رواية عاد طليقي الفصل الرابع 4 بقلم جمانه السعيدي
اسمع صوت خالتي تحجي ويه عمي
....ها رد عليك عادل
....لا مايرد جهازه مغلق اذا سافر صدك اقاطعه طول العمر
....هاي البنيه شنو ذنبها
اني مغمضه عيوني اسمعهم بس ما اكدر لا افتح عيوني ولا احجي
شويه سمعت صوت امي تسئل عيوني دكتور صارلها ساعتين مغذيات وابر بلمغذي وهي مافتحت عينها خاف صار شي ببنيتي
.....حجيه اطمني مابيها شي هسه اصير زينه
بلكوه كدرت افتح عيوني جان امي اصيح
....يمه بنيتي حبيبتي شبيج يعمري ولزمتني من ايدي فتحت عيني عمي وخالتي ام عادل وابوي وامي رجعت غمضت عيوني
خاله ام عادل حاجتني نور حبيبتي انت زينه ولله عمج كلب الدنيا ومتحلفلى وخابر اصدقاءه يرجعونه شنو هو بكيفه
مغمضه عيوني واحس شي محشور بلعومي يمنعني من الكلام
بس تردون الصدك رغم كل الي صار بيه جنت منتضره يجي
عبالي اكسر خاطره
عبالي يرجع يكلي هذا حلم انتي حبيبتي وبس بس الوقت يمر وهو ماكووووو
امي دكتور نور ماتحجي ليش احاجيها ماتحاجيني
الدكتور من يخلص هذا المغذي تكدرون اطلعوها
وهاي ابر سجلتلها كل يوم ابره
واذا ماتحسنت اعرضوها على دكتور اخصائي
امي لازمتني من ايد وخالتي من الايد الثانيه
اثنينهن حجن سوا هسه نروح للبيت وحده تكول للثانيه تروح وياي اني ما اكدر احجي عصرت ايد امي
باوعتلي تروحين وياي اشرتلها براسي اي
نص ساعه خلص المغذي
اريد اكوم ما اكدر
حضني بابا وامي تساعدا وصلوني للسياره
ولحكوني خالتي وعمي بلسياره الثانيه
دخلت الغرفتي صاراسبوع من طلعت منها وفرحتي ماكو مثلها واليوم راجعه مكسوره اتمددت وتغطيت
عدت عليه اربع ايام اني ماحاجيه ولاكلمه والاكل كلش قليل
خلصن هذني الايام اسمع امي تحجي ويه ابوي
ناخذها للدكتو خاف بعد ماتحجي
.....اي ناخذها اخل اسئل احسن دكتور ونوديها اله
هنا اني حاولت احجي
ما ما اول مره ماكدرت ثاني مره صوت قليل
امي سمعتني يابعد امج اي هيج احجي توه نورت الدنيا ابوي دنك عليه وباس راسي وايدي
ردت روحي يابعد ابوج
وخالتي يوميه تجي هي وعمي يطمنون عليه ويرحون
اليوم اللخامس
جابو الريوك بابا وماما لازم تتريكين ويانه كمت على حيلي رحت غسلت ورجعت كعدت يمهم
....بابا ممكن اطلب منك طلب
....اطلبي عيوني وخذيهن
....عادل دز ورقة طلاكي
اريد اتنازل عن كلشي واخلص
... لاينذل اصلا هو مايستاهلج ميخالف يبعد ابوج تدللين
شويه وراح بابا فاتح ابو عادل بلموضوع
لكن ابو عادل رفض وطلب يحجي وياي
اجا هو وبابا...
...بابا عمج يريد يحجي وياج دخل ابو عادل
...شلونج عمو انتي تدرين اني شكد اعزج ولو ادري عادل هيج راح يسوي بيج فلا خطبتج اله لان انتي تستاهلين
الاحسن منه انتي جوهره وهو ما عرف قيمتج الي اريده منج تصبرين شويه بلكت يرجع وشرط اله اخلي يعتذر ويبوس ايدج ...
.. نور ..عمو اني ما احملك المسوليه انت والنعم منك عاملتني احسن معامله وما الومك انت سويت العليك واكثر
بس اذا تحبني صدك واليه معزه كمل كل الاجرائات
واني متنازله عن كلشي
لان اني انسانه مشاعر واحاسيس وما اكدر انتضر انسان مايحبني واكون اني رهن قراراته وعلى مزاجه ارجوك كمل فضلك عليه
....الي تريدي يصيرلج تدللين
وفعلا يومين وكملت الاجراءات كلها واصبحت مطلقه واني عمري ١٥
حالتي النفسيه من سي الى اسوء صرت منطويه على نفسي وما احجي هواي واكلي قليل وقربت المدرسه
ابو نور بابا حضري اوراقج اروح اقدملج للاعداديه
....بابا مالي خلك خلي ااجل السنه
...مستحيل ماكو تاجيل وصديقاتج يسبقنج ما عدنا شي اني اوديج يوميه وارجعج واذا تردين ااجرلج سياره تاخذج وترجعج
ابو نور كان همه الأكبر تتحسن حالته النفسيه
كان يحس نفسه هو الي ورطها بهاي الزواجه الفاشله
نور اطيني مهله افكر
ابو نور بليل ام نور تعاي اسولف وياج
ها ابو نور شكو
...قررت ابيع البيت واشتري بغير منطقه هاي كل يوم تروح للمدرسه وتشوف بيتهم لو واحد منهم وتنقهر بلزايد نغير بيتنا احسن
...شلون متعلمين على المنطقه
...هذا العدي شسوي بلمطقه اذا نور راحت مني
...الي تشوفه احسن سوي بكيفك
....باجر اروح للدلال واشوف البيوت وشنو الي يناسبنا
وثاني يوم راح ابو نور يدور يم الدلالين ولكه بيت مراوس ويه بيتهم بس بيتهم ٢٤٠ مساحته وهذا البيت١٥٠
بس بناء حديث تقريبا ربع ساعه بلسياره عن بيتهم واتفقو خلال اسبوع ينتقلون
وفعلا انتقلو
البيت كلش حلو بنائه ومرتب نور اخذت الغرفه الفوك وامها وابوها جوا
شويه تغيرت نفسيتها بس ابد مانست الي صار وياها
وكل يوم تندب حضها وتبجي
وبدت اداوم بلاعداديه
وخلال شهرين امها كامت تعرف كل نسوان المنطقه
اكو بيت يبعد عنهم اربع بيوت بي صالون نسائي صاحبت الصالون انسانه راقيه بشكل ولسانها حلو تعرفت عليها ام نور تروح تحف عدها
البنيه رجلها عسكري وعدها ابنيه ولد
الولد ٦ سنوات والبنيه اربعه
فد يوم راحت اتحف يمها جان تودي ابنها يجيب خبز رجع الولد ماما الفرن معزل
...يا شلون هسه نسيت اليوم جمعه ويعزلون
ام نور ولايهمج اني عاجنه هسه اخبز وادلج خبز حار
ومنا قوت العلاقه كامت ام نور تخبز تطبخ توديلها حصه كيك كليجه حصتها محفوضه
جانت نور تروح تتونس يمها بوقت فراغه ومرات اتساعدها اذا عدها ازدحام
خلص الرابع ونجحت نور وبلعطله يوميه تروح اتساعدها
بدت نور تتعلم هواي شغلات مثل العنايه بلبشره العنايه بلشعر طريقة المكياج
كامت تعرف تعتني بشكلها وبشعرها
نور اسئلج سوال
اي تفضلي
انتي ليش هيج ضعيفه
ولله ما ادري اني ما اشكي من شي هو اني هيج شكلي
....زين والي توديج دكتور تغذيه
اعرف دكتور حيل شاطر راح يغيرج مليون بلميه
....ولله ايدي على ايدج اكيف اذا ينطيني علاج زين وما ياذيني اكيف
...زين اطي اهلج خبر وباجر انروح اني وياج
وفعلا رحنا للدكتور
بلاول طلب مني تحاليل كامله خاف الضعف بسبب مرض
لكن الحمد لله طلعت سليمه وما اشكي من شي
الدكتور تمام راح انطيج مجموعة فيتامينات وحديد ونضام اكل
واكو كبسول امريكي كلش زين بس سعرا شويه غالي
وترجعيلي كل شهر اجيك حالتج خاف الدوه ماثر عليج اغيره اهم شي تنتضمين بكلشي
وفعلا بديت رحلة العلاج
وبديت احس بفرق جبير
وصار عندي حماس اني اتغير
ويصير شكلي احسن
بدل ماتدور وتبحث علي الروايات خليها علي تليفونك وحمل تطبيقنا
