رواية كشف المستور الفصل الخامس عشر 15 والأخير بقلم جمانه السعيدي
بليل دزيتله رساله وصلت طمن عليك
محمد....الحمد لله وصلت وامي تدعيلكم من وصلت الهسه
هبه...ليش عايف هيج مبلغ هواي
محمد...كلش قليل على التعب الي تعبتي وياي لو انطيج عيوني قليله عليج
هبه...سالمات عيونك
محمد....الحجي شلونه تدرين اشتاقيتله
هبه... ضايج تعود عليك
محمد...كم يوم واجيكم
هبه...اهلا وسهلا
بقينا فتره نحجي اني ويا الصبح يوميه ايدزلي صباح الخير
ومرات ايدزلي مقاطع مضحكه
لو خواطر لو شعر لمن صار بلنسبه اليه ادمان تعودت علي بشكل غير طبيعي
كمت اعرف الاوقات الي يتصل بيهن وابقه منتضرته
تعلقت بي ورجع كلبي يحب مره ثانيه
رغم اني قررت بعد لا احب ولا انحب
جمانه السعيدي
فات شهر...اتصل محمد بيوم
وكال تستقبلون ضيوف
هبه....الله عليك
محمد...افتحي الباب
طفرت طفره وركضت خليت شال على راسي وركضت افتح الباب
فتحت الباب تفاجئت بي ويا وحده تخبل اكبر منه
محمد...هلو هباوي شلونج
هبه...اهلا وسهلا
محمد...اقدملج امي
هبه...ولله هاي امك ماشاء الله عبالي اختك
ام محمد..تسلمين حبيبتي عيونج الحلوات
دخلو وجايبين كومه غراض وياهم صادف يوم جمعه
مسواك وفواكه وحلويات وجايبين اليه فستان يخبل ويا شال وجنطه
ودشداشه تخبل البابا وسجادة صلا وقران
وجايبين وياهم غدا جاهز
جمانه السعيدي
ام محمد من كعدت ومابطلت تتشكر منه
ولو ما انتم ابني مات
الله يستر عليكم الله يحفظكم
بعدين اني كمت احضر السفره واجا محمد وراي
قرب عليه وكال لو تدرين شكد مشتاقلج
خجلت ودنكت
كلت بكلبي اني اكثر واكثر واكثر
محمد...عندي قضيه ممكن تترافعين بيها
هبه...اكيد بس خل اشتري مسدس واتحضر لان كل قضاياك خطره
محمد....اني احب وحده واريدج واسطه تقنعينها
هبه...نزلت حواجبي اني اقنعها
الصراحه شويه ضجت
محمد....اي انتي الوحيده الي تكدر تقنعها واذا ماقبلت كلليلها يكول اطفر على بيتهم واخطفها
لان اني عندي سابقه قبل طفرت على بيتهم واسرتها
هبه ...حيل خجلت منه حسيته هلمره حيل جريء بكلامه
محمد...شكلتي تصيرين واسطه لو اتهور واخطفها
هبه قبل لاتخطفها لازم تعرف كلشي عنها
وبعدين اتقرر تخطفها لو تعوفها
محمد....كلشي بلماضي مايخصني الي اريد اعرف هسه هي تحبني لو لا
هبه...محمد لاتستعجل اكو قصه تحدد مستقبل هاي العلاقه
صار سنوات واني ساده باب كلبي وما اقبل احد يدخل بي
بس انت اجيت وغيرت كلشي
محمد...الحمد لله طلعت بات مان واني ما ادري
واني هم اكو قصه بحياتي لازم تعرفيها وبعدين تقررين
هبه...خل نتغدا بلاول ويصير خير انشاء الله
جمانه السعيدي
خليت السفره ورتبت الاكل عليها وكعدنا اتغدينا سويه بعدين طلبت ام محمد تروح اتزور الكاظم ع
كتلهم اني اخذكم بسيارتي ونروح انزور
بدلت وطلعنا اتفقنا نزور ونطلع اني ومحمد نكعد بمكان ونحجي وام محمد تبقى بلكاظم نخلص ونرجع عليه ناخذه
ام محمد حيل فرحت بلفكره لان صار هواي ما جايه للكاظم
اتفقنا نص ساعه واطلع وهو ينتضرني باب المراد
وفعلا طلعت ورحنا كعدنا بكافيه على الشط وبدينا نحجي
هبه....اني قصتي قصه ومقرره احجيها بلتفاصيل والخيار الاخير الك تريد تقبل تريد ترفض
عمري مراح ازعل منك اذا رفضت بلعكس راح احترم قرارك ونبقى اصدقاء للابد
هاي القوه الي بشخصيتي اكتسبته من وجع الزمن الي حاربني بكل الطرق بس اني صمدت وحققت هدفي والحمد لله وبديت احجي كل تفاصيل حياتي من يوم نولدت الي يوم تعرفت على محمد
محمد....كلشي صار ماللج ذنب بي يمكن اني لومتعرف عليج معرفه سطحيه جان رفضت هذا الزواج
لكن الضروف الي خلتني اعيش وياج وبنفس البيت خلتني اعرف معدنج الحقيقي انتي انسانه مميزه بلنسبه اليه
وبعدني مصمم ان اخطبج واذا ما وافقتي اخطفج وتعرفيني محترف واكدر اسويه وشي ثاني احيي شجاعتج
وصراحتج جان تكدرين تخفين عني هواي تفاصيل وما اعرفهن بس انتي انسانه قويه
جمانه السعيدي
وهسه اسمعي قصتي يمكن انتي ماتقبلين بيه
اني اول ماتخرجت امي صممت تخطبلي بت خالي خوش بنيه وحبابه ومن باب الي تعرفه احسن من الي ماتعرفه
اني وافقت اكثر شي من باب رد الجميل الخوالي لان همه تعبو عليه حيل وفعلا ازوجنا
لكن بت خالي ماتريدني هذا العرفته بعد الزواج حاولت وياها بكل الطرق لمن تعبت ردته تحبني بس ماكدرت اغير مشاعرها من ناحيتي ابد
تكلمني بتعالي وماله خلكي تتصرف بكيفه
دائما تحاول تحسسني هي احسن مني يمكن لان ماعندي اهل جانت مستصغرتني بقينه سنه على هذا الحال
فكرت ايجوز اذا صار عدنا اطفال تتغير بس هي رفضت ماتريد اطفال مني جنت جارع المر وساكت
استحي من خوالي ما اكدر اسوي اي شي كملنا سنتين زواج واني وضعي كما هو بعدين اهلها صفو املاكهم كلها بلعراق وقررو يطلعون للخارج يستقرون هناك وهي صممت تطلع وياهم اني رفضت لان ما اكدر اعوف امي واني وياها اصلا ماكو تفاهم بينا ابد ضلت اتلح عليه
وبعدين عافتني وسافرت وياهم صار سنه تصدكين حتى نسيت اني مزوج ولاتخابرني ولا اخابرها الحد قبل هاي الحادثه خابرتني تكول طلكني اني بعد ما ارجع للعراق ابد
وابوها كان مايدها بلطلاك
جمانه السعيدي
بعد اني ماعندي خيار غير الطلاك وهمزين اجت منهم مو مني اني هسه منفصل شتكولين تقبلين بيه لو لا
هبه...اكيد اقبل بس بعد ماتفاتح بابا بلموضوع
رجعنا واخذنا ام محمد من الكاظم ع ورجعنا للبيت
ومحمد طلب ايدي من بابا
ابو هبه....بكيف هبه اني حلفت ما ادخل بمسئلة زواجه ابد
عقدنا بغداد
ورحنا للنجف هناك سوينا العرس
محمد باع املاكه بغداد اقصد حصته الي طلعت من املاك ابو
وشتر النا بيت جبير بلنجف وفتح شركة استيراد وتصدير واني بعت بيتنا وشتريت مشتمل قريب علينا البابا حتى يكون قريب عليه وفتحت مكتب محاماه بلنجف
وصار عندي توم بنات رهف ومرام ماليات عليه الدنيا
وبيبتهن تموت عليهن
مفكره بس تخلص كورونا ادز بابا للحج
الحكمه رب العالمين مايرضا بلضلم ويرجع حق المضلوم ولو بعد حين نبي الله يوسف رجع حقه بعد اربعين سنه من الصبر
ودمتم سالمين شكرا للمتابعه الحلوه والتعليقات الاحلى
احبكممممممم
بدل ماتدور وتبحث علي الروايات خليها علي تليفونك وحمل تطبيقنا
