والتفت لها كريم وقال : هكون رايح فين يعني دخل لمروان اخويا ايه فيه مانع ولا ايه نجوى السكرتيره قالت : لا يافندم انا اسفه بس كريم قال باستغراب : بس ايه نجوي قالت : مروان بيه مش في مكتبه يا فندم كريم قال باستغراب : مش في مكتبه نجوي قالت : ايوه يافندم كريم قال : امال فين نجوي قالت : معرفش يافندم هو لسه موصلش كريم قال باستغراب : موصلش نجوي قالت : ايوه يافندم كريم قال لنفسه باستغراب : غريبه ده ماما قالت لي انه راح الشركه وهو مش هنا امال هيكون راح فين وبعدين ليه يكذب على ماما وقال لها اللي هو رايح الشركه ده عمره ما كذب عليها اما اتصل بيه اشوفه فين وطلع التليفون من جيبه وهيتصل لا بلاش احسن ليكون في شغل ولا حاجه استنى شويه لما يجي وقاعده علي الكرسي قصاد نجويالسكرتيره نجوى السكرتيره قالت : اتفضل يا فندم في مكتب مروان بيه عقبال ما يجي وشاورت له بايدها كريم قال : لا انا استنى هنا لما يجي اقعدي انتي شوفي شغلك نجوى السكرتيره قالت : حاضر يا فندم وقعدت علي وفتح كريم تليفونه وبيتصفحه ونظرت لها نجوى السكرتيره وقالت : تشرب ايه يا فندم والتفت لها كريم وقال : لا شكرا مش عايز حاجه ونظر في تليفونه نجوي قالت : طيب ونظرت في ملف اللي قدامها امام الشركه : وصل مروان على الشركه وقف العربيه ونزل منها ودخل الشركه بغضب ورايح علي مكتبه وبتنظر له الموظفه ووقفت وقالت : صباح الخير يافندم ومشي مروان بغضب وبتنظر له الموظفه وهو ماشي وقالت لنفسها باستغراب : هو ماله مروان بيه ما ردش عليا ليه انا بقول له صباح الخير هو حر ما رواح اشوف شغلي بدل ما يزعق لي ومشت وبتنظر السكرتيره قدامها لقت مروان بيه جاي والتفتت لكريم بيه وقالت : اهو مروان بيه وصل يا كريم بيه ونظر كريم لقي مروان جاي وقال لنفسه باستغراب : ماله مروان شكله متضايق او متعصب من حاجه وجاء مروان لهم بضيق وقامت نجوى السكرتيره من على الكرسي وقالت : صباح الخير يا فندم والتفت مروان لكريم وقال بغضب : انت بتعمل ايه هنا يا كريم ونظرت نجوي السكرتيره لكريم وقام كريم وقال : بعمل ايه هنا هكون بعمل ايه يعني جاي اشوفك وبابتسامه ولا انا لازم اخد ميعاد علشان اشوفك ولا ايه وبينظر له مروان بغضب والتفت لنجوى السكرتيره وقال : نجوي وبينظر له كريم باستغراب ونظرت له نجوى السكرتيره وقالت : ايوه يا فندم مروان قال : بلغي اعضاء مجلس الاداره ان انا عاوز اجتمع بيهم بعد ربع ساعه في غرفه الاجتماعات وخلي الاستاذ شهاب يجيب معاه ملفات المبيعات بتاعه الشهر ده والشهر اللي فات نجوى السكرتيره قالت : حاضر يافندم ومشي مروان وبينظر له كريم وقال لنفسه بدهشة : ماله ده ودخل مروان مكتبه بغضب وبتنظر نجوي السكرتيره لكريم وبينظر كريم بالصدفة علي شماله لقي نجوي بتبص له وقال : احم احم وبجديه اعملي اللي مروان قالك عليه مش عايز تاخير فاهمه نجوي السكرتيره قالت : حاضر يافندم ومشي كريم ودخل لمروان المكتب وبينظر لقي مروان قاعد علي كرسي مكتبه وناظر في ملف قدامه ونظر للباب وقفله وراح له وقال : ايه يابني خليت وشي وحش قدام السكرتيره بره وقعد قصاده علي الكرسي وبينظر مروان في ملف قدامه بضيق كريم قال باستغراب : ايه يا مروان انا بكلمك ما بتردش عليا ليه ونظر له مروان وقال بضيق : ارد عليك في ايه هو انت قلت كلمه عدله من ساعه ما قعدت عشان ارد عليك وبعدين انت ايه اللي جابك كريم قال : هو انت زعلان من ايه مروان قال : وهزعل من ايه بقى ان شاء الله وبعدين انا بكلمك في ايه وانت بتكلمني في ايه كريم قال : سيبك من اللي انت بتكلمني فيه دلوقتي وقول لي ايه اللي مزعلك كده ايه اللي حصل ما خليك متضايق وعصبي بالشكل ده مروان قال بغضب : ما حصلش حاجه قول لي بقى انت جاي ليه جاي علشان تعطلني وخلاص كريم قال : لا وربنا في حاجه حصلت وانا مش عارفك وبعدين انت كذبت على ماما ليه وقلت لها انك رايح الشركه وانت لسه واصل دلوقتي انت كنت فين بقى مروان قال : هو انت جاي تحاسبني كنت زي ما كنت ما لكش فيه وبعدين انت نسيت ان انا اخوك الكبير ولا ايه كريم قال: لامانسيتش وبقولك ايه متحاولش تغير الموضوع وقولي بقي فيه ايه معصبك كده مروان قال بغضب :مافيش حاجه حصلت وكويس بقي انك جيت علشان انا كنت عاوزك في موضوع كريم قال باستغراب : موضوع ايه يامنظم مروان قال بجديه : انا ما بهزرش يا ظريف انا بتكلم جد مش وقت هزارك ده كريم قال بابتسامة :شوف انا متاكد ان فيه حاجة حصلت خليتك متعصب كده بس مش وقته بعدين هعرف اتفضل انا سامعك وحط رجل علي رجل ايه الموضوع ونظر مروان لرجل كريم والتفت له بغضب ونزل كريم رجله وقال باستغراب : ده باين عليه موضوع مهم مروان قال بضيق : ايوه مهم امال عاوز اهزر معاك يعني كريم قال بجديه : خلاص اتفضل قولي ايه الموضوع مروان قال : عاوزك تشتغل معايا هنا في الشركه كريم قال باستغراب : ايه مروان قال : هو ايه اللي ايه انت سمعتني كويس انا كنت هكلمك الصبح بس لقيتك نايم فقولت لما ارجع علي البيت ابقي اكلمك في الموضوع كريم قال : هو انت وماما اتفقتم عليه ولا ايه مروان قال بضيق : ايه اللي دخل ماما دلوقتي في الموضوع اللي انا بكلم معاك فيه ده كريم قال : ايه اللي دخلها ازاي ماهى ماكلمني قبل مااخرج في الموضوع ده مروان قال باستغراب : ماما اتكلمت معاك في الموضوع ده كريم قال : ايوه وقالت لي بحرف الواحد اني اتكسف علي دمي و اروح اشتغل معاك في الشركه وانا افتكرتها بتهرز واهو طلع الموضوع بجد وبعدين عاوز تفهمني انك مش عارف مروان قال : وانا هعرف منين يا بني انت كريم قال : تعرف منين ايه تلقيك اتكملت معها في الموضوع ده قبل ماتخرج علشان تفتحني فيه مروان قال : ليه هو أنا خايف منك ولا وايه علشان مافتحكش في الموضوع كريم قال : لا مش خايف بس يعني عاوز تفهمني انها صدفه ان انت وماما تتكلموا معايا في نفس الموضوع من غير ماتكونوا ماتفقين مروان قال : وهنتفق عليك ليه انت اخويا ودي والدتك وبعدين ماما ماقلتليش اساسا انها هتفتح معاك الموضوع ده ولا انا اتكلمت معها من الأساس في الموضوع ده وعلي العموم قولت ايه بقي كريم قال : مش موافق يا مروان مروان قال : ليه بقي ان شاء الله مش موافق كريم قال : يامروان انا لسه صغير ولسه حتى مخلصتش جامعه علشان اشتغل من دلوقتي مروان قال : لسه ايه يابابا كريم قال : لسه صغير مروان قال : والله انت شايف نفسك صغير يعني انت هتخرج السنه دي من كليه اداره الاعمال وتقولي صغير كريم قال : اهو انت قولتها هتخرج يعني لسه في الكليه هشتغل ازاي بقي مروان قال : ودي يعني مشكله اشغل ودرس مع بعض فيها ايه دي كريم قال : طيب وليه ازنق نفسي انا كده مش هعرف اوفق بين الشغل والدراسة مروان قال : وماتفقش ليه ما انا كنت بشتغل وبدرس مع بعض كريم قال : انا غيرك يامروان انت بتعرف تركز في كذا حاجه مع بعض بس انا ما بعرفش اعمل كده ببقي حاسس اني تايه ومش عارف بعمل ايه مروان قال : بجد امال بتلعب اسكواش وبتدرس ازاي ما هو دول حاجتين مع بعض كريم بطل استعباط انا عارفك كويس وبعدين انا ما بقولش انك هتمسك الشغل علي طول كريم قال : امال هعمل ايه في الشركه مروان قال : هتدرب الاول علشان تاخد فكرة عن الشغل وبعد كده لما تتخرج من الكليه هتمسك معايا الشركه كريم قال : طيب وليه ماتخلي كل ده لما اتخرج وخلاص يا مروان مروان قال : يابني انت هتدرب بس علشان تعرف الشغل ماشي ازاي ولما تتخرج تبقي تمسك الشركه معايا بدل اما تستني لسه لما تتخرج تجي تدرب اهو تكون عندك فكرة عن الشغل قولت ايه كريم قال : يا مروان وخبطت الباب : ونظر مروان للباب وقال : ادخل ونظر كريم علي الباب ودخلت نجوي السكرتيره ونظرت له وقالت : انا بلغت أعضاء مجلس الاداره يا فندم زي ما حضرتك طلبت وهما في غرفة الاجتماعات ومستنين حضرتك مروان قال : طيب اتفضلي انتي يا نجوى نجوي السكرتيره قالت : حاضر يافندم وخرجت من المكتب وقفلت الباب وراها ونظر كريم لمروان بقلق والتفت مروان لكريم وقال : شوف يا كريم انا عمري ماغصبتك علي حاجة بس انا بعمل كده علشان مصلحتك وقام من علي الكرسي وقام كريم وقال : انت رايح فين مروان قال : هكون رايح فين يعني رايح علي الاجتماع انت ماسمعتش كريم قال : طيب مش نكمل كلامنا الاول مروان قال : انا خلصت اللي عندي ومعتش فيه حاجة اقولك انت بقي اللي عليك تقرر هتعمل ايه وماشي ونظر له كريم وهو ماشي وحط ايده علي كتفه ووقفه والتفت له مروان وقال بضيق : عاوز ايه تاني كريم قال : هو انت هتزعل مني لو رفضت الشغل في الشركه مروان قال : وهزعل ليه انا بعمل كده علشان مصلحتك ودي حياتك وانت حر فيها اعمل اللي انت عاوزه بس هو ده قرراك يعني كريم قال : انا مش عارف يا مروان اذا كنت اقبل ولا ارفض انا خايف لو وفقت ابوظ الشغل وفي نفس الوقت لو رفضت انت وماما هتزعلوا مني وهتقولوا اني مش عاوز اتحمل مسئوليه بس الموضوع مش كده والله يامروان مروان قال : انا عارف ياكريم ان الموضوع مش كده من غير ماتحلف وانا وماما عمرنا ماهنقول كده علشان احنا عارفينك كويس وكمان مش هنزعل منك وبعدين انا هنا ومش هسمح ان الشغل يوبظ بس انا مش هقدر اساعدك انك تاخد القرار ده يا كريم كريم قال باستغراب : ليه يامروان انت مش اخويا الكبير مروان قال : ايوه انا اخوك الكبير بس انت اللي لازم تقعد وتفكر لوحدك وتاخد قرارك علشان انا مش عاوز اضغط عليك يا كريم واي كان القرار اللي انت هتاخده فانا عاوز اقولك حاجه مهم كريم قال باستغراب : حاجه ايه يامروان مروان قال : بابا الله يرحمه لو كان عايش ياكريم كان هيجيبك برده تشغل معاه في الشركه بس مش دلوقتي عارف من امتا كريم قال : من امتا يا مروان مروان قال : من اول ما خلصت الثانويه العامه ياكريم كان هيجيبك هنا تشتغل زي ما عمل معايا وجبني هنا معاه علشان يعلمني الشغل ولو ما كانش هعمل معاي و جابني هنا الشغل ما كنتش هعرف امسك الشركه دي و اكبرها وتبقى من اكبر الشركات في مجال الطباعة بس ربنا ما اردش انه يعمل كده معاك وتوفى وانت في الثانويه وانا ما رضيتش اعمل كده معاك تعرف ليه كريم قال : ليه يا مروان مروان قال : علشان انت كنت فرحان بنجاحك في الثانويه العامه وكنت بتخطط هتعمل ايه في الكليه فقلت انك لسه صغير وبلاش ابوظ عليك فرحتك واجيبك تشتغل في الشركه معايا واستنى لما تبقى في اخر سنه في الجامعه وفتحك في الموضوع واديك اهو بقيت في اخر سنه واديني فتحتك في الموضوع وانت بقى اللي عليك تقرر هتعمل ايه كريم قال : طيب انت عايزني اعمل ايه يا مروان مروان قال : انا مش عايز حاجه يا كريم وانا قلت كل اللي عندي وقلت لك انت اللي لازم تاخد القرار بنفسك علشان ما تقولش بعد كده ان انا خليتك تشتغل هنا غصب عنك انت اللي لازم تاخذ القرار كريم قال : ايه اللي انت بتقوله ده يا مروان انا عمري ما هقول انك غصبت عليه مروان قال : حتى لو مش هتقول كده يا كريم بردك ده قرارك وانت اللي لازم تاخده وكفايه كلام بقي عشان انا عندي اجتماع عن اذنك ومشي وبينظر كريم لمروان وهو ماشي بقلق وخرج مروان من المكتب ونظرت له نجوي السكرتيره وقامت ومشي مروان وقعدت نجوي السكرتيره علي الكرسي وبتشوف شغلها في مكتب مروان : كريم قال لنفسه بقلق : اعمل ايه بس دلوقتي وقاعده على الكرسي كان لازم اجي يعني الشركه علشان اصبح عليك ما كنت اتصلت بيه و صبحت عليه وخلاص كان لازمته ايه ان اجي الشركه يعني يا ريتني ما جيت وبيحط ايده على وشه في الطرقه : وماشي مروان ورايح علي غرفة الاجتماعات وتذكر اللي حصل معه في الكافيه فظهر علي وجهه علامات الغضب ووصل علي غرفة الاجتماعات ودخل والتفتوا له الكل وقاموا ونظر لهم مروان وقال بضيق : اتفضلوا واسف علي التأخير وقعدوا الكل وبينظروا له وقعد مروان علي الكرسي والتفت لشهاب وقال : جبت يا استاذ شهاب الملفات اللي انا طلبتها ونظر له الاستاذ شهاب وقال : ايوه يافندم اتفضل ومد ايده واخذ مروان منه الملفات وقال : شكرا ونظر للكل الملفات ديت تخص مبيعات الكتب بتاعه الشهر ده والشهر اللي فات وانا لاحظت ان نسبه المبيعات انخفضت للنص عن الشهر اللي فات فانا عايز اعرف ليه معقول الناس بطلت تقرا يعني الاستاذ شهاب قال : لا يا فندم ما بطلوش يقرءو ونظر له مروان وقال : بما انهم ما بطلوش يقراوا نزلت المبيعات لنص ليه الاستاذ لبيب قال : يافندم فيه كتب كتير في السوق ومبيعاتها بتنزل برده يعني احنا مش لوحدنا يافندم ان مبيعاتنا نزلت النص مروان قال بغضب : والله امال حضرتك لازمتك ايه في الشركه اما انت شايف كده وبعدين يا استاذ انا مليش دعوة بحد انا لي دعوة بنفسي وبس فاهم ونظر الاستاذ لبيب للارض بقلق والتفت لهم مروان وقال بغضب : احنا مش عملين دعايه واعلانات علشان الكتب بتاعتنا مبيعاتها تنزل للنص سامعين احنا عملنها علشان نحقق اعلي مبيعاتها في السوق الاستاذ شهاب قال : يا فندم فيه كتب بتبقي اسعارها رخيصه فالناس بتروح للكتب دي ده غير فتحي الشاذلي مروان قال باستغراب : فتحي الشاذلي الاستاذ شهاب قال : ايوه يافندم عمل دعايه كبيرة جدا للكتب بتاعت شركته واسعارها رخيصه جدا وسمعت انها محقق نسبه مبيعات كبيرة في السوق مروان قال بضيق : طيب المشكله دي لازم تنحل ومحدش هيروح منكم غير لما نلقي حل فاهمين وبينظروا له الكل وقالوا : حاضر يافندم وانفتح الباب ونظر مروان والكل ناحيته باستغراب ----------------- نتبع بقلم Asmaa Salah الفصل الثالث من هنا |
بدل ماتدور وتبحث علي الروايات خليها علي تليفونك وحمل تطبيقنا
