روايه غيرة حب الفصل الثالث و التسعون بقلم احمد صابر
فتحت الباب لقيت نسرين جايا معها كباية ميه وكانت مشيه براحة عشان متدلقش وادتهالو
انا: اي ده
محمد: دي ايمان معملتهاش
انا ودموعي قربت تنزل: هو انت قلتلي
محمد: قلتلك اي
انا: قلتلي هاتي ميه وانا مجبتش
محمد: طب في اي انا بهزر والله
انا: متهزرش تاني بقى
محمد: حاضر
نسرين: اسب
محمد: اشرب
نسرين: اه اسب
محمد: مالك مصرة كده ليه حطالي فيها سم ولا اي
نسرين: ات حبيبي
محمد: بجد والله انا مش مرتحلك
نسرين: لوحي بدو
محمد: روحك برضوا
نسرين: اه
انا: الشارع الي وراه
محمد بتعلمي البنت اي انتي بتعلمي البنت اي اسكتي
انا: سكت
شرب وحط الكباية ع الكمود بعيد عن الورق
نسرين: بابا
محمد وهو باصص ف الورق: اي يابابا
نسرين: ولاق
بصلها وضحك: اه ورق
انا: لدغة
محمد بضحك: لسا صغيرة
انا: بت باااارده
بصتلي وشاورتلي اسكت: بابا اشغل
انا: انتي مالك انتي اش حشر امك
نسرين: ماما
انا: ماما بره انا مش زفت ماما
راحت ومسكت وشو وخلتو يبصلها وشاورت عليا: ماما؟
محمد: اه هيا دي ماما
انا: انت بارد يالا
محمد: يالا!
انا: اه يالا
محمد: اهو انتي الي بتطولي لسانك اهو
انا: بطل تعصبني الأول
محمد: انتي الي لسانك طويل
انا: ماهو عشان انت بتعصبني
محمد: بس خلاص اقفلي ع الموضوع بقى ينفع
انا: اممم
بص ف الأوراق وانا رحت عند المكتبة ومديت ايدي عشان اجيب كتاب
محمد: بتعملي اي
انا: اي
لقيت كتاب وقع ع راسي وكتاب جاب التاني ف التالت وكل الكتب وقعت وانا بعدت بسرعة بصيت للكتب بعد ما وقعت ع الارض وحطيت ايدي ع بوقي بصدمة وبصيتلو: احم حظابط في كتاب وقع تعالي حطو
محمد: كتاب!
نسرين: كلو
انا: اقعدي ساكتة يا بومة انتي... اهدا يا حظابط حصل خير اي إلى حصل لكل ده يعني
هز راسو يمين وشمال بيأس وضرب كف ب كف... قرب من المكتبة رحت طالعة ع السرير بسرعة
محمد: متخافيش مش هكلمك انا تعبت والله
بدأ ف ترتيب الكتب زي مكانو
انا: اساعدك
محمد: تقعدي هاديه كده هتبقى ساعدتني اوي والله
انا ف نفسي: ابو شكلك
ببص ع نسرين لقيتها حطه ايديها ف وسطها وبتبص عليا وبعدين راحت عندو وكانت بتديلو الكتب وهو يحطها
محمد: تعالي
شالها وهيا مسكة الكتاب وخلاها تحطو ف المكتبة
نسرين: هييييييي تاني تاني
محمد بضحك: لا كفاية خلينا نخلص
نزلها وهيا ادتو الكتاب وهو حطو ف المكتبة وخلص ومسك الأوراق تاني بصيتلها بقرف: بتبصيلي كده ليه ياختي
نسرين: ياختي
انا: شوفت هيا الي بتعصبني ازاي والله هضربها
محمد: يابنتي لسا صغيرة متعرفش حاجة
انا: بزمتك مصدق الي انت بتقولو ده
محمد: لا
انا بضحك: يبقى تسكت
محمد: حاضر
جيت اخد الفون حط ايدو عليه: بتعملي اي
انا: هاخد الفون
محمد: لا
قربت من ودنو: مش عيزاه مش عيزاااااااااااااه
شد المخده وضربني بيها: ودني فقدت السمع بسببك
انا: قد الضربة دي
مسكت المخدة وقعد الضرب فيه
محمد: يابنتي كفاااااية خلاص
سمعنا صوت نسرين وهيا بتعيط
انا: مالها دي
نسرين بعياط: بابااااا
انا: بومة
مسكت المخده وضربتني بيها: اه ياحلوفه والله مانا سيباكي وضربتها ب المخده قعدت تعيط حضنها وقعد يطبطب عليها ويسكتها: حرام عليكي والله الي بتعمليه فيها ده
انا: هيا الي ضربت الأول
محمد: بقى ضربتها دي وجعتك
انا: اه وجعتني
سكتها ومسح دموعها وشربها ميه وشالها حطها ع السرير وغطاها ونامت
انا: متقعد جمبها عشان متخافش
محمد: لا احنا جمبها اهو مش هتخاف
انا: اممممم
محمد: اعتبر دي غيره
انا: غيره اي دي انا انا قصدي تقعد جمبها عشان متخافش عادي انت فاهم غلط
محمد: امممم
نمت جمبها وخلاص غمضت عيني ونمت لقيت قلم نزل ع وشي قومت مفزوعة لقيت ايديها ع وشي قعدت اعيط
الباب اتفتح ومحمد دخل: مالك بتعيطي ليه
انا بعياط: خلتني نايمه وضربتنيييي
محمد: ازاي ده
انا: هكدب مثلا هكدب
محمد: يابنتي مش قصدي والله بس بصي دي نايمه
انا: معرفش والله انا لقيت قلم نزل ع وشي تش مره وحده
محمد: اي
انا: تش
محمد: هو انتي كنتي بتحمري بطاطس ف الحلم
انا: ده وقت استظراف يا محمد
محمد: طب معلش حقك عليا انا اشيلها انيمها ف اوضة تانيه طيب
انا: ارميها من البلكونة
محمد: حاضر
شالها وخدها ف حضنو وطلع بيها بره
انا: مستفز
حضنت المخدة ونمت صحيت ع دوشة قومت بزهق وفتحت الباب وطلعت بره لقيتهم كلهم متجمعين قعدت وحطيت ايدي ع وشي
محمد: بس محدش يجي جمبها الا لما تفوق عشان متعيطش
نسرين: عيط
محمد: اممم
قومت ودخلت قعدت قدام حوض السمكة وحطيت ايدي ع الازاز وقعدت احرك صباعي مكان ما السمكة تروح
معاذ بضحك: السمكة بترقص
انا: ايوه ع فكرة كانت بترقص
معاذ بضحك: اه
انا: الشارع الي وراه
معاذ: عرفة
انا: اي
معاذ: النور جه
انا: ياباااارد
معاذ: وريني بقى السمكة دي كده
حط ايدو ومسكها وانا قعدت اصوت واعيط وادبدب برجلي ف الارض وكلهم اتلمو وهو رمها وطلع يجري: دانتي فضيحة
محمد: في اي بتعيطي ليه
رحت وقفت عند السمكة: فيروز
بصلي وفضل ساكت وكلهم راحو مكانهم تاني
والدتي وهيا بتطبطب عليه: الله يكون ف عونك يابني دانت هتشوف ايام طين
دخلت وهو شال السمكة وحطها وانا لسا بعيط مسح ع وشو بعصبية: ايوه انتي بتعيطي ليه دلوقتي
انا بعياط: كانت هتمووووت
محمد: ماتموت ولا تولع ماهنجيب غيرها
انا بعياط: لا مش عيزه غيرها مش عيزه غيرهاااااا
محمد: طب ماهي كويسة اهييييي
قعدت اتشنهف ونزلت ايدي من ع وشي تدريجياً وبصيتلو وبصيت للسمكة ورحت قعدت ع الكرسي قدامها وحطيت ايدي ع خدي وحطيت ايدي ع الازاز تاني
محمد: كان يوم اسود يوم مجبتها
انا: لا كان يوم جمعة
خبط ع وشو وقعد يضحك
محمد: حفظة موعد مجت السمكة ولو قلتلك كالتي ب اي من نص ساعة مش هتفتكري
انا: لا انا كنت نايمة من نص ساعة ف مكلتش
محمد: طب اول مره جيتي فيها هنا بعد مدة طويلة كان امتى يا إيمان
انا: انا فكرة يا محمد؟!
محمد: بس انا فاكر
انا: بص استنى هو لأما ف شهر 8 او 9
محمد: انا حافظ التاريخ باليوم
انا: يخربيت دماغك
محمد: بتوهي ها... كان يوم خميس 17/8
انا: ها
محمد: لا ولا حاجة كملي لعب يا إيمان
انا: انت زعلت
محمد: تؤ
انا: انا قولت 8 او 9 ع فكرة
محمد: شطورة
بصيتلوا بغيظ والجرس رن وقومت افتح
حنين: هلوز
انا: بالموز ع عيونك الجوز
حنين: ع عيونك الحلوين دول
مازن كان واقف وكان ماسك الكباية ولسا هيشرب فسمعنا راح باصص لمحمد ومحمد بصلو وقعدو يقلدونة بتريقة وف الآخر قعدو يضحكو
انا: سخيفين ع فكرة
محمد: ياشيخة بطلو محن الأول
انا: ده مش محن يا حلوف منك ليه
مازن: طب وليه الغلط بقى انا كنت اتكلمت هو الي بيتكلم
محمد: تسلم ياخويا طول عمري وانا بقول عليك ندل
مازن: حبيبي تسلم
قعدنا نضحك عليهم
رشني ب الميه: بتضحكي ع اي
انا: يا مهزء
قلعت الشبشب وطلعت اجري وراه: وربنا مهسيبك يابن مني
محمد: حلوه مش هسيبك دي
انا: لا بتختلف حسب موقعها ف الجملة
محمد: هو احنا ف حصه نحو
انا: تعالي اديك نحو
محمد: طب ماتيجي انا اديكي قلمين
انا: لا شكراً مش عيزه
محمد: لا والله ازاي لازم تجربي
طلعت اجري وانا بصوت: يا خاالتييييييي
محمد: هششششش
انا: هههههههه
مسمعناش صوت ف ببص ع حنين ومازن لقيتهم قعدين وبيتفرجو ف الفون
انا: اي العيال دي
محمد: هاديين اوڨر صح
انا: ايوه
محمد: روحي ياشيخة منك لله
انا: انت بتدعي عليا
محمد: هيا منك لله دي دعوه مكنتش اعرف
انا: ههههههه
قعدت يتريق ع ضحكتي رحت واقعة ف الارض من كتر الضحك راح ضارب كف ب كف
محمد: لا حول ولا قوة الا بالله شفتو البانجو بيعمل اي
من كتر الضحك مكنتش قدره اتنفس وعيني دمعت جابلي كبايه الميه وشربت ولسا بشيل الكبايه من ع بوقي بصيتلوا للحظه ورحت تفه كل الميه الي ف بوقي ف وشو وقعدت اضحك
محمد: لا كده كتير بقى
انا بضحك: اسفه
محمد: اسفه!
مسك هدومو وبصلي ورشني ب الميه بصيتلوا بعصبية
محمد: بس اوعي تتكلمي مسمعش نفسك مش انتي الي دلقتي الأول
انا: بس انا مدلقتش يا محمد انا تفيتها
محمد: حلو عندك حق اتفها يعني
انا: لا خلاص انا تمام كده
محمد: يبقى كده وحده ب وحده خالصين محدش له حاجة عند التاني تمام
انا: تمام
وضربني ع راسي فمسكت راسي وبصيتلو راح رافع ايديه لفوق
محمد: معملتش حاجة
بدل ماتدور وتبحث علي الروايات خليها علي تليفونك وحمل تطبيقنا
