رواية مشاعر مبعثره الفصل الثالث والعشرين 23 بقلم دودي

رواية مشاعر مبعثره الفصل الثالث والعشرين 23 بقلم دودي 

كالعادة دازت ايام وانا ديما فاقصة رضوان.. كرامتي فوق كل شيء.. وعاد نشوفو الحب.. حتى شعلت فيه العافية مزيان.. 

رضوان: مناوياش تسامحيني.. 

اسماء: لأ.. 

رضوان: راك غاتندمي.. 

اسماء: دير اللي عجبك.. 

شوية كنسمع كلمة مستوعبتهاش.. بحال الى كنحلم.. 

ولدي: بابا .. بابا.. 

شفنا فيه بجوج.. تصدمنا.. والاغرب انه كيشوف فرضوان وكيقولهالو.. ناض عندو هزو وعنقو بالجهد.. 

رضوان: عاودها.. قولها تاني.. شنو سميتي.. شكون انا.. باباا.. 

دمعو عينيه وهو كيسمع هاد الكلمة.. اللي عاش محروم منها.. وحتى انا فرحت بزااف.. بقا كيلعب معاه وجابليه بزاف دالهدايا.. وكيبوس ويعاود فيه.. وهند محاملاش الموضوع..رجعت نتدلل عليه تاني .. 

رضوان: انا بغيت ندي الولد لواحد البلاصة واش غاتجي معانا.. 

اسماء: فين غاتديه..

رضوان: غاتجي معانا ولا لا.. 

اسماء: اني جاية..

رضوان: واخا... 

مشيت معاه وبقا يصوك حتى خرج من المدينة.. وصل لواحدالفيلاج.. واتاجه لواحد الدار صغيرة وقديمة شوية.. 

اسماء: اش هاد البلاصة.. 

رضوان: جبت حبيب بابا يشوف ارض جدو.. وارضو.. شوف احبيبو هاد الارض كوووولها ديالك.. 

فعلا كانت ارض كبيرة وواسعة.. باينة هادي هي اللي كان يهضر عليها وارتينها.. 

رضوان: ندخلو للدار؟؟؟ 

اسماء: علاش؟؟

رضوان: كيفاش علاش.. دارنا واش حسابك جايبك لبرتوش ولى.. 

اسماء: واخا.، 

دخلت ومع الحلة ديال الباب وهو مورايا وهاز ولدي.. لقيت ورد متناثر.. وورقة كبيرة مكتوب فيها "كنبغيك".. تصدمت وتلفت شفت فيه.. لقيتو داير راسو مشغول مع ولدي كيلعب.. دخلت ولقيت الورد متناثر لجهة واحد البيت.. تبعتو.. ولقيت بيت النعاس.. عامر بالورد وبالشموع.. وفالناموسية ورقة مكتوب فيها"سامحيني حبيبتي" فرحت بزاف ومشيت عندو كنجري.. 

اسماء:كنبغيك.. كنبغييييك.. ههههه 

حط ولدي وشد راسي بيديه بجوج.. وانا حاسة راسي غانطير.. 

رضوان: مكنتش عارف اني غانبغي شي نهار.. وغانكون ضعيف هكا.. 

اسماء: كنبغيك بزااف.. 

عنقتو.. وحتى هو باس راسي.. حسيت راسي اسعد وحدة فالكون... بقينا تما وجدنا الماكلة بجوج.. ومرة مرة كيبوسني.. تلفونو كيصوني مرة مرة.. وكيطفيه.. باش يركز معايا.. حطينا الماكلة.. ووكلتو.. ووكلني.. ولدي داه النعاس وحطيتو ينعس.. 

اسماء: رضوان.. معليش نسولك؟؟ 

رضوان: سولي احبيبة.. 

اسماء: كيفاش حتى تزوجتي هند.. 

رضوان: احم .. الواليد الله يرحمو كان صاحب باها.. وزوجونا.. قصة سخيفة ياك..؟ 

اسماء: يعني متزوجتوش عن حب؟  

رضوان: لا.. لوكنا تزوجنا عن حب معمري كنت غادي نخونها.. ولا نبغيك.. 

اسماء: يعني مكتبغيهاش دابا.. 

رضوان: شوفي اسماء.. هند بالرغم من كلشي هي زوجة وفية.. ومطيعة.، ومعمر خسرات مع الواليدة.. فيها كاع المواصفات ديال الزوجة المثالية.. 

اسماء: كتشكر فيها قدامي.. بعد مني.. انا غانمشي ننعس..

رضوان: اسمااء.. 

مشيت تخشيت فناموسية.. وغطيت راسي.. سمعت حسو جاي جيهتي.. وجلس حيد الغطا على راسي.. 

رضوان: وا سير نتا قاد المفاجأة وكون رومانسي.. باش تجي هي وتنعس وتغطي راسها.. 

اسماء: سير عند هند.. سير.. 

رضوان: اجي لهنا واش نتي هضرة جوج تهربي مني وديري السبة؟؟ بغيت حقوقي يالله.. بغيت حقوقي الزوجية... 

اسماء: وعتقو الروووح .. اختطفني.. عتقوني..

رضوان: هههه سكتي شوهتينا.. 

هادا هو رضوان.. بقدر ما هو صعب الميراس.. الا انه حنين ورومانسي..نعست على صدرو والليل كله وانا كنحس بيدو كتدوز على شعري..نضنا الصباح.. وانا عايشة رومانسية الدنيا والدين... ولكن مطوالتش بزاف دغيا رجعنا للدار.. مكرهتش شي مرة نجيب حماتي هنا.. وتشدلي ولدي وانا نعيش الرومانسية مع رضوان.، خخخ الانانية ... 

             الفصل الرابع والعشرين من هنا