رواية ملكة الشيخ ضاري الفصل الثامن 8 بقلم ساره المجيد
مصعب ..قربت منها وكتلها احم ..احبج يا كصيرونه ويا ام لسان الطويل وناوي اخطبج ..
أيمان ..من سمعت هل كلمة يبووو مدري شصار بيه رجلي كامت اتطكطك كمت ارجف اتخردلت وفتحت حلكي وعيوني ع اوسعهن 😯..
هاي صدك يحجي لالا مو معقوله يجذب بهيج موضوع مستحيل سحب ايدي بكل جرئه وخله ورقه وكال اقريها ومشه ع السريع وكام يطفر من الحيطان وعبر ع الثيل وراح لشارع ..
وانه ع نفس وكفتي هاي شنو شسويت رفعت ايدي بسرعه ضميت الورقه بعبي احسن محد يشوفها ركضت طبيت للبيت احس نوع من الخجل والمستحه ..
عركت بسرعه طلعت الرساله وخليتها بين هدومي حشكتها حشك خرررب حظي شبيه اتسودنت مدري شصابني وماعرف شسوي ..نزعت عباتي وعدلت حجابي سمعت صوت ابوي ..
طلعت اركض كمت اتجبح من الخوفه شفته واكف وي حيدر زوج جنان ..
الشيخ ضاري ..دش عمي البيت بيتك
حيدر ..لا عمي اترخص اريد انام واكعد العصر اطلع ع باب الله ..
الشيخ ..مرزوق بويه الله وياك ..
ايمان ..راح حيدر ودخل ابوي باوعلي وكال سوولي جاي ركضت سويتله جاي صبيته وديته اله كالي وين خواتج وامج كتله بالبستان جنت احجي والهث من التعب عبالك شايلة جبل ع صدري كوه سيطرت ع نفسي لايبين علي
ضاري ..راح اخذ كسره نوم لحد يكعدني زين ..
ايمان ..ابتسمت وكتله ..نوم العوافي بوية 😊..
رحت ركضت للغرفه طلعت الرساله قريتها اوويلي انصدمت بالمكتوب ظليت ثلاث مرات اقرأ وكلبي يرجع ينبض اقوه واقوه حسيت بشعور اول مرة احسه شعور خلاني طايرة بالهوة.. اوويلي
ابتسمت لا ارادياً يممه كلبي راح يطلع من صدري خررب حطيت ايدي ع صدري اريد اهدأ جنت خايفه لايبين عليه شي ..
غمضت عيني وخليت الرساله ع كلبي حسيت بشعور يجنن رجعت ضميت الرساله وخليت رأسي ع المخده واني افكر وافكر بكلامه حقيقي او جذب اي اكيد يجذب اوووف يايمان هسه ابوج لو عرف يشوي ع أذاناتج بصل 😣..
ثاني يوم كعدت ورحت للبستان وهم شفته واكف منتظرني كل يوم اطلع اشوفه واكف وكل يوم احس بشعور احلى من الثاني بيوم كالتلي امي اخذ ماعون مرت عمي ام حيدر بي حلاوه الهم اخذته أمشي وشفته واكف ويمشي وراي متت من الخجل ..
مدنكه وأسمعه يغني ..وصلت لبيت عمي وهو راح دخلت سلمت ع مرت عمي كعدت سوالف عاديه مابيها شي خلصت شويه وجنان كالتي اخذ وياي زينه لان متعبتها جثيير ..اخذتها وطلعت ..
شفته واكف قريب علينا وزينه تريد تشتري واني ماشايله بيدي غير فلس بالله شلون رحت للمحل هو دخل ...زينه تطافر تريد من هاي ومن هاي سودنتني اشتعلوو ..
هو سوه نفسه يشتري جان اكو دبدوب صغير ابيض مو مثل دباديب هذا الوكت جانت تخبل وحتى نازكه ..
مشه وكف ورايه كلبي وكف بعد ماكدر اوكف ويا لالا شلون ياربي رفعت رأسي غمزلي ..
بسرعه دنجت راسي وسويت نفسي اشتري .
اخذت كيكه هي بفلس انطيته وطلعت ونسيت زينه هههه من الفشله سمعت صوته هو يصيح ورايه وشايل زينه هههه متت بدمي عزه شلون انسى الطفله ركضت اخذتها منه وهمس بذاني ..احببببببج ..مصعب ..طكيت ضحك ع فطارتها اثاريها بس لسان المخلوقه اتدودهت متعرف شتسوي انوب نست الطفلة شلتها و وديتها الها دنجت ع اذنها كتلها احبببج وجان اشوفها انخطف لونها خررب يومج حتموت 😂
ايمان ..ابتسمت بوجهه وكتله ..اثبت كلامك ..
مصعب ..من باجر لالا من هاي اللحظه
ايمان ..نشوف عود اخذت زينه ورجعت للبيت دخلت ولازمه كلبي بيدي عزه بس لا احد يحس بيه شفت محمد رجع من المدرسه عيونه بكصته هو صف رابع اعدادي دخل وشمر جنطته ...
ملكة ..شمالك يمه شصاير
محمد ..والله العظيم لو ماخاف من الله جان كسرت رأسه ابن الكلب يحجي ويسب بجدي ذيب عباله تايها سالفه بس والله لكسر رأسه ابن المخانيث ..
ملكة ..لطمت ع صدري وكتله ..ولك منو ذوله تحجي عنهم يمه .
ايمان ..جان محمد بحركة اعصاب شال الصراحيه وضربها كبل اجت بنص رأسي وكعت من طولي واغمى علي واني اشوف الدم وامي تدك وتلطم ومحمد مدري شبي وجها صوفر ..
اسمهان ركضت جابت قميص ابوي ثخين خلته ع رأسي وامي تبجي امي بيها خوف من الدم هههه وكعت من طولي بسرعه اخذوني لمستوصف والممرض كال ماكو شي شك بسيط برأسها وعالجه ..
رجعت للبيت لكيت ابوي معلك محمد بالحضيره شاده شد بالحبال .هههه
اول شي لان متعارك وي ولد من الحزب الفلاني وثاني شي لان ضربني وهاي ابوي مايقبل امي تموت ع محمد تسمي وجهه السعد شو من شفته وعرفته بس طلايب من ورا هو طالع ع ابوي اعصابه وعصبي حيييل ..
يعني مايلزم اعصابه طبعا هو شارد من المدرسه شويه ودخل احمد ملابسه كلها وصخ اني مخليه ايدي ع رأسي وابجي وهو يحجي ويكول.احمد ..يييييمه اني مليت من محمد كل يوم مسوي طلابه كل يوم ..سكتت وباوعت ع ايمان وكتلها ..وانتي شمالج ولج
ايمان ..انفشخت 😒..
احمد ..بس لا محمد
ايمان ..اييي ههههه
ملكة ..ولكم شني هذا اليوم ماخلص منكم ومن مشاكلكم ..
ايمان ...شوي وسمعنا صوت سيارات صفت بالباب طبعا جان اكو ناس بالديوان وخواتي مخبوصات بيهم فا ظليت وحدي ..
الي عرفته جاي اخو الولد الي دما محمد وسمعنا صوت ابوي وهو يرحب بيهم شويه وراها ومانسمع غير صوت ابوي وهو يلعن ويسب بيهم هههه
ضاري ....دعنل ابو هيج سالفة شني مانخلص منكم ..
زايد ..عمي ابنك المتورط مو ابنه واجينا نحلها مو نصعبها ..
ضاري ..وشني المطلوب مني
زايد ..كل المطلوب ابنك المحروس يطلع يعتذر ترا اقسم بالي خلقني ماخلي عايش ولا لحظه ..
ضاري ..رفعت حاجبي وجهت ااصبع الشهاده بوجها وكتله ...اطلع بره كبل لا احجي شي اكبر من روسكم يله بره ...
زايد ..ششششيخ ضاري خليني ..
ضاري قطع كلامه ...بره لا بارك الله بيكم وبالي وصلكم لهاي المناصب ..
سناريا ..وطلع زايد ضايج طبعا زايد راح يلعب لعب بهاي القصه .وهو راح يكون السبب الرئيسي بدمارنا ..من يومها زايد شال حقد كلش جبير ع جدي وع اهل جدي مارحم بيهم احد ..
مصعب وخاله أيمان ظلوا عن نفس علاقتهم خالو احمد دخل ثالث ونجح وراح قدم ع كليه شرطة حتى خالو محمد سوه نفسهم وخالو محمود ...
قبل هاي اﻷحداث صار ...الحدث المهم ...
مصعب ...اخذت عهد ع نفسي بنهاية سنة 98..اروح اتقدم الها رحت لبغداد من الصبح غباشه كلت لكل اهلي واحد واحد واكو منهم عدهم ضروف ماكدروا يجون ..
رحت لشيخ العشيره مالتي كلتله وعزمته وخبرته يجيب ويا كل اهلي من صغيرهم لجبيرهم وصدك صار مثل ماريد خلال اربع ايام اني لميت كل عشيرتي بس هههههه النسوان صارت اكثر من الزلم الي اجت اخذتهم ورحت خبرت علي وخواتي كتلهم يرفعون رأسي بالضيافه ..وصلنا لكربلاء ب3 الضهر ..
دخلنا كلنا للبيت النسوان كعدو بالغرفه الجبيره والزلم كعدو بالثيل شربو جاي واني صعدت ابدل واتحضر طلعت لكيتهم كلهم واكفين منتظريني ..
شيخ عشيرتي شخص جد خلوق ومحترم من شافني كال ...
الشيخ ...شوف أبني واجبي انصحك انت راح تخطب ابنيه لا من بيئتك ولا من طائفتك فا انت واثق من قرارك
مصعب ..هزيت رأسي يعني اي وابتسمت اله وهو ضحك وركبوا سيارتهم وطلعنا مشيه صارت 20 سياره مليانه ناس ..عماتي وخالاتي ماقصرن ماشاءلله خبصنا خبص بالهلاهل ههههه وصلنا لبيت الشيخ لكيته واكف هو وابنه محمد من نزلنا كلنا من السياره مثل الي اجته هاون فجر البيت ههههه ماوصفلكم شكله شلون صاير ..ضحك بوجهي ..
شيخ ضاري ..وحك ربك موش هين طلعت ياعبد الحليم .
سناريا ..(طبعا عمو مصعب مختلف عن عبد الحليم حييييل يعني ماكو شبه بينهم بس خالتي ايمان تلقبه بهذا اللقب مدري ليش 😂.. فا مشت علي من ورا تسريحة شعره 😂)..
مصعب ..سلمت علي وبست راسه وهو اخذني بحضنه ورحب باهلي ودخلني جوه كعدنا كلنا وناس ظلت واكفه بالثيل اترخص شويه ورا شويه رجع وجايب الكهوه وزعها علينه ابنه محمد ...
الشيخ مالتنه ماشرب الكهوه وظل يفر بالفنجان وكال ..
الشيخ ...السلام عليكم والله بالخير جميعا ..
الكل ..وعليكم السلام الله بالخير والعافيه ..
الشيخ ..أسمعنا يابو محمد انه الشيخ مهيوب معروف أصلي ونسبي وشني انه بغداد كلها تعرف الشيخ مهيوب ...
اجيتك اليوم اخطب منك مره لابني وابن اخوي الفدائي ابن الاصول والحسب مصعب نجم وانت تعرف كلش زين هو تربات ادينكم عربيه منكم وبيكم ..
وجيتنا جانت مخصوصه نقرأ فاتحة المهر كدامك واشرط وشروطك سيف ع ركبتنه ...
مصعب ..اتنفست وكمت وكفت وكتله ..من رخصت الشيخ ومن رخصت عمامي جاي أطلب منك الرخصه شيخنا انه اليوم دايس ع أبساطكم وطالب منك بت من بناتك (بكلبي اكول الكصيره بروح ابوك )..كعدت وعمي ضاري اخذني ع صفحه وكال ياهي بويه ..
ابتمست وكتله ..احجي وماتزعل
شيخ ضاري ..جا انت خليت بيها زعل
مصعب ..احم شسمه اريد اكصر وحده اءءءءءء اقصد اصغر وحده عندك ..
شيخ ضاري ..جا هاهيه هيه الك بس خلي اشوف ولد عمها ..
مصعب ..رجعنا كعدنا وشاور ولد عمها كالوا مانريد ولا ناهين عليها قرينا الفاتحه وشربنا كهوته وسوه النا عشاء وعيب نطلع بعد سمعت النسوان تهلهل ضحكت بسري والله لا اطلع قهري وتعبي بيج يالكصيره 😁..
علي ..باوعت ع مصعب شفته عيونه تلمع من الفرحة ضربته بعكسي ع خاصرته وكتله ها عمي مبروك والله وتزوجتها ذيب ماينخاف عليك 😉مصعب ..اشش بروح جدك لا تفاول علينا ماعاولنا ع الله وصارت القسمه ...
علي ..سكتت سكتت ههههه
مصعب ..يوم نفرح بيك خويه ..
علي ..هههه يوم المنى..
مصعب ..تعشينا وكملنا وسلمت ع عمي شيخ ضاري وعرفني ع اهله .وكتله ع المهر كال مهرها المقدم كتاب قرآن ومؤخرها حجة بيت الله سبحان الله وحق ربي ماتوقعت هذا مهرها وهي الصغيره المدلله ..
بس كبر بعيني يعرف حالتي بس انه عندي ورث ابوي ورث من امي وبيت بغداد راح ابيع وبفلوس انطي المهر كتلهم اسبوعين ونسوي العقد وكلشي ...
أيمان ..بيوم كعدت جنت احس بأحساس غريب مثل فرحه منتظرتني صار الي اربع ايام ماشوف بيها مصعب من اروح واشوف اخو واكف بالمحل حييل اختنك بس اسكت ...
خامس يوم جنت اني وامي نغسل بالملابس القديمه لبوي عبن الصيف اجه بحره الشديد ويريد كل ملابسه مغسوله ومكويه ونظيفه
اسمهان ونيران طفرن للبستان واني صفيت وحدي وهبه ولت يم جنان تتعلم الخياطه وكعت سالفة الغسل برأسي ..
وسمعت صوت شخط سيارات وناس وهوسه جنت ...
دخلت انذار الم بملابس واضم بالمطبخ لان بعيد وما يبين ..
نزلت دشداشتي ورحت ركض للبستان صحت ع اسمهان ونيران اجن ركض سحلت دشداشه من ع الحبل لبستها بالحمام لان هم بره ههههه ..وهنه هم نفس الشي سون اجت امي وكالت تعاي أيمان رحت وياها باوعت لوجهي وكفت وركضت غسلته بصابونة الركي ههههه ورجعت دخلت سلمت عليهن يمكن 10 نسوان جايه اكبار وألباقيات بعمر امي ..
كعدت بسد امي واسمعهن يحجن ويبسبسن وحدها منهن طلبت انزع حجابي باوعت لامي وكالت عادي نزعي صدك نزعت وكامت تتلمس شعري بشكل غريب باوعتلي وكالت ..ماشاءلله تخبلين ..يمه ..
امي كالتي روحي رحت واني مثل الاطرش بالزفه مادري شديصير ظليت بالمطبخ واني والبنات واكل اكل بضافيري شويه وسمعت هوسه وهلاهل طلعت اركض شفت امي تضحك هي والباقيات ..
دخلن خواتي وبوسني وباركلي واني مافهمت شي بس من جابن طاري مصعب عرفت خطبني هههه بالحظتها يلا وعيت ابوي دز ع اثنين خرفان وذبحوهن وكمنا نشتغل مثل الناعور لا نكل ولا أنمل ..
وبنات عمي ضرار اجن ركض ساعدني ويباركلي بس جهان احسها مدري شبيها عفتها براحتها طبعا جهان بت خالة امي اتزوجها هشام ابن عمي ضرار ودائما اسمع بينهم مشاكل ماعرف ليش المهم مالي شغل ...
خلصنا عشه والحمدالله رفعنا رأس ابوي بالعشا مالت الشيوخ صدك تعشوا وصلوا ووطلعوا وكالوا اسبوعين ونسوي الخطبه ظلينا نغسل بألاماعين بره بالطارمه ..واني بالي بمصعب شلون خله ابوي يوافق وابوي طول عمره من يكول كلمه لو يجي الحمزه مايغير قراره بله شبيه هاي بيمن افكر لازم افرح اخيرآ راح اصيرت مرت مصعب عبد الحليم ههههههههههه...
ماحس غير تجيني ضربه بيها تايت ع كصتي ..
صحت ..هاي شكو
أمنة ..اي اي عيني بيمن صافنه
ايمان ..عوجت حلكي وكتلها ...بالحمار عندج مانع ..
اسمهان ..ههههههه الحمار لو مصعب ..
ايمان ..اوشش لا يسمعج ابوي والله يجسر العصه ع ضهري وضهرجن ..سكتن عني بس كول شويه ويشمرن كلمه كمت منهن من خلصت غسل أماعين صاحتني امي اجي وراها مشيت وكعدت باوعتلي وكالت ..
ملكة ..يمه الناس جايه تخطبج وابوج قرأ الفاتحه وياهم بس يمه تعرفين مني الولد
أيمان ..بسري كلت خلي اسوي نفسي ثوله ومطفيه احسن ..كتلها ..ها يمه لا لا ماعرف منو
ملكة ..اهل مصعب ولد الي ساعده ابوج ماتذكرين.
ايمان ...هأأأأأأ..اي اي تذكرت هسه طخت بالي ..
ضلت امي تنصح بيه انو اغير أسلوبي الهجومي وماعرف أيش خلصت فقرت النصائح كمت اريد أنام بس نوم ماجاني ولا تعتب عليه ..
شوي افكر بمصعب حيل شاغل بالي اوف اوف اتمددت وبقيت افكر بي اوويلي ماصدك راح اصير مرته اخيرا الفرحة جانت مسايعتني احس كلبي ينبض بقوة ميسكت اوووف ..نمت وي طلعت الشمس ...
في مكان ثاني ..
سناريا ..زايد ابن رئيس حزب معروف ..
واكف يدخن جكاره وسمع بالاخبار وكال يريد ينتهى هذا الشايب بس خلي الدنيا تلعب بيدي والله لا اخذ حقي وحق كرامتي من طردتني ياشيخ ضاري شمر الجكاره وداس عليها وهو يتوعد لشيخ ضاري ....
نرجع بعد مرور اسبوع ..
ايمان ..تم كلشي وروحتي لسوك وغيرها اشتريت كلشي من عاداتنا البنيه ماتشوف الولد اله بالليلة الدخله لذلك ماشفت مصعب لو لحظة ظله ..
اجه جايب المهر لبوي وجان كلشي غالي وحتى جايب ويا الذهب من غير المهر يعني حقه وحدها بيومها ابوي ضاج لان ذهب ع اهل العروس بس بعد صارت ..
وصدك ابوي شال من جيبه وراح اشترى الي ذهب كل ابنيه تحلم بي وابوي جان شرطه الوحيد بيت وحدي لذلك مصعب بنا مشتمل صغير بصف بيتهم واول شي نعيش وي خواته واخو ..
بقيت حايره وتعبانه وناس رايحه راده علينه اخذتني امي من الصؤب للحفافة وحفتني حف مو طبيعي طلعتني ايمان ثانيه ههههه خواتي ظلن خطيه ينظفن البيت اخدمهم ان شاءلله بعرسهن يارب ..رحت لمحل اشترينا نفنوف سمائي ..منفوخ يخبل لخطبه
ومن الصبح كعدت واجت ناس من التلاثه الضهر عندي بت خالي حازم خوش تخلي مكياج للوجه هي ستلمتني ولعبت بيه لعب حتى بدون ريوك ..ههه
ظليت كاعده بالغرفه وحايره وخايفه متوتره طبعا ابوي شفته مرتين بس حيل مشتاقتله ولا عبالك بيت واحد احس دا يبتعد عني بعرس جنان ماسوه هيج ..
يمكن لان كرايب اوووف المهم مرت كم ساعه وسمعت صوت العريس اجه وناس دخلت كومتني خالتي واخذتني كعدتني ع الكرسي بس رجليه ماتشيلني من الخوف اويلي ياربي شي خلص هذا الوكت ..
ظليت منتظره والخوف اكل كلبي اجه الشيخ وكعد وبدأ يحجي وردد كلام صيغة العقد سمعت صوت مصعب وهو يكول نعم موافق ..
بدل ماتدور وتبحث علي الروايات خليها علي تليفونك وحمل تطبيقنا
