رواية حارس المقابر الفصل الثامن والاخير بقلم مصطفى عبد الحميد
بعد ان دفع عشماوي من قبل فاطمة والقت به علي المدافن وسقط على الأرض واغمي عليه يستيقظ عشماوي علي صوت سعاد قائله:اصحي ياعشماوي اصحي ياحبيبي
فيستيقظ عشماوي وهو مندهش قائلاً:حبيبك اي؟!انتي اي اللي دخلك هنا؟!
سعاد:يوه علي هزارك ده ياعشماوي
عشماوي مندهشا ونبره صوته ترتفع:هزار اي؟! انا بتكلم جد وبعدين انتي طلعتي من المستشفى امتي؟!
سعاد بأندهاش: مستشفى اي؟!
عشماوي:المستشفي..مش كنتي هتنتـ.حري امبارح؟!
سعاد:يااااه انت لسه فاكر..الكلام ده كان من سنتين ياحبيبي
ثم تجلس بجانبه وتحتضنه وتكمل قائله:بس تعرف الحلو في موضوع انتـ.حاري ده ان بعدها اتجوزنا وبقي عندنا فارس
عشماوي مندهشا:فارس مين ده كمان؟!
سعاد:فارس ابننا ونايم جمبك اهو
فينظر جانبه يجد طفل في عمر السنه تقريباً نائم فينصدم اكثر ثم تنظر إليه قائله:في اي مالك ياحبيبي حساك صاحي مش متضبط
عشماوي وهو يحاول يستوعب ما يحدث:لا انا تمام
ثم يقوم ويأخذ هاتفه ويخرج من غرفته لكي يتصل بحمو فينصدم من التاريخ حيث اصبح 23 يناير 2011 ولكنه يتصل بحمو وبعد لاحظات يرد عليه حمو قائلاً:اي اللي بطلت تسأل
عشماوي:انت فين؟
حمو:اي الدخله دي طب قول الاول ازيك عامل اي
عشماوي:مش وقته خالص الكلام ده انا محتاج اشوفك دلوقتي
حمو:يبقي كده في حاجة معاك خلاص اجيلك
عشماوي:لا بلاش عندي خليها في اي حته تانيه
حمو:خلاص تعالي عندي البيت
عشماوي:تمام هجيلك دلوقتي
فيغلق عشماوي المكالمه ثم يغيير ملابسه في وسط تساؤلات من سعاد انت رايح فين ولكن بدون رد منه
..................................................
في منزل حمو:
يصل عشماوي الي منزل حمو ويدق الباب وبعد لاحظات يفتح حمو قائلاً:ادخل ياصحبي
فيدخل عشماوي ويجلس في المكان الذي يحدده له حمو ثم ينظر إليه حمو قائلاً:في اي ياصحبي مالك؟
عشماوي:مش انت كنت معايا امبارح في المستشفى لما روحنا لسعاد
حمو مندهشا:هي سعاد دخلت المستشفى امبارح؟!
عشماوي:ايوه لما حاولت تنتـ.حر
حمو:ياعم امبارح اي الكلام ده فات عليه سنتين تقريبا
عشماوي:انت بتهزر معايا صح؟
حمو:بهزر اي ياصحبي الكلام ده فعلا عدي عليه سنتين وممكن اكتر كمان
فيمسك عشماوي رأسه من الصدمه قائلاً:لا كده في حاجة غلط
حمو:اهدي ياصحبي وقولي بس في اي معاك
عشماوي:يابني امبارح كنت انا وانت مع سعاد في المستشفى وبعد اما سيبتك روحت لاقيت فاطمه جاتلي بس وهي ملبـ.وسه وكانت عاوزه تمـ.وتني
حمو:ايوه فاكر كل اللي حصل ده بأمره انك قتـ.لت فاطمة و دفـ.نتها
فينصدم عشماوي قائلاً:قتـ.لت فاطمة!!!ازاي ده؟!
حمو:ايوه ياعشماوي قتـ.لتها حتي جيتلي بعدها وانت اعصابك بايظه وحاولت اهديك
عشماوي بصوت مرتفع:لا انا كده هتجنن
ثم يقوم وهو يردد انا كده هتجنن..حصل امتي ده ويترك حمو وهو حائر وتائه حتي يقرر ان يذهب الى منزل فاطمه الثاني
..................................................
في منزل فاطمة الثاني:
يصل عشماوي الي المنزل ويقف امام باب المنزل ولكن فجأة يفتح له الباب بدون اي تدخل منه فيندهش عشماوي ولكنه يقرر ان يدخل وفعلا يدخل ولكن بخطوات بسيطة وهادئه ويظل يدخل حتي فجأه ينغلق الباب خلفه ويسمع صوت غليظ يقول:واحشتني ياعشماوي
عشماوي مندهشا:انت مين؟!
فيظهر له ناصور بهيئته قائلاً:لدرجتي ياعشماوي سنتين يخلوك تنساني
عشماوي بتوتر:انت عملت اي فيا وفي حياتي؟!
ناصور: بصراحه عملت حركه حلوه وعجبتني...قولت بدل ماامـ.وتك واريحك من الدنيا قولت لا اخليك عايش بس عايش مجـ.نون
عشماوي:طب والسنتين اللي انا مش عارف عنهم اي حاجه دول؟!
ناصور: السنتين دول كنت انا وخليتك كمان تقـ.تل فيهم.. فاطمة فاكرها
عشماوي بصوت مرتفع:انا ماقتـ.لتش حد
ناصور:لا قتـ.لت ودفنـ.تها كمان تحت بيتك.. وبالمناسبة زمان دلوقتي البوليس بيحفر تحت بيتك وبيطلعها و زمانهم دلوقتي في سكه علي هنا
عشماوي مندهشا:حصل ازاي ده ؟!
ناصور:اه منا نسيت اقولك اني روحت بنفسي وبلغت عنك تبقي وريني بقي هيصدقوك ازاي
وفجأة ينكـ.سر الباب بدخول الشرطه ويختفي ناصور ويتم القبض على عشماوي
.................................................
في القسم:
يقف عشماوي امام الضابط وينظر له الضابط قائلاً:هااه بقي ياعشماوي قولي بقي قتـ.لت فاطمة ازاي
عشماوي بصوت مرتفع:ياباشا والله انا مقتـ.لتش حد
الضابط:بلاش بقي الكلام ده..قولي بقي يلا
عشماوي:والله ياباشا انا مقتـ.لتش حد..انا هحكيلك اللي حصل
الضابط:ايووه انا عاوزك تقول اللي حصل
عشماوي:انا كان عليا جـ.ن وهو اللي قتـ.لها مش انا
الضابط:اه دخلنا في الكلام اللي ولا هيودي ولا هيجيب
عشماوي:ياباشا والله هو ده اللي حصل
الضابط:دا احنا مطلعنها من تحت بيتك فقول كلام غير ده
عشماوي:ياباشا لو في كلام غير ده والله هقوله
الضابط:شكلك كده هتتعبنا معاك..اكتب يابني يتم حبـ.سه 4 ايام علي ذمه التحقيق
ثم ينادي علي العسكري لكي يضعه في الحجز
................................................
في اليوم التالي:
يقف عشماوي امام الضابط وينظر اليه قائلاً:مش عاوز برضو تعترف ياعشماوي؟
عشماوي:ياباشا والله انا معملتش حاجه..انا واحد الجـ.ن جالي علي فاطمة وكان عاوز يمـ.وتني و رامني ومحستش بالدنيا غير لما صحيت وانا متجوز ومخلف كمان
الضابط:اه انت سايق الهـ.بل بقي
عشماوي:ياباشا والله ده اللي حصل
الضابط:طيب انا هحولك علي مستشفي الامراض العقليه زاي ماانت عاوز بس تعرف لو طلعت بتحور والله ماهسيبك
عشماوي:اللي تشوفه ياباشا
الضابط:اكتب يتم تحويله الى مستشفى الامراض العقليه لكشف عن سلامه قواه العقلية
وفعلا يتم تحويل عشماوي الي مستشفي الامراض العقليه
..................................................
في مستشفى الامراض العقليه:
بعد مرور اسبوع يصل الضابط الي المستشفي لكي يتابع احوال عشماوي ثم يجلس مع الدكتور المتابع لعشماوي قائلاً:اسف يادكتور لو جيت من غير ميعاد بس جيت عشان اتابع قضيه عشماوي
الدكتور:لا ولا يهم حضرتك بس حاله عشماوي متأخره اوي
الضابط:متأخره ازاي؟!
الدكتور:يعني عشماوي عايش في حاله من الوهم
الضابط مندهشا:وهم!!لا مش فاهم قصدك
الدكتور:يعني عشماوي بيقول انه صحي بعد سنتين لاقي نفسه متجوز ومخلف ولما روحت اسأل قالوا انه مش متجوز اصلا
الضابط مندهشا:ايه!!مش متجوز؟!
الدكتور:مش دي المشكلة..المشكله فعلا انه بيقول عنده واحد صاحب عمره لما روحت سألت عنه علي العنوان اللي ادهولي لاقيت البيت مقفول من زمان ولما سألت اهل المنطقة قالولي انهم عارفين ان عشماوي عقلياً مش سليم فبيسيبوه يطلع وينزل براحته
الضابط:طب والحل دلوقتي؟
الدكتور:الحل انه مش هينفع يخرج من هنا وهو حالته كده
الضابط:طب وفاطمة اللي قتـ.لها؟!
الدكتور:الاحتمال الوحيد انه ممكن قتـ.لها وهو مش في وعيه
الضابط:طيب واسف كمان مره لو عطلتك عن اي حاجه
ثم يقوم الضابط ويقفل القضيه علي قـ.تل بدون وعي واما عن عشماوي فسيكمل حياته في مستشفى الامراض العقليه
...............................................
تمت
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
