رواية غيرة حب الفصل المئه و الثالث عشر بقلم احمد صابر
محمد: يلا
بصينالو ومشينا وكملنا طريقنا وكنا بنتكلم بصيتلوا وابتسمت وسرحت فيه وحسه بمشاعر متلغبطة: خلاص عارف ان أمور وربنا
انا: احم انا ان لا دا ان
بصلي وضحك بهدوء ف اتكسفت وسكت
كملنا طريقنا ووصلنا للبيت لقيناهم كلهم قاعدين تحت
محمد: مالكم قاعدين ولا الي بتشحتو ع باب السيده كده ليه
معاذ: تعالو العبو معانا
قلعت الجذمة وشديت حنين من ع الكرسي وقعدت مكانها وربعت رجلي: ها هنلعب اي
حنين: اي ده!
انا: في حاجة يا حنه
حنين: لا يا حبيبتي مفيش
جابت كرسي ليها ولمحمد وقعدو
انا: قوم
محمد: اروح فين
انا: قووووم
قام وانا اخدت الكرسي الي هيا جابتهولو وجبتلو واحد غيرو: اترزع
محمد: حاضر
معاذ: بصو احنا اللعبة عدت علينا كلنا فاضل انتو
انا: ايوه لعبة اي
معاذ: دي nots هنقلكم الحروف وانتو هتكتبو الإيجابية فيها
انا: اه ماشي موافقين
محمد: اتكلمي عن نفسك
انا: ليه يا محمد ونبي دي لعبة هنلعب شوية بس عشان خاطري ونبي ونبي
محمد: بسسسسس اييييي اديني فرصه اتكلم
انا: عشان خاطري
محمد: يلا ياعم خلينا نخلص
معاذ: مين هيسأل الأول
حنين: انا.... امممم بصو خلينا ف دي الأول اختارو رقم من من 1 ل 20
كتبت انا وهو
حنين: وروني
محمد أداها الورقة بملل
حنين: هما الاثنين اختارو 10
انا وبسقف: اي ده الله
بصلي وضحك ف ضحكتلو بطفولية
معاذ: ندخل ف اللعبة بقى... حيوان ب حرف الغين
انا: اي حيوان ب حرف الغين فيش حيوان بحرف الغين
كلهم بصولي وضحكو
انا: انت عملتها
هز راسو ب اه ببرود ف بصيتلوا بغيظ
انا: متغشغشني يا رخم... اي حيوان بحرف الغين بجد ده
ذياد: غزال
انا: ايوه صح ع فكرة انا كنت عرفها انت بتقولها ليه
كلهم بصولي بحاجب مرفوع: اي بتبصولي كده ليه يلا يابني كمل
معاذ: فاكهة بحرف الراء
انا: اي فاكهة بحرف الراء
كلهم ضربو كف ب كف
انا: مفيش والله اي فاكهة استوائية دي ولا اي
ذياد بضحك: رمان يا إيمان
انا: بتقول لييييه كنت عرفاهااااااا
محمد: طب محدش يتكلم بقى هيا هتعرف لوحدها
معاذ: فاكهة بحرف الباء
انا: بطاطس
كلهم بصولي وانفجرو ف الضحك
مازن بضحك: البطاطس فاكهة؟!
انا: امال اي
محمد: نبات
انا: ماهو مفيش فاكهة بحرف الباء
معاذ: انتي بتهزري
انا: ما ايييي هيا اي يا حظابط ونبي
محمد ببرود: برتقال
انا: كنت عرفها ع فكرة
معاذ: طب بصي دي سهلة نبات بحرف الشين
انا: شوربة
ضحكو بشده
انا: اي شربات
لقيتهم زادو ف الضحك اكتر
انا: اي نبات بحرف الشين أسألة صعبة اوي
محمد: شاي
اانا: اي ده انتو متخلفين هو الشاي نبات
محمد: ايوه الشاي نبات
انا: ده الي هو ازاي
محمد: هو الشاي ده مش بيتزرع
انا: اي ده صح
معاذ بضحك: حافظة مش فاهمة
محمد: طب لو شاطرة قولي مصر بتستورد الشاي من انهي دولة
انا: الهند
محمد: طب الهند دي ف قارة اي
انا: اسيا
محمد: طب مصر بتستورد اي تاني من الهند
انا: استنى ونبي الشاي وقطع غيار وسائل النقل والسمسم والتوابل وغزل القطن صح؟
محمد: شطرة
انا: عيب عليك دانا بابا صارف ومكلف
معاذ: خلصتو حصه المراجعة... بصو نبات بحرف الجيم
انا: جرجير
معاذ: يا فرج الله
انا وانا بسقف: انا شاطرة
محمد بصلي وهز راسو بيأس
اخدت الورقة منو: الله خطك حلو اوي انا عيزه خطي يبقى كده ونبي يا محمد
محمد: ايوه ودي اعملها ازاي
انا: اتصرف
محمد: ايوه اعمل اي يعني
انا: معرفش
محمد: ماهو انا مش عارف انا كمان
ذياد: وريني ورقتك كده ثانيه
اديتو الورقة اخدها وبص فيها وبصلي: خطك؟!
انا: تحفه صح
ذياد: اه تحفه فعلاً
انا: بطل تريقة معرفش خطي كده ليه بصراحة بحاول احسنو ومفيش برضوا
حنين: كل مابتكبري وتكتبي اكتر خطك بيتحسن اكتر
انا: طب الحمدلله هات يابني ألورق
اخدت منو الورق وقعدت وربعت رجلي تاني وكنا بطلنا لعب ببص ع محمد لقيتو ماسك الفون فأخدتو منو وكنت بدور ع اللعب الي كنت منزلاها: اي ده فين اللعب
محمد: ايوه تصدقي فين اللعب
انا: انت هتستظرف انت الي مسحتهم صح
محمد وهو بيشاور ع نفسو: انا يابنتي
انا وع وشك البكاء: ايوه ايوه اعمل بريئ بقى ها
محمد: تؤ معملتش حاجة
انا: ماااااشي اي يعني هنزلهم تاني
محمد: وانا همسحهم تاني
انا: عرفت ان انت الي مسحتهم
محمد: مانا عارف
انا: بارد يخربيتك
جبت رواية وقعدت اقرأ فيها بصيتلوا وانا عيوني مدمعة
محمد: في اي
انا بعياط: الرواية قربت تخلص ده اخر بارت
محمد: ما اي المشكلة يعني ماهي رواية مش مسلسل هندي
انا: لا ازاي تخلص دي حلوه اوي انا خايفة اوصل لأخر بارت لا و كل ما اجيب رواية الاقيها عن ظابط انا مش هخلص منك حتى ف الروايات
حنين: رواية اي دي
انا: مش عرفة انا بقرأ وخلاص
قعدو يضحكو كلهم
محمد: اطلعو اقعدو فوق
قومنا احنا التلاتة طلعنا فوق
انا وبهز وسطي: يلا يابنات تشيك شكشوك
ملك: تشيك شاك شوك
انا: روحو صحو البت نسرين تستفيد مننا
لقيناها طالعة وهيا بتسقف ع صوت الاغنيه ف قعدنا نرقص: تشيك شكشوك
حنين: انا متأكدة انك هتربي عيالك تربية صح الصح يا إيمان
انا: طبعاً يابنتي
محمد: هتربيهم ع شيك شكشوك يخراب بيتك يا محمد يابن مني العيال هتنحرف
انا: ده فن يابني فن
بصلي وهز راسو ييأس
انا: يلا يابت انتي وهيا اتنين دربن دح والغرزة الديقة
محمد: اتنين اي يا ختي
انا: دربن دح والغرزة الديقة
ضرب كف ب كف ودخل الاوضة
ملك: يعني اي اتنين دربين دح والغرزة الديقة
انا: معرفش هما بيقولو كده ارقصي يا ختي وانتي ساكتة
الجرس رن وقفلت الاغاني ورحت افتح: اخلود
اسراء: بتعاكسي جوزي قدامي كمان
انا: اسكتي انتي مش عرفة حاجة
خالد بهزار: حصل كنت واعدها بالجواز
انا: شوفتي وف الآخر يكسر قلبي اخص انا مشفتش كده ف حياتي
محمد: اممم واي كمان
بصيت ورايا لقيتو واقف فوق ع السلم وحاطط ايدو ف جيبو ببرود
انا: احم انت هنا من امتى
محمد: من اول كنت واعدها بالجواز
انا: طب عن ازن حضراتكم
جيت امشي راح ساحبني من هدومي زي الفار وبص ل خالد واسراء: اتفضلوا
ضحكو هما الاثنين ودخلو وهو ساحبني وراه زي الفار: عيب كده ياباشا مانت عارف انا وخالد بنحب نهزر مفيهاش حاجة يعني صح اخلود
خالد بضحك: صح
كان لسا ماسكني زي الفار: خلود!!
انا: عيب كده مش قدام الناس نتفاهم طيب
محمد: احنا ممكن نطلع فوق ع فكرة
انا: انت قليل الادب
محمد: شوفتي صفي نيتك يا إيمي انا قصدي نتفاهم فوق
انا: بجد
محمد: ايوه
خالد: متصدقيهوش الواد ده قليل الادب من صغرو
محمد: في اي يا عم خالد متخليناش نتكلم بقي
خالد: انا اسف يا كبير
اسراء: يتكلم يقول اي
محمد: اصل...
خالد بمقاطقة: اصل اي ها
محمد: لا متحسسنيش انك بتهددني دي اكتر حاجة ممكن تدايقني وانت عارف لو ادايقت ممكن اعمل اي
خالد: لا عاش ولا كان الي يدايقك ياباشا
الجرس رن ورحت افتح لقيت منار داخلة هيا ومصطفى
انا: اصاصاا
مصطفى: أإيمي
بص لمحمد لقاه بيبصلو بنظرة مرعبة
مصطفى وهو بيرفع ايديه ل محمد: قصدي ايمان استهدي بالله
ضحكت وقفلت الباب بعد مادخلو وكنت لسا هدخل لقيت الجرس رن: اجيب كرسي واقعد جمب الباب طيب ولا اي
فتحت الباب بس ملقتش حد طلعت براسي وبصيت
معاذ: بخخ
اتفزعت ورجعت لورا وانا بصرخ لقيتهم كلهم قامو بسرعة
محمد: في اي
معاذ: ينهار اسود هتعلق ابو الي يهزر معاكي ياشيخة
قعدت ع الكرسي وشربت ميه: التافه التاااااااافه اخوووووك
محمد: انهي تافه فيهم
مازن: والله يابني انت مشميت بتلاتة تعريفة تربية
محمد: و ايه الجديد يعنى
اتجه للباب وشد معاذ ودخلو
معاذ: باشا والله كنت لسا ف سيرتك
محمد: اممم تعالا يا معاذ متخافش
معاذ: مخافش ازاي بس
وبعد خناق بينهم كالعادة
انا: اما البت ايميلي وحشتني
معاذ: وحشتك!! الله يرحم ايام مكنتي بتقفلي عليها النور وهيا ف الحمام
انا: يا جدع ميبقاش قلبك اسود كده ده حب يابني حب
معاذ: اومال لو بتكرهيها كنتي عملتي فيها اي
انا: تؤ مش بكرها دي ام احمد دي حبيبتي والله استغفر الله العظيم يارب سامحني ع الكذبة دي طب دانا كنت بعزها جدا بقى
كلهم بصولي بحاجب مرفوع
انا: اي بتبصولي كده ليه
تجاهلتهم ومسكت الفون وكنت بقرأ رواية فجأ بدأت اعيط
محمد: ياساتر يارب في اي
بصيتلوا وعيوني حمره وعمالة امسح ف دموعي ب كمي: قلبي وجعني يا محمد مش قدرة أصدق الي حصل
محمد: مالك يا إيمان اي إلى حصل اهدي
انا بعياط وحطه ايدي ع قلبي: مش قدرة أصدق الي حصل مش قدرة
محمد: في اي يا إيمان انطقي اي إلى حصل
انا: مش قدرة اتكلم يا محمد حسه قلبي هيقف
محمد: طب في اييييي انا مش فاهم حاااااجة اهدي واحكيلي يابابا اي الي حصل وليه بتقولي كده
انا: البطل بتاع الرواية الي كنت بكراش عليه من وهو صغير اتجوز
بصلي بصدمة للحظة واتحولت عينيه من نظره قلق ل نظره مرعبة غمض عينيه وهو بيحاول يتمالك اعصابو كنت حسه انو هيقوم يديني قلمين يوقع سناني ف خوفت وحطيت المخدة ع وشي وانا بصالو من ورا المخدة ب عين وحده
حط ايدو ع راسو وفضل ساكت وانا هدوءو راعبني وكلهم بصينلو بخوف من هدوءو الغريب
حنين جت قعدت جمبي: عرفة هو لو قام دلوقتي ولطشلك محدش هيقلو بتعمل اي
انا: انا عملت اي
حنين: انتي بتسألي؟! بطل رواية اي إلى بتعيطي عشانو ب الشكل ده انتي الي كان يشوفك يقول حد مات ياما انا اتخضيت مابالك هو حرام عليكي
بصيتلها وقربت منو بحزر وحطيت ايدي ع كتفو : انت كويس
رفع وشو من بين ايديه وبصلي وهز راسو ب لاء وسابني وقام طلع فوق ف بصيتلهم وضحكت بغباء فهزو راسهم بيأس
عملت بوز البطة وهرشت ف راسي: هو زعل ليه
كلهم لطمو ع وشهم ف نفس الوقت
مازن: الله يكون ف عونو
وقام طلع فوق
حنين: هتجلطيه انتي هتجلطيييييييه
انا: في اي يا ولاه انا عملت اي
اسراء: تصدقي انك بت بارده الواد كان هيموت من القلق وخايف عليكي وانتي ف الاخر تقوليلو رواية
حنين: مفيش دم ولا احساس
منار: حصل وانا شاهدة
انا: ماخلااااااث ايييي انتو نازلين تهزيق فيا انا بجد حسيت قلبي اتكسر ازاي بطل الرواية يتجوز احنا هنهزر
كل وحده حدفتني ب المخدة ف وشي: والله مانا قعدالكم.... احظااااابط
طلعت لقيتو ف اوضة التدريب عرفت انو متعصب وقفت ع الباب بتردد: طب انا ادخل ولا ممكن يدفني لا ده محمد يا إيمان مستحيل يأزيكي... بس وهو متعصب مبيبقاش ف وعيو وعصبيتو بتبقى مسيطره عليه... لا ولو يا إيمان ولو ده حظابط انا هدخل خلاص هدخل
قربت من الباب بس رجعت بسرعة وبعدين غمضت عيني وفتحت الباب ودخلت بسرعة لقيتو بيضرب ف كيس الملاكمة بعصبية ف التفت افتح الباب بسرعة عشان اطلع بس وقفت بتردد وبصيتلو: ح حظابط
وقف ومسك كيس الملاكمة وبصلي ف خوفت وابتسمت ب غباء
تجاهلني و كمل تدريب ف قعدت بهدوء وانا حسه ان عايزه اقوم أوقع اي حاجة مش قدرة اسكت: هو انت ادايقت ليه
محمد: تخيلي كده ادايقت ليه؟
انا: لا انا بجد كنت متأثره اوي ازاي بطل الرواية يتجوز يعني ازااااي
مسك بوكس الملاكمة وبص قدامو وكان بيتكة ع سنانو ومسك شعرو بعصبية: انزلي يا إيمان
انا: نعم
