رواية عاد طليقي الفصل السابع 7 بقلم جمانه السعيدي
نور رجعت اداوم لكن اتحاشا قدر الامكان
وبدت تجي قضايا يسافر علمودها خارج المحافضه
وشويه التها عني
بس بعدا ما مطلعني من باله
عايفني على راحتي
معتقد اني راح اقبل بي لان هو فرصه ما تتعوض
كملت سنه شغل وكدرت اثبت جدارتي
وبديت انطلب بلاسم اغلب النساء الي يجن للمحكمه
يطلبني بلاسم اله نور المحاميه
مانريد غيرها وكدرت اشتري سياره بلقسط
حلوه ومرتبه اروح وارجع بيها
وبيوم قريت نعي شاب متوفي بحادث سياره
انتبهت على الاسم
واذا هو عامر الاخ الوحيد العادل
ما اسولفلكم شكد ضجت لان بعدا شاب زغير
وهو اصلا خوش ولد
ماما وبابا راحو للفاتحه
يومين كعدو بلفاتحه
و اني ماقبلت اروح
جمانه السعيدي
اريد امسح كل الذكريات
ما اريد اشوف شي يرجعني الحزني
ماما تسولف بحالت الاب والام وحزنهم الي ماينوصف على وعلى شبابه
ورا شهرين تقريبا من هاي الحادثه
اجا السيد للمكتب واكو قضيه مهمه مضطر ايسافر باجر علمودها للبصره وحتمال يبقى يومين
واكو قضيه ثانيه بعد يوميه للمرافعه مالتها وطلب مني اجهزها لحد مايرجع
رحت ادور اوراق القضيه حتى أحضرها
اكو لوكر بلغرفه نخلي بي الاوراق المهمه فتحته وجاي اطلع بلاوراق اني صرت تقريبا داخل اللوكر
سمعت صوت مو غريب عليه
السلام عليكم شلونك استاذ
سمعت الصوت بكلبي
سامعين واحد يسمع بكلبا
احس قلبي طار من مكانه
مثل صعقه كهربائيه ضربتني
جمانه السعيدي
....عليكم السلام اهلا وسهلا استاذ عادل هله بيك تفضل
....
.يمه عادل كال عادل
اني سمعت صح لو اليوم دايخه
رجعت راسي على كيف وجسمي ثابت بمكانه
بعين وحدا شفتا ورجعت راسي
اي هو ولله هو اني كلبي شافه كبل عيني
زين اني احس تبسمرت بمكاني ما اعرف شسوي
مامتوقعته
حيل صار عشر سنوات
عشر سنوات اني ما شايفته
ياترا راح يعرفني لو لا
وين يعرفني وهو بوجهي ما مباوع
بعدين اني تغيرت مامعقوله راح يعرفني
هسه شلون اضل واكفه
رجليه احسهن ماتن
....اسمع السيد يكله راح تبقى هنا لو ترجع الامريكا
.....لا راح استقر هنا بعد لان الوالد والوالده محد الهم
وتعبانين تريد الصدك لوما وفات عامر جنت ناوي ما ارجع
للعراق ابد
سديت باب اللوكر وقفلته بلمفتاح
على الصوت التفت عادل عليه
وصلت يمهم نزلت راسي بمعنا اهلا
وهو رد اهلا وسهلا
السيد اعرفك على اشطر محاميه عدنا ست نور
....اهلا وسهلا تشرفنا
.....ما عرفني ولله ما عرفني معقوله أني هلكد متغيره
رديت اهلا بيك
كعدت قريبه عليهم اكلب باوراق القضيه
بس كلبي راح يفضحني كاعده على الكرسي بس ما احس كاعده احس رجليه متشنجات
يمكن جاي يسمع صوت كلبي
احس صوت نبضي علا
بدو يحجون بيناتهم واني اسمعهم
جمانه السعيدي
عادل اني درست هناك قانون وجان عدي مشروع ا ردت
انفذه
لكن هاي الحادثه خربطت كياني
فقدت اخوي الوحيد
هاي اكبر مصيبه توكع عليه
ولله ادمرت دمار
وكلما اشوف حال امي وابوي انهار بلزايد
وهسه اني عندي هوية محامي
ا ريد تساعدني من خلال مكتبك
اتعرف على القضايا
حتلو فتره بسيطه واكون ممنونك
الصراحه مكتبك اشهر مكتب
وانشاء الله اكون خفيف الضل عليكم
السيد ولو تدلل
اني باجر عندي سفره احتمال ابقا يومين او اتلاثه وبمكاني ست نور هي الي راح تهتم بيك
اني ما انسه العشره الحلوه والايام الماضيه
عادل ولله والنعم منك اني ادري بيك كدها وقصدتك
التفت السيد عليه
نور ولو نتعبج بس ممكن باجر تهتمين باستاذ عادل ترا اهله الهم قصص وروايات عراقية كرار صلاح عليه فضل جبير
رفعت راسي صار تدلل استاذ بسيطه
باوعت على عادل لكيته صافن حيل و مركز عليه
ومن شافني التفت بسرعه
كلت بكلبي
عز الطلب تدلل ما عرفتني اله العبك استاذ عادل تدلل
بعدين سلم على السيد وتشكر منه والتفت عليه
شكرا ست نور ولو راح اتعبج
...لاماكو اي تعب
جمانه السعيدي
وصاني السيد على ومن طلع السيد كال
نور من ارجع عندي شي مهم اريد احجي وياج
....انشاء الله استاذ
وترخصت وطلعت من يمه رحت المكتبي
لكن جنت بغير عالم
رجعت عادل شو مامتغير بيك شي بلعكس صاير احلى
ياترا جايب مرته ويا
لوبقت هناك
هسه اني شعليه اذا جايبها ولا ماجايبها
زين شلون بكلبي المصخم
الي من شافه الهسه ما يرضا يسكت
ولله خايفه لا افضح نفسي
راح احاول قدر الامكان ما اخلي يعرفني
همزين الكارت طابعه على اسمي واللقب مو اسمي الثلاثي
حتى لايعرفني اريد اطلع كل قهري بيك اصبرلي
بدل ماتدور وتبحث علي الروايات خليها علي تليفونك وحمل تطبيقنا
