رواية خائن لا يعرف الحب الفصل الرابع 4 بقلم أحمد حسن الخفاجي
اندكت الباب امي راحت فتحت الباب واني واكفة اباوع من شباب المطبخ وجان تدخل ام نور مرة متوسطة بالعمر سمرة وياها ابنية يطلع وزنها ب 60 طولها وسط وسمرة معانيها موكلش حلوة عيونها صغار وخشمها وسط بس اعوجاج وحلكها جبير وجها بي حبوب وحاطة مكياج خفيف كلش ملايك عليها ولابسة عباية خليجية محلوة عليها يعني طالعة حيل نشاز كلت يمكن بنتها دخلو سلمو ع امي وباوسنهة ودخلو للصالة واني ورة شوية دخلت سلمت عليهم وباوستهم امي عرفتني عليهم كالت هاي صديقتي ام نور وبنتها هاجر وكالتلهم هاي بنتي تانيا بس ماعرف ليش مارتاحيت لهاجر كلبي لعب منها تباوعلي بنضرات غريبة مليانة غيرة المهم رحت جبت الهم كيك وعصاير قدمتة الهم وضلينة نسولف وهاجر عرفتني ع نفسهة وعائلتها متكونة من ابو هاجر رجال متوسط بالعمر كاسب وام هاجر تطلع ب ال 40 ونور مواليد 90 وهاجر 92 وشهد 99 شهد ماشايفتها ابد هاجر من سادس ابتدائي وبطلت لان موشاطرة بالمدرسة ونور من الخامس ابتدائي ومبطلع لان حالتهم متساعد وجانو كاعدين وية بيت جدهم وعدهم مشاكل لذلك بطل وطلع يشتغل بمطعم قريب ع بيتهم وساعد اهلة لحد ماكبرو وصار عامل شاطر والكل يحمد بي وبشغلة
كاعدين ودخل اخوية سلم عليهم وصعد فوك اباوع ع هاجر تبتسم وتباوع ع اخوية ابد منزلت عينها شنو هالعرامة العدها وهي ضلت تتلوك وتشاقة وتسالني ع اهلي وتلملحي ع اخوية اني غلست وغيرت الموضوع
طلبت رقمي علمود نتواصل ونطيتها رقمي ورة شوية شفتها تكتب رسالة وتبتسم عفتها وكمت قدمتلهم فاكهة وجبت كرزات وضلينة نسولف صار وقت العشاء ماما ماقبلت يطلعون كالت الة تتعشون اصرت عليهم وهمة ماقبلو عاد اجة نور واخذهم بس مادخل جوة من الباب وراحو اني دخلت نظفت وغسلت المواعين بس ماعرف ليش مامرتاحة لهاجر ومرت الايام وتعرفت ع نور وقوت علاقتي بي وحبينة بعض هو اصلا جان معجب بية بس مانطيتة مجال وعلاقتي قوت بهاجر صارو يجون يمنة بس احنة منروح يمهم لان كاعدين وية ابيت جدهم وصعبة نروح ورة اجة عيد عيد الحب وطلعنة كلنة للزوراء اتبادلنة الهداية وتونسنة بطلعتنة وهاجر كل شوية وتعثر متعرف تمشي بالكعب العالي والناس تباوع وتضحك عليها واني جنت لابسة بنطلون ستريج لونة ازرق وقميص لونة احمر قصير هو مقبل ع لبسي كوة قنعتة وشعري شلتة كباية ونزلت خصل ومكياج خفيف وجنطة سودة وحذاء اسود افلات احس نظرات نور تاكلني مادري ليش مامرتاحة وبوكتها ازدحام ومكلوبة الدنيا بالزوراء امي كالت خل نرجع صارت ساعة ب 8 تمشينة نريد نطلع نور راح ديشتري شامية واحنة وكفنة ع صفحة اجوي 2 شباب ضلو يمسلتون وهاجر متونسة ع مسلتتهم اني ماهتميت اجة نور وهمة مدري وين اختفو كلت الحمدللة رجعنة للبيت بدلت وغسلت ونزلت جوة سويت العشا وتعشينة وغسلت المواعين ونظفت صعدت ردت انام لان حيل تعبانة باوعت ع الساعة شفتها ب 11 كلت بعد ساعة يتصل نور لان متعوين يوميا نتخابر ب 12 نبقة لل 2 نسولف وبعدين انام ومرات نعوف الخط مفتوح ونام اشو ورة شوية اتصل نور ضلينة نسولف استغربت من اتصالة وضعة ميطمن ظل يسالني ع الشباب
بدل ماتدور وتبحث علي الروايات خليها علي تليفونك وحمل تطبيقنا
