رواية حظ عاثر الفصل الثالث و العشرون بقلم ليل ادم
رحاب : دكتور بعد اذنك
الدكتور: اي ده انتا اي اللي حصلك بس
ادهم: ياعم أنا تمام شوف بس الراجل اللي طالع من تحت عربيه ده
الدكتور: منا عارف ده كمان انتوا اي اللي عمل فيكم كده
حماده: ياعم أنجز ابوس ايدك جسمي كله منمل
الدكتور: انتا واكل اي
حماده: واكل دريملي
الدكتور: اي ده هو في اكل اسمه كده
أدهم: يا دكتور بلاش تسأله تعامل معاه علي أنه عنده هبوط خود كل اختياراتك علي الاسوء
حماده: اسمع كلامه هو عارف انا كلت اي
سعيد: مالك يا ادهم
ادهم: مفيش مشكله عادي بس حماده اللي تعبان اوي
سعيد : هو فين حماده
حماده: ياعم أنا قصادك اهو انتا عبيط
سعيد : ينهار اسود اي ده يا حماده انتي وشم ضاع يابني
حماده: وربنا ما هسكت بس أخرج من هنا
سعيد: يابني تخرج تروح فين دنتا ولا عشر سنين عبال ما تقف على رجلك
الأم: ( جايه من البيت جري على الخبر وكان معاها ام حماده)
الأم: ادهم مالك وريني وشك مين اللي عمل فيك كده
أدهم: مفيش حاجه والله أنا تمام
أم حماده: طب حماده ابني عمل اي يا ادهم
حماده: يا جدعان أنا كده بقلق كل اللي يدخل يسأل عليا وانا قصاد عنيكم في اي
الأم: ( شهقت بصوت عالي) هو ده حماده
أدهم: اه هو
أم حماده: مين عمل فيك كده يابن الموكوسه
حماده: وربنا ياما على غفله
أدهم: غفله اي بس انتا اللي صممت تروح تجيب حقي ياريتك كنت قفلت بوقك
حماده: والله ما هسكت يا اخويا ادهم
أدهم: ايوه ايوه عندك حق تعالي انا وانتا و ناخد سعيد وعمك جمال ونروح على هناك
حماده: ينهار اسود يا ادهم كده مش هنلحق العزاء
ادهم: اي ده مين مات
حماده: عمك جمال
أدهم: ( بتأثر ) لا إله الا الله مات امتا ده
الأم: صحيح مين حط اليافطه دي كلها في الشارع
حماده: أنا هو عم جمال قليل ياما
الأم: مش موضوع كده بس انتا كاتب العزاء عند أم ولاء مين ام ولاء دي
حماده: أنا كاتب كده
الأم: اه
أدهم: ياجدعان مش وقته بس والله أنا زعلت اوي حاسس اني شايل ذنبه
حماده : لي هو انتا اللي قتلته
أدهم: لا بس سمعت كلامك و ثبت الراجل في الشارع
رحاب: عمره يا ادهم البقاء لله
ادهم : الله يرحمك يا عم جمال يارب
سعيد: والله زعلان عليه اوي تصدق
الدكتور: خلاص تقدروا تمشوا وكل واحد منكم يشتري الحاجات دي يعمل غيار في البيت تمام
ادهم : تمام ماشي يا دكتور
بعد الوصول إلى المنطقه
ادهم : اطلعي انتي ياما اظبطي عزاء الحريم وانا هكلم بتاع الفراشه ينصب العزاء بسرعه قبل المغرب
الأم: تعيش و تفتكر
ادهم : اعيش و افتكر اي ياما الراجل مات امبارح هو مات من سنه شدي ياما على فوق الله يكرمك
حماده: أنا كلمت الراجل قالي ساعه ويكون هنا وكل حاجه تمام بس في مشكله
أدهم: اي
حماده: ممعيش غير أربعين جنيه والراجل عايز الفين جنيه
أدهم: ياعم معايا فلوس سهله بس اليوم يتقضا
في جانب آخر
الأم: اي ده مالك يا حبيبه بتعيطي ليه
حبيبه: مفيش
الأم: هو الواد ايمن في حاجه
حبيبه : لا الحمد لله أنا بس زعلانه شويه
الأم: مالك طيب هتخبي على فاتن
حبيبه: زعلانه على جمال اوي يا فاتن
الأم: اي ده بتتكلمي بجد
حبيبه: اه والله انتي عارفه رغم كل اللى بيني وبينه بحبه اوي
الأم: لا دنتي غريبه والله أنا دخله
حبيبه: أنا غلطانه اني أتكلمت معاكي أصلا
الأم: أصلك كنتي كل شويه انتي و هو قافشين في خناق بعض
حبيبه: بس كنت بحبه والله يا فاتن
الأم: الله يرحمه ويغفر له بقا خلاص يا حبيبه
في جانب آخر
كان العزاء اتنصب وبدأ يشتغل
ادهم: عارف اللي مزعلني اي
حماده: اي
ادهم : ولا دفنته ولا غسلته ولا اي حاجه
حماده : ولا أنا والله
ادهم : نعم أما مين اللي دفنه
حماده: عمك سيد العطار اخر مره شوفته فيها كان هناك
ادهم : حماده اوعا تكون شارب حاجه يخرببت امك الناس اللي جوه دي كلها هتكمل ضرب فينا أنا دفعت الفلوس اللي في جيبي كلها
حماده: أنا رايح اجيب عمك سيد العطار علشان تصدق كلامي
ادهم : اه ياريت الله يكرمك خليني اطمأن لحسن كلامك وجع قلبي وكركب بطني
حماده: طب خد خلي الكيس ده معاك
ادهم : هات
بعد ما راح حماده يجيب عم سيد
ادهم : شكر الله سعيكم جميعاً يا رجاله ( وفتح الكيس ) يخربيت امك يا حماده كل ده برشام انتا اي يابني
في جانب آخر
حماده: عم سيد انتا مجتش ليه
سيد : اجي فين
حماده: فرح عم جمال
سيد : يابني بطل ام اللي بتشربه ده شوف الراجل من امبارح نايم فين ( ورفع ايده أشار إلي الطريق العمومي كان نايم عم جمال على سريره)
حماده: الله اكبر هو لسه عايش
سيد العطار: روح يا حماده خود الراجل بيته
حماده: هات السماعه دي طيب
سيد : هتعمل بيها اي
حماده: ياعم هات السماعه هعمل بيها اي يعني
سيد : خود
حماده: بتشتغل من غير كهربا
سيد : اه
خد حماده السماعه الكبيره وراح عند عم جمال شغل اغنيه خمسه خمسه بصوت عالي
عم جمال:( قام مفزوع) يابن الكلب عايز مني اي تاني الله يحرقك
حماده: تعالى انتا قاعد هنا وسايب ليلتك ( شد السرير وحط السماعه على قلب عم جمال ولسه الاغنيه شغاله وادخل الشارع والصوت عالي جدا)
ادهم :(أول ما شاف السرير طلع يجري يستخبا في غرفته )
الأم: في اي يا ادهم
ادهم: في مصيبه ياما مصيبه
أم سعيد: شوفي ياختي الناس اللي متعرفش ربنا اغاني وعزاء الراجل شغال
أم أيمن: ( قامت زعلانه جدا) اي قله الذوق دي و (بتفتح الشباك )
أم أيمن: ينهار اسود
حماده علبه: (بصوت عالي) عم جمال عايش يا حاره عنتيل المنطقة وصل
العزاء كله قام مستغرب اي اللي بيحصل ده
حماده: وقع على الأرض ربنا استجاب ل دعائي يا عنتيل مصر شايف ليلتك حلوه اذاي ( ورفع السرير وقع منه جمال على الأرض)
أم أيمن: يخربيتك يا مجنون الراجل هيموت في أيده قوم يا ادهم الحق حماده بسرعه
ادهم : وكتاب الله ما أنزل لو حصل اي
أم أيمن: أنا نازله يا اخويا ( وفتحت الباب نزلت جري ونزل معاها الحريم العزاء كله اتقلب مره واحده الي فرح كبير أن عم جمال عاش من تاني )
جمال: ( بصوت عالي) يا مجانين يولد الكلب
أم أيمن: انتا لسه عايش يا اخويه
عم جمال: هو أنا هموت واسيبك يا بومه يابنت الخنشوره
أم أيمن: ياراجل اسكت بقا كتك البلا في لسانك اللي عايز قطعه ده
حماده: (بصوت عالي) كيس البرشام فين يا ادهم المنطقة كلها لازم تاكل دريملي النهارده ربنا استجاب دعائي ياما
أدهم: حد يخرس ابن الجزمه ده هنتحبس كلنا
جمال: هات واحده يا علبه يابن الحراميه
حماده: واحده بس افتح بوقك يا عنتيلللللللل
عم جمال: اهو
حماده: ( فتح الكيس حطه كله في بوق جمال بلع اكتر نص الكيس )
حماده: دلع كرشك يا عنتيل
جمال: قلبي قلبي هيقف يابن الجزمه
حماده: زوقه يا عنتيلللللل
جمال: ( بصوت عالي) اااااااااه وفقد الوعي
