رواية مشاعر مبعثره الفصل السابع 7 بقلم دودي

رواية مشاعر مبعثره الفصل السابع 7 بقلم دودي 

مشينا كنجريو للسبيطار.. ودخلوه ديريكت للانعاش.. بقينا تما.. الخوف كان مسيطر على كل واخد فينا .. حماتي وانا ورضوان.. اول مرة نشوف رضوان بداك الحالة.. كان خايف بزاف ومهازاه ارض.. حتى خرج الطبيب.. وتجمعنا عليه املا فأنو يفرحنا..

الطبيب: للاسف .. انس دخل فغيبوبة..

حطينا يدينا بجوج على فمنا...

رضوان: غيبوبة... علاش وكيفاش.. هو عمرو تشكا من شي مرض..

الطبيب: ماشي بالضرورة يكون مشكل جسدي... انس باينة عندو مشكل نفسي .. وبسبابو دخل فغيبوبة..

رضوان: قولي شي حاجة كتدخل للعقل.. كيفاش مشحل نفسي ممكن يدخل الواحد فغيبوبة..

الطبيب: وارد جدا.. والطبيب النفسي هو اللي غايأكدليك هادشي... تفضل معايا نقدرو نهضرو مع الطبيب النفسي ديال السبيطار وغايشرحليك كلشي...

مشينا كلنا وحنا مصدومين.. ودخلنا عندهم.. وبقينا كنسمعو..

الطبيب النفسي: الانسان ممكن يعيش حالة حزن شديد..اللي ممكن تخلي دماغه يرفض تماما يعيش فالحياة الواقعية.. الشيء اللي يقدر يجعل الدماغ يهيئ نفسه باش يصنع لهاد الانسان حياة اخرى فخياله.. وهاد الغيبوبة هي شكل من اشكال هاد الحياة..

رضوان: فوقاش غايفيق .. 

الطبيب: فافضل الحالات كيفيقو بعد سنوات..

رضوان: شنوو؟؟؟

الطبيب: ومنكدبش عليكم.. شحال من واحد مفاقش كاع...

ديك الساعة ناض رضوان شنق على الطبيب..

رضوان : شكون نتا باش تقول انه غايعيش ولا غايموت... انا غانخرجو من هنا ونديه لاحسن مستشفى..

اسماء: طلق منو.. نتا سبابو وزايدها بالهضرة.. نتا سبابو..

معرفتش منين جاتني الطرشة.. حسيت اني رعفت بعدما طرشني... شدني تانا...

رضوان: خليني نسكت.. ونتي جاية تلعبيلي دور المصلحة الاجتماعية... شكون اللي فضحو.. وشكون اللي كان كيهدد انه يطلق منو.. انس حياتو كاملة هكا..حتى عرفك نتي.. عاد ولى هكا.. عاد ولى ضعيف وكيفكر فالموت...

الام: سكتووو... ولدي كيموت ونتونا كتدابزو شكون السبب... انا السبب.. انا .. انا اللي مربيتش ولادي بجوج نيشان ..

تأثرت بيها.. اما رضوان انساحب من الحديث..

مشيت وانا شادة فخالتي ومشينا جالسين كنستناو نشوفو انس وندخلو عندو.. الدموع محبسوش منا بجوج.. بقا كيتردد فودني كل كلمة قالها ليا انس.. هو تظلم بزااف.. وملقاش للي يفهمو.. حسيت بالندم الشديد.. وتمنيت ولو للحظة لو يرجع بيا الزمن اللور.. ونحاول نسمعو..

عيطو علينا وخرجوني من داك السرحان اللي كنت فيه.. دخلنا شفتو.. ضرني خاطري.. دموعي نزلو بلا منحس.. شوف كيفاش ولى .. مقادرش حتى يفيق.. وامه قطعات قلبي كتر..

بقينا ايام.. كنمشيو نشوفوه وحالتو هي هي.. متبدل فيها والو.. بدون اي استجابة.. خفت لا تخرج هضرة الطبيب وبالصح غايتعطل ميفيق.. كنت كنمشي ونجي مع حماتي.. ورضوان هو اللي كيدينا ويجيبنا.. حتى خفافت زياراتنا.. حيت قالينا الطبيب انه مكاين حتى تغيير.. ومعندها معنى كل مرة نجيو.. متقبلتش الموضوع... نضت بدلت حوايجي ومشيت دقيت على هند تشد ولدي.. وهو ينوض رضوان..

رضوان: فين غادية الالة..

اسماء: غادية نشوف راجلي..

رضوان: معامن غاتمشي؟؟

اسماء: غانشد طاكسي وغانمشي..

رضوان: معندناش عيالات يركبو فطاكسيات.. وحاجة اخرى.. نتي مغاتمشي الا معانا..

اسماء: شكون نتا باش تتحكم بيا..

رضوان: حتى يفيق راجلك وترجعلك صحتو.. انا اللي كنتحكم بيك.. حتى التنفس ممنوع.. الا بشواري انا..

اسماء: حسابك تقال ارضوان.. واش حسابليك نسيت الضرب اللي ضربتيه ليا فالسبيطار.. ولكن احترمت الظروف اللي كنمرو بيها..

هند: اسماء.. عفاك اجي .. عفاك ندخلو للبيت..

دخلت معايا لبيتي.. بعدما جراتني.. وخلات رضوان رافع حاجب واحد ومتحديني ..

هند: عفاك بعدي من المشاكل.. رضوان مللي كيتعصب مكيشوفش قدامو.. ومكايعرف اش كيدير...

اسماء: يدير راجل على راسو ماشي عليا.. انا راه مرت خوه ماشي مرتو هو.. يعطيني بالتيساع والا مغايعجبو حال.. وايلا حسابليه باللي غايشدنا بداك الموضوع.. انا مستعدة نصبر مع راجلي ونبعدو للزمر كله..

هند: متعصبيش راسك.. صافي عفاك.. تهدني وانا غانحاول نقنعو..

خلاتني ومشات تهضر مع رضوان..

فبيت رضوان وهند..

هند: حياتي.. فنظري تخليها تمشي.. ونتا تتبعها .. نشوفو فين بغات تمشي..

رضوان: شنو كتقصدي..

هند: نتا عارف كيفاش راها تشوف فأنس دابا.. اكيد غاتفكر تاهي دير شي حاجة... نحصلوها حسن..

شاف فيها ومشا هز جاكيت ديالو وخرج عندها..

رضوان: زيدي نوصلك تشوفي راجلك..

شفت فيه باستصغار وزدت قدامو.. وفالطريق هضر..

رضوان: انا مكنمنعكش على راجلك.. ولكن متمشيش بوحدك..

اسماء: واخا... 

         الفصل الثامن من هنا