رواية خائن لا يعرف الحب الفصل الأول
امــن اذكــرك ليــش امــوت ؟ البارت الاول
تنبيه تنبيه القصه جدا جدا جدا جريئه
اليوم قصتنا تبدي من خلال فتاة بريئة احبت بشغف شخص ولكن هذا الشخص حطمها نفسيا ومعنويا ....عنوان القصة
(((((((((خِآئنِ لَآ يَعٌرفُ آلَحًبً ))))))
امــن اذكــرك ليــش امــوت ؟
انتــه ياهــو وتگــطع خيــوط الهـوه /تعريف صاحبت القصة ب الاول
طبعا اني اسمي تانيا مواليد 91 عندي اخ واحد اسمة احمد مواليد 80مامتزوج و4 بنات 3 متزوجات واني اصغر وحدة مامتزوجة اختي الكبيرة اسمها دعاء وعدها 5 اطفال 2 ولد و3 بنات والاصغر منها دينا عدها 3 بنات والاصغر دانيا عدها 2 ولد وابنية واني بزر الكعدة مامتزوجة امي ربة منزل ووالدي موظف بالنفط حالتنة زينة والحمدللة احنة من القومية الكردية وساكنين بغداد الكرخ ب 2009 جنت طالعة ويا اختي رحت لمعهد الحساسية بالعطيفية اخذنة ابنها لان عندة حساسية بصدرة كالت ومن رجعنة دخلنة لمول بغداد شفت شاب كولش حلو عيونة عسلية جسمة رياضي يطلع وزنة ب 80 وطولة ب 190 صاحب لحيةواني وزني 70 طولي 170 جسمي حلو الكل يكلي هنيالج وبشرتي بيضة وشعري اشقر وطويل من اللة وعيوني عسلية وعندي غمازات وحاجبي من اللة مرتب ومشموردخلت لمحل العطور وشفت الولد ضل صافن بوجهي وافتح حلكة اختي ضلت صافنة علي كالت هاذ شبي يباوع عليج اني غلست ماحجيت شي كملنة اغراضنة وطلعنة من المول شفتة واكف مقابيل المول ع الجهة الثانية هو اتقدم يريد ينطيني الرقم غلست سويت نفسي مامنتبه وجان يجي اخوية وهو راسأ ابتعد صعدنا وية اخوية ورجعنة للبيت دخلت سبحت وطلعت جان اختي كالت هاذ الولد شكد مايستحي كتلها يمعودة كل مااطلع اشوف 10 من امثالة جنت مامهتمة واني اصلا من اطلع مااهتم للشباب نهائيا وماحب العلاقات وهاي السوالف خلص يومنا سوالف وضحك وشقة صار ثاني يوم كعدت ب 8 الصبح لكيت اهلي كاعدين بابا طالع للدوام واخي هم طالع شفت امي كاعدة تغسل ملابس كلتلها صباح الخير يمة اخذت منها الملابس وبستها من ايدها وراسها كتلها ممنوع تشتغلين انتي هنا الملكة باستني وعيونها دمعت كالت اللة يرضئ عليج يمة
الفصل الثاني من هنا
بدل ماتدور وتبحث علي الروايات خليها علي تليفونك وحمل تطبيقنا
