صعيدي علمني العشق الفصل الخامس5 والاخير بقلم حنين عادل

بتكون روح قاعدة قدام البحر

كله فالصو وكله فيك الا بس جمال عينيك 

بتلف وشها وتبتسم وبيلاحظ دموع في عينيها 

بيقعد جنبها وبيحضنها :

روح النمر هرومانتها طافحة ولا ايه 

بتضحك ..

يونس: لا بجد ايه اللي مضايقك حاجة وجعاكي

بتهز راسها : ايوه وبتشاور علي قلبها

قلبي واجعني  اوي يانمر احيانا بقعد واقول ليه يارب اسكترت بابا بدر حبيبي عليا ببقي هاتجنن بحس أن الشيطان بيدخل لي دائما من المدخل ده انا امي ماتت وانا صغيرة اه بشتاق لها بس بابا حاجة تانية 

ياااااه لوكل ده يطلع حلم واصحي الاقي بدر حبيبي عايش الله يرحمك يا بابا ويصبر قلبي قلبي اللي انكسر ميت حتة يوم ما فارقتني 

يونس : هوني علي نفسك وعلي قلبك احنا محطات ادعي له بالرحمة يا حبيبتي الفراق صعب اه بس هو عند ربنا احن من الكل في مكان احسن في الجنة بإذن الله 

*_________________________*

بيكون مصطفي طالع علي السلم بيلاقي باب المعمل بيطلع من تحته دخان 

بيكون ماسك العينة في أيده بيطلع يجري وبيدخل بيلاقي المعمل النار ماسكة في كل حتة فيه 

بيحاول يطفيها بملاية وحد من الخدم بيشوفوا وبينده علي الباقيين بصوت عالي وبيجوا يساعدوه

بيحط مصطفي أيده علي جيبه لما بيلاحظ ازازة شبه اللي كانت معاه مكسورة مش بيلاقيها بيقعد ويحط أيده علي وشه بحزن والم وهو بيفكر في كل تعبه اللي راح في الفاضي

*___________________________*

وفي الليل وعند كريمة بتكون ماشافتش كرم من ساعة ما خرج من امبارح بالليل وحاولت ترن عليه كتير تليفونه مقفول 

رسالة بتجيلها من رقم مجهول :

(جوزك بيخونك وهو دلوقتي موجود مع واحدة في العنوان ده)

كريمة بتمسك قلبها : بتخوني يا ولد نعيمة العجانة دا انت ليلة اهلك سوده ما عيطلعلهاش نهار واصل

بتلبس هدومها وتدخل المطبخ وتجيب سكينة وتحطها في هدومها وبتنزل من البيت 

بتوصل العنوان وبتطلع عالدور التاني بالتفصيل زي ما اتبعت لها في الرسالة بتلاقي صوت اغاني والباب مفتوح بتزقه 

بتلاقي شمس قاعده وكرم قاعد جنبها. .

كرم : اسمعي الشعر اللي انا كاتبه ده 

شمس : سمعني يا قلبي 

كرم:

بيسوق التقل البيه وبينفض وتاعب قلبي ومشعلقني بيه

وانا قلبي في حبال الهوا الدايبه يتمسك وانا اتعصب 

من حبه اللي مالي قلبي خلاني اكتب فيه قصايد وأشعار يا حبيبي حبك نار عقلي فار

والشعر ماليش فيه بس كل كلمة بالله طالعة من قلبي ليه

بمشي ليه ميت خطوة لحد ما كعبي اتهري

وحالف ليقطع وصال الود ويقلبها عكننة 

ااااااه يا بوي علي الدلع والسهوكة والسهتنة

يابت يا واكلة ناسك دا انا حلم كل البنتة

دا انا الأسد ملك الغابة بس مابتنكش علي الغلابة 

انا كرم وانتي شمس القشطة الرزينة

اه وعجبي !

كريمة : وعجبك! 

كرم بيقف بسرعة ..

كريمة : بتخوني يا واطي يا دون

كرم : لاه ما بخونكيش مش انا اللي اعمل حاجة حرام حاشاه لله دي مراتي 

نظرت له بصدمة تكاد تفقدها النطق ثم قالت بتلعثم :

انت...انت اتجوزت عليا .

نظر أرضًا ثم تحامل علي شعوره بالألم والندم في آن واحد شعر انه يكاد يخسرها ولكنه ترك كل شئ للقدر فليفعل الله مايشاء

رفع رأسه وهو يتجنب النظر في عينيها وقال بنبرة واهنة:

أيوه سامحيني..

وقعت أرضًا تكاد تجزم أنها تحلم لا لم يحدث هذا بالطبع..

اغرورقت عيناها بالدموع ونظرت له وقالت :

طلقني يا كرم 

قامت وضحكت وقالت :

مش انا اللي يتكتب عني كده ياض ضعيفة ايه واغرورقت ووقعت لا دا اطلع مصرينك اكلها اقرقشها قرقيش 

طلعت السكينة وهي بتضحك بشر:

طلبتها ونولتها

شمس بتستخبي فيه بخوف:

اطلب البوليس المجنونة دي 

كرم بيلطم : ما تعصبيهاش 

بيجري قدامها وهي وراه :

اعقلي يا كريمة هاتضيعي حياتك علي كلب زيي

كريمة : كريمة ماعتسيبش طارها واصل انت الاول وبعدين السنيورة كاتب لها شعر 

دخل كرم المطبخ وهي بتحجز عليه :

ده ليكي والله يا منكوبة بس مع تعديلات بسيطة 

كريمة : يا واكل ناسك تتجوز عليا انا يا ولد نعيمة العجانة  والله ما اهدي ولا يروق لي بال الا لما اشوف دمك ملحوس الدنيا 

رمت عليه السكينة رشقت في الحيطة لقت جمبها شنطة سكاكين قعدت ترمي عليه وتنشن في كل حتة 

برق كرم : انا برييييييييييييئ والله برئ 

كريمة كانت بترمي ومش سامعاه 

دخل عليها ناس ماسكين تورتة :

سنة حلوة يا جميل سنة حلوة يا كريمة

كريمة : عامل لي عيد ميلاد وانت متجوز عليا 

كرم كان مستخبي جوه ضلفت المطبخ طلع لقا سكينة هاتيجي في وشه لف بسرعة وبعدها صوت :

ااااااااااااااااااااااااه ياريتني ما لفيت 

دخلت شمس مسكت كريمة وهي بتصوت :

يخربيتك ماتجوزنيش دا عامل لك حفلة عيد ميلادك بس قال ايه عاوزها كريتيف ففكر في الفكرة المقندلة المشندلة دي 

كرم كان واخد سكينة في 😂

كريمة بتجري عليه :

كرررررم انت كويس يا حبيبي

كرم : بقي عاوزه تقتليني يا كريمة بقي أكده دي آخرة العشرة ترشقيني سكينة في ........طيبة قلبي 🥹

كريمة : سامحيني يا حبيبي بحبك قوي قوي ماتخيلكش مع واحدة غيري 

كرم : عجبتك المفاجأة اتفقت مع شمس علي كل حاجة بس انتي بوظتي العيد ميلاد وبوظتي اهئ اهئ كلمولي دكتور يداوي اللي انصاب اااااه يا قلبي 

*__________________________*

وعند مصطفي...

بسمة: قدر الله ما شاء فعل يا مصطفي احمد ربنا يمكن لو كان المشروع  كمل كان جه عليك  بالخراب

مصطفي: كان علاج فعال للمرض اللعين بدون كيماوي وبسعر بسيط كان هايحل مشاكل كتير اوي لكل الناس وماحدش كان هاينتظر دوره بالشهور كان هايبقي نقلة كبيرة بس انا راضي بكل حاجة يا رب والله راضي

*___________________________*

وفي فرح كبير...في الصعيد 

روح بتكون قاعدة مع بسمة وميرا...

روح : بس فكرة حلوة يا ميرا انك تيجي تعملي فرحك هنا

ميرا والميكب ارتيست بتعدل لها الطرحة :

الناس هنا طيبين اوي وعمك يا روح لما ساعدني في مشكلتي وبسمة ويونس ومصطفي

بحب كل الناس اللي هنا بجد ..

حبك ليونس 

وحب كرم لكريمة

وعلاقة بسمة ومصطفي 

روح بضحك : احنا باكيدچ كده كله يتحب انتي بقي خلي بالك من أخويا انا بقولك اهو 

ميرا : خالد ده النفس اللي بتنفسه ..

الباب بيخبط وبيدخل شاكر :

خلصتي يا بنتي

ميرا : أيوه يا عمي

شاكر : طب يلا عشان اسلمك لعريسك 

بتأنكجه ميرا وعيونها بتدمع وهي بتفتكر ابوها بس بتحاول تبقي كويسة 

بيكون خالد واقف علي اخر السلم مستنيها بتكون زي القمر 

بيبتسم مصطفي وهو بيمسك ايد بسمة:.

عقبال ليلتنا

_احم احم ..

مصطفي بيجز علي سنانه : تعالي أقف في النص يا بو نسب اصلك واحشني اوي 

بيضحك : لااااا انا هتفرج علي البنات الحلوين ..

كريمة بتكون واقفة تسقف ومبسوطة وكرم جمبها

كريمة : عيونك تروح أكده ولا أكده طلقة بين عينيك تدخل في نفوخك لا تروح يمين ولا شمال

كرم بينفخ : ابُص فين يعني

كريمة بضحك ودلع : بُص عليا انا الكِريما القشطة 

كرم بحماس : اموت انااا ماتيجي نروح بقا

ضحكت كريمة..

روح بتميل علي يونس :

فاكر يا نمر ليلتنا

يونس بابتسامة : ودي تتنسي يعني ده كان اسعد يوم في حياتي 

وجه فقرة الرقص السلو

كرم كان بيرقص مع كريمة 

وخالد مع ميرا

ومصطفي مع بسمة

وروح مع يونس وكلهم بيرددوا مع الأغنية...

وقابلتك إنت لقيتك بتغير كل حياتي

ما عرفش إزاي حبيتك

ما عرفش إزاي يا حياتي

من همسة حب لقيتني بحب

لقيتني بحب وأذوب في الحب

وأذوب في الحب وصبح وليل، وليل على بابه

ياما عيون شاغلوني، شاغلوني لكن ولا شغلوني

إلا عُيونك إنت دول بس اللي خذوني، خذوني

وبحُبك أمروني

إلا عُيونك إنت دول بس اللي خذوني، خذوني

وبحُبك أمروني

أمروني أحب لقيتني بحب

لقيتني بحب وأذوب في الحب

وأذوب في الحب وصبح وليل، وليل على بابه........

تمت