رواية جعفر العمده الفصل السادس عشر بقلم ليل ادم
بعد مرور أربع أيام
جعفر : اي ده يا نعيم
نعيم : دي دعوه من المعلم راضي عايزك تحضر افتتاح المحل بتاعه
جعفر: وماله مش عيب برضوه
نعيم : يعني قولتلي طالع ل سيد ومطلعتش لسه زعلان منه يعني ولا اي يا معلم
جعفر: النهارده بعد الشغل هطلع اشرب عندك الشاي
نعيم : تنور يا معلم
جعفر: حبيبي يا معلم نعيم
سيف: صباح الفل
جعفر: صباح الفل تعالي أفطر معانا
سيف : لا مش قادر
جعفر: ياض بقولك اقعد يبقا تتنيل تقعد
سيف : ياعم خلاص اهو قعدت
جعفر: عامل اي في الشغل
سيف : الحمد لله تمام صحيح كنت كان في محل بره هنا حلو كنت عايز اقضي في
جعفر: نفس شغلك برضوه
سيف : اه المنطقة هنا مفيش فيها حد في مجال شغلي
نعيم: اه فعلاً فكره حلوه يا سيف
جعفر: خلاص ناكل لقمه وتعالي نروح نطل على المحل
سيف : خلاص ماشي
في جانب آخر
راضي: أنا عايز افتتاح السيده زينب كلها تحلف بي انت سامع
مرسي : من عيني يا معلم راضي
راضي: عايز رجاله ملهاش عدد عايز اي حد عقله يلعب بي عينه ترد عقله من المنظر
مرسي : اعتبره حصل يا معلم
في جانب آخر
جعفر: لا ماشاء الله المحل حلو فعلاً وعلى الشارع بس غالي ده اكيد يا معلم سيف
سيف : اه فعلاً هياخد اللي ورايا واللي قدامي بس فتحت خير أن شاء الله
جعفر: طب لو في اي حاجه وقفه معاك اسلفك عادي يا معلم سيف ولا اي رأيك نتشارك
سيف: منتا عارف يا معلم مليش في الشراكة
جعفر: خلاص تستلف وتسد على مهلك
سيف : لا والله تمام يا معلم أنا بحب أتعب في الحاجة علشان أبقا مبسوط وأنا ماسك فلوسها
جعفر: كلك أبوك يمشي كلامك يا معلم سيف
سيف : خلاص ياله بينا
جعفر: طب تحب أتكلم مع صاحب المحل أنا عارف عمك سمير حبيبي ولو عرف انك أبني هتمشي أسرع
سيف : منا قولتله اني ابنك كده كده
جعفر: وسطه يعني ( وبيضحك)
سيف : لا والله بس المحل ده عجبني اوي عايز اخده بأي شكل حاسس ان ربنا هيكرمني في اخر كرم بعدين على ناصيه وبتاع يعني شويه شغل نضيف أسمك يمشي تبقا تمام التمام
جعفر: ياض الشمس داخله العربية من كل حته هو انت بتشتري بضاعه زباله ولا اي
سيف : ياعم والله مركبلك بتاع بلادها
جعفر: ياعم بقا بطل كدب
سيف: أنا رايح المحل هات مفتاح عربيتك
جعفر: خد اوعا تلعب بيها
سيف : هيا دي يتلعب بيها ( وبيضحك)
في جانب آخر
كان مرسي جاب رجاله كتير جدا في الافتتاح وبدأت الحفله
جعفر: مش عجبني المنظر ده كل شويه الراجل ده في دماغه حاجه يا نعيم خلي بالك
نعيم : قولتلك مش مرتاح
جعفر: خليك بلاش تيجي ورايا
نعيم : طب اي أكلم حد
جعفر. : لا خليك ( وراح محل المعلم راضي)
جعفر: مبروك يا معلم راضي
راضي: الله يبارك فيك يا معلم جعفر
جعفر: وقف يابني الأغاني دي مش شايفني بتكلم يا ليفه
راضي: مخدش باله معلش يا معلم جعفر
جعفر: هو مخدش باله انت تاخد يا معلم حاجات زاي دي عيب تفوت معلم كبير زايك ولا اي يا عم انت ( وبص ل مرسي)
مرسي : (بص ل راضي وساكت)
جعفر: اهو مش بيرد اهي دي برضوه حاجات مينفعش تعدي كده يا معلم شد علي الرجاله
راضي: اي يا معلم جعفر جاي تجامل ولا تعلمني ألاصول
جعفر : لا جاي اقول كلمتين ملهمش تالت
راضي: ده كلم بجد بقا
جعفر: معلم زاي لما يضرب رجله على الأرض لحد عندك يبقا جاي يكلمك دوغري أنا أحب الدوغري
راضي: أنا عملت اي يا معلم جعفر عرفك اني مش دوغري
جعفر: ( حس أن رجاله راضي لفت حواليه لف وشه ليهم) اي تحب ترجع البيت على نقاله أنت وهو وسع ياض أنت وهو كده الجو كتم وانت يا معلم راضي المره الجايه تيجي برجاله وتحب تعمل نمره مفيش عندي غير رد واحد ( وخرج وقف وسط الشارع قصاد أهل المنطقة)
أنا المعلم جعفر العمده يا راضي يعني لو قولت يا خناق في ثانيه جيش في ضهري ( وبدأت شباب المنطقة كلها بالوقوف ورا جعفر العمده)
راضي: لا حلوه عجبتني
جعفر: ومش دافع فيها جنيه من عند ربك المحل اللي انت وقف في ده ولع على ايدي مرتين يا راضي ومعنديش مانع يولع مره تالته
راضي: وليه كل ده يا معلم أنا عملت حاجه وحشه مع حد
جعفر: تدخل السيدة لوحدك إحنا ضهرك ومعاك في اي حكايه تدخل معاك رجاله تبقا نكشتنا واحنا رجاله دمها حر منعرفش نتنكش و نسكت
راضي: وأنا مقدرش انكشك يا معلم جعفر انت عايز اي
جعفر: المنظر اللي شايفه ده لو حصل تاني مش هتكلم معاك
راضي: ولو أتكرر
جعفر: يبقا حلال فيك النار وخلي بالك دي التانيه التالته مش بالكلام التالته بالفعل يا راضي
راضي: رجالتي وأنا مش هقطع عيش حد منهم
جعفر: يبقا عيشك انت نفسك أنقطع من السيده كلها يا راضي وكلامي معاك انتها دور الكلام في راسك قبل ما أقطعها ( وراح على مكتبه)
راضي: شغل يابني المزيكا
في جانب آخر
نعيم: سبقت ليه كده يا جعفر
جعفر: ورا حد من المنطقة يا نعيم وعملت كده علشان يبقا عارف أن كل الرجاله اللي حواليه دي ولا هتنفعه وقت الجد
نعيم : تفتكر مين ورا
جعفر: يا خبر بفلوس
وبعد مرور ساعه كان رجع سيف ل جعفر
جعفر: ها عملت حاجه نضيفه
سيف : اه تمام خد المفتاح
جعفر: اي مالك قالب وشك ليه
سيف : لا عادي مفيش
جعفر: ياض في اي أنطق هو أنا عبيط
سيف : بكلم عم سمير صاحب المحل بعد ما جهزت الفلوس بالعافيه يقولي معلش والله يا سيف المحل جاب ضعف المبلغ اللي متفق معاك عليه
جعفر: يا سلام مين ده اللي يقدر يدفع ضعف المبلغ ده في المحل
سيف : بيقولي واحد اسمه المعلم راضي
جعفر: راضي
وفجأة دخلت عربيه سوداء فخمه جدا باهظة الثمن ألتفت ليها كل اهل المنطقة أقترب منها المعلم راضي وفتح الباب ليتفاجئ الجميع بنزول
الفصل السابع عشر من هنا
