روايه الحق الفصل الثالث بقلم صهيب
قال سيد جملتو وبعدين بص جمبي وابتسم بخبث، بصيت علي المكان الي بيبص عليها ملقيتش حاجة، رجعت ابص عليه تاني ملقيتهوش،قعدت استعيذ بالله من الشيطان الرجيم وبعدها قومت من السرير وانا جسمي كلو واجعني، كانت الساعة 1 فصليت الظهر ونزلت،مشيت في الشارع سرحان وعمال بفكر هعمل ايه، سيد اتقتل مش انتحر وسعيد وعصام بيسرقو أعضاء الجثث، دا لو الي انا شفتو دا فعلا حقيقي، طيب هل هو حقيقي اصلا ،جت في دماغي فكرا وهي اني اشوف كاميرات المستشفي وهي الي هتحدد هل الي انا شفتو دا حقيقي ولا لا ، رحت المستفي طلعت لاوضة الكاميرت ف الدور الثاني وخبطت علي الباب ودخلت.
-سلام عليكيوو، ازيك يا اشروف عامل ايه.
رد عليا اشرف وهو بيسلم عليا بود حقيقي: اهلاااا عمورا وعليكم السلام يحبيبي عامل ايه.
-زي يالفل الحمد لله عايز منك خدمة .
- انا عيوني ليك اؤمر .
-انا عايز اشوف تسجيلات الكاميرات من كا...
قاطعني اشرف وهو بيقول :علي عيني والله ارفضلك طلب يعمور،بس السيستم واقع بقالو تلت اسابيع كدا ولا حاجة.
قولت وانا متدايق: ازاي يعني كل الفترة دي ولسا متصلحش.
رد عليا اشرف : مشاكل في الادارة المالية علي فلوس الصيانة، انا بردو متدايق شبهك، انت متخيل ان المدير المستشفي زعقلي قدام المستشفي دي كلها وكأن انا المسؤول، ربنا علي الظالم والله.
قولت بخيبة امل : اه والله ياشرف، طيب معلش استاذن انا عشان عندي مشوار .
وبعد ما ودعتو خرجت من المستشفي وانا بحاول افكر هعمل ايه، كدا اتاكد ازاي ان الي حصل دا حقيقة وان انا مش كنت مجرد بحلم عشان دماغي مشغولة بالموضوع دا ، وبعدها جه في دماغي رفعت، صح ازاي الفكرة دي غابت عني، رفعت هو دكتور جديد في المستشفى الي انا شغال فيها، سنو قريب من سني اتعرفت عليه بالصدفة وبقي في ما بينا شبه علاقة صداقة ، ورحت بيتو كذا مرا ،ركبت المواصلات عشان اروح لبيت رفعت الي كان في حارة شعبية، وقبل ما اوصل رحت لسوير ماركت واشتريت شوية حاجات وحاسبت وبعدها رحت لعمارة رفعت و طلعت السلم وخبطت علي الباب.
فتح لي طفل عندو خمس سنين وشو زي الملايكة بس شقي زي الشياطين.
هيييه عمو عمرو.
ازيك يحبيبي عامل ايه شفت جبتلكم معايا ايه.
اديتو شنطة الحاجات الحلوة الي اشتريتها وفرح بيها اوي وبعدين قلتلو :يالا يحبيبي نادي علي بابا
دخل ينادي علي رفعت وانا فضلت مستني لمدة قصيرة لحد ما جه رفعت وقال بترحيب :اهلااااان ازيك يا عمرو عامل ايه فينك يا راجل بقالي كتير مشوفتكش ...اتفضل اتفضل .
قولت له وانا بدخل للشقة:معلش والله يرفعت مشاغل انت عارف، المهم انت عامل ايه ؟
قال بتهكم: لو ينفع نسمي ان ابني ممكن يتاخد مني بالمحكمة في اي اوقت بسبب قلة الفلوس بعد كل العمر دا دراسة اني كويس فا انا كويس.
قولت لو وانا بخبط علي ضهروا بود اخوي :معلش ي رفعت هتعدي علي خير باذن الله .
وبعد شوية تخفيف عنو وكلام في اكتر من موضوع قولتلو : انا عايزك في موضوع مهم.
حكيتلو علي كل حاجة ، وبعدها قالي: انت متاكد ان كل دا مش مجرد حلم او كان بيتهيئلك مثلا؟
قولت لو بعصبية :يعم رفعت أنا شوفت الي حصل بعيني معرفش دا ازاي بس المهم انو حصل.
قال :طب أنا اساعدك ازاي دلوقتي.
رديت عليه : انت هتيجي المشرحة في معاد شغلي و نشوف ايه حكاية موضوع الاعضاء دا،لان دا الي هيثبتلنا الي حصل دا حقيقة ولا لا ،وبعدها هنشوف نتصرف ازاي.
قال: وانا معاك يصحبي نتقابل بليل.
قولت وانا بقوم : -تمام استأذن أنا بقي .
عدي كام ساعة وبعدها نزلت المستشفى وقابلت رفعت ، دخلت انا ورفعت المشرحة قولت :يالا يا رفعت شوف الجثث الي محدش جيه يستلمها من فترة طويلة.
فتح رفعت درج من الادراج وطلع جثة منو، قرفت جدا من المنظر ودورت ظهري وسرحت بفكر هعمل ايه، فقت علي صوت رفعت وهو بيقفل الدرج، قولت بلهفة : ها؟
رد عليا : الي انت شفتو مكانش مجرد حلم سيد طلع صح فعلا ،هنعمل ايه؟
سكتت وبان عليا التفكير وبعدين قولت: انا مش هاجي بكرا الشغل وهخليهيم يعرفوا اني مش جاي عشان يستغلوا الفرصة ويكملو القرف الي هما بيعملو،وبكرا هبقي بتاتبع من بعيد عشان اشوفهم لما يجوا و بعد مييجو هكلمك تكلم البوليس وتيجي انت والبوليس.
قال : انا عندي فكرة احسن ، انا ابلغ الشرطة وادخل أنا وأنت عليهم ونواجهم بي كل حاجة وانت في الوقت ده هتكون بتسجلهم ، عشان ممكن الشرطة تيجي قبل ميبدأو مثلا وساعتها مش هيبقا عليهم دليل وهيطلعو منها.
قلت :عندك حق توكلنا علي الله.
مشي رفعت وانا كملت الوردية عادي وبعدها مشيت وروحت البيت ، استنيت بكره ورحت المستشفى اكلم استاذ صلاح مدير المستشفى اقولو اني مش جاي بكرا ، ما اتصلتش بيه في الموبايل عشان عايز اعرف سعيد وعصام اني مش جاي وهو دا أصلا الغرض الي انا نازل عشانو ، طلعت على السلم واتجهت لمكتب دكتور سعيد ،لقيتو طالع من مكتبو ، قلت له :ازيك يا دكتور عامل ايه متعرفش استاذ صلاح فين عشان عايز ابلغه اني مش هعرف اجي بكره عشان عندي ظروف ، رد عليا بحده: لا ما اعرفش روح شوفه في في مكتبو ولا حاجة ، قلت له طيب ماشي يا دكتور شكرا.
وبعدها لفيت ظهري وابتسمت عشان انا كده عملت اللي انا عايزه، وبعد كده رحت أقول لاستاذ صلاح اني مش جاي بكرا ، روحت البيت وقعدت اراجع الخطه بتاعتي كويس وجهز الموبايل بتاعي عشان اسجل عليه وقعدت اجرب التسجيل كذا مره عشان اعرف الصوت هيبقي واضح ولا لا ، وبعدها جه بالليل اتصلت برفعت عشان اتاكد انو جاهز وبعدين نزلت ودخلت المستشفى وقفني بتاع الامن وقال: استاذ صلاح بلغني انك مش جاي النهارده.
رديت عليه : اه كان عندي ظروف واتلغت وعرفت اجي ما ، وبعدها دخلني ،دخلت ورحت عند المشرحة اتاكدت في حد في المشرحه ولا لا ، وبعدين وقفت بعيدبحيث ابقي قادر اشوف لو في حد هيدخل المشرحة منغير ما يشوفني ، وبعدها جالي رفعت وقالي :انا قولت بتاع الامن اللي انا نسيت حاجه وداخل اجيبها، وبعدها استنينا لحد لما لقينا دكتور سعيد ودكتور عصام داخلين المشرحة، وبعد ربع ساعة قولت لرفعت: يلا بينا.
وصلنا لباب المشرحه فتحت الباب ودخلت ولقيت دكتور سعيد قدامو جثة وبيستخرج منها الاعضاء ودكتور عصام بيساعدو .
بصلنا دكتور سعيد بنظرة لا مبالية وهو بيكمل الي بيعملوا وقال: في حاجة يعمرو؟
استغربت من ردة فعله بس مبينتش كدا وقولت: اه فيه تقدر تقول ازاي يجيلك قلب تعمل كدا في الميتين، يأخي دا الضرب في الميت حرام انت بقا مش بتضربه انت بتقطع فيه ليه كل ده ايه في الدنيا يستاهل كدا.
ساب سعيد اللي في ايده والتفت لي وقال بصرامه:الفلوس، الواحد يقدر يشتري اي حاجة بالفلوس ، القوة الحقيقية في الزمان دا هي الفلوس ، يعني أنا بكسب القوة مقابل ايه شوية أعضاء من جثث ناس ملهاش لازمة ،عرفت بقا اي الي في الدنيا يستاهل؟
وبعدين قال عصام : احنا اشتغلنا في الا عضاء عشان نجيب فلوس من ناس ملهمش لازمة زي سيد كدا الي احنا قتلناه عشان ميبلغش عنا بس يخسارة مكنش ينفع ناخد أعضاءه يالا مش مهم .
قولتلو بقوة :بس انت مش هتلحق تتهني بالفلوس دي عشان البوليس زمانو برة دلوقتي،وانا معايا تسجيل عليه اعترافتكو وهو دا الي هيوصلكم لحبل المشنقة.
ضحك سعيد وعصام جامد ،وبعدها قال سعيد :بس حلوه الفكره دي يا رفعت.
ما فهمتش هو بيقول ايه بس فهمت لما لفيت اشوف في ايه لما سمعت صوت قفل باب المشرحه، رفعت كان بيقفل الباب وهو بيبص في الارض وبيقول : سامحني يصحبي مقدرتش اسيبك تبلغ عننا وتضيع عليا كل حاجة.
