رواية الرثاء الفصل الثالث 3 بقلم ملك المدني
تمُر بيه طٌوايف الشوگ وأتذكر ضِحكتك وانسَى حِزني ،
لاتنسون التصويت والتعليق بين الفقرات لُطفاً
﷽
................................
رحيق:: ابتسمت الها بس سُرعان ما اتحول الضحك على عياط من طاحت فيروز من طولها وكعت على حافة الطبله موقف خالد بذالك اليوم حسيته طفلل وفقد أُمه
خالد::فيروزه حبيبتي مابيج شي فيروز حاجيني فيروزه فيروزز كومي عُمـري كومييي فيروززززززز
اسمع صوت أبراهيم وهوه يعيط على خالد يمكن هيه ثواني بس اني حسيتها ساعات مرة ومجاي يصير شي غير دموع خالد وهوه محاس على نفسه صياح أبراهيم خوف ابويه وكأنها بته رجفتي واطفالي الي بقو مصدومين من الي جاي يصير
غمضت عيني ورفعتها ناحية السقف لأبيض ، نزلت عيوني على الارض وهيه تلمع ريحة المُعقمات صياح ناس ثانيه بفقيدهم ركض الممُرضين والدكاتره ، صوت لاجهزة والانعاش
طلع الدكتور وهوه وجهه ميكصه السيف::مابيها شي هوه جرح بسيط
خالد::دكتور شنو جرح بسيط جانتت تنزففففف شنووووووو جرححح بسيطططط
-اخي لا تعلي صوتك كلت الك جرح بسيط وسبب الدوخه انها حامل
عم الصمت لثواني نسينه جرحها وكُلشي وبس نطق خالد وهوه مصدوم::حاملل؟؟
-خويه كتلك حامل وهاهيه وجرح بسيط وخيطناه
يمكن جان اكو اكثر من حجيه بس الطب بهذه الزمن مو مطور ولا يهتمون بكلشي ، لا اكو أجهزه تساعد المرضه كُلهم ولا طب مطور او اطباء يخافون ويعالجون الناس فيما يُرضي ربنا
مر الوقت واحنه كاعدين يمها ، صار اليل وهيه بعدها تقريباً صحت على توقيت 9ونص مساءً كمت من مهجعي ورحت يمها وكفت::شون صرتي فيروزه
فيروز::الحمدلله بس راسي يوجعني وبطني هم
خالد:: فيروزه اريد اكُلج حاجه
أومأت براسها وخالد بلل شفته وأردف::انتِ حامل صار الج اسبوع
جانت دموعها كفيله تخبرنا هيه شكد فرحانه ، الفرح صار بداخلنه وأمل هم انو تصير ايامنا كُلها فرح وبدون هم بس الي كاتبه ربي يصير مهما حاولنه نمنعه
رجعنه للبيت واني بديت احضر ملابسي حتى ارجع لبيتي
ودعت اهلي ورحت ويا علي للبيت
علي::شونهم اهلج ان شاءالله بخير
رحيق::الحمدلله ، اكُلك علي
-همم
-انتَ مو عارف اخوك يشتغل ويا الناس الي تبيع بيوت خلي يشوف بيت لخالد يريد يطلع بس مجاي يلكه
-لو حاجي وياي من البدايه جان لكيتله احلله بيت
-يعني على اساس متعرف خالد شونه يادوب هسه ابوي عود قانعه يبقه شويه مادام فيروزه حامل بس هوه مصر يطلع تعرف علمود ابراهيم اشو صاير موزين وياهم خصوصا فيروزه
هز راسه وبقينه نمشي وصلنه للبيت ونزل الغراض وديت الجهال ينامون واني رحت اعزل بالبيت
خالد::حطيت ايدي على خدي وتجيته على الستيج اتأمل فيروز وهيه تمسح الطباخ ، سمعت صوت التلفون يدك واحنه هسه بشهر الواحد والدنيه برد وشتا سحبت الچرچف الفلف نفسي بي شلت التلفون وجاني صوت ولد
-سلام عليكم خويه
خالد::عليكم السلام تفضل منوو وياي ؟
علي::اني علي رجل اخُتك
خالد::هلله خويه شونك اخبارك ان شاءالله بخير رحيق شونها
علي::الحمدلله كُلنا زينين عمي وعمتي شونهم
خالد::الحمدلله ، عسى ماكو شي صاير
علي::لأخويه الحمدلله بس رحيق كالت الي جاي ادور على بيت واني تعرف اخويه عارف يشتغل بهيج سالفه ولكى الك بيت بس مو جبير يعني يطلع مية متره هيج اذا تريد تعال فد ساعة اني موجود واكتب يمك العنون ****
خالد::تسلمم خويه ان شاءالله اجي على الموعد
سديته ورحت يم فيروز وكفت::لكيت النه بيت مبني وبقى بس نحط اثاث
فيروز::شوكت شفته
-بعد نص ساعة اطلع واشوفه واكيد اخذه
-لاتسبق لاحداث خالد بالبدايه شوفه اخاف بي شي او مثلاً البناء مو كلُش بالبدايه نشوف ونقرر
-لا ان شاءالله يطلع حلو وهوه تقريباً بعيد يعني بأطراف المحُافضه
-مو بعيد على شغُلك
-مو مهم اهم شي انتِ ترتاحين
ابتسمت ورحت للصالة اتمدت ، بعدت ايدي عن وجهي واني افكاري متشتته رفعت عيني وحصير ونص كمت من مهجعي ورحت للغرفه ابدل واطلع ، اخذت احتياجاتي وطلعت من البيت
اخذت تكسي وبطريقي للمكان مر اكثر من ساعه ونص وصلنا للمكان الي وصفلي اياهه وتقريباً يصير بين بساتين وأكثرها ورد واشجار توحي انو منطقه ريفيه وكلشي جان بيها حلو
رحنه للبيت ودخلنا وشفته وحلو مابي شي قبلت والسعر مُناسب
اتفقنه على كُلشي وحتى اثاث جان بي يعني ميحتاج نشوف اثاث ، رجعت للبيت دخلت وسلمت ورحت للغرفة حتى ارتاح
رفعت عيني من شفتها دخلت ابتسمت وفتحت ايدي اجت يمي وهيه مبتسمه حطت راسها على صدري واني العب بشعرها
غمضت عيني واشتم بخصلات شعرها اسحب وحده وحده واشتمها واحس نفسي طاير همهمت من هيه اردفت::خالد
-عيونه وروحه وگلبه لخالد
-ليش متريد نبقى بيت اهلك؟
-هيج بس حتى تاخذين راحتج اكثر من هسه
-بس أُمك وأبوك راح يبقون وحدهم شون يعني
-ابراهيم راح يزوج وميبقون وحدهم واحنه مراح نكطع بيهم اكيد نجيهم ونزورهم ياروحي انتِ
بقت ساكته واني دنيت راسي ليم راسها وحضنتها حيل ، فزيت الصبح على نتهادتها ::خالدد كوم مو كلت اليوم نحضر علمود نروح
-كايم ياعيوني كمت
رحت يمها بست راسها وخدها ورحت انزل جوهه ، فتت للمطبخ شفت أُمي واكفه تسوي چاي رحت يمها بست راسها واردفت::صباح الخير يالغاليه
-صباحك نور ياروح أُمك ، ان شاءالله شوكت ترحون حتى اجي وياكم ابخر البيت وارجع
-اذا الله سهلها باجر او بعد باجر
-ان شاءالله بس يمُهه اخذ بالك على مريتك حامل واكيد تتعبب لا تعبها اهواي واني ان شاءالله بس ازوج ابراهيم واجي يمكم
-لاتعبين نفسج واكيد اني مراح اعوفها هواي وتعرفين احنه مو كلش بعاد على بعض يعني بأي وقت تجين او هيه تركب تكسي وتجي يمكم
-يااا ولك شون مو بعيدين احنه بنص المدينه وانتوا بالريف يعني مالكيت اله هذه المكان
-جان حلو ونفهه بعدين مراح يصير الها شي عدنه جوارين وناس وعالم يمنه يعني مو بس اني وياها سوهه
-ان شاءالله ميصير شي
كعت على الكُرسي واجت فيروز شايله صينيه بيها خضروات
كمت من مكاني ورحت للصاله اتمدد ، حسيت على ايد فيروز تهز بيه::خالد شنو نمت؟
-لا كاعد بس هيج جنت حاط ايدي
-يمعود صالي رُبع ساعه اصيح عليك وماكو
-هاي كعدت رايده شي؟
-ايي عفيه كوم طلع الچرچف احط بي ملابسنه بس اخلص الغدا ويا عمة واجي
-تمام بس وين حاطته؟
-تلكاهه فوك الگنتور مال ملابس بس دير بالك وياهه كم حاجه كزاز
هزيت راسي ورحت الغرفة حطيت الكُرسي وكفت بعدت الشغلات وسحبت الچرچف حطيته على الچُربايه فتحت باب الگنتور وطلعت الغراض واحطهم بداخل الچرچف ، درت وجهي من انفتح الباب ودخلت فيروز ابتسمت ودارت وجهها على الغراض ابتسمت واردفت
-اممم مبين تعرف شون تلملم الملابس
-يعني شنو تتوقعين مني كولي شنو تردين واسوي الج حتى لو تردين اذبح نفسيي
-اهوو خالد لاتحجي هيج بعدين أبنه مين اجيب اله أبو مثلك
-فيروزة
-همم
-تحبيني؟
غمضت عيونها ورجعت فتحتها وعيونها تتلفت على داير وجهي بللت شفتها ورفعت ايدها تتفحص وجهي احس بيدها تلمس شاربي رفعت ايدها على حواجبي نزلتها على عيوني وهيه تتلمس اردفت بهدوء وصوت ناصي
-أحساسي يكولي أحبك وگلبي هم بس!
بللت شفتها ونزلت راسها ورجعت صعدته رفعت ايدها وحطتها على ركُبتي رفعت أيدي على خصرها وسحبتها عليه رجعت اردفت
- " بَبعض كُلي أُريدك وبَبعض كُلي قَد لايَرغب بَك لَكنك فَي بَعض كُلي ، وانا كُلي قَد اقول أحُبك يابّعض كُلي "
-وانا ياجميلتي انتِ بگُلي وليس بَبعض كُلي
ضحكت وباست خدي ورجعت اردفت::اهتمامك خلاني احبك خوفك وحرصك عليه خلاني احبك خالد انتَ نعمه من ربي الي ويمكن بعد راح احبك اكثر بالايام الجايه بس هسه اي احبك خالد
سحبتها اكثر وحضنتها ، بعدت عني وراحت تسفط باقي الملابس والغراض البقى ، خلصت ونزلنه نتغدى رحت كعدت بداية السفره وهيه بصفي رفعت راسي من اردف ابراهيم
-بعدك ستوك ازوجت وتريد تعزل وامي وابوي شنو يبقون وحدهم
خالد::انتَ مو راح تزوج يعني مراح يبقون وحدهم لو اله ابقى يمكم واحنه من شوكت متفقين اني اطلع من ازوج
راد يحجي وابوي اردف::خالد من قبل هوه راد يعزل اذا جان مزوج او مامزوج من البدايه كال واحنه معارضنه مو هسه نجي نعارض بعد ما ازوج
ابراهيم::بويه بس
علوان::كلت هاهيه وخالد باجر راح يروح لبيته وام ابراهيم انتِ هم روحي وياهم ابقي يومين ورجعي
انسام::ميحتاج ابو ابراهيم هوه اروح وارجع اني شعدي قابل حتى لو رحت بغير وكت مابيه اروح تعرفني مريضه بعدين اروح وياهم من يستقرون
عم السكوت ومحد حجه بعد خلصنه غدا ابوي وابراهيم راحو للشغل واني كمت اغسل المواعين ويا فيروز ، وكفت وسحبت شويه ماي وطشيته على وجهها ضحكت وهيه هم شالت ماي وطشته على وجههي ضحكت اني وسحبتها الي وحضتنها
حطت راسها على صدري واردفت
-خالدد خلي نأجل روحتنه للبيت بعد اسبوع تعرف الجمعه الجايه زواج ابراهيم
-واليوم اربعاء شنو الفرق بعدين حتى نستقر اكثر وهم نلملم غراضنه واني موجود وياج حتى متبقين وحدج تسفطيهُم
-مو مهم اني اهم شي ترتاح امك هم خطيه
-رحيق تجي اول وتالي ميحتاج النه هواي اشياء هيه بس تجي وهاهيه خلصنه العرس
-بس خالدد شونن يعني احس مو لازم نروح هسه
-ياعمـري هسه مراح يأثر اول وتالي احنه طالعين
سكتت وبعدت مني تكمل تنضيف لميت نفسي ورحت يم أُمي حطيت راسي على رجلها وهيه تمسح على راسي واني مغمض عيني افكر بأشياء هواي وراح تخلص عطلتي وارجع للشغل والتعب وراح تبقى فيروزتي وحدها بالبيت ، شلت راسي من رجل أُمي واردفت
-يمُه اكُلج
-كول أُمي محتاج شي ؟
-لاا سلامتج بس ردت اكُلج لو تجين قبل عرس إبراهيم النه لانو اني لاحد ارجع اشتغلل وراح تبقى فيروز وحدها
-ان شاءالله يمه اجي يمكم بس باجر روحوا استقرو وحطو ملابسكم وان شاءالله ماكو شي وتتسهل عليكم
رجعت راسي وهيه تمسح على شعري ، مر الوقت وصار اليل وكل شخص راح للغرفة الخاصه بيه ، فتحت عيوني وكان وقت الغسق حسيت عليها وهيه تكوم من مكانها درت وجهي وحسيت اطرافي جمدت من المشهد وكأن شخص جاي يخُنك بيه حاولت انقذ نفسي اصيح بأعلى صوتي بس وكأن صوتي مختفي اندهه عليها وهيه متجاوب عليه ، كمت واني اعيط درت وجهي من لمست ايد انحطت على زندي الهث من الرعب الي شفته ، فتحت عيوني على وسعها صوت الاذان واني اسمع المؤذن وهوه يكول
" الله أُكبر ، الله أُكبر "
كبرت وياهه واني مفزوع من الي شفته حسيت على ايدها وهيه تمسح على راسي وتقرهه أيات
كمت من مكاني ورحت للحمام توضيت ورحت فرشت السجاده اصلي خلصت وسحبت القران اقره ، محسيت بالوقت الى من طلعت الشمس كمت من مكاني ونزلت جوهه جانت أُمي كاعده
حطيت راسي بين ايدي واني افكر بالحلم رفعتها من حسيت ايدها جاي تسحب بأيدي حتى توخرها من راسي مسحت عليه وهيه تردف
-شبيك يُمه منو متعبك
ضحكت واني اذكر الموقف وكأنها عرفت شنو بيه::يوم حلمت بشي يخوف حيلل
-سوده عللليه شنوو شحلمت
حسيت نفسي طفل وكاعد يمها واني احجي الها الحلم ولا حاس على نفسي ، احجي شعوري وخوفي بوكتها ولا كأني رجالل وحيصير عدي طفلل ، محتاج حنان الأُم وهذه الي صار احتوتني بكُل تفاصيلها وحجيها وحنانها أُمي الي مراح تتعوض
مر الوقت ورحنه اني وفيروز للبيت ، وصلنه وحطينا غراضنه رحت وكفت واني احك براسي اجت وكفت يمي واردفت
-خالدد اشو ماكو تلفون اهنا شون نحجي ويا عمة وعمو
وياك انتَ هم من تروح؟؟
-اوكفي احجي ويا علي يشوف النه ويجون يوصلوا ويحطو بس كون نشوف واحد يتعلك على الحايط حتى من يجي ابنه لا يلعب بي
ضحكنه وسحبتها الي ، حطيت كوب الچاي وكعدت واني اسحب بالغطى الدنيه ابرد اهنا بسبب الخضار راح يخلص الواحد بعد كم يوم وندخل بالثاني ويصير ابرد رفعت عيوني الها وسحبتها الي حطت راسها على صدري واني بأيدي كتاب مال قُصه ، فتحت اول صفحه وبديت اقره وهيه بحضني تستمع وتشرب من الچاي اجواء حلوه ومطبوعه براسي ومراح تنزاح الي جاي اعيشه بهاي الكم دقيقه او ساعه او شهر جانن كفيلات يخلني انسى نفسي وانسى اني منو
نزلت راسي من حسيتها بدت تثكل وعرفتها نامت ، شلتها وديتها للغرفة حطيتها على الفراش وسحبت الغطى حطيته عليها ودثرتها زين حتى لا تبرد ، طلعت من الغرفة ورحت ارتب الصالة ، خلصت وطلعت من البيت واني رايح اتمشى بالبستان ، لكيت صخره وكعدت عليها واني صافن على السماء ومنظرها الجميل ابتسمت ودرت وجهي من حسيت وجود شخص مُتطفل جاي بطريقه الي ابتسم واردف
::عادي اكعُد؟
-تفضلل اكيد
تحمحم واردف::اني ديفد ميسحي اصولي كورديه وعايشين اهنا ويا اهل أُمي
ابتسمت واردفت برحابت صدر::اني خالد مُسلم وبغدادي وعايش ويا مرتي ، بس مبين عليك تحب تتعرف لانو اول ماكعدت رأساً عرفت نفسك
-ايي احب اختلط بالناس وبأي شخص جديد يجي اهنا مع انو ابوي حذرني من هاي الشغله بس اني ماتفرق وياي كُلشش اصراحه المُهم اتعرف على الناس واعرف هواي اشخاص من اهنا اي حاجه تريدها بس تعالي الي واذا ردت خصم على حاجه بس كول اني صديق ديفد وهمه راح يخصمُلك اياها
ضحكت وتمتمت بعض الكلمات::مبين عليك حيلل مشهور
-مو شويه هواي ويمكن الي حجيته قليل كُلش بس هاي الحقيقه ، واذا ماعدك شي باجر نروح للكنيسه اني واصدقائي اذا تحب تنضم النه؟
-جان بودي بس عدي شغُل يعني على غير مره
-شوكت تخلص شغلك
-يعني فد اسبوعين وارجع انزل للبيت
-يعنيي انتَ ضابطط؟؟؟؟
-ايي ضابط شبيك انكرصت
ضحك بصوت وكام وهوه مو مصدك عبالك كلت اله مُمثل لو شخص غريب::مامبين عليك بس عدي فضول يعني شون صرت ضابطط؟؟
-التحقت عن طريق ضُباط اجو للمدرسه وهاي تصير كُل سنة لطلاب السادس يعني مو شي جديد
-اهااا مو اني تركت الدراسه من وكفت فَ ما اعرف بهاي الشغله وهم ابوي ميقبل التحق يكول صعبه ويعني تعرف خوف لاهل
-أُمي جانت رافضه بس بعدين اقتنعت وهسه اني برتبة مُلازم اول
-واوو حلوو
هزيت راسي واخذنه الحديث لحد ما سمعت صوت الاذان هوه راح لبيته واني كمت وصلت قريب من الباب ، ضوه القمر يضرب على بشرتها البيضاء عيونها الخُضر الي بان لونها شعرها يطاير من نسمات الهوه شكلها وهيه واكفه ورا السياج وطالع بيه والرياح تناغم شعرها الحرير لافه نفسها بقطعة قماش حتى تحجب الهوه يدخُل بشكل كامل لجسدها
صرت قريب منها وهيه ابتسمت وصلت يمها ومديت ايدي دخلت بين احضاني وخللت اصابعي بين اصابع أيدها الناعمه ، دخلنه جوهه واردفت بهدوء ::وين جنت
-طلعت افتر بالبُشران واجه يمي ولد من ابناء القريه اسمه ديفد
-مسيحيي؟؟
-ايي مسيحي بس الولد مبين حباب والكُل يعرفه ضحكني وهوه يسولف عن نفسه وشكد اهلله يحذرو بس هوه مُستمر
رحنه نتمشى متوجهين للغرفه واني اسولف الها على ديفد وعن حجيه وشكد بين انه انسان نَقي وحباب ولطيف ، سديت باب الغرفة ورحت ابدل ملابسي
فتحت عيوني على صوت الكراكيع والمُطر سحبت الغطى حتى ادفه سمعت صوتها الهادئ وهيه تصيح بأسمي ::خالد كوم يلله روح للشغلل
-كايمم
كعدت عدل وفركت راسي رفعته شفتها داخله وبأيدها صينيه بيها بيض وجاي وصمون مبين حار ابتسمت واردفت
-مين جبتي الصمون؟
-ولد جابه كال الي خالد اليوم بشغلل واني اخوج شتريدين يمج نفس الولد الي كلت عليه ديفد هوه كال اسمه
-مو كتلج خوش ولد
ضحكت وحطت الصينيه مقابيلي وهيه جرت الطبله تكعُد عليها سحبت الصمون وكطمت منه شويه حطيت بيه بيض ورفعتها لحد فمها اكلتها وابتسمت ، خلصنه ريوك وهيه اخذت الصينيه واني دخلت اغسل حتى اروح للشغل بدلت ورحت للشغل
كعدت واني بس اصفن حسيت على ايد سيد رفعت راسي وكمت اضحكك::لككك مشتاق الككك حيلللل
-بوييهه اني هم فدد مشتاقق اطيح حظك
-اهوو سيد ستوي شفتك وتحجي هيجج عود هاي مشتاق الي
-يكولون من يحبك يلاشيك ياعيونيي انتَ
باوعت عليه صفح وضربته ابطنه ، اذكرت لازم اخابر علي علمود الهاتف الارضي يحطوهه الي سحبت باكيت الچكاره ورحت وكفت يم الهاتف بقيت صافن اني حتى ما اعرف رقم هاتفهم دكيت على بيتنه وجاني صوت أُمي
-هلله يبعد المايشوفن غيرج شونج يُمهه
-هلله يرويحتي الحمدالله مرتك شونها اخبارها ان شاءالله كُلكم بخير
-ايي الحمدلله بس اكُلج يُمه اريد رقم هاتف علي ولو اذا تعرفين شنوه
-ايي يُمهه كاتبته بالورقه اوكف
-ايي دقيقه بس خلي اجيب ورقه
رحت على السريع جبت واجيت وهيه اردفت
-*******0778 كتبته
-ايي كتبته يللله يُمهه روحي خلي اخابر عليه بعدين ادك عليج مع السلامه سلمي الي على ابوي وإبراهيم
سديته ودكيت رقم علي دك كم مره وماكو احد يجاوب دكيت مره ثانيه قريب ينقفُل واجاني صوته
-سلام عليكم خويه علي اني خالد ولو ازعجك من الصبح
-لاا خويه تفضل احنه أهل مابينه هيج حجي
-ان شاءالله بس ولو طلب صغيره انو اريد هاتف بيتي تعرف يعني مدامتي وحدها وماكو احد يمها والبيت شوي بعيد
-تأُمرني خويه ان شاءالله اليوم الضهر اروح احط الها بس اطيني الرقم هذه حتى احطها الها وتتصل عليك اذا جانت محتاجه شي
رديت اله الرقم وسديته ، رحت يم سيد وكفت واردفت::مراح تحجي الي شصار بهذا الاسبوع اشو المركز مكلوب راساً على عُقب
باوع بطرف عينه واردف::انتَ وين نايم هيه غير صارت فضيحه ولو تعرف شصايررر وكم ضابط لازمي بتهم قويييييه
ولكك المركز مكلوب وجاي يحققون ويا الضُباط كُلهم وباجر دورنه لانو القسم مالتنه باجر واي شخص يحسون بي ولو شويه شك يحطون لو طلقه براسه لو يسوون اله غير شي
-يعني غير شي مثل شنو؟
-ما ادري اصراحه محد جاي يكول شيسون بيهم
هزيت راسي وهوه اندار عليه وسحبني من ايدي وطلعنه برهه وكفني يم الشجره واردف::خالد انتَ مكلت لاحد على سالفة فيروز مو؟
بلعت ريك واردفت::كلت لابويه من رجعنه للشقه
-خالدددد صدككك تحجي ولكك اذا احد حجه اني وياك نروح ورا الشمس جاي تعرف انتَ شنو سويت بعدين شوكت لحكت تكول الهه هاااا احجيييي
بللت شفتي واردفت::سيد يعني مامعقوله ابوي يحجي وكلت اله مو كلشي يعني بس كم حاجه
رفعت راسي ورجعته واني احجي اله شنو حجيت
" الرجوع الى يوم العقد "
فتنه للبيت وراحت فيروز للغرفة وسيد طلع كال ساعه واجي ، اتملكني خوف وحاس رايد احجي لاحد بس مو لاخويه المن أُمي لو رحيق لو علي لو ابوي ، ضليت متشتت بينهم وبس الي سويته دكيت على البيت واجاني صوت ابويه
-منوو
-هذه اني ابويه الي جاي ادك خالد
-هلله بويه شونك اخبارك شوكت تجي؟
-ان شاءالله باجر بس بويه رايد اكول شي
-كول بويه أسمعك
-بويه اني طلعت فيروز من السجن ورايد ازوجههاا
-خالددد اني شنو كلت الكك لااا يعني لااا وهسه ترجعهاا للسجن تمام خلي تروح يم اهلها اني ما الي شغلل بيها مو بعدين يجونن اهلها أو ابوها ويسوي النه سالفه رجعها ابويه انتَ وبطلل هذه الشي
-بويه خلص اذا رجعتها راح نروح بداهيه اني وياها والي ساعدني
-ومنو ساعدكك؟؟
-سيدد
-خالد رجعها بويه زين وهذه صديقك اكيد مخايف على نفسه واذا احد عرف بيكم اقل شي يسوو يجوز يقتلوكم
ضليت احجي وياه ومن حسيت ماكو فايده اردفت::تمام راح ارجعها تمام ابويه هاهيه خلص
-عفيه ابويه انتَ يلهه روح ودير بالك على نفسك واختلق الهم فد سالفه
سلمت وسديته ورحت كعدت حسيت على ايدها وهيه تمسح على ايدي واردفت::راح ترجعني
-اذبح نفسي ولا ارجعج شنو تخبلت بس هسه يجي سيد ونروح للشيخ نعقد ومالج شغلل بأحد
هزت راسها بموافقيه
" الرجوع الى الحاضر "
-خالدد تدري اذا شخص ثالث عرف شنو يصير يجوز اقل شي نموتت وبعد شنوو بعد تعذيب وكلان*
-سيد لا تخاف محد راح يعرف اكيدد واني اخذتها مكان معزولل يعني محد راح يعرفف اكيد اذا محد حجه لا اني ولا انتَ ولا ابوي
بلل شفته وهز راسه ربتت على جتفه ورحنه ندخلل جوهه رحنه يم لأامر حتى يطينه أوامر ونشتغلل ، رجعت راسي درت وجههي من اجه روجان وكف يمي واردف
-كوم اجاك اتصال روح شوف منو بس جان صوت بنيه
كمت مفزوعع عرفت منو وصلت وسحبت السماعه لانو جانت مدندله سحبتها وحطيتها على أذني واردفت::فيروزتي
-عيوني
-افدي عيونج اني
-خالد
-گلبهه
-شوكت ترجع احس اشتاقيت الك
ضحكت من گلبي واردفت::اشو عيديها شكلتي
-اشتاقيت الك
-اخخ گلبي ضربتيني بحجيج هذه لو بدي هسه اجي
-عود تجي بعد كم يوم ونشوف شراح نسوي
-شسوين؟
-اممم حسبب شنو نسوي يجوز نسوي جوله بالبستانن
-مبين عدج هواي افكارر
-اييي وهواااي مو شويهه
ابتسمت وضلت تحجي الي شنوو مخططه واني بس استمع واصفن خلصت حجي ومن جاي اتسده واردفت::خالدد عمة خابرت قبل ساعة كالت تأجل عرس أبراهيم
-ليشش؟
-ما ادري مكالت سبب بس كالت ما لحكنه وهاهيه
هزيت راسي وسلمت وسديته رحت كعدت على الكُرسي وصفنت وبالي يمهم اتنهدت ورحت يم سيد كعدت يمهه وضلينه نسولف مر اكثر من نص ساعه واجه لأامر صاح علينه ورحنه للشغل
مر اسبوعين واني بالشغل أُمي راحت يم فيروز بهذني الاسبوعين ، خابرت فيروز أسئل::اُمي بعدها يمج
-لاا اليوم راحت كالت انتَ اليوم ترجع وشويه عمو مريض يمكن بي فلاونزه
-هاا تمام اني بليل اجي اذا تبقين كاعده حتى نسوي أُمسيه
-وشنو هاي الأمسيه
-شي اجيبه وياي ونسوي
ضحكت واني وياها سديته ورحت يم سيد ، خلصت الشغل ورحت للبيت فتت وشفتها كاعده ونص نايمه بس فتت وهيه فزت وكامت اجت يمي
-حمدلله على سلامتك
-الله يسلمج فيروزتي
سحبت الستره ودخلنه جوهه كعدت وطلعت كيك صغير حطيته بالماعون ورحت يمها شغلت الشمعه وكفت وراها واردفت
-كُل عام وانتِ بالفف خيرر فيروزتي
ضحكت وهيه تكمزز وتحجي::خالددد تجنننن
-اشش لا تكمزين الطفل لا يصير بي شيي
ضحكت وشبكت ايدها وهيه تتمنى فتحت ونفخت الشمعه شلت الشمعه واخذت الكيك بأيدي قضمت منه شويه واني هم قضمت منه ابتسمت من المنظر الرقيق ورومنسي ، حطيت الماعون وسحبتها وكفنه يم الجامه فتحتها وسحبت القماش حطيته على جتفها وهيه تبتسم بست خدها وسحبت إيدها أبوسها
رحنه للغرفة بعد ما سولفنه وهيه تحجي الي عن اسبوعها بالمكان الجديد وصلنه ورحنه للفراش ونمنه ، صار الصبح وشفتها كاعده تحضر جنطه بيها أكل وكفت وراها وحضنتها بست خدها واردفت::صباح الخير حبيبتي
-صباح النورر
رحت للحمام اغسل طلعت وهيه خلصت لبست واني هم بدلنه ورحنه للبسُتان حطت الچرچف على الحشيش وكعدنه ابتسمت الها
كمت وقطفت ورد ورحت كعدت مديت ايدي الها وهيه ابتسمت تشم بي واني سحبت الكامره اصور بيها اضحك من گلبي واني اشوف ملامحه الهادئه عيونها وكلشي بيها جميلتي ، حطينه غراضنه ورحنه نتمشى التفتت عليها واني اضحك واحنه بنص الورد والاشجار لزمت ايدها ورحنه نركض ، لزمت خصرها وصرنه نُركص بهدوء واني اغني الها ونضحك لفيتها وحضنتها من ورا بست خدها ورجعتها لوضعها الطبيعي تشبثت بأيدها واني رحت ادور على ورد حتى اقطفه
وصلت يم ورد لونه وردي قطفته ورحت يمها وكفت وحطيت الورد يم عيونها ابتسمت وطكيت صوره الها ابتسمت واني اناظر عيونها الجميله
تشبثت بأيدها ورحنه نلم غراضنه حتى نرجع وصلنه للبيت وجانت الساعه 4 العصر درت وجهي ورحت من سمعت صوت الهاتف يرن شلته والصدمه سرت بكُل جسمي وكع الهاتف مني طحت من طول واحس بعد مابيه...
يتبع....
اتمنى نال اعجابكم اما التنزل حسب شوكت ما اخلص البارت انزله وبسبب انو ماكو تفاعل مايجي الي واهس
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
