رواية بنت الموصل والظابط الفصل الأول
تتحدث الروايه عن ضابط من الجنوب في عمليات تحرير نينوئ مع فتاه من الموصل تحدث معها كارثه ولكن يساعدها.......
شوفو الروايه ان شاء الله تعجبكم مستوحا من أحداث حقيقيه
#بارت 1
السلام عليكم اني اسمي قمر من الموصل عايشه بالجانب الأيسر من الموصل صار ٥ سنوات من سكنه بالموصل لان قبل جنه عايشين بغداد ولكن بسبب ضروف رحنه وعشنه بالموصل طبعا بابا مصلاوي وماما بغداديه من تزوج ماما عاش بغداد الصراحه بالبدايه ضجت لان رحنه للموصل بس بعدين حبيته كلش وامي هم حبت الموصل أفراد عائلتي همه
بابا اسمه عثمان عمره ٤٨ سنه دكتور صدريه وأمراض قلب من أحسن الدكاتره بالموصل
ماما اسمه نور عمره ٤٥ سنه ربه بيت درست لحد ثالث متوسط وبطلت
اخويه الجبير اسمه علي صيدلاني عمره ٢٥ سنه ممتزوج
وهاي عائلتي وهسه اجي علئ وصفي
اني قمر عمري ١٥ سنه طالبه ثالث متوسط الحمد لله كلش شاطره مواصفاتي اني شكره عيوني لون ازرق شعري اشكر وطويل لحد ركبتي وناعم وزني ٥٠ وطولي ١٥٥ رموشي طوال وعيوني كبار وهاي مواصفاتي
نبدأ بالاحداث
ابو قمر. كتلكم لو داعش يذبحوني ما اطلع من بيتي 😡 وراح تبدأ عمليات التحرير ليش اطلع
ام قمر. عيني ابو علي ادري بيت اهلك وامنوك عليه بس مكالولك موت نفسك علئ مدوه بعدين اكيد راح يصير قتال شوارع ادري خما نبقه هيج والاكل كام يخلص 😢
علي.اي يابه حجي امي صح صدكني لو جدي وجدتي عايشين جان مقبلو انك تبقه فدوه اروحلك يابه خلي نطلع 🙏
قمر. بابا والله خايفه خلي نطلع وبديت ابجي 😭😭😭
ابو قمر. لا يعني لا افتهمتوا ما اريد اسمع صوت احد منكم مفهوم 😡😡 ( وراح لغرفته)
قمر. راح بابا وهو معصب وامي راحت وره واخويه راح لغرفته واني رحت لغرفتي دخلت للحمام فتحت الدوش وبقيت ابجي وراه تعوذت الشيطان وطلعت لبست تراك وردي وبقيت كاعده علئ الدرج واتذكر شلون جنه قبل دخول داعش شلون جان البيت منور وحلو واطلع براحتي وهسه من دخلو داعش قبل سنتين واني الباب مشايفته والبيت مخلين علئ الشبابيك كارتونات وبطانيات علمود محد يشوفه والبيت المقابيلنه جانوا ساكنين بي داعش جنت كل يوم بالليل اسمع صوت التعذيب والصياح وجانوا يذبحون الناس الي تحاول تنطي للقوات الامنيه اي معلومه صرنه نخاف نحجي بالبيت لان نكول الحياطين اله اذان
بعد مرور اسبوع
قمر. مر اسبوع واحنه عايشين بحاله رعب مانعرف الليل من النهار وبدت عمليات التحرير وكلما يتقدم الجيش يزيد خوفنه لان تصير مقابلات بينهم وبين داعش وقصف الطيارات تقريبه بالفرع مالتنه ٣ بيوت قصفوه جنت كاعده بغرفتي وساده اذاني من صوت القصف والطلقات صاحتني امي نزلت ركض لكيتهم كاعدين بالاستقبال
قمر. ها ماما
ام قمر. ديري بالج يمه علئ نفسج
ابو قمر. يي يابه قمر صيري سبعه يبنيتي
علي. قمر تعاي اريد احضنج
قمر. بقيت مصدومه من كلامهم كتلهم هاي شبيكم اذا تموتون اني هم اموت وياك وأن شاء الله مايصير شي مبقه شي هيان دخلوا الجيش وراح يرجع كلشي مثل قبل واحسن. وبديت ابجي 😭😭😭😭
قمر. راحت وحضنت علي وهوه يبجي واني ابجي وره رحت حضنت بابا وماما بقيت تقريبه ساعه ومنطقه راح تتحرر رحت للمطبخ شربت مي شربت ورحت للاستقبال بعدني مواصله وصار صوت شي وكع وفجأه امي وابويه وعلي كاموا يتشاهدون وكع السكف وصار كلشي اسود بعيني وبعد مدري بنفسي بس حسيت انو اني طرت ونضربت بالحايط وبعده فقدت ( طبعا كل الي صار خلال ثواني) 😭😭
يتبعععع
للكاتبه 🧐 شهد✍️
#بارت 2
السلام عليكم اني اسمي ليث عمري ٢٩ سنه ضابط برتبه ملازم أول اصلي من الناصريه بس انتقلنه للعيش بغداد من جان عمري ١٢ سنه
أفراد عائلتي
ابويه عباس عمره ٥٠ سنه ضابط جبير بالداخليه
امي عمره ٤٨ سنه ربه بيت بس ماكو احن منه الله يحفضه الي
اخويه وسندي فهد عمره ٢٥ سنه خريج هندسه
اخر العنكود ملاك مشاغبه البيت والمدلله عمره ١٧ سنه
وهاي عائلتي
مواصفاتي
اني طولي ١٩٠ طويل كلش
ههه وزني ٩٠ جسمي معضل عيوني عسليه وحاده بشرتي حنطاويه ماعندي لحيه بحكم شغلي بس شوارب والصراحه لايكاتلي 👌👌☺️
صفاتي
اني الي يشوفني ويشوف ضخامتي وملامحي يكول هذا عصبي اما الحقيقه اني بشخصيتين شخصيتي بالبيت يعني اشاقه واضحك بس من احد يضوجني او اعصب انكلب ١٨٠ درجه بس بالدوام ويه المجرمين لا عصبي كلش وما اتحاجه 😡
ليث. بدت عمليات تحرير الموصل من داعش ولازم التحق كعدت الصبح ساعه ٤ الفجر حضرت ملابس والمستلزمات العسكريه نزلت جوه جان الكل كاعد
ام ليث. يمه وليدي ليث لاتروح اخاف عليك يمه 😭
ابو ليث. شنو هل حجي ام ليث شوو هيج لعد من صار ضابط شيعرف
ليث. يمه حياتي عمري انتي لاتبجين اذا اني ماعليه وهذا ماعليه منووو يمه يحرر الموصل ويرجعه ويحمي هالناس الأبرياء الراحت بيه🤔
ام ليث. عفيه بيك وليدي فدوه لغيرتك الله يحميك تروح وترجع بالسلام يمه
ليث. بسته من راسه وحضنته ورحت لبويه بست ايده وراسه
ابو ليث. الله يرضه عليك ابني محروس من كل شر
ليث. رحت سلمت علئ فهد وكتله فهد ديربالك بغيابي عليهم يخويه وحضنته
فهد. ولا يهمك خويه عد يمناك تروح وترجع بالسلامه
ملاك. احم احم نحن هنا
ليث. ولج ملوكه عليج سوالف ههههه
ملاك. أي عيني البوس والحضن بس الهم ولاتكول عندي اخت تهتم بيه وتسويلي اكل 😒
ليث. تعاي ولج اني شعندي غيرج وفتحتله اديه واجتي تركض عليه وتبجي
ملاك. خنكتني العبره اخاف يصير عليه شي ودمعن عيوني ورحت عليه اركض وحضنته من وصلت كتله
ملاك. هاي شنو انزل شويه شطولك احضن رجليك🙄
ليث. (هههههه وهاي نزلت) حضنته وبسته ودعتهم ورحت طول الطريق واني افكر ممكن هاي اخر ايام حياتي احتمال بعد مااشوفهم اوفففف استغفر الله هو الموت أوله وتاليه
بعد مرور اسبوع
ليث. مرر اسبوع وبدينه القتال والحمد لله اي منطقه نفوته نحرره انطينه شهداء واخذنه اسره من داعش واكو القتلناهم وهسه ده نحرر منطقه جديده
ليث. ملازم أول أسد شكد البيوت الفارغه بهاي المنطقه
اسد.كل البيوت فارغه بس اكو بيتين باقيات وحد بصف الثاني واحد بي داعش وحد بيت دكتور
ليث. اها وره شويه تقريبه ربع ساعه ونقصف هاذا البيت بس الصاروخ صار بين البيتين يعني كل بيت نهدم نص منه دخلنه المنطقه وأمنه واتجهنه للبيت الوكع نشوف الناس الساكنين بي عايشين لو لا الصراحه هذا الشي جان يخنكني من بيوت تنقصف وأهله يبقون جوه الانقاض عاده بس واحد لو ثنين يعيشون ومرات يبقون بس الأطفال بس هسه اتعودت لان صار هذا الشي يومي رحنه للبيت جان واكع نصه
الجندي محمد.سيدي هذا مره ورجال ولد بس كلهم ميتين
اسد.ليث كلهم ميتين تعال نطلع حته ندفنهم خطيه نبقيهم
ليث. بدينه نطلعهم ونخليهم باكياس المنظر جان مؤلم كلش بس شتسوي مو بيدنه ده اطلع من البيت وشفت ايد تتحرك بالزاويه بس جان اكو قطعه من السقف فوكه صحت اسد
أسد. ها لكيت احد
ليث. أي هاي علئ ما اضن ابنيه تعال ساعدني حته نوخر هاي الصخره عنه
أسد. اي يله
ليث. وخرنه الصخره وفعلان جان اكو بنيه بس وجه كله دم وملابسه كله تراب شلته شعره مجلب أسد طلع شعره
أسد. أي اطلع واسحب بشعره وميخلص ما شاء الله هذا كله شعره
ليث. يله امشي هسه مو َوكت تصفن بشعره بله بسرعه طلعوا
ليث. شلته وديته لبيت مقابيلهم سويناه مقر النه خليته علئ مكان مرتفع وجبت الاسعافات الاوليه وخرت الدم من وجهه بس جان الجرح بسيط ضمته اله بس انصدمت من شكله جانت بنيه بيضه وحلكه وردي عباللك دم وخدوده حمر ورموشهه طوال حاولت اكعده بدت تفتح عيونه ومن فتحتهن انصدمت من جمال عيونه جانن بلون البحر زرك ويلمعن جانت تفتح شويه وترجع تغمض
يتبعععع
للكاتبه🧐 شهد✍️
#بارت3
قمر. محسيت باي شي بس بعده حسيت اني علئ سرير وراسي يوجع ومشدود وأصوات زلم يمي وصوت طلقات عبالك حلم بديت افتح عيوني فتحت عيوني اشوف وجه رجال بس مو واضح عيوني مغوشه ورجعت غمضت
ليث. فتحت ورجعت غمضت رحت جبت مي ورشيت علئ وجه
قمر. حسيت احد د يذب علئ وجهي مي فتحت عيوني وهم مغوشه بس احسن صرت اغمض وافتح بيهن لحد موضحت الرؤيه عندي شفت واحد لابس ملابس عسكريه وضخم كلش وعنده شوارب وعيونه حاده وعسليه باوعت علئ جتفه شفت رتب عرفته ضابط
ليث. فتحت وضلت صافنه بوجهي هههه 😂 يمكن خافت لان اني وياه صايرين مثل رقم ١٠
قمر. صحيت شويه باوعت علئ المكان هذا مو بيتنه وين اهلي ومنو هذا واني ليش هنا😮
قمر. انته منو وين اهلي
ليث. اهدي لتخافين احنه الجيش وبيتكم وكع على صاروخ ونهدم و اهلج...😞😞
قمر. هوه يحجي واني صافنه عليه من كال وكع صاروخ علئ بيتكم وكال اهلج سكت ومحجه شي هنا نزلت دمعتي
قمر. شبيهم اهلي وينهم
ليث. نزلت دمعته وفتحت عيونه بوسعهن وكالت شبيهم اهلي وينهم
ليث. استغفري ربج واهدي كلنه علئ هل طريق راحوا لدار حقهم
قمر. من كال هيج اتخبلت شنو راحوا شنو كلنه علذ هل طريق هذا شيحجي لزمته من قميصه
قمر. شنوووو راحوا وين احجيييي وينهم هاااااا احجي ليش ساكت وين اهليييي اريدهم 😥😭 وابجي ويه كل كلمه
ليث. اهدي شويه هسه افهمج😔
قمر. شتفهم كولي وينهم هااااا😭
ليث. اخذت تفس عميق وكاله اهلة اتوفوا كلهم 😔😞
قمر. من كال هيج صاعقه ونزلت علئ راسي معقوله ماتوا كولهم لا لا مستحيل مستحيل يعوفوني وحدي لا
ليث. من كتله نصدمت ومتحركت ابد رخت قبضته من قميصي
قمر. لا مستحيللللل يموتون انته جذاب وخررررر اريد اروح الهمم انته جذاب وخرررر😭😭😭😭
ليث. من كالت جذاب جان بودي اكطعه 😡 بس استغفرت ربي وكلت هسه هيه بحاله صدمه كتلهه اهدي ميفيد البجي والصياح مراح يرجعهم اشووو هاي دفعتني وطلعت تركض لبيتهم
قمر. هو يحجي واني مو يمه ممصدكه انو اهلي كلهم راحو معقوله لا جذاب دفعته ورحت اركض بهستيريه واي واحد يطلع بطريقي ادفه ماادري من وين جتني القوه حته ادفعهم وجانوا كلهم طوال كلش وضخام مهتميت لطلقات طلعت من البيت ورحت البيتنه وشفته مهدوم نصه بقيت بس ابجي واعيط بعلو صوتي واحس رجلي كامت توجعني ما ادري علئ شنو دست باوعت علئ رجلي شفته تنزف وداخله بنصهه حديده محسيت بألم لان ألم كلبي اكبر وكعت من طولي وبقيت ابجي واعيط بابااااا وينك مو كلت مااعوفج ابد هااا شو ماوفيت ماماااا وينجججج اني بنتججج اتعوفيني عليييي خييي وينك😭😭😭😭😭😭
ليث. دفعتني وطلعت تركض صيحت عليه مجاوب بس تركض والوضع بره خطير وصلت يم أسد كتله الزمه بس مكدر تركض سريع وهيه كصيره طلعت وره
أسد. ليث وين رايححح عوفهه ليصيرلك شي
ليث. أسد انتههه من كلللل عقلك تحجي احنه جاين نحميهم ونحررهمممم مو جاين نتختللل بصياح وعصبيه)
أسد. اسف ليث بس متروح وحدك اني وياك
ليث. امشي ليصيرله شي
ليث. مشينه اني واسد عليهه وجان رجله كله دم َكاعده وتبجي وتعيط وتحجي كدام انقاظ البيت شكله جان يقهررر وييجي الصخر رحت عليه حاجيته بعصبيه وصياحح
ليث. اني مو كتلججج لطلعين شلون طلعين والوضع خطير ( جان كلامي بصياح وعصبيه) 😡🤬
قمر. اجه عليه هذا الضابط ويه ظابط ثاني كام يحجي عليه ويصيح واني ألم كلبي والم رجلي تزف قوي وراسي احسه كام ينفجر ر نصدمت صدمه عمري😢😢😢
قمر. وكفت لحيلي وكتله ايييي اني اريددددد اموتتتت وراهمممم لان مبقه عندي احد بهل دنيا لا عم ولاخال ولا اي شخص عوفني 😭😭😡
ليث. لاتعصبيني وامشي وياي كبل متوكع طلقه براسج 🤕😡
أسد. يله كومي خيتي هذا بعد امر الله لازم تصيرين قويه بعدين شوفي رجلج تنزف موزين عليج
قمر. رديت علئ الظابط الثاني وكتله احسننن انيييي اريد اموتتتت شبقالي بهل دنيا حته ابقه عايشه 😥
ليث. تنهدت وكتله تمشين لو لا
قمر. لا ما اروح راح ابقه هناااا اذا خايف علئ نفسك روح ممجبور تبقه هنا روح لو سمحت 😥😥🙏
ليث. هسه هاي شيفهمه باباتي بنيتي ظلتج هنا مراح.... بعدني ممكمل كلامي وكعت بس راسن لزمته من خصره وشلتهه🙌
أسد. والله البنات عقلهن صغير 👶
ل
يث. وديته للمقر ضمدنه الجرح وشكلناله مغذي وعفته علئ السرير
اسد.هسه هاي البنيه وين نوديهه
ليث. راح أخذه وياي لبغداد
أسد. 😮😮
ليث. شبيك مصدوم اي راح أخذه وياي لان البنيه معده عم ولاخال ولا جد أخذه وياي بالبيت ويه اهلي خطيه تبقه لولد الشوارع وما شاء الله هيه حلوه مايصير تبقه
أسد. بس اخاف متقبل او تخاف منك يعني خاف تفكر انو انته تريد منه غير شي 😱
ليث. اكيد ماافكر بيهه هيج تفكير وبعدين تكعد نتفاهم
تسريع الاحداث
كعدت قمر بس هل مره هيه بحاله صدمه كاله ليث ووعده ميسويله شي بس هيه رفضت وبعدين ستسلمت لللامر الواقع وكالته اروح بعد ما أخذت منه قسم علئ القرآن انو نيته شريفه
قمر. كعدت احس نفسي بحلم حجه وياي هذا الضابط وكال آخذة وياي البغداد بالبدايه خفت منه بس بعدين رضيت لان ماعندي خيار ثاني لان معتدي أقارب وهو قسملي علئ القرآن انو ميئذيني راح هو وكال باجر اتحضري نروح من الصبح جابلي عشه اكلت شويه ونمت ممن القهر يالله قبل ساعات جانوا عايشين نمت واني الدمعه بعيني 😥😭
بدل ماتدور وتبحث علي الروايات خليها علي تليفونك وحمل تطبيقنا
