رواية قصاص الفصل الثاني 2 بقلم جمانه السعيدي
لمار بدت تحضيرات العرس ونهال خطيبة بابا كان حجيه كل شروط
البدله اله من فلان مكان تحديدا
والعرس اله بفلان فندف
والصالون احجزولي يم فلان صالون
اما الذهب اسبوع طاحن رجيلن بابا وهي مايعجبه العجب
الحد مااستقرت على موديل
على اساس ذوقه ماكو منه
بس فد وحده تريد تلفت الانتباها عليه على اساس شوفوني شلون ذواقه
ترا الذوق بلاشياء البسيطه
كلما كانت الأشياء بسيطه كلما كانت حلوه
بس هي عدها احساس بلنقص تعوضه من تشتري اشياء فخمه
انا اني اخذتني بيبي وجابتلي فستان حلو على ذوقي
واخذتني للصالون وياا العروس جمانه السعيدي
ام الصالون والبنات كلهن عافن العروس وكعدن يتغزلن بيه وبجمالي
وهذا الشي خله نهال تحقد عليه اكثر
خصوصا وام الصالون سوتلي تسريحه بسيطه رفعت
نص شعري ونزلت نص وبرمته ولبستني تاج فضي نازك
ومكياج خفيف الفستان الي اني لابسته كان لون اخصر داكن وبي شغل فضي
طلعت اخبل واني شكلي ينطي اكبر من عمري
اجت الزفه وبابا صمم اني وبيبي نصعد وياهم بسيارة الزفه
بس نهال رفضت
لو اني وياك وبس بلسياره لو الغي العرس
بيبي اخذتني وصعدنا سياره ثانيه
وبابا ضاج حيل من ردت فعله
كملنا الزفه واني رجعت وياا بيبي البيت جدي
وهما طلعو للفندق
يومين وبعدين طلبت من بابا يرحون سفره للشمال
اخذه وراح اسبوع كامل يله رجعو
كل يوم يتصل يطمن عليه وعلى بيبي واهله كلهم
بس اول مايتصل يسئل عليه
نهال تعتبر هذا الوقت اله وبس وبابا صار يخصه وحدها
ممنوع يسئل عني لو عن اهله
لازم يكعد كل الوقت يتغزل بيه ويوصف جماله الماكو منه
ولا مره اخذت التليفون منه وسئلت عليه
رجعو من سفرتهم واني كنت انتضر بابا بالشارع انتضرا
بفارغ الصبر
بس شفت السياره جايه
ركضت بدون وعي شكد مشتاقتله اول مره هلكد نتفارك
وخصوصا من ماتت ماما حتى انام بحضنه
نزل من السياره واجا عليه حضني وشألني وبقه يبوس بيه
ونهال مانزلت من السياره
التفت عليه بابا اشرله انزلي
خنزرت علي رجع عليه كالت افتحلي الباب
فتحته الباب ونزلت
نهال...انت من تشوف بتك تنسى العالم
بابا...غير مشتاقله صار عشر ايام ماشايفه
نهال...ووين راحت طايره لاحك عليه وين تروح
نزلت ودخلت بلبدايه بيت جدووو
كنا محضرين الغدا تغدينا وبابا ترخص حتى نروح الببتنا
وكف بابا وصاح.... يله بابا حبيبتي جيبي جنطتج وتعاي
راسا هي وكفت وتخصرت
نهال...شنو تروح ويانا
بابا...اي اكيد ترجع الببته حبيبتي شكد مشتاقله
نهال...بس احنا بعدنا عرسان ونريد ناخذ راحتنا كم يوم
خليه هنا بيت جده شكو عليه
بيبي....ابقيي حبيبتي هنا
بابا...ابد مااتحرك اذا مو ايدي بايده يله بابا جيبي جنطة ملابسج
لمار....شلت جنطتي راسا بابا اخذه مني وخله ايدي بايده
وطلعنا وهي تمشي ورانا
كل تصرف من بابا يتقرب بي مني لو يسمعني كلمه حلوه
كان يزيد رصيد الحقد والكراهية بكلبه عليه
تريد بابا بس اله جمانه السعيدي كون يعبدها يقدسها كون يحارب كل الناس علمودها
ماتريد احد يشاركه بي حتى من بيبي تغار مو بس مني
طلعنا بابا خله جنطتي بلسياره وفتحلي الباب كعدت ورا
وهي اجت فتحله الباب كعدت بلصدر
نزلنا اباب بيتنا بابا نزل فتح الباب بلمفتاخ اني دخلت
وهي دخلت وراي وبابا دخل الجنط
هم دخلو غرفتهم واني دخلت غرفتي للمغرب يله طلعو
بيبي جابلتنا عشى دجاج شوي
ومقبلات وخبز ولبن
تعشينا وكملنا
بابا... نهال اريد جاي وغسلي ملابسي وحضريهن باجر عندي دوام
نهال....اي حبيبي صار
راحت تخدر الجاي وصاحت عليه من المطبخ
نهال...لمار حبيبتي تعاي
لمار...نعم.
نهال...نعمله عليج ماسمعتي ابوج يررد جاي ويريد اغسل ملابسه واكويهن تعاي نضفي المطبخ
لمار....هزيت راسي راسا لبست صدرية المطبخ وكعدت اغسل مواعين وهي خدرت الجاي واخذته
كملت تنضيف ورحت اشرب جاي لكيت ماكو جاي
نهال..ياا تردين جاي خلص هسه اخدرلج حبيبتي
هذا الحجي كدام بابا
لمار...لا شكرا اني مااشرب جاي هواي
نهال... تعاي اخذي الكوابه اغسليهن
اخذتهن ورجعت للمطبخ اغسل
كملت دخلت غرفتي
ثاني يوم كعدت الصبح لكيت بابا طالع
نهال...همزين كعدتي ترا اني العروس مو انتي يله تعاي نضفي خاف يجونا ضيوف
راسا فتحت الصوندا وغركت البيت مي وكالت تعاي اسحبي اامي رغم البيت نضيف امس عماتي نضفن قبل لا بجون بابا ونهال
جبت الماسحه وكمت امسح وكلما اجفف الكاع ترجع تكول لا بعد وصخه ارجعي امسحي
روحي جيبي وصلت مسح وامسحي لمن ضهري انكسر نصين
من كد مامدنكه
بعدين كالت روحي نضفي المطبخ قبل لا بجي ابوج
نضفت المطبخ كالت اكو جراجف بلغساله روحي طلعيهن وشريهن
لمار اني اشتغل وهي سبحت وبدلت وتمكيجت تتفرج تلفزيون
اني كملت جبت تراكي اريد ادخل اسبح
نهال....وين
لمار...كملت اريد اسبح
نهال...لا روحي طلعي الزباله برا ونضفي الصحيات
لمار...خليت التراك ورحت طلعت الزباله ونضفت الصحيات
رجعت اريد ادخل الحمام
نهال...اوكفي تعاي كلي السمج لان اني سبحت وخاف تصير بيه ربحه مو طيبه
رجعت علكت التراك وبديت اكلي بلسمج
كملت قبل لا يجي بابا بشويه
دخلت اسبح سمعت بابا اجا
اسمعها تكول
نهال....شنو رائيك بشغلي شفت النضافه شفت البيت شلون يلمع
بابا...اي عاشت ايدج وووين لمار
نهال...توها كعدت من النوم ودخلت تسبح
اصلا اني خلصت الشغل كله وحدي ومااهون اكعده
تشتغل
لمار...كل كلامه سمعته
سكتت وكنت كلما تدوس بطني اسكت
لان اني طبيعتي هيج ابد مااحب المشاكل
وكنت اسكت عن حقي دائما ومااحجي وهذا اكثر شي
طمعه بيه وخلاها تركب عليه وتتحكم بكيفه
كلما تغلط بحقي اسكت ومااوصل المشاكل البابا
هي اطمنت مني
يعني تتصرف بكيفه
طلعت من الحمام بس شنو كلش تعبانه حتى مااشتهي اكل
بابا...هلو بابا حبيبيني صح النوم شنو هلجمال
هو الحلو مايحتاج يسبح هو حلووو
راسا نهال طفرت حبيبي تعال خل اساعدك تنزع ملابسك
سحبته دخلته للغرفه واني رحت الغرفتي
مشطت شعري وتمددت
طلع بابا وهي حضرت السفره
بابا...لمار بابا تعاي نتغدا
لمار...مااشتهي بابا
بابا...ليش حبيبتي تعاي الاكل موطيب اذا ماتكعدين كبالي
لمار...الف عافيه مااشتهي
اجا بابا الغرفتي...ليش حبيبتي احد مضوجج
راسا صاحت نهال يمعود عوفه تاكل يمته ماتحب مو الاكل برد
بابا...احد مضوجج احجي خاله نهال ضوجتج
لمار...لا محد مضوجني
بابا...انتي مو هسه كعدتي من النوم شنو تريدين ترجعين تنامين
لمار...لا بس شويه اتمدد ولله مااشتهي روح انت وخاله اكلوو الاكل برد
نهال...هاي شلون اليوم ماناكل من ورا لمار مو الاكل برد
طلع بابا وكعدو ياكلون واني بقيت بغرفتي
سمعت بابا عزل قسم من السمجه وكال هاي حصت لمار
من اجوع تاكل
نهال...بدون ماتكول اني اريد اعوفله اكل
كملو اكل وبابا دخل للغرفه جمانه السعيدي وهي تخدر بلجاي
راسا دخلت عليه للغرفه
نهال...كومي نضفي المطبخ ومااسمع صوتج فهمتي لو لا
اخذت الجاي ودخلت للغرفه
واني طلعت حتى انضف المطبخ
جمعت باقي الاكل اربد اشمره بلحاويه
اباوع الحصه الي عافه اليه بابا من السمج شامرته بلحاويه
وما مبقيتلي غده
نصفت المطبخ ودخلت غرفتي
بعد ماطالعو من الغرفه للمغرب
هي من تشوف بابا موجود تسوي نفسه نادره وماكو منه
واذا يطلع تهجم عليه
ماتعوف شغله ماتكول خلصيه
خلصنا شهرين على هذا الوضع منا لمن اجت المدرسه
فرحت همزين راح اطلع من البيت واخلص منه ومن شره
قدمت للمتوسطه وكنت اكثر من فرحانه
اني صرت بلمتوسطه الله اني كبرت
بس بديت اداوم كنت ارجع للبيت الكاها كلشي مامخلصه
بس ابدل ملابسي تسلمني شغل منا لليل
من يجي بابا عساس اني وياها نشتغل
بس بطلع بابا كلشي براسي
بحيث ماعندي وقت اقرا نهائيا
لان ارجع من المدرسه كبل على الشغل بليل اتعب حيل
كبل اخلي راسي على المخده وانام
من تجي بيبي تسئل عليه تكول ليش تسئلين عليه
اني مدللته دلال
وهي حتى ماتقبل اروح الببت جدي
خاف احجي البيبي على سوالفه ومن تجي بيبي
ماتعوفنه وحدنا تجي وتكعد ويانه
طبعا نهال تبقى تسمع بيبي كلام موحلو لان ماتريده تجينا
واكثر المرات ادك الباب علينا بيبي وماتقبل افتحله الباب
تكول اوووي تجي بس ادوخنا
خليه ادك الباب وتروح
جمانه السعيدي
ومن يرجع بابا توكفله مثل ضله خاف استفرد بي واحجيله
على تصرفاته وياي
اني ابد مو من نوع يشكي لو يحجي
ماأحب المشاكل كولو عليه جبانه ميخالف
بس مااحب المشاكل ابد
ومااريد بابا يضوج
بلشهر الثالث الزواجهم طلعت حامل
مو حامل عبالك راح اجيب ولي العهد
كلشي ماتشتغل وتتحجج نفسه تلعب واني كمت من كد الشغل مااندل دربي
وبليل أقره شويه وانام على وجهي من التعب
خالتي اجت تشوفني مرتين تروح بيت جدي ودز عليه
نهال ماتقبل اروح اشوفه بيت جدي
خاف احجيله على وضعي وتتعارك وياا بابا
تكول كللوله تجي هنا تشوفه بيت ابوها لمار ماتروح الاي احد الي يربدها يجيها
اول مره ماقبلت خالتي تجي بيتنا حالفه ماتدخل للبيت لان بابا ازوج
عافتلي ملابس وشغلات يم بيبي وراحت
وثاني مره من ماقبلت نهال اروح اشوفه
اجت من الباب ونهال واكفه بصفي وتباوع الحلكي
خالتي...شبيج حبيبتي شو ضعفانه
نهال...شنو قصدج ضعفانه بيت ابوها بيت خير وماحارمينه من شي
خالتي...اني مجاي احجي وياج
نهال...اي جاي تحرضين لمار علينا تردين تسوين مشاكل وتمشين
خالتي....انتي صدك وقحه
نهال...ماغيرج وقحه يله برا وبعد لا تجين هنا راسا
سحبتني من جتفي وطبكت الباب بوجه حالتي
بدل ماتدور وتبحث علي الروايات خليها علي تليفونك وحمل تطبيقنا
