رواية ملكة الشيخ ضاري الفصل الثامن 8 الجزء الثاني بقلم ساره المجيد
سناريا :-اني سناريا وهاي بت عمي اسياء
ازل :- عاشت الاسامي احنه جدد ساكنين بنفس المنطقه
سناريا :-صدك اول مره اشوفكم بيها
ازل :- اي والله حبيبتي اخويه انتقل شغله لاهنا
سناريا :- ماشاءلله امممم
اسياء:- اوف تعبت هسه زوجي يطلع الركص من خشمي ماشفتي شلون يخزر بيه
سناريا :-هههههههه ترا ذبحتيني برجلج يلا ولي
ازل :- انتي مخطوبه او لا
سناريا :- بكلبي كلت خير ياطير كتلها:-لاحبيبتي لا مخطوبه ولا محجوزه ولا مزوجه
ازل :- امممم زين هسه اني اروح ها انتي ياصف
سناريا :-رابع علمي
ازل :-اني خامس
سناريا :- اتشرفت بيج 🙂
راحت ورجعت كعدت يم امي ماعرف اختنكت حيل وحسيت سويت جهد اكثر من اللازم مثل الي ضغطي هبط الكعب اكل رجليه حيل اشرت لبت عمتي اسمها زهراء تجي نطلع بره طلعنا ودخلو الشباب ولد عمي يركصون جوبي كعدت بره القاعه حسيت نفسي راح استفرغ اريد ابلع ريكي ماكدر اختنكت اشرت لزهراء كتلها لج زهيره اريد ماي راح اموت
زهراء :-خرب شبيج
سناريا :-شمدريني
ماحس ع نفسي غير أذب من رأسي زهراء غبيه ركضي وعوفيني كمت استفرغ واحس روحي طلعت حسيت بايد ع ظهري وبطل ماي اكبالي رفعت عيني واجت بعين هذا الرجال كلبي صار بحضني من شفته انطاني البطل غسلت وجهي بيه
واخذت الكلينكس منه مسحت حلكي
وهو يفرك بضهري بحركه خفيف
حيدر :-ها عمو شلون صرتي
سناريا :-هزيت راسي بأي ابتسم
حيدر :-وياج الدكتور حيدر
سناريا :-تشرفت بحظرتك
حيدر :-ماكله شي
سناريا :- ماعرف عمو اول مره تصير وياي هيج
عدل كعدته حيدر وكال:- شكلج كلش تبعانه ذبولج غريب وملفت للنظر
سناريا فتحت حلكي هل كبره
حيدر :-هناك حزن بعيونج غريب بس اكو نوع من التفائل وصمود يعني بالمختصر انتي مثل الي يدوس ع جرحه ويمشي
سناريا ..رفعت راسي لسماء وهو يحجي طريقه مريحه وهو يسألني واني اجاوب ماعرف ارتاحيت اله حسيته دكتور نفسي وبلش يعلاجني لو اكلكم بذيج اللحظه نسيت العالم ويا اجت زهراء جايبه وياها امي وعمتي
وهو كام وكالي :-هذا كارت مالتي كل ماتختنكين مثل هسه اني موجود بالخدمه
ابتسمت واخذته ومشه اجت امي تركض :-يمه ولج شبيج
سناريا :-مابيه شي يمه والله مابيه مجرد كثرت اكل
زهراء :-انتي هواي اكلتي كاكاو شلون ميصير بيج هيج
سناريا ..خلصت الحفله ع خير واخذوا العرسان للفندق واحنه رجعنا للبيت بس طول الطريق افكر بكلامه من كال :-حزنج بدالخ مثل موج البحر يجي يوم وينتهي
غمضت عيوني ومن وصلنا للبيت نزلت كبل رحت بدلت وسبحت ولبست اتراك بيت جاي امشط شعري القصير الي ضاع اجمل شي بحياتي قررت انسى ثائر او انسى كلشي صار وياي وابلش من جديد ..
لازم اعتمد ع نفسي بدال ماجاي احطم مستقبلي بيدي باوعت لجنطتي اذكرت كارت مالته خليت رقمه سيفته بالموبايل وطلع عنده فايبر وفيس واتساب اسمه دكتور حيدر ال ... دكتور امراض نفسيه
ابتسمت عرفت ليش كعد وياي قررت احجي ويا اول ماحس نفسي محتاجه دكتور نفسي خلصت ونمت كعدت ثاني يوم الصبح ساعه 11الصبح اميره ماكو وامي هم ماكو استغربت وين راحوا 😕
بدل ماتدور وتبحث علي الروايات خليها علي تليفونك وحمل تطبيقنا
