رواية مشاعر مبعثره الفصل الرابع عشر 14 بقلم دودي
مشيت ننعس وماجاني شي نعاس..بقيت كنتقلب.. وانا نوض.. خرجت من بيتي.. وبقيت كنتمشى... حتى سمعت شي صداع من جهة البازار.. قلبي ضرب بالجهد.. تفكرت نهار فقت وجيت الهنا ولقيت انس مع هاداك.. بقيت غادا وقلبي كيضرب بالجهد وكيزيد.. حتى دخلت وبانلي رضوان فالبيرو.. كان جالس كيراجع شي وراق.. هاد تنفست.. شافني وناض..
رضوان: كاين شي حاجة..
اسماء: غا سمعت الصداع وانا نجي نشوف شنو كاين..
رضوان: جلسي معايا شوية.. تراجعي معايا هاد الفاكتورات..
اسماء: واخا..
جلسنا وراجعنا الفاكتورات ومرة مرة كنهضرو..
رضوان: هاداك الراجل؟؟ واش عجبك؟؟
اسماء: (ضربت يدي مع البيرو.. ) واش مصر انك تعصبني.. مابيني وبينو والو..
رضوان: ايوا صافي تهدني..
اسماء: هاد البرود ديالك كيعصبني..
رضوان: شكون قالك بارد 😌
صدمني ووليت حمرا..
اسماء: سكت باراكة.. غانمشي ننعس.. ولدي غايفيق ومغايلقانيش حداه..
تنهد بالجهد..
رضوان: الله ينعل الشيطان.. وسيري لولدك..
اسماء: مالك كتنعل عليا الشيطان.. اش درتليك..
رضوان: متجهلينيش وبدلي ساعة باخرى.. سيري
اسماء: باقية يالله...
ناض وجرني داني للبيت اللي تما .. ولاحني فوق الناموسية..
رضوان: ها علاش كنقولك نعلي الشيطان.. ماباغيش نخسر معاك اسماء.. ماباغيش..
اسماء: علاش غاتخسر معايا.. انا كنبغيك ارضوان..
تصدم من جوابي .. لقاني على استعداد كامل اني نعطيه نفسي.. ومالقاش اي مقاومة مني..نزل عندي وذاب .. تبدل مبقاش هو داك الشخص الصارم.. شغفي بيه خلاني نذوب معاه.. حتى لو كان هاد الحب ديالي غلطة.. كنت مرتاحة فهاد الغلطة.. ومكنتش باغا اني نفيق منها ابدا.. جسمو اللي كان جسم رجولي .. كنت بين يديه بحال شي طفلة.. كنت فرحانة بزاف.. حتى مللي كنت مع انس معمري حسيت هاد الاحساس.. ومحسيتش ابدا بالندم حيت عطيتو نفسي.. كمل ومهضرش بزاف.. بقا غا كيشوف فيا ومطول النظر.. ومعنقني.. وانا متعلقة بيه..
اسماء: رضوان..
رضوان:ممم
اسماء: واعدني معمرك تتخلى عليا...
رضوان:( تنهد) انا حاس بالذنب...
اسماء: (طلعت راسي بالجهد.. ) مناش حاس بالذنب.. ندمان حيت كتخون مرتك معايا؟؟؟
رضوان: تهدني... لا ماشي هكاك.. غير هو .. نتي راكي مرت خويا.. وحاس كأني خنت الامانة اللي خلالي ..
اسماء: ندمان حيت عشتي معايا هاد اللحظة؟؟
رضوان: انا عايش صراع فالداخل ديالي.. بين قلبي وعقلي..
اسماء: نسا هادشي اللي وقع بيناتنا.. وانا من جيهتي مغاديش نفكرك بيه ولا ندوز بساحتك مرة اخرى.. سمحلي بزاف.. انا اللي تجاوزت حدودي..
نضت بديت كنلبس حوايجي..
رضوان: اسماء...
تجاهلت نداءه ليا.. وطلعت للدار وانا الدموع كتقطر من عيني بحال شي شلال.. محبسوش كاع.. وصلت للبيت سديت الباب وانا نشهق بالبكاء..حطيت يدي على فمي وقلبي كيتقطع.. حسيت بخيبة الامل.. ممزوجة بكسرة الخاطر.. بقدر ما كنت ماسايعاني فرحة وانا فحضنه.. جرحني..وجرحه ليا كان كبير.. ندمت حيت اعترفت ليه.. حسيت اني رخصت نفسي.. دخلت للدوش وحليت عليا الما.. وانا كنبكي.. وكنسد فمي.. وكنحاول نسكت من البكا.. دوك الدموع اللي مبغاوش يحبسو.. حتى فرغت اللي فقلبي كله.. خرجت من الحمام لبست حوايجي.. وتكيت،. مشفت لا نعاس ولا غمضلي جفن،. احساس بالخيبة والندم.. ياريتني خبيت مشاعري.. وكبحتها.. يا ريتني مدويتش كاع.. الندم اللي مكينفعش.. دوزت الليلة بزز.. حتى صبح الحال.. ومع ذلك مابغيتش نوض.. حتى سمعت حماتي كتدق فالباب..
حماتي: اسماء.. واش نتي لاباس،.
اسماء: غا معنديش الخاطر نوض..
حماتي: مال عينيك منفوخين..
غا قالت هكاك وانا نطلق دموعي تاني..
حماتي: مالك .. شنو وقع ليك..
اسماء: والو غا توحشت انس.. حسيت اني وحيدة فالدنيا بعدو.. حسيت بغيابه..
بدات كتبكي حتى هي حيت قيت ليها الجرح..
حماتي: صبري ابنتي.. حنا كلنا معاك.. نتي فوسطنا ومعاك ولدنا.. صبري الله يحفظك..
سكتن حيت بقات فيا وهي كتبكي.. خاصني نوقف على رجلي والبكا مغاينفعنيش.. خرجاتني وبقيت معاها.. كنخدم الشغول بلا خاطر.. وهي كتلعب مع ولدي.. وانا كلما تفكرت شنو طرا البارح كنكره راسي.. بقيت فالكوزينة كنقي الخضرة .. وبالي ماراهش معايا ابدا.. حتى لقيت الكرسي تجر وجلس حدايا شي حد.. تلفت لقيت رضوان.. تبدل فيا اللون وفاق الجرح فقلبي من جديد..
رضوان: اسماء.. انا بغيت نعتدر منك على داكشي دالبارح.. انا مراعيتش لمشاعرك وجرحتك..
اسماء: ولا عليك.. اعتذارك مقبول.. غير قرصتيني..ماشي شي حاجة كبيرة..
رضوان: اسماء.. عفاك.. متحسينيش بالذنب..
اسماء: وعلاش غاتحس نتا بالذنب.. انا اللي خاصني نحس بيه.. حيت تجاوزت حدودي..
نشت وخليتو .. معطيتوش فرصة يهضر..
