رواية قصاص الفصل الخامس 5 بقلم جمانه السعيدي
لمار...بقيت بيت جدي واتوسل بيبي حتى تقنع بابا يبطل من هاي الزواجه
مبينه زواجه فاشله ماكو اي توافق بينا
اني زغيره هو جبير
اني ماعندي اي تجارب بلدنيا عقلي عقل طفله
وهو ماكو شغله مابيه حظ مامجربه
اني شورطني وطلعت وياا نهال يوم اسود لو ماشايفني بذاك اليوم
ما اجه يخطبني
اجا بابا دخل سلم وكعد
بابا...لمار اني زعلان عليج شلون تعوفين البيت وتطلعين بدون ماتكولين
بيبي... لا تحجي عليه هي وين رايحه بيتنا لو هم ببتنا
بعد مايعجبك
بابا...يمه شكاعد تكولين يمه مايصير تطلع بدون اذن
بيبي...عوف هاي السالفه هسه شنو تريد ازوجه
بابا...اي خوش قسمه جايته وهي مستواها بلدارسه مو شي
هاي صفوف عاديه وكل سنه تطلع إكمال بدرسبن وتلاثه
السادس شلون راح تعبره
واذا بيه خير تقنع زوجه وتكمل دراسه
بيبي...هااا صار زوجه يمه ترا نهال بعدها طفله
خليه تكمل دراسه وتدخل كليه شنو الزلم خلصت تريد ازوجه واحد بكد عمرك
شني هلمسكينه والزواج بعدها طفله
بابا...الولد اجاني للمصرف كلش خوش ولد ومرتب وعندا
أملاك خير من الله وشاريه
يكول بس اطلبو اعادله معادل
هيج فرصه ماتجي دوم اني عجبني الولد ونطيته كلمه
ولمار لازم تسمع كلمتي
اني ابوها واعرف بمصلحته
بيبي...يايمه لعب بعقلك الشيطان البنيه بعدها زغيره
وماتريد تزوج تغصبه على الزواج
بابا...اني انطيت كلمتي ومستحيل أتراجع عنه لمار تزوج
يعني تزوج
يله كومي لمار كدامي للبيت
لمار ختلت ورا بيبي وكتله ماا مااريد ازوج
قرب عليه وسحبني من ايدي بلقوه راسا نزلن دموعي
اول مره بابا يصرف وياي هيج
كل عمري مدلله ومايرفضلي طلب
سحبني قوي ودفعني كدامه
بيبي...يااا شجاك وراي كاعده وتاخذه هيج دموعه على خدها
بابا...حتى تتعلم تسمع كلمتي اني احتراما اللج ماضربته
واذا تعاند اكسرها تكسير
اخذني بابا رجعني للبيت
لا كتني نهال بلباب بذاك اللسان
نهال...اليوم طلعتي بدون علمنا باجر تاخذيلج واحد وتنهزمين كمتي تتصرفين بكيفج ست لمار
لازم تزوجين حتى لا اجيبلبنا فضيحه
دخلوني غرفتي وففلو عليه الباب جمانه السعيدي يخافون انهزم
ثاني يوم اسمع هوسه بيتنا برا
اسمع واحد يكول دزنا استاذ عماد حتى نرتب البيت علمود حفلة العقد
اسمع طكطه برا وريحة صبع واصوات مااعرف شنو
بابا من رجع فتح الباب وانطاني اكل وكال حضري نفسج باجر ترحين الصبح للصالون علمود العقد
طبك الباب ومااهتملي ابد
كمت اكسر بلغرفه حتى يعرف اني ماموافقه بهاي الزواجه
بس ولا اهتم ولا حاول يعرف شكووو
سطرته نهال كام مايندل دربه
مااكلت اي شي بقه الاكل بمكانه
ثاني يوم انفتحت الباب الصبح
نهال...يله كومي حجزنا بالصالون تعاي تريكي اسبحي حتى نطلع
لمار.. مااا مااروح الاي مكان
نهال ...فكر هي كوه مو وجه نعمه
تكومين وغصبا ماعليج الرجال مكلف نفسه وعازم الناس كله مااخليج تخربين العرس
طلعت لكيت بيتنا عبالك قاعة عرس
نفاخ وورد والدرج مشكلين على تول وورد ونشرات
طالع غير شكل
فعلا عبالك قاعة اعراس مو بيت
بيت عماد
ام عماد....يمه مااخذتني اشوف العروسه هيج كبل مهر
عماد....يمه ولله راح تشوفين ذوق ابنج يمه مو بنيه ضيم
يمه تخبل
محمود.اخو عماد.....خبصتنا تخبل تخبل اريد اشوفه شلون تخبل
عماد...ولله اله اخليكم تتخبلون من تشوفون جماله
هاي مو لمار هاي دمار شامل
لمار...رحت للصالون غصبا ماعليه ابوي ونهال اخذوني غصب
بيبي وعماتي زعلن ماقبلن يجن
خصوصا بيبي لان ماقدرها بابا ومشا كلمته
عمامي هم ماحضرو المهر زعلانين على زعل بيبي
لبستي بدله بنفسجي داكن بدون ردن والصدر دلع بيه خيوط ضعيفه فضيه من نهايت البدله
بدله منفوخه وطويله
وسولي تسربحه بسيطه بس مرتبه وحذاء فضي عالي
بس اني كاعده ومبرطمه
ومبين ماعاجبني الوضع
مابيدي شي لا حول ولا قوه
اني حياتي كله صارت مرهونه باشاره من نهال
هي الي تتحكم بحياتي وبكل القررات اامصيريه الي تخصني
خالتي ماتدري راح ازوج ولا عدها علم المسكينه
اجا بابا ورجعنا للبيت بسيارته
المشيه كانت بلا عدد الناس ترست الشوراع والسيارات
كله حديثه
بيتنا ماكفا للناس نص العالم بقت واكفه برا
اما النسوان امه واخواتها يعني خالات العريس ثنيين وعمته وبناته وكم وحده من جواربنهم ايجوز بيهن ٣٠ وحده
امه بس شافتني فتحت حلكه يمه شني هذا الجمال
ماينلام عماد من كال راح اخبلكم
خالاته وعمته كله بقت بس تباوع ووحده تندس الثانيه
واني كلشي بعيني مو حلوووو
مجاي احس بااي سعاده معقوله هو هذا عرسي
هذا الإنسان الي راح اخلص حياتي ويااا
شويه واجا الشيخ عقدلي بعدين عقد العماد
اسمع فرقه مو سيقيه هاي الي تعزف بلمناسبات كامت تعزف برا والشباب تهوس
الجو انخبص تقريبا نص ساعه
بعدين كالو العريس يريد بدخل على عروسته
دخل بس اني مارفعت عيني ولا باوعت علي
كارهته وكارهه روحي
قرب عليه وكال مبروك وباسني براسي
واني على نفس وضعي مدنكه وماحجيت اي كلمه
ولا رفعت عيني علي بس شفت بنطرونه رمادي وستره رمادي وقميص ابيض
والعطر يسطر ترس المكان مبين عطر غالي
طلع الذهب وبدأ يلبسني جمانه السعيدي واني عبالك جماد لا حس ولا خبر اكيد هو يعرف اني رافضه هاي الزواجه
ليش متمسك بوحده رافضته مااعرف
المهم كمل الذهب رجع باسني بكتفي لان البدله دلع
واكتفي طالعه
قرب عليه وهمس طالعه تخبلين
رجع التفت على امه وصاح هاا شلونه ذوقي
ام عماد...بلعافيه تخبل
قرب عليه وخله ايده على خصري وسحبني علي حيل
واني احاول ابعد نفسي عنه
كرصني من خصري وسحبني بقوه علي ورجع باسني بخدي
حسيت نفسي تلعب ياربي كارهته شلون راح اعيش وياا
مااعرف
بدو ياخذولنه صور طبعا هو جايب مصور
اني ماعجبني اصور هيج صدري كله طالع واديه
ردت شال اخلي على جسمي
بس هو ماقبل كال عوفي هيج هنا كم صوره
حاضني ويبوس بيه بكل اللقطات عبالك ماشايف
راسا سمعت واحد يصيح اني اريد اخذ صوره وياا العرسان
ام عماد....يمه عماد اخوك يريد ياخذ وياكم صوره
عماد...اي تعال
راسا اجا من ورا النسوان شاب شكله زين بس مبين مو راحه
وكف كبالي اني خليت ايدي على صدري
حسيت نضراته مو راحه يتفحص جسمي
مد ايده وكال مبروك عروستنا
اشرت براسي لان اني بموقف انحسد علي هاي البدله فضيحه
اشرت براسي راسا رجع ايده
التفت على عماد وكال مبروك ضلع طلعت احلى مما توقعنا
طبعا عماد لازمني من خصري ومايقبل يعوفني عبالك راح انهزم منه
اشو اخو اجا وكف بصفي حتى ياخذ صوره وامه واكفت بصف عماد
اني كشت نفسي منهم ذوله مو خوش عائله بدون اخلاق
اريد عماد يعوفني اريد اطلع من الغرفه خال ايده على خصري ومايقبل يعوفني
كملنا صور بس نزل ايده عماد راسا طلعت من الغرفه
صعدت فوك وقفلت الباب عليه
راسا اجت وراي نهال
نهال...ليش صعدتي يردون يسلمون عليج
لمار...بعد ماانزل تعبت
نهال...يطبج مرض
نزعت البدله ولبست تراك وفتحت التسربحه طلعت كلنس مسحت المكياج وتمددت
كمت ابجي كلشي جاي يصير مالي طاقه علي
اني وين وهاي الناس وين
راسا اندكت الباب
لمار...تعبت بعد ماانزل خل يرحون
عماد...اني عماد حبيبتي افتحي الباب
لمار....روح منا مالي خلك وماافتح الباب افتهمت لو لا
عماد...يعني هذا شسمه دلال نعرف الحلو يدلل
لمار.. تعبانه تفهم شنو تعبانه
عماد...باجر اجي حتى نروح نعقد حضري نفسج
لمار نمت من المغرب جمانه السعيدي ماكعدت اله الساعه ثنتين ونص
كلش جوعانه صار يومين كلشي ماماكله
نزلت جوا طلعت اكل من الثلاجه وحميته واكلت
رجعت صعدت
عيني ماتاخذ نوم اني مو كد هاي العائله ذوله يرادلهم وحده وكحه يله تعيش وياهم
مو اني اخاف من كلشي
ياربي اني هسه شنو اسوي بنفسي
يعني هاي ورطه ورطتني بيه نهال من عساها بخته
وبصحته ومااكول غير حسبي الله ونعم الوكيل عليه
ماكدرت انام للصبح سمعت بابا كعد نزلت
بابا...مبروك حبيبتي البارحه من فضت الناس لكيتج نايمه
لمار...بابا اني هاي العائله مراح اكدر اعيش وياهم
بابا...بلعكس خوش عائله متحررين وفلوس بعد شتريدبن
لمار...اريد ابطل اني اعرف نفسي مااكدر
راسا سمعتنا الحيه وكعدت
نهال...شنو شنو تبطلين ليش عيوني البارحه المشيه سدت عين الشمس وجابولج ذهب والبدله تخبل
شلون بعني نكلهم بطلنا شنو نلعب
بعد ارضي واسكتي وين لاكيه هيج رجال سبورتي ويصرف
لمار...مااريده وللعقد مااروح
نهال....ابوج اليوم يطلب اجازه وياخذج تعقدين غصبا ماعليج
لمار...ياناس مااربد ازوج هي كوه
مليت من الحجي وصعدت الغرفتي
الساعه بلتسعه بابا صعد
بابا...يله بدلي اني اروح وياج للعقد لازم تعقدين ولا كل حقوقج اضيع
بدلت ونزلت راح وياي بابا لان اني قاصر لازم ولي أمري موجود علمود العقد
بدل ماتدور وتبحث علي الروايات خليها علي تليفونك وحمل تطبيقنا
