رواية ملكة الشيخ ضاري الفصل الخامس 5 الجزء الثاني بقلم ساره المجيد
سناريا ...بيوم طلعت من البيت شفت ادم اكبالي دنكت ومشيت سمعت صوته هو يوكفني ..اخذت نفس كوه لازم يحجي وياي ..درت وجهي اله وكتله نعم
ادم ..ممكن تكولين وين رايحه بهاي ملابسج
سناريا ..كنت لابسه بنطرون اسود وتشيرت اسود ع الصدر بي كتابه انكليزي وشال اسود وكب احمر ومانتو طويل عبايه ماكو لان البسها بس للمدرسه وللزياره اخذت نفس وكتله ..خير يعني وين اولي للمستشفى اشوف اختي محتاج شي
ادم ..امممم
سناريا ..باوعلي بنظره غريبه دار وجها ورجع حجه ..
ادم ..ديري بالج ع نفسج
سناريا ...هه موكفني حتى تكول هيج بس مشكور ابن عمي عفته ومشيت دخلت وشفت ابويه كاعد كالي بابا خلصتي كتله اي كملت ..
اخويه علي ومحمد لبستهم جديد مشينه صعدنا بالسياره بس بابا مهموم حيل ع اميره شويه وصعد عباس لان عمي ويانا اخذنا ابويه للمستشفى اوف من شفته انقبض كلبي حيييل صار 20 يوم اميره بالمستشفى وامي ماتجي ظاله بالمستشفى خايفه عليها حيل ...
دخلنا للمستشفى صارت اكبالي غرفتها نزلت دمعتي حتى كبل لا شوفها لزمني ايدي ومشينه دخل علي ومحمد بقيت بس اني كالي بابا ادخلي بنتي مسحت دمعتي ودخلت ..
شفت امي واميره نايمه ع السرير لا حس ولا نفس عبالك ميته ..شي محطوط ع جسمها ركضت حضنت امي وبجيت وهي تكلي ..
امي ..اشش ياييمه اشش ان شاءلله مابيها شي
سناريا ..درت وجهي الها وخرت عن امي وكعدت لزمت ايدها وبجيت هي فتحت عيونها شافتني جان تطكها ابجيه ..
كمزت حضنتها وهي هم تبجي وابجي وياها واكلها ..ولج اميره لا تعوفيني منو اتعارك وياها بعد منو تصيح عليه اذا مانظفت الغرفه منو تصيح عليه اذا ماشحنت الايباد اموره كومي وهي تهمس بس مافهمت شي منها لسانها ثكيل حيل ..
كمت وخرت عنها ظليت شويه وطلعنا لان صار وقت العلاج طلعت وصار ادم اكبالي وعباس رحت يم عباس وكفت ..
علي ومحمد مدري وين راحوو ..
عباس بهمس ..سناريا شلونها أميره
سناريا ..رفعت راسي وكتله ..موزينه من تحجي مافهم شي عليها وبجيت
عباس ..اأأأخ ياربي كافي لا تبجين ان شاءلله تكوم بسلامه
سناريا ..مسحت دموعي وكتله ..ان شاءلله ..
اجه بابا ومشينه رجعنا بالليل نمت بيت جدي ابويه بات بالمسشفى وكل يوم اهلوس باحلام وكوابيس بس اسكت ومالي غير الدعاء ..اميره حالتها بين الزينه ومو زينه ..
خلال هاي الفتره زينه صارت اختي اكثر من مايكون اتصل عليها واشكي همي وهي تسمعني بس مادري اني ماجنت احجي وي زينه جنت احجي وي ثائر اي وي ثائر كانت مسويه مكاله جماعيه وتخلي يسمع صوتي بدون مايحجي ..
مره بالليل اتراسل اني وياها من موبايل محمد ..
جان تتصل بي رديت ..
زينه ..الو شلونج سنورة
سناريا ..ع الله وانتي
زينة ..دومج حبيبتي
سناريا ..يدوم نبضج
زينه ..اميره شلونها
سناريا ..ااأأأأأه اوف شكلج كلش مو زينه زينة اختي بس لاتروح من ايدنه خايفه كوولش عليها
زينه ..اسم الله حبيبتي كولي يالله ان شاءالله مابيها غير العافية ...الله كريم حبيبتي اكو شخص يريد يحجي وياج
سناريا ..منو ؟!
زينه ..هسه حبيبتي
سناريا ..ظليت انتضر دقايق ولغت الاتصال بس ظليت متصله برقم نهايته 27 ..
ماعرفة بس من سمعت صوته كلبي وكف لحظه كلشي ضامته بكلبي بكلمة وحده عبرته ..
سناريا ..ثاااااااااااااااائر
ثائر بشتياق ... ياروح ثائر ياگلب ثائر يانفس ثائر مشتاقلج موت يابعد كل هلي وناسي
سناريا بدموع وقهر ....ثائر ماصدك هاي انت تحجي وياي ماصدك ولك كلبي طك عليك ميته وصوتك حيياني
ثائر ..ههه لا ياعمري صدكي ياروحي صدكي واسم الله ع گلبج
سناريا ..جان يحجي بهمس ماعرف ليش ..
كتله مشتاقتلك ومحتاجتك ثائر اريدك يمي ثائر حبيبي محتاجتك والله احس اني ضايعه بهل دنيا مخنوكه اريد اتنفسك لان انت الهوه جنت الي
ثائر ...اخ مو بيدي ياكلبي والله مو بيدي هذا قدري المشؤوم وكعني بهل بير الاظلم ااااااه حبيبتي متت عليج من القهر ولج مشتاق اشوفج واضمج واحضنج مشتاق لكل شبر بيج مشتاق لعيونج لخدودج لكلشي بيج ...
صدكي السجن ما مأذيني بكد مابعدج اذاني وكسم ظهري نصين ..مداتحمل هل فراك عذبني والله داموت الف مرة باليوم
سناريا .. اااااه حبيبي ويابعد كل هلي وناسي واني هم مو احسن من حالك ولك اني هسه جثه بلا روح عكب عينك ...وداعتك حسيت سلبوا روحي مني من غبت عني
بجيت ماتحملت وهو يهدي بيه احنه كاعدين بيت جدي فجأه دخل ادم عيونه بكصته ..
سويته صامت ومسحت دموعي حجه بعصبيه ..
ادم ..ولج وييييه منو دتحجين
سناريا ..ماهتميت ولا رديت
ادم ..مواحجييييي وياج وي منو داتحجين
سناريا ..كتله وي بت خالي عندك اعتراض
ادم ..وساعه 12 باليل مو غريبه اتشوفيها
سناريا ..لا مو غريبه عادي ومن زمان نحجي ومو هسه
ادم ..امممممممم جيبي الموبايل
سناريا ..مانطي
ادم ..كتلج جيبي الموبايل لا اكسر راسج
سناريا ..صرخت بوجها طلعت القهر المكبوت بصدري كتله واني كلت لا يعني لا
سلام ع كلبي يابشر متت وماظل عندي احد كلها ضدي كلها ...
اختفت احلا لحظات حياتي هيه ضحكتي وي انسان احبه ليش هيج انظلمت بس حبيت وماردت شي غير اشوف حبيبي واخر شي صرت ضحيه وهو هم ضحيه جريمه مسواها وضحيه نهوة ادم كسرتني وحطمتني ..
صرت لعبه بيد الزمن كلشي عندي انكسر حتى ثقتي بنفسي اتحطمت ورا هاي الفتره ابويه وامي اخذو اميره وسافروا لتركيا علمود علاجها ..
كان بوقتها امتحانات نص السنه كلشي ماقريت جنت اروح مسفطه للمتحان وارجع ظليت 10 ايام هاي حالتي بيوم خابرت ابويه وكتله شوكت ترجعون جان تحاجيني اميره فرحه مو طبيعيه اختي ردت اوف ياختي اوف ..
رجعت حبيبتي واختي ردت روحي ..
وكال بابا اسبوع ونرجع خلال هذا الاسبوع عطله نص السنه رحت اني ومحمد وعلي وعماتي وكمت عزلت البيت وكنسته ومسحته ردت روحي من عرفت اهلي راجعين جنت كاعده انظف بغرفة اهلي اجت بيبي ام ابوية يمي وكالت ..
بيبي ..اسمعيني يمه ماريد ابوج يعرف بسالفة ادم وياج ماشي
سناريا ..اخذت نفس واتنهدت بحركه وهي كالتلي ..
بيبي ..يابيبي ياعيوني الي صار صار خلص وراح واهلج ماقصروا بي لعبو لعب وانتي شفتي شلون هو زعلان وضميره يأنبه عليج ..
سناريا ..ماشي بيبي ماكول بس بشرط ادم يعوفني وماله علاقه بيه ..
بيبي ..خلص اخذيها مني ادم بعد ماله شغل بيج
سناريا ..خوش اذا هيج هاي هيه يجرالج بيبي ..كامت راحت واني هم كمت كملت شغلي ثاني يوم راح محمد وعباس يشترون ملابس جديد الهم ..
بابا عاف النه افلوس نصرف منها بس عمامي مقبلوا كالو احنه اهلكم وفلوسنا فلوسكم ..
اسبوع مر بحلات روحي ماحسيت بي ابدا بالليل حضرنا البيت تزين وشغلات ثانيه صعدت سبحت ولبست ثوب طويل مالت محجبات فوكه بليره كابوي وشال ..فرحتي كانت ناقصه شكد تمنيت ثائر وياي
اريد اشوفه بس هيهات خلص ثائر صار من الصعب اشوفه بس ماايست من رحمة ربي لو شويه ..
شفت خوالي جاين وياهم نور سلمت عليهم كلهم ماعده نور كامت وكالتي ..
نور ..سناريا اني اسفه
سناريا ..اسفج وين اصرفه يابت خالي
نور ..اني اعتذر وحقج ع راسي بس والله مو قصدي
سناريا ..قصدج مو قصدج مالي دخل عفتها ومشيت ..
حضرت الحلويات بصحون عمتي ام جمال واكفه يمي ..وتعلمني شلون اخلي وشلون ماخلي ..
شويه وسمعت جهال يصيحون اجو اجو عفت كلشي وطلعت اركض جان الجو شته والدنيا تمطر شفت اميره تمشي وامي يمها وابوي وعمامي كلها رحت ركض شبكت اميره وبجيت وهي غثيه تكول ..
شبيج خنكتيني
عفتها وغميتها وكتلها ..كبور مو مال اشتاقلج
اميره ..ههههه تعاي
سناريا ..حضنتها ..عفتها ورحت لبابا حضنته وبجيت اوف مشتاقتلك هواي حبيبي
بابا ..يابعد روحي بنيتي
سناريا ..حضنت امي وبستها ورحنا للبيت ظليت حاضنتهم وبس مكابلتهم وهمه يسولفون عن السفر وعلاج وشصار يمهم واميره راحت يمي بالمطبخ وهيه تحجيلي ع تركيا وشكو بيها مابيها صدك ماتنمل سوالفها ..
وهي كضتها ..
رجعنا كعدنا قدمت الهم الحلويات ..
كمت وشفت عباس عينه ع اميره اميره من ورا العلاج متغيره صايره حلوه وهيه طويله وبيضه ع امي ..
ابتسمت هو انتبه ع نفسه
عباس مواليد 1997..بعده يدرس ..
خلص والكل كامو وتحمدولنا بسلامه ..وطلعة كضينه اليل اني واميره نسولف ع تركيا وهي تروايني صورها اهناك ..
خلصنا كلشي وامتحانات هم خلصت ورحنا كلنا لعرس زينه الي كان اجمل عرس شفته من وصلنا لخوالي شميت عطر حبيبي بالجو اخنكني الشوك اله وصرت ماعرف شسوي ..
حبيبي وروحي راح من بين ايديه كلشي ضاع بس حبي اله ماضاع لسه مثل ماهو لسه اخذت عهد ع نفسي انتظره لو كان اخر يوم بحياتي اول يوم زينه كانت تحضر نفسها امي وخالتي راحن يودن ملابسها لبيت زوجها الشيخ
اني وزينه وخالاتي الباقيات رحنا لصالون امي كالتلي شتردين اتسوين سوي المهم تطلعين من الكئابه الي انتي بيها ماسويت شي بس مجرد رتبت حواجبي واشتريت فستان احمر طويل ومخصر ع جسم سوتلي شعري برم من جوه ومن خلصنا شفت زينه طالعه ملاك تخبببل
زينه ...كان يوم الحنه كعدنا من الصبح رتبت البيت اني وامي ورحت من ال10 اني وسناريا وخالاتي ومنا اجت زوجة مهند ومرت عمي بلشت ام الصالون تشتغل ع وجهي احفافه وتنظيف بشره ..
وخلتلي كم ماكس ع وجهي لبست بدله حمرا مثل بدلة باربي يسموها ورفعت شعري وبرمته الي واني صبغته اشقر ع بني طلع يخبل وخليت مكياج خفيف الحنه كانت بالبيت بس العرس كان بالقاعه بين الاهل
اجه خالو احمد اخذنا من دخلت وشفت العالم كومه اوف يمه كلبي ماصدك اخيرآ صرت لحبيبي
ظلن البنات يركصن ويدبجن بس
سناريا كانت واكفه بعيد امبين عليها الهم والحزن صحت عليها اجت كتلها شبيج حبيبة
سناريا بحزن ..مابيه شي بس دا احس بخنكه وكلبي مقبوض
زينه ..اوف الله يساعدج حبيبتي
سناريا ..ماعرف شسوي زينه حاسه شي راح يصير اليوم
زينه ..لا تكولين هيج اسم الله ترا ربج كريم
سناريا ..الحمدالله ع كول حال
زينة ..شويه واجه العريس كلبي كام يدك مثل الطبل صار ..كان لابس بنطرون اسود وقميص ابيض وستره سوده ورافع شعره اوف طالع يخبل دنكت من الخجل هو اجه كعد بصفي وهمس بذاني يارب صبرني ع الجمال هذا
زينه .. اممم انت هم طالع حلو
صكر .. ههههه كلبي وحياتي انتي الف مبروك
زينة ..الله يبارك بيك حبيبي بلش يلبسني الذهب والحنه باطن ايدي شويه جان نسمع صوت النسوان رفعت راسي جان اخو الصغير مرتضى داخل وشايل الكيكه كام صكر صرخ بي وطلعه
بسرعه اجت خالتي خلت العبايه اكبالي لان ميصير يشوفني ولبسي فضيحه
ههههه خرب بهبل
اجت سناريا وكفت بصفي وكتلها شكو
سناريا ..ماعرف هسه نفتهم
زينة ..كملنا باس راسي وقبل لا يطلع همس بذاني احبج ابتسمت وراح كومتني امي رحت بدلت البدله لبست بدله قصيره تخبل خلصت الحفله بعد ماركصنا وكومه سوينا شغلات اجيت اريد اروح لغرفتي لان تعبت اتصل حبيبي سولفت ويا شويه وكتله اريد اسبح تعبت من الحفله هههه هو ضحك وكال روحي كلبي رحت سبحت ومن طلعت دخل خالي محمود وهو يصيح ومفزوع
محمود ..وييين حيدر
امي ..خير شكو شصاير
محمود ..بت اسمهان يمكن انلبست حالتها تخوف
زينة ..انصدمت لا يالله شبيها سناريا 😱بسرعه خالي شغل السياره
امي ..صخام الصخمني شبيها البت
محمود :-مادري نايمه بحضن امها وكامت تصرخ من وحدها
يلا بسرعه
زينة ..اخذ السويج وطلع وامي كامت تدك وتلطم اخذت عباتها ولحكتهم
سناريا :- من اجه زوج زينه رحت للغرفه اريد البس عباتي اجت مره ماعرفها سألتني وكالتلي منو انتي كتلها اني سناريا بت اسمهان اخذتني بحضنها بس حسيت بشي جكني بظهري
المره :- انه كرايبكم بس من بعيد
سناريا :-ابتسمت وراحت حسيت بدوخه واختنكت اريد اتحرك ماكدر اخذت العباه وطلعت جاي البس الحذاء جان بت خالي فاطمه تكول اكو دم ع رجلج رفعت رجلي وشفت صدك اكو دم خرب ..
نزعت الحذء وظليت انظف بيها من خلصت جاي اطلع صار اكبالي استغفر الله شبح وكف كل شي بجسمي نفس المره نفسسها ارتعش كل جسمي من الخوف صرت ارجف ماعرف شسوي ..
بسرعه غمضت عيوني وحسيت باحد يحاجيني رجعت فتحت عيوني وشفت اكبالي خاله وامي عفتها وركضت كعدت بصف زينه وهيه تسألني شكو ردت بس تخلص الحفله ماترضه تخلص ..
من خلصت بسرعه رحت وي امي حتى مابقيت وياهم اتعلل ركضت كبل بدلت ملابسي ورحت غسلت الحذاء مالتي وملابسي جان تنقط دم ..
اجه براسي صوت طفله صغيره تبجي بسرعه طلعت من الحمام اطرافي كلها ترجف رجف مو طبيعي عبالك عندي اهتزاز صرت اخاف اكعد وحدي كعدت بصف امي واهجس جسمي كله ينتفض من البرد مع العلم الجو حار معلوك التدفئة ..
كل ماغمض عيوني تجي بالي صريخ الطفله بسرعه دفنت وجهي بحضن امي وهيه تحجي وي خالاتي غمضت عيوني وانه بسرعه نمت
حلمت حلم واكفه بظلمه واكو مره كاعده وتبجي وتصرخ قربت منها وكتلها شبيج خاله كولي شبيج رفعت راسها شفت اكبالي شبح بسرعه كمت اركض بس ماكدر الحك وهي تريد تلزمني ..
باللحظه صارت امي وياي بالحلم بين اديها وتكلي تعاي تعاي انتي بنتي تعاي صارت تمشي الي واني ابجي واكلها عوفي امي عوفيها والله اجي وياج بس سحبتني بالحظتها صرخت صرخه موت وشهكة
فتحت عيوني لكيت نفسي بيت بس موبيتي مره جبيره وجها ينطي بياض يخببل بيتهم بارد خلت ايدها ع راسي وكامت تقرأ قران بس اتذكرت نص الايه كمت انتفض واصرخ ماريد ماريد
امي ...سناريا حبيبتي سناريا اشش اصبري
سناريا ...مارييييد عوفوني ماريد اسمع شي ماريد
العلويه خلت ايدها ع اذاني وكامت تقرأ وخالي لزمني وبيبي ملكة وامي واني اتعارك وياهم ماريد اسمع ماريد هدأت شويه غمضت عيوني واسمع تكلهم
العلويه :-بتكم مسويلها عمل وهذا العمل هو تخيلات يعني تشوف ناس هم من الاساس ماموجودين تخاف من اشخاص يأذوها وتكره ناس وتحب ناس هذا العمل صار اله اكثر من ثلاث سنوات وهسه يلا بين لان اتجدد من جديد راح هذا البخور تاخذو وتبخروها مدت ثلاث اسابيع وهم هذا حجاب تشيله بصدرها البنيه عدها ايمان لكن ضعيف بس رب العالمين يقويها ويساعدها
ملكة :-بس هي ماحجت مكالت يمه اسمهان انتي تدرين
امي :-علمي علمكم والله بنتي مامسويه شي ولا ضاره احد ليش يأذوها
العلويه :- ظعف الايمان حبيبتي لكن بنتج قويه ذلك سحر مامشه وياها بسرعه لو ماشي وياها كان هسه فاقده كل قواها العقليه
تفضلي حبيبتي الله يشافيها
ملكة ..مشكوره علويه ماتقصرين
سناريا ..طلعنا من العلويه ورجعت عبالك مبنجه ماحجي ولا اكل ولا اشرب شي كنت فاقده ظليت ثلاث ايام بس انام حتى عرس زينه ماحضرته امي راحت وردت وانه بس انام اكل ماكل وبس وقت الغروب يكعدوني ويبخروني وراجع انام ...
هاي حياتي بالمختصر صارت عباره عن اكل ونوم ثقتي باقرب الناس الي انعدمت صرت كأيبه
ونجي لقصة زينه وصكر بعد ماتزوجوا طلعوا شهر عسل للخارج بس هيه تعاني من مشكال وي مرت عمها بت عم صكر قررت تنفصل عن صكر لان هيه حست انو مالها مكان بحياته بعد
زينه :- من كالو هيج صار وي سناريا حيل كسرت خاطري ماعرف شنو صار وياها وهيج صار ثاني يوم الصبح رحت شفتها بس نايمه من احد يحجي وياها لا ترد ولا شي عبالك نعزلت عنه ..
من بعدها رحت لصالون وسويت تسريحه بسيطه وبدله البيضه كان شكلها يخبل تجي مخصره من صدر وتنزل بف وبنهايه يجي التطريز يخبل اجه صكر لعدنا ورحنا لقاعه اخذنا صور والمصوره كول متكول سووا هاي الحركه هو يستغل اللقطه ويكعد يبوس كان لابس زي عربي يخبل طالع علي
من خلصنا رحنا للقاعه دخلنا ع اغنيه حسين الجسمي افتتاحيه الكل كان موجود بس سناريا ماكو ..
لا هيه ولا خالي محمود لان عنده امتحانات هو يدرس ماجستير
كاموا الكل يركص ويبارك اله اجوي اخوان صكر اخذوا بنص الستيج ويركصون جوبي كلها لابسه زي عربي طلعو فد شي وهمه ماشاءالله 8 ولد ..
دخلت حبوبته الجبيره وكامت تركص وياهم ضحكت ع شكلهم كان يجننن اخذنا صور وشبعنا ركص وصكر كول شويه وهمس هسه شوكت يخلص العرس
زينه :- شبيك حبيبي
صكر :- لا تحجين وياي كوه مصبر روحي عليج اسكتي لا اهجم ههههه
زينه :- هههههه حياتي
صكر :- شوف ابن القندره يغمز
زينه :- عززززه منو
صكر :-مهند ههههه
زينه ...هههه
باس راسي وكام اخذ ايدي وكمنا نركص سلوو والكل يصفك ويغني حضن خصري وسحبني ل صدره وهمس بذاني احببببج موت دنكت خجلانه منه حيل وهو جريء من خلصنا ركص جابو الكيكه كصيناها واكلني واكلته وراح كال عالم منتضرتني شويه واجي ضليت اخذ صور وي بنات خالي وصديقاتي
سناريا ..( اي واني مريضه نايمه اصلا ماردت اكتب قصتج بس كسرتي خاطري ماعرفتي تأجلين العرس لخاطر بت خالتج 😒 )
زينه ..(ههههه شبيج اصلا انتي كنتي غايبه عن الوعي هسه ست ساره تشوفنا نتناكر وتاخذ علينه نظره موحلوه
سناريا :-ههههه هيه بحالج اصلا ...عيني جان عرس اخوها ياحظي هم مارحت فكر وجهي باجر من اعرس ماعزمج
زينه :-اشش ارجعي كتبي ولج كافي ههههه)
سناريا ..ههههه اوك ..
ورا ربع ساعه كالو يلا بلشت الزفه اجت خاله سهى لبستني وعدلت البركع ودخل صكر وابويه اوف يابابا كسرت كلبي عليك اخذني وباس راسي وكال أمانة الله زينه عندك صكر
صكر هز راسه وكاله بعيوني اضمها وطلع وصعدت بالسياره واني ابجي اوف ياكلبي صد شبعت قهر ع اهلي رحنا لفندق بعد مافترينا وشبعنا فره راسي كام يفتر ههههه من وراهم
دخلت للغرفه وياي خالتي وبيبي شرحولي لازم شسوي وجابوا الجنط خلوها وكالو وبيبي كالتلي رفعي راسنه اوف يمه كلبي راح يطلع من مكانه اذا هيج يمه كلبي يمه ..هههه
دخل صكر وهوه يضحك بخبث وناوي ع زينة نية انتقام بحضنه 😉..
وللحكاية_بقية ...🌿
🍁خاب مال انساك
هاي أنساهـه😉
الفرحه بس وياك
والله ألگاهــه
بس الك يحله الشـعر
انته حبي من الصغـر
انته حبي واني بيك اتباهــه
خاب مال انساك
هاي انساهــه 🍁
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
