رواية طفوف الفصل السابع 7 والأخير بقلم وسام الفراجي
ع سريع
تم حذف الرسالة ..
تم حذف الرسالة ..
تم حذف الرسالة ..
حذفتهن كلهن كلت بلكي ما قراهن بلكي ما كمل الي حجيتي هاي شجايني وسولفت شهالتخبيص هذا شنو من ضعف الي عندي اتجاه يوسف ..
جان يكتبلي ..
جايج للبيت هسة دام يزن ماكو يبات بالسجن !
ـ شمدريك يبات بالسجن ومنو كلك اقبل تجي للبيت ؟
ـ لعد تحرشت بي وخليته يضربني ع شنو ؟ غير علمود اسجنه وتظلين وحدج اريد احجي وياج
ـ انتَ تحلم مو ؟
ـ لا بكامل قواي العقلية .. بعد شوي الاكيج ع باب تنتظريني
ـ انتَ جاي تفتهم اني بنت متزوجة هسة ؟ متزوجة بابا جاي تفهم شنو اجي للبيت شنو احجي وياج
ـ والله ما يرتاحلي بال الا اطلكج من هالنذل ..
ـ يوسف عوفني خليني عايشة حياتي وروح عيش حياتك هاهي نصيبنا كل واحد بديرة اقتنع وهاهي ..
ـ ارسل صوركم ليزن واطشركم وحك هذا الله
ـ يوووووسف كافي كاااافي كااافي عوفنننننني اعيشش ليش تأذيني كافيييي اني مابيدي شي والله مابيدي شي اقسم بالله مابيدي شي يا بشر ماااقبلت جبرني ابوية لان اذا رفض يبطله من شغله ويبطله من المحلات وهي صارت تذب عليه فلوس وملايين
ابوووي ضحى بية وبحياتي وبقراري وبأحلامي وبحبي علمود الفلوس افتهم عاد ..
ـ حتى لو ما اخذج بس المهم اطلكج من هذا النذل وماتظلين عنده
ـ اللهم قوة ع هالبشر هاي يا يوسف ماراح بس يطلكني راح يكتلني يسحلني يأذيني ليش مجاي تحس بية
سكت يوسف!
اختفت كلمة #متصل_الآن !
عشت برعب وصراع ما اعرف شسوي وشهالعيشة هاي العايشتها ..
اراقب التلفون .. ادخل ع واتساب واخرج ..
ظليت حوالي ثلث ساعة ..
اندك الباب !
محد اجه ببالي غير يوسف سواها والله وسوالفي اله ماهزته كل همه جان يسوي الي براسه اني صرت الضحية بكل القصة يزن ينتقم مني على الي مضى سابقا بسبب رفضي اله بشكل قوي ..
ويوسف ينتقم مني ع كلشي صار اله بالحاضر ورى مازوجني ابوي غصب عني ليزن واني صايرة بين نارين ..
الباب صار يندك بقوة اكثر !
وصار يصيح يزن افتح الباب
ركزت ع الصوت مو صوت يوسف وطلعت للحديقة حتى اميز الصوت
هنا صدمتي الي ما انساها
لا صوت يزن ولا يوسف
صوت #شهاب
خلي اكلكم منو شهاب وشنو قصته وياي قبل ما اكمل شصار ..
ابن خالي صديق يزن روح بالروح هو هذا الجان السبب الرئيسي بكلشي لفق عليه سالفة وكال لأبوية مريت من عند المدرسة وشفت طفوف بنتك نزلت من سيارة يوسف!
صاعدة وياه بس وين جانت وشجانوا يسوون مدري الله اعلم ماحط بحظي وبختي اني بس كلت ابلغك ..
رجعت من المدرسة كلشي ما ادري وتعبانة وصوتي رايح من صف الأول ..
من فتت للبيت لكيته ينتظرني ويكلي وين جان العاشك !
كتله شنو يابه غير بالمدرسة
كلي بالمدرسة مو ؟ هسة اعلمج شنو مدرسة ..
جاب عود شطافة وكتلني بيها كتله خلاني اشاهگ كسر العود ع ظهري وهاي اول مرة يمد ايده عليه بهالطريقة جان يكلي ..
جنت كل هالشهور هاي ادافع عنج واكول الي تريده يصير لو يجي الف يزن مايهزني وتاخذ الي تريده
بالطلاك بالثلاثة ماتصيرين الا ليزن ديلا ..
كمت ابجي واصيح وامي اجت فزعتنا ورحت لغرفتي ابجي والطم ..
طلعت السالفة كلها شهاب داك صدره ليزن وكايله اني اجيبها الك غصب عن راسها وراس ابوها ومتفقين يتقرب لأبوية من خلال يشغله وياه بالمحلات ويغري بالفلوس والاكراميات وانطاه سيارته يروح ويرجع بيها للشغل كللللل هذا حتى يأثر ع ابوية ويخلي ميكدر يرفضه اذا تقدم مرة ثانية
وككككل هالتفكير جان من راس شهاب الله لا يسامحه لا دنيا ولا اخرة الي اجت امه يمكن 5 مرات تمشي عليه وكلت الها يا امي والله ما العيشة مالتي تختلف عنكم اني معلمة واداوم واروح وانتم تختلفون متقبلون بهالشي ورفضتها بإسلوب بس الظاهر ظل حاقد عليه رغم هو تزوج غريبة
لفقوا عليه سالفة صاعدة ويا يسوف وكلبوا عقل ابوية وشغلوه وياهم وكلبوا عقل ابوية وبالتالي من مشه ما اخذ رأيي كل حتزوجين يزن وبدون كلمة زايدة وتزوجته صحيح ..
حسبي الله ونعم الوكيل بشهاب ..
ارجعكم للقصة ..
صوت شهاب! يصيح يزززن ويدك بالباب يزززن ويدك بالباب
وكفت عند الباب وسولف وياه والباب مقفول !
ـ شتريد يزن مو هنا
ضحك وبعدين رد
ـ ادري مو هنا افتحي الباب نسولف كلمتين
ـ اذا تقبل هالحجي ع خواتك كول ؟
ـ اقبلها اي افتحي الباب اسولف وياج
ـ تقبلها لان ماعندك ذرة شرف وغيرة امشي ولي منا ..
ما ادري شلون خطرت ببالي افتح كامرة من ورة الباب واصور فيديو لسوالفه وكلامه ..
فتحت كامرة وصورت الباب والحديقة حتى يبين بيتنا وكملت وياه سوالف وهو يحاول يدخل للبيت واني ارفض ..
حدما شاف ما افتح الباب كطع نفسه وراح ..
نسخت المقطع مرتين خاف ينحذف كلشي يصير
الليل كله خايفة
عايشة بين وحوش همهم الوحيد الغريزة ..
صار الصبح ..
كعدت ع صوت التلفون ..
اتصال من يزن ..
ـ الو ها يزن حبيبي وين انتَ
ـ متكليلي وين انتِ كسرت الباب ومفتاحي بالبيت
ـ والله ؟ جيت جيت ركض ..
فتحت الباب انصدمت بشهاب ويا يزن ..
عفتهم وفتت جوة ..
فاتوا اثنينهم يضحكون
اسمعه يصيح جاي يـ مرية ..
رحت حطيت قوري ع جاي خدرته كمل
صبيته وصحت يزن يجي ياخذ الجاي
جان يكلي فوتي فوتي ماكو احد غريب بس ابن خالج
ما فتت ..
كلي فوتيي ..
مافتت
اجه هو اخذه مني بس شفت وجه فرحان ع تصرفي كلي ليش ما طبيتي كتله ميصير نطب زلمة حتلو كرابتي وثاني شي ما احبه وماطيقه .. كلي عفية هسة انتِ عيني
رحت كعدت بغرفتي انتظرهم يكملون ويطلع شهاب حتى افتهم من يزن شصارله ما صارله ..
ماحسيت الا صياح يزن والله الا العن ابوها لبو ابوها ..
طفووووف وينج طفوووف ..
اجيت اجيت
ـ تعالي فوتي مستحية من شهاب والبارحة جاي عالبيت يشوف شمحتاجه وتكليله طب للبيت جوة محد بي مو
ـ اني ؟ والله ما سويت هيج .. بعدني مو مكمل سالفتي شمرني بكلاص الجاي وهو حار عليه
كلي بنت الكلب اليوم اشعل صفحة اهلج
جسمي انلجع من الجاي بس مو يمه كتله اوكف اوكف انطيني لحظة ادافع عن نفسي
جان يكول شهاب .. انتَ عفت الدنيا ولطشت ع هاي شايفة وعايفة
كتله انجب اني اشرف منك ومن اهلك
انتظرني ..
لفت ظهري اريد اجيب الموبايل ..
لزمني يزن تعالي وين رايحة بعدج ماشفتي شي
كتله بس لحظة اجيب شغلة اشوفك اياها ..
لا لا روحيلي ع مطبخ عندي سالوفة وياج
كتله يزززن بس لحظة اجيب الموبايل كال لاااااا وين فالتة
ركضت بسرعة ع تلفون وجبته وردت افتحه من البجي وعيوني مغوركة كوة فتحته ..
لحظة صمت يباوعون شجاي اسوي ..
فتحت الموبايل و شغلت المقطع ونطيته ليزن كتله اسمع
هذا شهاب طخت عنده بسرعة ..
سحب موبايل من ايد يزن
ويزن يكله شبيك خل اشوف شنو هذا
كله لحالها تريد تغطي ع سوالفها وحذف الفيديو
باوعلي يزن وباوع لشهاب كله واذا خلي نشوف شنو هذا شبيك
كتله لتاكل هم اكو ثاني ..
هاك شوف ..
لزم يزن الموبايل يسمع ورفع الموبايل حط سماعة الموبايل ع اذنه حتى يتأكد من صوته
شهاب اسحب موبايل من ايد يزن وكوم يزن ضربه ع وجهه واخذ الموبايل ..
لزمه ياستار شسوة بي يزن ماخله بي عظم صاحي كدما لزمه بوكسات وين التوجعه ويكله تتعدى ع شرفي يول مو تتعدى ع شرفي !
اف برد كلبي قالب ثلج ووكع ع كلبي بس شنو اني بية رهبة من يصير صياح او عركة اصير ارجف ادية ترجف كلبي يدك سريع ..
شهاب ضرب يزن ع عينه وكمز من جواه وطلع يركض التمت الجيران ع صياح وفازعوهم وطبعا شهاب دمه ينكط وراه
اجت الشرطة اخذتهم اثنينهم ..
ومشتكي يزن عليه بدعوة تشهير واعتداء
كلت اني الملم هدومي واقفل البيت واطلع لبيت اهلي لان ابوي الظاهر ملتهي بالفلوس ميكول بنتي شبيها مابيها ويزن اظن يتأخر بالسجن واخاف اظل وحدي لان اظن يوسف اذا عرف هم ما اعرف شيتصرف ف احسن شي اروح لأهلي ..
الملم بهدوم وارتب بنفسي وافكر شلون يزن دافع عني وماقبل بخرابيط شهاب الي هو صديقه روح بالروح ..
هو صح قاسي بس يحبني بس ميعرف يحب ميعرف يتعامل ويا زوجته ..
اني اكرهه جنت اموت منه بس بعد هالموقف حسيت بمشاعر اتجاهه .. او يجوز جنت انتظر عطف اي شخص واعتبره حب بوقتها المهم اني حسيت احساس حلو اتجاه يزن ..
و يزن مينخاف عليه جماعته كلهم بالشرطة يعني واسطات وهيج شي عنده من شرطة ناس يطلبهم بالمحلات ويشتغللهم فعلاقته قوية بيهم وهم يعرفوه ...
شلت غراضي وموبايلي كلت اكيد يزن من يطلع يخابر فلازم اخذه واجرت تكسي لبيتنا ..
ابوي ماكو بالشغل ..
امي تلكتني ومشتاقتله حيل وهي تدري بكل القصة اني جنت احب يوسف وانجبرت ع يزن بس مغلسة
لكيت خواتي وبوستهن واخذت امنة ورحت اسولفلها لان هي صندوق اسراري واحب اسمع رأيها بكلشي ..
كلت الها كل القصة وتفاجئت من الي حجيته وكالتلي شنو هاي عايش بين مصاصين دماء ووحوش كل هالمدة وتكولين اليه يزن زين اول ماجيتي
كتلها مجبورة اكلج هيج لان هددني ما احجي وخفت توصله واللجعة اصلا جانت عقاب من يزن مو مال طباخ ودهن ..
امنة كبل وصلت السالفة لأمي ..
وامي كالت حسبي الله بيك يشهاب ورطتنا بهيج ورطة وخليت ابوها هيج يتصرف ..
ظليت ببيت اهلي وابوي بالشغل بعده ..
لتالي الليل اجه ..
وبعد شي نص ساعة خابر يزن كلي وين انتِ كتله رحت لبيت اهلي عبالي تظل وماريد ابقه وحدي بالبيت خاف يصير شي صارت بية خوفة من اظل وحدي كلي تمام جايج لبيتكم ..
حضرت الجاي هو يحب الجاي هواي المهيل ..
بينما يجي. ..
اجت اختي امنة كالت الي اول مرة بحياتي اشوف قصة حب بعد اسبوع من الزواج وليالي الزواج كلها كتل بكتل ..
كتلها اها صارت قصة حب هو قوري جاي سويت ..
اجه يزن طلعت سلمت عليه واول مرة يبوسني من راسي ..
حط ايده بيدي ويحجي ويا امي ويفرك بصابيعي وبيدي وهو يحجي وياها ..
فات كعد ويا ابوية ..
التمينا كلنا العائلة .. جان امي طك وافتحي موضوع الي سواه وياي يزن من كتل و جوي
خرب بحظي بهالتوقيت الغلط حجت
ابوي عين عليه وعين ع يزن .. اول مرة احسه يضوج من سوالف يزن مع العلم سابقا يدري هو يكتلني وعادي عنده
معرف شصاير بالجديد وشنو تغير ...
يزن كاعد ولا همه شي معرف ليش هيج مو خايف ..
ابوي ضاج هواي بس متأخرة ضوجته هو منو اجبرني ع يزن غيره ؟!
شلون تسوي بطفوف هيج وما اسمحلك وليش وليش وصار صوته عالي كلش وانفعل ..
ورا ما خلص ابوية صياح باوع عليه وكلي لو يزن لو ابوج اختاري ..
يزن ما حرك ساكن
وامي وخواتي يباوعون بحذر
واني انبلع لساني ..
انبلع لساني لان ابوية هو الي وصلني لهالمرحلة وهو يدري يزن من ياخذني راح يسوي بية هيج ليش ورا ما تحملت كلشي هسة يريدني اختار بينهم
وهو بلسانه ابوية يكول ليزن ربيها نص عليه ونص عليك
يزن لو يدري عندي اب ينشد بي الظهر ما سوى الي سواه ..
وكفت وكتله ليش يابه مو انتَ الي طلكت لو يزن لو محد ياخذج ؟
شنو اختلف هسة بوكت كتلك ما اطيق يزن ولتخرب حياتي تكلي اسمعي الكلام ونفذي
بعدني منفعلة واحجي وطك راشدي من هذا التمام حولني حول و هد عليه يريد يكتلني وامي والبنات حجزوه ..
يكلي صدك مو مرباية طالع لسانج ..
من هسة لو اهلج لو يزن ..
كتله ليش هالخيار هذا زوجي وانتو اهلي
كلي مثلما كتلج من هسة اختاري
طبعا بهالخبصة يزن ما سوة شي ظل ساكت وهادئ
كتله يزن اختار وبجيت ..
كلي امشي اطلعي برا انتِ ويزن لتشوفوني وجوهكم وانسي عندج اهل بعد متبري منج ليوم الدين ..
انطردنا اني ويزن وعالباب كال لابوية سويج السيارة مالتي انطينياه جان يشمر السويج ع يزن ..
كله لتحملنا بيها مانية اخذها ..
رجعت لبيتنا بس شنو
يزن يباوعلي ويريد ياكلني بعيونه ويريد يحجي بس ميعرف شيحجي الغزل بحلكه ثگيل
هالحلك مالته انطي عركات فشار سب غلط مو مال غزليات ..
رحنا للبيت وهو بحلكه حجي وفرحان ع الي سويته واني ضايجة ع اهلي وامي وخواتي وشلون تجرأت واختاريت يزن ..
كعدت يمه وكلت هذا انسب وقت احجيله ع الصور الي بالغلط ..
كعدت يمه وكتله يزن كال ها حبيبي
الله كال حبيبي اول مرة لو شوي اطش جكليت
كتله عيوني حبيبي اريد اكلك شغلة غلطت بيها اعترف بس متتكرر ومو عن قصد والله صارت بالغلط بس اني غلطانة اعترف ..
كال اليوم دام فضلتيني ع اهلج مسموحلج كلشي
كتله ع سالفة الصور كلها بالتفصيل بس ماجبت طاري يوسف ابد شو هذا عبس وجهه وطنكر انوب وضاج وصارت عيونه بكصته
رفع ايده ع شعره اني فزيت عبالي يريد يضربني ..
لزم الموبايل فات ع واتساب ع محادثات وقراهن كلهن بس طبعا محادثة يوسف حظرته وحذفتها ..
محادثة المدير استاذ حيدر المعلمات كلت خلي يطلع ع كلشي ويشوف وقتها جنت خايفة وبالغلط انرسلت ..
قفل شاشة الموبايل ..
شمره ع جرباية .. راح كعد بالحديقة ضايج كلش وعافني .. عفته شي نص ساعة لان خايفة منه ليش الجذب لا يرجع يزن القديم ..
بعدين كلت لازم اكعد يمه واعرف شدا يفكر ..
كعدت قريبة عليه ونباوع ع الورود الي بالحديقة ..
كتله عاقبني اذا تريد اني غلطانة ..
ظل ساكت كلي شهالغلطة هاي هسة صورنا كلها منتشرة ع كائنات كلها كل عقلج طفوف سويتي هيج شنو عيني من العالم ..
كتله العالم حذفت الصور وسترت وناس هم تخاف الله والمدير ما قصر ويانه شفته شسوة بالمحادثة كال افتريت ع بيوت بيت بيت ..
كلي سدي القصة هسة خلي نشوف تاليها ضجت كلش ...
كتله ايمت اداوم كلي بلغي الخط مالتج تبطلين منه
اني هبطت من كل عقلي اكيد راح يمنعني من دوامي وهسة شسوي حتى اهلي عفتهم
كتله ليش انزل من الخط كلي السيارة ويمي اوصلج اني لباب المدرسة كل يوم ..
كتله كول والله كال والله شبيج
اني هيج حسيت نفسي طايرة من الفرح شنو من يوم هذا رهيب بحياتي ماعشت هيج يوم بس لوما انطردت من اهلي
رجعت للدوام اعتيادي ويوصلني لباب المدرسة اول يوم مكدر ارفع عيني بوجه المعلمين شكد فشلة وعيب اتذكر الصور الي انرسلن وهم مافتحوا الموضوع وياي حتى ما يحرجوني ومغلسين عليه ..
فمن رجعت وبدلت وكعدنا سوة صار يسولفلي كلشي سواه سابقا ومحاولاته وياي جان يحبني بس جنت اني ما اطيقه وفضفضلي كلشي حتى ع شهاب من لفق عليه كذبة
وكلي جنت مستعد اسوي كلشي في سبيل احصلج وصحيح سويت اشياء جثيرة يلا كدرت اتقربلج من خلال ابوج
والصداقة الي مبنية ع مصلحة وفلوس تنتهي بنهاية المصلحة والفلوس ..
ابوج مازعل خوفا عليج بس زعل لان هذا الشهر اكراميات ماحصل و راد يرد اعتباره وسوة الي سواه و الا مو خوفا عليج ..
ماردت ادخل بسالفة اهلي الي صار صار وناوية بس تهدأ الامور اراضي ابوية ..
كتله لتبطلوه من يمكم عفية كالي لخاطرج مخلي يكمل ..
كتله اريد اكسر رقمي واشتري رقم محد يعرفه حتى بكروبات الصفوف ما ادخل ..
بس كروب المدرسة وانت وراح اتواصل ويا امي وخواتي من هسة اكلك خاف يصير شي ..
كال ميخالف بس ديربالج لا ابوج يدري ويسويلج سالفة هم
صرت اداوم وهو يوصلني لباب المدرسة ويرجعني ومشت حياتي طبيعي لا يوسف الحب الاولي الي ما صار الي بي نصيب
شهاب طلع بعد مدري كم يوم وبعد مايبين ورا هالكتلة اختفى التهى بشغله ..
عشت عاد حياة ما اكلكم وردية بيها تصير خلافات بس افضل بهواي من السابق الحمد لله وهسة اني ويزن علاقتنا حلوة واتواصل ويا امي وخواتي بس بدون ما يدري ابوية ..
تغير شوي من طبعه وتغيرت شوي هم اني
يعني تنازل شوي من تصرفاته وتنازلت ومشت الحياة
رغم اشتياقي لاهلي جذب اكلكم كدرت اتخطاهم بس ابوي قفل عليه ميقبل يتقبلني ابد ..
الي ردت اوصله من قصتي الكم
الحب الاولي ماصار نصيب بي رغم جنت ابجي دم عليه
وانفرضت عليه حياة جديدة لازم اظل محافظة ع زوجي حتلو جنت احب سابقا ...
زوج جديد حياة جديد تقبل حياة جديدة وعشت رغم قساوة اول الايام بس الحمد لله ربي فضل عليه غير شوي من يزن وتقبلني بعدما جانت بباله فكرة يتزوجني وينتقم مني لرفضي اله اكثر من مرة ..
وبس العاقل يفهم مغزى القصة كلها ..
المهم ليلة من ليالي ..
يزن ضايج كلي امشي نتعشه برا
ركبنا السيارة مشيت ويا وعبرنا بالسيارة وتعده من بيت صالح وشاف جلب بيت صالح
جان يوكف سيارة ع جهته ويتشاقه وياي
يحاجي الجلب يسمعني يعني ..
قبل 4 سنين كالتلي اتزوج جلب بيت صالح وما اتزوجك وهسة اختارتني وما اختارت اهلها
الدنيا دوارة ..
النهاية قصة طفوف بقلم الكاتب وسام الفراجي
انتظروني في قصة جديدة واحداث جديدة
بدل ماتدور وتبحث علي الروايات خليها علي تليفونك وحمل تطبيقنا
