رواية مشاعر مبعثره الفصل الثاني والعشرين 22 بقلم دودي
رجعت لبيتي ومهضرتش مع رضوان..وحاولت ننعس..فين هو النعاس فين...الغد ليه فقت وحاولت نخدم شغلي عادي حتى كنلقى هند واقفة ليا على الراس
هند: اااهه ظهري.. ااه يارضوان وعلاش مبغيتيش تحاول عليا. ايي
اسماء:هههه ياك بات كيشم فالهوا فالسطح...فوقاش... واخا بغيتي تكدبي متعرفيش
تقمعات... وتبدل فيها اللون..
هند:كنتي معاه؟
اسماء: اااه... وشنو بانليك...
حسيتها غاتظرطق جات عندي شدات فيا وباغا تضربني وحتى انا شديت فيها نيت قلبي عليها عامر على داكشي اللي دارت فيا.. جرات حماتنا تفك..واش غاتفكي..جوج الافعات شادين فبعضياتهم..وحدة باغا تقتل الاخرى. غلبت عليها وبديت كنضرب..حتى حسيت راسي تهزيت ويديا تشدو بجوج...اهه شحال كنحماق على حضنو..شفت فهند ناضت كلها منتوفة..جات كتجري جيهتي وانا مشدودة ومقادة ندافع على راسي حتى ضورني وبعدني عليها وانا عاااجبني الحال...اما هي غوت عليها غوتة وحدة ووقفات...كتخاف منو وهو كيخاف مني انا ههه مفارقة عجيبة... مشات لبيتها وانا عاجبني الحال... طلق مني وشاف فيا وانا كنضحك...
رضوان: اسماء.. باراكة من المشاكل عفاك...
اسماء: هي اللي جات تضربني. وانا غير دافعت على راسي..
رضوان: اا..من الافضل ترجعي الخدمة معايا حسن..وهاكدا تبعدو على بعضياتكم..
اسماء: لأ.. انا غانقابل ولدي..
رضوان: هي ناويين تحمقوني بجوج بيكم...
اسماء: سوقك هاداك..
تمشيت باستفزاز قدامو وانا ضاحكة..ضرت لقيتو كيضحك وشاد فلحية ذقنو..الحركة اللي معروف كيديرها ديما...
رضوان: اسماء
وقفت وضرت نشوف شنو باغي...
رضوان: بغيت منك واحد الخدمة..
اسماء: اما هي😀..
رضوان: انا قررت نتعالج..قررت نولي اب..
اسماء( تبدلات فيا الضحكة حيت فكرني بالجرح): وانا مالي..
رضوان: خاصني ندير تحاليل.. وبغيت المساعدة ديالك
اسماء: مساعدة ديالي انا؟ فاش
رضوان: دابا التحاليل ديال الدم..كيجبدو الدم ياك...والتحاليل ديال الخصوبة...خاصني مساعدة
شداتني هيستيرية ديال الضحك...ومقديتش نحبس الضحكة...
رضوان.شحال كتباني زوينة مللي كتضحكي... ها اش قلتي...
اسماء:امم ناء شوفليك مع الزوجة الاولى...
رضوان: خاص التحاليل يكونو مقادين باش النتيجة تكون مضمونة...
اسماء: راه غايكونو مقادين معاها...
رضوان:(قرب لعندي بهدوء) انا باغيك نتي...
اسماء: ( قربت عندو بهدوء تانا) انا مازال نافسة
صدمتو وفشل ههه مشيت وانا كنضحك وخليتو مفقوص وحاظ يدو على راسو... اييه هادشي غا القليل...
بديت كنحاول نفقص رضوان باي طريقة..وانا عارفاه كيموت عليا.. ولكن كبريائي مكيسمحش ليا..ولكن فرحت حيت رضوان قرر يعيش...وانا السبب باش ولى باغي يدير الاولاد...الشيئ اللي كتر من ثمن السنين دابا ومافكرش فيه...حتى عرفني انا... خاصني نعرف كيفاش حتى تزوج هند من اساسه...مدام ما هتمش يولد معاها..ودابا ولى مهتم...
