رواية ملكة الشيخ ضاري الفصل الثالث 3 بقلم ساره المجيد
ضاري ..مديت ايدي داكل اول لكمة حطيتها بحلكي جان اغص بسبب طعم المركة صرخت كتلهم منو هاي بت الكلب الي مسويه المركه
ملكة ..😨😨
العلويه ..يمه اسم الله أشمالك
ضاري ...خاب حتى زقنبوت ماتعرفون تسوون
زوجة فضل ..احنه شكو غير حرمتك خويه هي الي سوت الاكل اليوم 😏
ملكة ..اني بقيت بنص هدومي اتمنيت الكاع تنشك وتبلعني دار وجهه الي وخوزرني بنظرته الي تخوف
ضاري ..انتيييي مسويته للاكل 😡
ملكة ..بصوت يرجف ..ها اي اي اني ليششش شبي ..
وجان يدفر طاسة المركه وصاح وكام ..
بسرعه كمت ورا راح غسل واني واكفه بمكاني ارجف حيل من الخوف عيونه صارت حمر دم يخوف ..
العلويه ..شمالها المركه ..شو خلي اضوكهه ..يايا يا فلك طرج خايبه مخليه شكر بالمركه
ملكة ..لا والله عمه وروح امي بكبرها ماخليت شكر اني خليت ملح موش شكر
خديجة ...ها يعني منو مخلي اكو غيرج طبخ اليوم 😏
ملكة ..لا اني الطبخت بس والله متأكدة حطيت ملح 😢
فضل ..كافييي كومي سوي غير مركه خلي الحك ع الدوام ..
مرت فضل ..تدلل عيوني
رجع ضاري وكال ..الحكيني بسرعة
ملكة ..صار ..
يمه كلبي راح يوكف من الخوف هاي اني شجرالي شسويت بروحي خاف صدك خليت شكر بدل الملح جا ياربي صدك ثوله هسه من خررب حظي المصدي انه وين والزواج وين ابيش ادعي عليج مكية 😭..
دخلت وجان يسد الباب وجان يباوعلي بعصبيه وكاعد ع طرف الجربايه وعينه بعيني بسرعه دنكت وخفت حتى رجف كمت ارجف من الخوف ..قرب مني كمت اطك سن بسن ورجل برجل ..
شيخ ضاري ...وييييين الجرود الي كتلج عنهن
ملكة ..رفعت رأسي ورجعت نزلته وافرك بصابعيي ..كتله ..هسسسسه بسسسس ششششويه ..
رحت جبتله الملابس واكول بكلبي شو كلشي ماسوالي خاف حب المركه لالا مستحيل المركه اصلا ماتتاكل شلون يحبها انطيته دشداشته وصايه وعبايه ..
رحت للبوفيه طلعت شحاطه مالته ام طركه الجبيره هاي كعبها جبير ماشاءلله رجلة جبيرة هههه رفعت رأسي انطيته اله ..لازمني من زندي ورفعني
ضاري ..كلمه وحده أذا سمعت اكسر راسج شوفي ولج ترحيت تاكلين كل المركه فهمتييي عقاب الج حتى تتعلمين تطبخين .
ملكة بنضره برئيه ...بس والعباس مو اني 😢😢..
ضاري ...ادري مو انتييي
ملكة بأستغراب ..ها تدري بس ليش متحجي ليش .
رفع حاجبه وخزرني
ضاري ...انتييي ماتفهمين شحجي ..طفله ومدمغه ..
ملكة بقهر ..حجيت بكلبي كلت اذا طفله وجاهله ليش تزوجتني لا انه اناسبك ولا انت اتناسبني .. عفته ورحت كعدت ع طرف الجربايه ..وهو راح ..
اخذت نفس بضيق حيييل مختنكه ..شسوي يايمه محد راضي يخليني ارتاح بيت أهلي ابوي ومرته وهنا مادري منو عدوي الجديد ...بقيت اناشغ بروحي واندب حظي
شلت الملابس ورحت طلعت اغسلهن بالطشت ..جوه الشمس ..خلصت رجعت شطفتهن وشريتهن ع الحبل ..
باوعت ع الحضيره الهايشه »بقرة»..ماعدها أكل خطيه اخذت عباتي ولفيت شيلتي ورحت طلعت للبستان حشيت الها .حشيش من رجعت شفت فايزه جيرانه سلمت عليه ومشيت جان تكلي
فايزه ..جا ولج عروس واليوم سبعتج تشتغلين
ملكة ..لا انه من كوني كمت أشتغل مامتعلمه ع الكعده ...
فايزه ..اهااااا هيج 😕 ..
ملكة ..شو هاي عوجت حلكها ومشت شمالها اووي شعليه خلي اخلص شغلي .. خلصت الشغل ورجعت للبيت خليت الحشيش طلعت خديجة مرت فضل
خديجة ..ويين جنتي
ملكة ..رحت حشيت حشيش لهاي المسكينه خديجة ..ها خوش يلا ذبي البيدج روحي تغسلي وتعاي وراج سبعه ..
ملكة ..ع أمرج .
رحت طلعت ثوب حلو كشمير وشيلتي وسبحت جنت أمشط جان ينفتح الباب .رفعت رأسي شفته الشيخ ..
دنكت ......
قرب مني طلع من جيبه جيس جكليت وخله بحضني
الشيخ ضاري ..هاج هاي الج
ملكة بزعل ..ماريد
ضاري ..ليش ماتريدين
ملكة ..هيج ..كمت اخذت شريط لفيت كصيبتي واخذت شيلتي لفيتها وما احس اله ضاري سحبني حيييل من أيدي وخر الشيله عن رأسي وشمرها ع الجرباية ..
شيخ ضاري ..جانت تفتر كدامي وبقيت اباوع ع جسمها سحبتها عليه بقوة كتلها من احجي وياج لا تطييييييني ضهرج ..فهمتي
ملكة بخوف ..صصصصار
ضاري ..وهسه يله ولييي من كدامي
ملكة بدلع ..رايحه
ضاري ..ولي يله
ملكة ..اي رايحه
ضاري ..جا شكو واكفه بت المسموط
ملكة ..داعدل بشيلتي وكتله عيب ..حجيتها بطفوليه مو بقصد ..
ضاري ..رفعت تك حاجبي وخزرتها وكتلها شنو العيب ولج جايييي تعلميني العيببببب ..
ملكة ...أأأأأسفه بس عيب تغلط
سحبني من ايدي حيل ضرب صدري بصدره وهمس بذني مثل عاصفه هادئ وضربت أذني وصوت انفاسه الحارة الي خدرتني وكال خلي اراويج العيب شنو ..
دفن وجهه بركبتي ماحس غير ع شي ينبت برقبتي عضني عضه زورك رقبتي كمت صرخت ..وخر مني شسويت
ضاري ...اتعلمي توازنين كلامج كل ماتغلطيت وتتجفصين عقابج راح يكون طبع علامات زركة ع جسمج 😉..
ملكة ..خليت أيدي ع ركبتي وهمست بيني وبين نفسي كلت عبالك جلب ..ضربت المشط وطلعت سمعت صوت ضحكته العالية ..
هجم بيت الباميه يضحك اخخخ يمه والله توجع مستهتر ماشايف عابت ..رحت لمطبخ شويه واجت النسوان كلها شفت مريم اجت تركض ..بوستهه
مريم ..شلونج ولج ملوكة
ملكة ..الحمدالله شبي وجههج يضحك
مريم ..جا مادريتي انه انخطبت
ملكة ..احلفي ولج
مريم ..والعباس
ملكة ..امداج لعد
مريم ..انجبي
ملكة ..حازم اخوي اجه وياكم
مريم ..اي واكف بره بصف اخوج فرقد
ملكة ..اخذت عبايتي وطلعت شفت حازم واكف بصف الشيخ ضاري ..
حازم ..هلا هلا بملوكتي تعاي
ملكة ..رحت ركض شبكته وبجيت بحضنه
حازم ..يا شمالج ولج ليش هل بجي
ضاري بكلبه ..زعطوطه ..كتله دش دش منا العالم ..
حازم ..لا والله ياشيخ مستعجل وراي شغل بالكاع
الشيخ ...لا وحك العباس ابو فاضل لا متطلع جا هاي اول مره تجي بصفتك من اهل حرمتي وحرمتي ماشايفتكم خلي تشبع شوفه منكم وبعدين الله كريم ..
وعشاكم يمنه ..ها عايل وياكم
حازم ..ونعم منك شيخ
فرقد ..شنسوي مايصير نرد الشيخ ورجل اختنه
ملكة ..اي حباب حازم ظلوا فدوه
شيخ ضاري ..طبي ياحرمه وهسه يجون ..
ملكة ..حجه بعصبيه
..بكلبي كلت هذا شبي مرعوص اوف طبيت ودخل حازم وفرقد للمضيف وكلها زلم بله شلون أسلم يلا عادي تعودت ..
اجت نسوان كومه وكلها تبارك للعلويه وتكول يوم نشوف ابن الشيخ ضاري ..
صبينه عشه خييييير من الله وحتى الشيخ جايب 3 عجوله اكبار ..
ذبحوهن وسوه العشه العشه ع الزلم والنسوان تسوي الخبز ونواشف الثانيه بس كاعده ومكابله مكية وبناتها ليل كله مانايمته وهسه نعست ..
كمت افتح عين وطك عين دخلت وحده هلهلت هلهوله شطوووووولها ...اجت بوست عمتي العلويه بس لا اخته اي اخته ام فاطمه بوستني وباركلتي ..
ام فاطمه ...يممممه شني من عروس كمر ماشاءلله عليكم خوش تختارون
العلويه ..جا غير حرمت الشيخ ضاري موش هينه ..
ملكة ..سكتت وهنا كعدن يسولفن عن فلان وفلان انفخ رأسي 😴..
صار وقت المغرب صبو عشه شويه وسمعنا صوت واحد ..يصيح ...
عراااااااضه من شييييوخ بني اسد لشيخ الجبور كلها للشيخ ضاري ..وصار صوت الرمي والجيلات بفلس لبدت بسرعه بحضن مكية والنسوان تهلهل ..
كوه سكتن ..
وصوت الدبجه مالتهم صار بنص البيت ..اجت عليه سحبتني من أيدي واخذتني شفت الشيخ ضاري واكف وشايل اسلاح ..وضرب شاجور كامل ..
انتجيت ع حايط واباوعله شلون يضحك وناس تسلم علي وناس تتباركله وناس تطش ع رأسه جكليت وااااي شهل هيبة يربي 😍😍..حسيت بفخر انه مرت الشيخ ضاري يمن فدوة لاسمه
خلصت العراضه ورجعو للمضيف ..
صبو الاكل الاول للزلم وثاني لنسوان بلشو ياكلون بس منظره وهو واكف ولازم التفكه من بالي ماراح بوووية ملكة هذا زلمتج موش اي زلمة هذا شيخ المراجل يفدووة لهيبته 😍

اكلت شويه خلصت الهوسه الاكل ونسوان تغسل ونسوان تغسل ملابس واكفه دا اغسل اديه جان تجيني ضربه قويه مدري من وين رفعت رأسي شفت مره واكفه ..
وخرت عنهه ورجعت لمكاني احس ضربتهه مقصوده اوف ..
خلصت الامه والنسوان راحت ماظل بس كرابة مكية وبناتها راحن عفتهم لان بعد ماكدر عيوني طفت كمت ع السريع رحت طبيت لحجرتي نزعت شيلتي وشمرتها ع الجربايه ونمت بسرعه غفيت ...
حسيت باحد بالغرفه رفعت رأسي شفته بسرعه كمزت ..
ضحك هوه وصفن عليه بنظرة خبيثه يممه شيريد يسوي 🙊
ضاري ..اشبيج ولج شفتي جني
ملكة بكلبي كلت ..جني يخاف منك ..كتله ها لا
شيخ ضاري ..كومي سويلي جاي راسي مصدعه اهيس طابوك فوكاه موش أشماغ وعكال ..
ملكة ..صار
رحت لبست شيلتي وطلعت سويت جاي البيت أظلم وكلها نايمه جا بيش الساعه ..
بس اني كاعده مثل البزونه والعتوي مالتي بالغرفه اوف شلون مصيبه ...
فار الجاي صبيته المطبخ بعيد عن الحجره وصار الطريج شطوله ياربي ..
ووكفت وكمت اقراء المعوذات كلها .. سمعت صوت الواوي ..بسرعه ركضت دشيت للحجره وجهي اصفر ..
شيخ ضاري ..شبلاج بوية ..ليش وجهج اصفر..
ملكة ..اكو واوي بره
شيخ ضاري ..شنييي ههههههههه واوييي يلعن بليسج شعندج سوالف 😂
ملكة ..والله والرسول محمد ماجذب سمعت صوته خرعني 😓
شيخ ضاري ..ههههههه كربي كربي انطيني الجاي يلعن ابليسج واوي بهاي الساعه جا ماكلج
ملكة ..اي حتى ترتاح مني مو 😒😒
شيخ ضاري ..ههههه خربت ضحك ع عقلها كتلها وانتي شمسويتلي حتى ارتاح منج
ملكة ..ذبيت شيلتي بنترا ..اي ترتاح احسن الك متزوج طفله ..
شرب شويه من الجاي وأشر الي ..
ضاري ..تعاي ابوية كعدي شني هل حجي
ملكة بدموع ..اي اني سمعت النسوان كلها تكول طفله وجاهله وانت هم كلت امس جاهله جا مو اعرف احلب الهايشه واعرف أسوي اكل واعرف احشش واعرف اسرح ..كلشي اعرف ..
شيخ ضاري ..جا انتي شمالج اكلتيني حاصل فاصل ..اكعدي وفهمج شوفي يابت الناس مالج شغل بحجي الوادم والحريم ..
انتي تعرفين نفسج كايمه بواجبي وماشاء لله تملكين حسن وجمال ..بعد عليش هل حجي الماصخ ..😏
ملكة ..سحبني من ايدي وخله جاي ع ميز وباسني من ركبتي بوسة حسيت جسمي قشعر منها اتخردلت بين ايده يممه كلبي راد يوكف ولكم صخنت يمكن 😣
ضاري ..سحبتها عليه وقربت وجهي ومررت شفايفي ع ركبتها وبستها كتلها هاي بدل العضه بس تستاهلين 😘
ملكة بخجل ..ليش أستاهل
شيخ ضاري ..هسه اكلج ليش دفعتها ع الجرباية ونزعت دشداشتي واجيت فوكاها ووووووووووووو..
....
ملكة ...كعدت الفجر اخذت ملابس ورحت للحمام يبو هم بعيد وهم يخوف هسه شمالكم ماتعرفون تبنوا جريب خفت حييل رحت لضاري نايم
صحتله بصوت ناصي ضاري شششيخ ضاري كوم
شيخ ضاري ..هممممم
ملكة ..فدووة حباب كوم اخاف أطلع واكو واوي بره حباب
شيخ ضاري سحب المخده خلاها ع رأسه وكال ...اششش ماريد صوت بوية خليني انام
ملكة ..ضاري حباب فدووة كوم والله اخاف اطلع بره راح يأذن ولسه ماسابحه ..
ضاري ...اللهم طولج ياروح شلون مصيبه وطاحت ع راسي وين جانتلي هاي ..
ملكة ..حباب الله يخليك كوم فدووة
ضاري ..كايم كايم يله كومي وياي اريد وين هذا الواوي احته احط جيله بنص رأسه وافجره
ملكة ..هسه هو يخاف منك ..والله حجيت بكلبي ..مشه كدامي واني أمشي ورا كعد بصف الحمام ..
وعيونه مشابعه نوم كتله ..خمس دقايق وأطلع
ضاري بنزعاج والنعاس طاغي علي ..بسسرعه يله لاتتأخرين
ملكة ..صااار ركضت لحمام سبحت بس ماتخرت شويه وطلعت شفته واكف بس مغمض عيونه ضحكت ..
قربت منه وكتله ..ششيخ
جان يفز اصخام لايعدمني هسه 😨
ضاري ..ها خلصتي بوية
ملكة هزيت رأسي يعني اي 😓
ضاري ..اوووف فركت عيوني ورفعت شعري ليفوك واتثاوبت كتلها سويلي جاي بسرعه
ملكة ..صار
ركضت خدرت الجاي ع جمر هو يحبه ..
سلكت البيض .سمعت صوت الاذان ..اي الحمدالله سبحت قبل لا يأذن ..
خلصت ورحت للحجره شفته نايم .جفي ع بطنه هههههه اخخخخ شكد حلوو هل ضاري بوووية ماينشبع من شوفته بقيت صافنه ع جسمه وطولة يمه فدووة ..
عاد رحت صليت صلاة الفجر هو كام من مكانه راح سبح وتوضه واجه صله طلعت بره شفت عمتي كاعده ومشغله الصوبه ..
كلتلها
..صباح الخير عمه
العلويه ..الله يصبحج بالخير بنيتي مني المسوي البيض وجاي الجمر
ملكة ..انه سويته الشيخ كاعد
العلويه ..خوش يمه عاشت ايدج
ملكة ..رحت للمطبخ حضرت الاكل سمعت صوته طلع يسلم ع امه شلت الصنيه خليتها اكبالهم كعدو ياكلون ..
من خلصو شلتها حمايه فضل ..مدرس بمدرسة الابتدئيه ..حيدر وعلي كعدو هم ع نفس السفره سويت الهم
امهم حضرت ملابس رجلها ..
جنت حيل مشتاقه الاهلي من شفت اللمه مالتهم اتذكرت اهلي .صح كتلوني واذوني بس احبهم ومالي غنه عنهم رحت للحجره كعدت وخليت ايد ع خدي
دخل ضاري يدور ع حزام الاسلاح انه جنت مغيره مكانه
كمت انطيته اله باوعلي ..
شيخ ضاري ..ها شمالج شبي وجهج امبوز
ملكة ..مابيه شي هيج
شيخ ضاري ...ماطول كلتي هيج يعني صار شي كولي شبيج
ملكة ...😢اريد اهلي مشتاقتلهم حييل
شيخ ضاري ..جا مو البارحه شفتيهم
ملكة ..بس ماشبعت منهم 😔
شيخ ضاري ..هذني اليومين انه اخذج خوش
ملكة ..كمزت بفرحة كتله صدك ياشيخ
شيخ ضاري ..هههه اي صدك
ملكة ..الله يخليك الي 😊فرحت هواي من كالي اخذج لهلج صدك فرحت ثاني يوم كعدت اخذني لبيت اهلي شفت حازم وفرقد وحمزه وكلهم حتى ابوي جنت مشتاقتله حييل
مريم ..تعالي ولج احجيلي شلونه الشيخ وياج 😁
ملكة ..اووووف شحجيلج عايشة ملكة زماني محسسني صدك ملكة يحبني ويخاف عليه ولج اله هيبه تخليج ترجفين بمكامج
مريم ..عيني عيني هذا الحب بووووية 😂
ملكة ..ولج انطمي ونصي حسج لحد يسمعج شمالج اتسودنتي
مريم ..وجع شبيج جن موش رجلج دنحجي بي ...اكولج صدك ملوكه
ملكة ..ها
مريم ..احجيلي الزواج حلوو 😍
ملكة ..شنو ولج 😕
مريم ..ولج الزواج حلو
ملكة ..شعرفني لسه ماشفت شي
مريم ..ها جا خوش
ملكة ..ولج انتي مو نخطبتي منو خطبج ..
مريم ..خالج
ملكة ..ششششششنو خالي ماغيره
مريم ..اي والله العضيم
سناريا ..((طبعا مريم اخت بيبي من ابوها عيونها اكبار وخضر هي وملكه عيونهن خضر وبيض بس ضخام وعبالك اكبر من عمرهم ومثل متعرفون هيه اخت ملكة من ابوها وخال ملكة اخو امها متقدملها يعني يحل عليها عادي ..وصلت 🤔))..
مريم ..اي شبيج
ملكة ..لا تشاقين عليج الله.
مريم ..يابه شلون وي هاي والله
ملكة ..سالفتج فرت رأسي بس ياخال منهم ماشاءلله عندي سبعه ..
مريم ..الصغير فرج
ملكة ..لا والقسمه فرج ياخذج عمي تتهنون ..كلت بكلبي يلا احسن يربيها شويه لسانها شطوله ..
بقينه نسولف اني واخواني وخواتي واتغديت يمهم ضليت لليل ورجع اخذني ...
شيخ ضاري ..ها تونستني يم اهلج
ملكة ..اي الحمدلله تسلميلي 😊
ضاري ..اييي خووش عفيه عفيه
وصلت للبيت طبيت للكراج البيت سنطة كلهم نايمين باوعت ع ملكة داكولها يله نزلي شو شفتها نايمة هههههه خررب يومج عبالك طفلة يالله تنام من هزة السيارة ...
نزلت من السيارة وانداريت ع صفحتها فتحت الباب وشلتها ع كيفي جان تفز وتلف ايدها ع ركبتي ورجعت غمضت عينها ...حيااااله هههههه
طبيت للبيت وصعدت للحجره حطيتها ع الجرباية وغطيتها كعدت بصفها وبقيت اتلمس بشرتها شكد ناعمة ورقيقه
شلون كدرت هل بنت اتخليني افكر بيها واحبها ولاجن متزوج قبل اخخخ بنت اللذين والله وكدرتي ع ضاري المخاوي الذيب ...
نزعت دشداشتي وعكالي واتمددت ابصفها وحضنتها وبقيت اداعبها واتحرش بيها وهيه تتنعوص هههههه تالي ابتليت بيها ووووووووووو
اي ماكدر اعوفها هيج بالساهل ههههههه بعدين خليتها ع ايدي وحضنتها ونمت
ملكة ..صار الفجر فزيت ع صوت الاذان كمت سبحت واتوضيت وصليت ...
ومرت الايام حياة عاديه مصار بيها شي جديد بين الشغل والكراب اليوميه صرت كاروبه مالت الشغل من الصبح لليل اني مامرتاحه خاصه هاي الايام احس بتعب ولعبان نفس مو طبيعي ف مره جنت أشتغل جان تجيني الدوخه ..وكعت بنص المطبخ ومرت فضل لمت علينه الناس ..
كلها اجت حتى الشيخ جان بره اجه يركض من شافني شالني ودخلوني ..
وعمتي العلويه دزت ع ام اسماعيل الجدة ..اجت وكشفت عليه جانت تبشرهم انه حبله
عمتي هلهلت وخبصت الدنيا بالهلاهل ترست البيت بيومها ذبحو ذبايح ولوجه الله فدوه حتى الطفل يعيش ..بس صح صرت حامل بس الشغل نفسه ضاري يطلع من الفجر لليل يلا يرجع مايدري شكو بالدنيا ..
بسنة 1978..جبت اول طفله لهاي الدنيا سميتها ..(جنان)..وراها هم حبلت وجانت 1979..جبت (اسمهان)..
ورا اسمهان وجنان
بسنة 1980حبلت وخلفت نيران
وطبعا انفتح حلكهم علي ليش خلفتي بس بنات ليش وكلها ظلت تسأل وناس تصيحلي ام البنات وناس تصيح اشكال ابد ماخلصت من بساميرهم وحجيهم الي مثل السم بالبدن ..
واكثرهم جان يتضايق هو ضاري بس مايحجي لان صار عمره 34 سنة ..ولسه مصار عنده ولد ..
وطبعا ضاري صار روحي من الدنيا صح عصبي وماينطاق بعصبيته بس مع كل هذا كلها تهابه وتخافه حتى اخو الجبير ضرار يخاف منه ..
ومرت الايام
نرجع لاختي مريم ظلت مخطوبه 3 سنين لخالي فرج ..
وجبت نيران وراها سووا العرس
ملكة .. اكول ضاري
(سناريا) ..جان جدي ينظف بالتفكه مالته ويغسلها بالنفط وببيتي تريد تروح لعرس اختها مريم بس تخاف تفاتحه بالموضوع لاكن اتقوت وحجت وكالت
ملكة ..اكول ضاري
ضاري ..ممممممم
ملكة ..عرس اختي مريم جريب خلي اروح
ضاري ..انتي ترحين ليش
ملكة ..جا مو اختي يعني شلون ماروح
ضاري ..روحي خمس دقايق ورجعي بناتج بالبيت مايطلعن فهمتي
ملكة ...شلون اعوفهن ونيران ترضع وجنان واسمهان اصغار
ضاري ...هذا الموجود
ملكة ...وانت تروح
ضاري ..جا تردين اكعد مثل الحريم اكابلج اكيد اروح
ملكة ..زين اخذني وياك
ضاري ..رفعت راسي وخزرتها وكتلها ملوك لا تعاندين كتلج طلعه بدون البنات خير ع خير تاخذين بناتي ممنوع بتاتن فهمتي لو اعيد ..
ملكة ..ماشي فهمت كمت متضايكه يعني ليش مايقبل لو ماعرس خالي واختي هاي شلون مصيبه ياربي ..
ضليت الح ع رأسه لحد ماقبل عمتي كالت اني اخذج اخذت وياي بس نيران لان صغيره بعدها وترضع من صدري ورحت للعرس ...
وشفت مريم وخالاتي طايرات طيور بالعرس وفرحه
مكية ..جا بس نيران جايبتها وين باقي البنوات
ملكة ..فضل ماقبل أجيبهن
مكية ..اي حقه ابو البنات مايقبل
ملكة ..شنو قصدج ابو البنات
مكية ..ماقصد شي هيج
ملكة ..ضجت حييل كمت وكلت لعمتي تعبت اريد ارجع هي هم كامت وطلعنا
سناريا ..طبعا بيبي طلعت زعلانه مو هيج وضلت فتره زعلانه واجت مكية صالحتها
ملكة ..ومرت الايام وجان احبل ببنتي الرابعه
حبلت ب(هبه)..جنت اتمنى ولد بس ربي راد اخلف ابنيه وتدرون منو سماها هبه ابوها ضاري اذن بأذانها وسماها ..(هبه)من الله
وبسنة ال80..صارت الحرب الايرانية وصار القصف ..
كل يوم اوكف بالباب انتظر ضاري لان جان من ضمن المهددين ..
صارت ناس تخاف تتطلع من ابيوتها ..
لسه اذكر هذا اليوم ماتت بي عمتي جان سنة1983..
هبه عمرها سنه وشهرين شايلتها وافتر بيها جنان واسمهان ونيران يفترن وعمتي تعبانه ونايمه ..
دخل ضاري وجهه مخطوف صاح بصوت قوي رعبني كمزت من نبرة صوته جمد الدم الي بعروكي
ضاري ...ملكة وينج عسريع التفكه والبندقيه وكلشي عدنا جيبيي
ملكة ..حطيت ايدي ع صدري ولطمت كتله يممه ياستار شتسوي بي 😱
وللحكاية بقية ....
بدل ماتدور وتبحث علي الروايات خليها علي تليفونك وحمل تطبيقنا
