رواية غيرة حب الفصل المئه و السادس عشر بقلم احمد صابر
محمد:إيمان
انا: نعم
محمد: انا نازل هتعوزي حاجة
انا: لا
محمد: طب متنزليش تحت وانا مش هطول متقلقيش
انا: ماشي هاتلى مصاصات كتير وانت جاي
محمد: حاضر
علاء: مصاصات! طموحها ع قد طولها
انا: مش هرد عليك عارف ليه لانك انسان مهزء
علاء: ربنا يخليكي يارب
نزلو وانا قعدت ف البلكونة وشوية لقيت حنين طالعة ع السلم ف رحت فتحتلها الباب
انا: انا جعانة
حنين: قصدك اي برضوا
انا: اعمليلي اكل
حنين: هو انا خلفتك ونسيتك دانا مكسلة اعمل لنفسي
انا: حيوانة
دخلت المطبخ وهيا ورايا: الاكل اهو مين الي هيطبخ بقى
حنين: انتي
انا: حلو اوي الحلم ده هو انا بعرررررف
فتحت التلاجة: في كوفتة ولحمة ورز وحجات تانيه اهو تاكلي
حنين: لا فكك مش جايلي نفس للحمة
انا: في بيتزا اهي
حنين: لا برضوا
انا: محمد مش هنا وانا نسيت اقلو يجيب
حنين: طب اي
انا: استنى في وحده كريب اهي متقلقيش هنقسمها
حنين: حصلت نقسم الاكل!
انا: هنعمل اي محدش ف البيت يطفحنا
حنين: يلا ياختي يلا
انا: بصي قسمة العدل اهو نقسم الساندويتش هاتي السكينة
حنين: مش عارفة ليه حسه ان احنا منتنيين
انا: حسه مش متأكدة
اخدت السكينة وكنت لسا هقطع الساندويتش بصيتلها وانا بهرش ف شعري
انا: وخدة بالك اننا بنقسم الساندويتش احنا لو حد شافنا هيتف ف وشنا
حنين: عندهم حق دانتي مبتعرفيش تسلقي بيضة ليهم حق يتفو ف وشك
انا: وفوشك انتي كمان يعني انتي الي الشيف بوراك
حنين: بس يابت قلة أدب ومسخرة
انا: احنا المفروض نتكسف من نفسنا ناس مكانا كان زمانهم عملو الغدا للكل
حنين: اتكلمي عن نفسك انا بعرف بس بكسل
انا: بس يا محاسن
حنين: مش هرد عليكي
انا: اوعي منقسم السندوتش انا جوعت...
قطعت الساندويتش واديتها اخر حتة وانا اخت الباقي: اهو قسمة العدل وربنا شايف
حنين: اه فعلاً هو شايف اي ده يا غاليا
انا: الساندويتش شوفي دا أكبر من بتاعتي بصي كلي كلي
حنين: روحي يا شيخة منك لله انتي طالعة طفسة لمين ابت كده احنا معندناش حد طفس ف العيلة ب الطريقة دي
انا: لا انا اهو
حنين: انتي كسرتي مقاييس الطفاسة بطلي اكل
انا: جعانة
حنين: ياما كلي كلي
جبت علبة عصير وفتحتها: قسمة العدل برضوا
حنين: لييييه ما التلاجة مليانة عصييييير
انا: دول بتوعي ياما هاتيلك بس كباية عشان نقسم قسمة العدل
حنين: ايوه انا عرفة قسمة العدل بتاعتك دي انا عرفاها
جابت الكباية وانا حطيتلها ربع الكباية وحطيت الباقي ف كبايتي والي فاض ف العلبة شربتهم
انا: اهو ق...
حنين مقاطعة: قسمة العدل
انا: جدعة
مسكت الكباية ورفعتها قدامي وقدامها: اي معاملة الكلاب دي دانتي لو مربية كلب هتديه اكتر من كده
انا: لا مفيش كلب بيشرب عصير وانا مش بربي كلاب وانتي موجودة
حنين: لا كده كتير بقى كده كتيرر
سحبت السكينة وطلعت تجري ورايا وانا مكملة اكل: اهدي يا حنه دانا بهزر متبقيش قفوشة اوي كده
حنين: انا كلبة يا زبالة
انا: مين ده انا مقولتش كده انا قولت كلب جبتي التاء المربوطة دي منين بقى
حنين: الصبر يااااارب انتي بتعملي فيااااا كده ليييييه
انا: عملت اي يا ولاااه مانا ف حالي اهو... تعالي بس انتي شكل الجوع مأثر عليكي تعالي نقسم قسمة العدل
ضربت كف ب كف وقعدت تضحك: قسمة العدل! انتي اي مفهوم العدل عندك
انا: تعالي بس انا جعانة والله
حنين: جعانة اييييييي انتي شوية وهتكليني
انا؛ لا كده ازعل ده انا خسيت
حنين: خسيتي! والله محد خس غيري
انا: تعالي ياقلب امك من المذاكرة والتفكير ياضنايا تعالي
دخلنا المطبخ وكنا بناكل الي اتقسم وهيا بتبصلي بغيظ خلصت وعملت سندويتشات جبنة ولانشوف وطلعت كيس شيبسي من الكرتونة وطلعت برة وانا حضنة الاكل: تعالي بقى نقسم قسمة العدل
حنين: امممم
انا: دول كام سندويتش
حنين: 10
انا: حلو انتي نص وانا التسعة ونص
بصتلي بصدمة وراحت لطمة ع وشها: بت انتي في مكان ف بطنك تاكلي تاني
انا: ايوه مكان كبير كمان يلا امسكي قسمة العدل
مسكت الساندويتش وقعدت تلفو وهيا بتبصلو: ايوه دا انا اعمل بيه اي
انا: تاكليه يا روحي ولو مش عيزاه هاتيه
حنين: ياما بجد الله يكون ف عونو
انا: هو مين
حنين: الي هيتجوزك يا عيني صعبان عليا اوي احتمال تاكليه وهو نايم
انا: ومين قالك ان انا هتجوز... تاخدي شيبسي
حنين: لا ياختي مش عايزه احسن تقسمي الشيبساية كمان
انا: لا مش لدرجادي هديكي وحده بحالها انا كريمة
حنين: كريمة دي تبقي امك
بصيتلها وانا باكل: طب وليه الغلط ولما اقوم اكسر دماغك يبقى حلو
حنين: ونبي كلي وانتي ساكتة
انا: باكل اهو
حنين: يخربيت خدودك
مسكت وشي وعضتني من خدودي رحت رميه الاكل وقعدت اعيط
حنين: يخربيت صوتك اسكتي اسكتي
انا: بتعضيني لييييه انتي اتهبلتييييي
حنين: ماهي خدودك مستفزه اوي بصراحة
انا: عَيلة قليلة الادب اتفووو
حنين: شكراً
انا: العفش
حنين: طب جيبي بوسة
انا: لا ماهو انتي اتظبطي بدل مظبطك
حنين: هههههههههه
الجرس رن ورحت فتحت لقيتو جه ومعاه شنط كتير: امسكي
انا: اي دول
محمد: افتحي شوفيهم
وكان داخل جوه
انا: الي اين ستذهب
محمد: داخل انام ونبي يا إيمان مش عايز صوت انا بقالي يومين منمتش
انا: اي ده لا استنى متنامش
محمد: هنام وانا واقف يا إيمان اقسم بالله انجزي
انا: نعم يابا!!
حط ايدو ع وشو ومسك شعرو: اصل هاقعد اعمل اي
انا: انت نزلت مع صحابك وسبتني ومتكلمتش و...
كنت بتكلم وهو باصصلي وبيبتسم تدريجياً
انا: في اي
محمد: لا مفيش كنتي بتقولي اي
انا: اقعد شوية طيب
قعد وبص ع التلفزيون وهو بيفتح عينو ب العافية
حنين: بص بزمتك
محمد: اي ده
حنين: قسمة العدل بتاعت إيمان
بصلي وبصلها وبص لسندويتش وضحك بهدوء: مالها يا حنين دي حتى مدياكي اكتر منها
انا: اهو شفتي قلتلها كده يابني والله اما دي انسانة طماعة
محمد: لا ثانيه انتو مقسمين السندويتش
انا: ايوه
محمد: من قلة الاكل ف البيت حصلت تقسمو السندويتش
انا: ماحنا بصراحة معرفناش نعمل وحنين الجزمة مش راضيا واحنا زهقنا من اللحمة ملقناش غير ده ف قسمناه
محمد: طب وليه مرنتيش عليا
انا: هو احنا كنا لسا هنستنا
محمد: طب حرام عليكي دي حتة تديها لحنين انتي لو مربية كلب كنت ادتيه اكتر لامو آخذة يا حنين
حنين: انت خليت فيها لامو اخزة يابن خالتي انت خربتها
انا: ههههههههههههههههههه اه ياما مش قدرة هموووووت
حنين: بس يابت
انا بضحك: المشكلة ان انا كمان قولتلها كده
حنين: لا انا اتهزقت انهارده بمفيه الكفاية
انا: معلش خدي الساندويتش كلو اهو... ها يا حظابط هتخرجني مش كده
محمد: لا
انا: هاتي يابت السندوتش... ليه
محمد: عايز انام يا إيمان وربنا انا عيني بتقفل لوحدها خلاص
انا: طب مش هتاكل
محمد: انا حالياً جعان نوم سيبيني انام يا إيمان عشان خطري ولما هقوم هنخرج والله
انا: خلاص يابني انت هتشحت صعبت عليا خش نام
محمد: مش عايز صوت بقى ماشي 5 هدوء كده
انا: حاضر
دخل واحنا قعدنا ناكل الجرس رن ف قومت افتح قبل ميرن تاني ويصحى
ملك؛ هلوووز
انا: هششش وطي صوتك يابنتي
ملك: اي في اي
انا: محمد نايم
ملك: ايوه ياعم الزوجة المثالية بقى وكده
انا: قسما بالله يابت انتي لو محترمتي نفسك لخبطك ب الفازة دي ف وشك اسيح دمك
ملك: دموية... خدي نسرين عمالة تعيط وعيزه تيجي
انا: تعالي يامرات ابويا
دخلنا وقعدنا شوية وبعدين دخلت جوه وانا بسحب ع أطراف اصابعي عشان ميصحاش لقين نسرين داخله بصيتلها بيأس واتكلمت بملل: براحة يا زفتة احسن يصحى
نسرين: بابا
انا: اه بابا اسكتي بقى
مديت ايدي عشان اخد الفون من جمبو لقيتو اتحرك وحط ايدو ع الفون بصيت بملل ورحت الجه الأخرى عشان اجيب الفون لقيت نسرين بتطلع ع السرير بصعوبة بصيت ليها بتحزير لكن مفهمتش وهزت محمد حطيت ايدي ع بوقي بخوف...
محمد صحي ب انزعاج وبص لنسرين: اي يا نسرين في اي
نسرين وهيا بتشاور ع الفون: لعبة
بص محمد لفونو ومسكو وفتح الباسورد وباسها من خدها واداهولها: يلا يا حبيبي اطلعي اللعبي بره عشان بابا ينام
ابتسمت نسرين وهزت راسها ونزلت من ع السرير وادتني الفون فبصيت ليها بغباء: بسهولة دي وانا الي بقالي ساعة اخطط وعمالة اتنطط زي القرود حواليه
اخدت الفون وكنت طالعة ببص ورايا لقيتها بتطلع ع السرير تاني ف اتكلمت بصوت واطي: بت تعالي هنا
مسمعتش كلامي وراحت قعدت قدامو وهو نايم ونزلت تحت البطانيه وشالت ايديه وخلتو حضنها صحي وهرش ف راسو وبصلها وضحك ومسد ع شعرها وحضنها ونام طلعت وقعدت ومسكت الفون: بت كياده
حنين: هيا فين
انا: نايمة ف حضنو
حنين: طب براحة انا مالي
انا: عيلة بارده
حنين بتريقة: دا اخويا يا حنين
انا: اه يا ختي
حنين: بس يا إيمان بس
دخلت الاوضة بسرعة: اصحى يابا انت
محمد: امشي يا إيمان امشي
انا: مش ماشيا بقلك اصحى يلا عيزاك ف موضوع مهم يلا اصحى
محمد: طب لو صحيت وطلع الموضوع تافه زي كل مره
انا: اي المشكلة يعني
فتح عيونو وبصلي: اي المشكلة ازاي مش فاهم يعني انتي تصحيني عشان تكلميني ف موضوع تافه ليه
انا: قصدك ان مواضيعي تافها
محمد: اه اقصد لا مش كلها يعني
انا: طب قوم يا منيل خلينا نمشي
محمد: منيل!! نروح فين
انا: هنروح المول انهارده كلناااااا
قعدت تطنطط ع السرير نسرين قامت وقعدنا نطنطت انا وهيا
محمد: هنام ع الارض الليلة دي
انا: هو القلب وهو العين حبيبي ساكن ف الاثنين
حنين: يا حلاوووووه
انا: تعالي اتنططي
حنين: لا ياختي اتنططي انتي
ببص عليه لقيتو غمض عينو رحت ضرباه ب المخدة راح باصصلي بشر وشكلو ميبشرش ب الخير ف خوفت وطلعت اجري وهو ورايا ووقفنا عند السفرة هو من جه وانا من جه الثانيه
محمد: انتي يابت مش هتعقلي اعمل معاكي ايييييي هااا
انا: ولا حاجة اهدا يا حظابط اهدا
محمد: دانا لو مسكتك هخلي هساوي وشك ب الاسفلت
انا: خلاص ونبي حقك عليا انا دانا كنت بهزر وبعدين انا عملت اي يعني
محمد: يا غلبانة
انا: شوفت
محمد: شوفت ياختي شوفت
انا: ياختي!
محمد: ايوه
انا: لا يابا انا معنديش اخوااااات
محمد: عشان تعرفي انها بتدايق بس
انا: مش فهمة
محمد: ياااااااارب
انا: نفسي اضربك
محمد: هنهزر
انا: ياساتر عليك كئيب
اخدت الكباية ولسا بشرب افتكرت موقف ضحكني ف تفيت الميه ف وشو وبعدين حطيت ايدي ع خدي بصدمة وحطيت الكبايه: والله مكان قصدي
محمد وهو بيمسح الميه من ع وشو: بره اطلعي بره
انا: اي اي اهدا هتمد ايدك ع وحده انسه نسوان زيي ع اخر الزمن مكنوش حبه ميه الي يعملو فيك كده يا اخي
محمد: برااااااااااااااااااا
طلعت بره بسرعة وطلعت اجري ع فوق: اي ده هيام
هيام: شوف قلة الأدب والمسخرة هيام حاف كده
انا: اجيب حتة جبنة اكولها بيها يعني طيب ولا اي
هيام: لا تعالي دانتي ظريفة بقى
انا: اي ده اي ده ايدك يا هيام لتوحشك
هيام: ياما...بت متقعديش مع محمد كتير هتمسكي سلاح بعد كده الله يخربيتك
انا: لا مانا مسكتو
هيام: الله أكبر
محمد: اي العشاء هتأذن
هيام: بس ياظريف
الجرس رن وخالتي فتحت ودخلت معاها ست: سلام عليكم
الكل/ عليكم السلام
لقيتها بصتلي وابتسمت: مين القمر
والدتي: دي بنتي
الست: والله بسم الله مشاء الله دانا اخدها لإبني بقى
انا: هيا بتشتري طماطم
الست: انت اخوها
محمد: اخوها! لا انا جوزها
الست بصتلو بصدمة وانا كذالك
محمد: حاسك مصدومة مش عارف ليه طب خدي الكبيرة عندي منها ولدين ذياد واياد والتالت جاي ف الطريق ده غير البنات
انا بصدمة: ولا! هارك اسود
محمد: اي يا حياتي
الست: متجوزين ازاي انتو لسا صغيرين
محمد: مش بالسن
انا: يا حاجة ده بيهزر ده انا انت ازاي انت بتقول اي يخربيتك دانا هنجت
محمد: اركني انتي دلوقتي... ها قولتي اي
الست: قولت اي انا مش عرفة اقول اي ازاي متجوزة ف السن ده وحامل كمان وعندها عيااااال
انا: حامل اي يا حاااااااجة ينهار اسود انت اي إلى انت هببتو ده انت عبيط
مني وهيا بتحاول تكتم ضحكتها: خدها وادخلو جوه يا محمد
مسك ايدي وطلعنا: سيب ايدي يا محمد سيب ايدي
محمد: خلاص سبتها اهو
انا: اي إلى انت قلتو جوه ده
محمد: بس اي رأيك
انا: ف اي
محمد: ف اسماء الولاد ها هنسمي الثالث اي
انا بعصبية: اي إلى انت بتقولو دااااا اسكووووت دي دي الولية اتصدمت حقها دانا اتصدمت
محمد: انا قولت اي يا إيمان بس مش ده الي هيحصل ف المستقبل انشاء الله
انا: مش فهمة
محمد: مش لازم
