رواية عاد طليقي الفصل الثاني 2 بقلم جمانه السعيدي
نور افتر وادور ملابس على كدي ماكووو كلهن كبار عليه
اله اغرمهن يله يجني
واشتريت ذهب
والبدلات ولا وحده تجيني كلهن دلع
دزولنا خبر بيت ابو عادل يكولون يوم واحد المهر والعرس
عادل يكول حيل مشغول وما اريد هوسه كل يوم
فعلا كلالتحضيرات جهزت على السريع
رحت للصالون قبل العرس بيوم
حفيت وميشيت شعري
وكملت كلشي حتى تبقى بس التسريحه والمكياج اليوم العرس
كلما نسئل عن العريس ما موجود عندا شغل طلع
هو كان يكمل اجراءات السفر ومحد يدري بي
بيوم العرس رحنا للصالون اني وامي وام الصالون تعجبت
كالت هاي طفله ليش تردون ازووجها
شني مستعجلين على عرسها
وينها وين العرس
واني شكد ضجت منها هي شعليها
لبسني البدله وحارو بيها شلون يرهمونها عليه
ام الصالون بدت. تخلي سفنج
يله كعدت البدله عليه
سوتلي تسريحه تخبل ومكياج
شويه المكياج والتسربحه كبرني يعني بينت مره مو طفله
بابا دزلنا سياره وكال يله بسرعه
الناس منتضرينكم
رجعنا للبيت وكعدنا وكبت الهلال والركص
بعدين بدا الشيخ يعقدلنا
عقدلي بلاول وبعدين عقد العادل
واني ما مصدكه احس نفسي اكثر وحده محضوضه بلدنيا
معقوله حبيبي يجي يخطبني بهلسرعه
اجا عادل دخل كعد يمي وكال مبروك
ولبسنا الذهب وباسني براسي
وبدات الهلال والركص
جان لابس قاط زيتوني وقميص كريمي وحالق طالع يخبل
يمكن كلبي راح يوكف من الفرحه
شويه ولزمني من ايدي وطلعنا صعدنا بلسياره
وجانت الزفه تخبل
ورجعنا بنفس الشارع لان همه كبالنا
دخلنا للبيت اني اخذني النسوان الغرفتي وعادل بس
وصلني راح للزلم
امي كعدت توصي بيه توصيات الامهات المعروفه
بهيج ليله
بعدين زفو العريس
دخل وامي وصته عليه كاللها بعيني لاتخافين عليها
امي طلعت من يمي ودمعتها على خدها
قرب عليه وكال مبروك
باسني براسي وكال اخذي راحتج
وكف يم الكنتور ونزع ملابسه وعلكهن ولبس دشداشه بيضه
واني كاعده ومدنكه والخوف اخذني
شكد جنت حابه ارتبط بي بس ما اعرف ليش خايفه
رجع عليه وكال ليش ماتبدلين اساعدج
نور لا اني ابدل وحدي
عادل اني راح اجيب العشى وانتي اخذي راحتج
نور هو طلع واني نزعت البدله
طلعت عبالك عصفور مبلل البدله جانت ساتره عليه
لفيت نفسي بلروب وكعدت على الجربايه
اجا وجاب صينيه العشى
عادل تعاي تعشي
نور ما اريد
...شلون تبقين بلا عشى
...ما اشتهي
...زين راح ابقي الاكل هنا اذا جعتي وهاي الثلاجه بيها عصير وحلويات ونسأتل
اذا جعتي اكلي
خلص وطلع غسل ورجع طبك الباب وطفى الضوه بقى بس كلوب احمر مشتعل
الضوه مالته كلش هادء
كعد يمي وكال خل افتحلج التسربحه
بدا يفتح بلماشات بعدين ضحك وكال
شني هاي شكد ما شات بشعرج
بدأ يتقربلي شويه بس اخذ شغلته ابتعد عني نزل من الجربايه بعصبيه
وكال استغفر الله
اخذ التراك والمنشفه وطلع
طبك الباب
اسمعه يحجي ويه امه برا
ام عادل
عادل يمه انتم صدك تحجون مالكيتو غيرها
...شبيها
..يمه جاهله وضعيفه حيل
يعني اني عادل شفت بنات بكد شعر راسي هاي زوجتي
انت مقتنعه
...يااا يمه هسه تسمن ولله حلوه بس شويه ضعيفه
...اني صوجي عفتكم تختارولي والا اني هاي زوجتي
خلي لعلمج اني راح اسافر وهاي الورطه انتم ورطتني بيها
وانتم تتحملون مسوليتها
عاف امه وراح دخل للحمام ومن طلع راح نام بلاستقبال
ما رجع للغرفه ابد
نور اني سمعته واني كمت ابجي تغطيت وكمت ابجي
شويه ودخلت عليه خالتي وسمعتني ابجي
ام عادل يايمه ليش تبجين يوجعج شي
نور اهي اهي اي توجعني بطني
ام عادل هسه اجيبلج حبايه مسكن
طلعت ورجعت جايبه وياها شريط حب مسكن
طلعت مي من الثلاجه وأخذت الحبايه
ام عادل يمه ليش ما تاكلين
...مو جوعانه
...لازم تاكلين حتلو لفه زغيره
سوتلي لفه واكلتها وشربت شويه عصير
ام عادل كومي اسبحي حتى ترتاحين
طلعتلي دشداشه من الكنتور واخذتني للحمام سبحت وبدلت ورجعت للغرفه
ام عادل نامي والصبح انشاء الله تكزمين زينه
نور خاله عادل ما يريدني 💔💔💔
ام عادل ليش تكولين هيج حبيبتي
نور اني سمعته يحجي وياج
ام عادل معليج بي هسه يوم يومين يتعلم عليج
نور اتمددت وغطتني وطلعت بس عيني ما أخذت نوم ابد
للصبح واني كاعده
كميت الحزن الي حاسه بي مو طبيعي
الصبح دخلت عليه خالتي وكالت كومي بدلي وتريكي خاف يجون اهلج
بس اريد اوصيج وصيه
لاتكولين الامج على الي سمعتي من عادل البارحه
لان راح اضوج عليج
نور لا ما احجي ابد
كمت بدلت اباوع بلمرايه عيوني مورمات من البجي
بدلت وطلعت غسلت وجهي شويه واجت امي جايبه الريوك
بس شافتني تخبلت
ام نور يايمه شبيج ليش هيج عيونج وارمه
نور يمه ابجي عليكم لان مامفاركتكم ابد
ام نور سوده عليه يمه بنيتي هاي شصاير بيج
كعدنا نتريك اني وامي وخالتي
امي سألتها على عادل
ام عادل عادل اتريك وطلع ما راد يكعد نور ويتعبها
ام نور اليوم عرسه شلون يطلع
ام عادل جماعته خابرو علي وطلع هسه شويه ويجي
ام نور يمه شبيج ليش ما تاكلين
نور ما اشتهي
ام نور شني ما تشتهين لازم تاكلين العرس ينرادله حيل
وانتي روحج ممروده مرد
بيومها عادل مادخل للغرفه ابد اذا يريد شي تجي خالتي تأخذه اله
وهم احنا ملتهين بلخطار
بليل سمعته اتعارك ويه عمي
ويحجي على عمي
يكله انت ورطتني بهاي الزواجه والا هاي البنيه مال زواج
بعدها طفله
العتب مو عليك على اهلها
ماعدهم خبز شلون يزوجونها اني ما اريدها
ولا اريد اشوفها ابد
وباجر تطلع تأشيرة الجواز وعكبه تلكوني مسافر
وخليها على كلبكم هاي البنيه
اني تقشمروني بهاي الطفله وتسووها مره براسي
نور اني سمعته واني كمت ابجي بلزايد ياربي ليش هيج
اني شسويت
اجتني خالتي وشافتني ابجي وكالت مالج شغل بي
انتي بنيتي وهو غصبا علي يرضا
اذا مو اليوم باجر
وفعلا بليلتها ما اجه للغرفه ابد
وبقيت كاعده للصبح وابجي
ابجي على حضي المصخم
اني الي صممت على هاي الزواجه وامي رفضتها
واني عبالي السعاده كلها منتضرتني
تالي الانسان الوحيد الي حبيته وتعلقت بي
ما يريدني ولا حاول يسمعني ولا يكلمني
ولا حتى باوع بوجهي
ثالث يوم دخلت اسبح
وطلعت لكيته ماخذ ملابسه من الغرفه وكل مستمسكاته
والغرفه هوسه
كعدت على الجربايه ولزمت راسي بثنيين اديه
واني اسمع امه تحجي علي وتكله ولك حرام عليك بت الناس
لا تضلمها
عادل اني ما ضلمتها اهلها ضلموها من زوجوها
اني انخدعت بيها
كلليلها باجر توصلها ورقة طلاكها
اني مستحيل استمر ويها
رجعوها الاهلها
وبعد اني حتى للعراق ما ارجع
طلع وطبك الباب ورا حيل
حسيت الباب انطبك على روحي ووجعني كلامه حيل
بدل ماتدور وتبحث علي الروايات خليها علي تليفونك وحمل تطبيقنا
