رواية حظ عاثر الفصل الخامس و العشرون بقلم ليل ادم
بعد مرور ست شهور
ادهم : يابنتي عايز أنام الفون وقع على وشي اربع مرات لحد الوقتي
رحاب : خلاص روح نام بس بكره تعالي بدري لحسن سامي مبقاش طايقك من ساعه الجوازه باظت
ادهم : اه والله بقا غريب معايا بس علي نفسه أنا بكره هكون اول واحد في المكتب أنا اللي هفتح الصبح ( وبيضحك)
رحاب : خلاص وانا هتصل بيك أول ما اصحا اتفقنا
أدهم: اتفقنا تصبحي على خير
رحاب : وانتا من اهل الخير
في جانب آخر
كان عم جمال فك الجبس وبقا طبيعي
جمال : ياوليه فين الشيشه بقالي ساعه عمال أبرم في البيت كله عليها
أم أيمن: اهي يا اخويا أنا شايلها علشان متتكسرش
جمال : طب ياله يا روقا حجر حلو بقا
أم أيمن: من عيوني يا قلبي
جمال: يا عيني على الخناشير لما تدلع
أم أيمن: لو لسانك يتعدل يا جمال ممكن تموت فيها متقدرش تتكلم من غير ما تقل أدب أهلك
جمال: أهلي مالهم يا وليه يابنت الجزمه
أم أيمن: الخلفه اللي انتا عارفها بتجيب ل أهلها اللي انتا عارفه
جمال: لا والله معرفش الناس اللي انتي قصدك عليهم كفايه انتي تعرفيهم يامو الخناشير
أم أيمن: مش بقولك لسانك عايز قطعه
جمال : هكتبهالك في ورقه لو لساني أتقطع
أم أيمن: شد شد منا مش هخلص معاك
جمال : والنبي حلو ومتأسس
أم أيمن: اي متأسس دي يا اخويا هو أنا عماره
جمال: ياوليه متأسس يعني شبعان يعني متربي على الغالي حاجه تملأ العين
أم أيمن: هقولك اي منتا راجل دماغك عطلانه
في جانب آخر
كان سعيد خف وأصبح طبيعي
أمل: مش قادره والله يا سعيد تعبانه اوي
سعيد: هو أنا كل ما اقولك هاتي حاجه تقوليلي كده
أمل: الدوخه مش عايزه تسبني والله
سعيد: خلاص بكره نروح ل الدكتور علشان أنا بدأت أقلق عليكي كده
امل : لا استنا اليومين دول لحد ما تيجي من وسع
سعيد: لا العلاج دا أساسي ملوش دعوه بأي ظروف بكره أن شاء الله نروح ل الدكتور
امل : يعني معاك فلوس
سعيد: اه الحمد لله
امل : خلاص علشان الموضوع بقا كل يوم يزيد معايا والله
سعيد: معلش بكره نروح أن شاء الله
أمل : انتا بتكلم مين وش الفجر كده
سعيد: الواد حماده
امل : حماده اي زمانه نايم
سعيد: اه والله من ساعه ما نزل الشغل وظبط حاله وبصراحه بقا شخص تاني خالص
امل : هو كان مستني فرصه واديها جت لحد عنده وبصراحه طلع فعلاً قد كلامه
سعيد: هو ابن حلال والله الواد حماده بس كان في كوكب تاني غير كوكب الأرض كان في زحل تقريباً
امل: مين سحل ده يا سعيد
سعيد: دا الراجل بتاع العيش اللي على أول الشارع نامي ياما نامي
في الصباح الساعه العاشره صباحا
الأم: ادهم انتا يابني
ادهم : اي يا ست الكل صباح الورد
الأم: تليفونك خرب رن من الصبح قوم شوف مين وياله علشان تفطر
ادهم : ( طلع التليفون من تحت دماغه ) ألو
رحاب: اي ده يا ادهم هو دا اللي هصحا بدري
ادهم : لا استني كده ( وبص ل ساعه التليفون) احيه
رحاب: ( بتضحك) أنجز علشان قالب عليك الدنيا
ادهم : سلام سلام
الأم: تعالي أفطر يا حبيب
أدهم: هو انتي مش وخده بالك أن الساعه داخله على ١١ وكتاب الله أنا لو صاحب المكتب ما هيكون عندك الثقه دي كلها
الأم: اعملك اي مش انتا اللي نايم زاي القتيل
ادهم : وانتي فين دورك ك أم تصحيني من النوم
الأم: هو الفطار ده مش دور الأم ولا ده الدور الرابع
ادهم: لا وماشاء الله حسك الفكاهي شغال ولا كأنك عامله مصيبه بعدين اي ده مين يفطر سمك بلطي على الصبح كده
الأم: هعملك اي مش بايت من امبارح
ادهم: اه ف كفايه عليه كده في البيت نفطر بيه صح
الأم: انتا مفيش حاجه بتعجبك امشي امشي
أدهم: منا ماشي افطري انتي بقا سمك قرش حتا ربنا معاكي
الأم: شوف الواد عايزني أكل سمك قرش علشان اموت
ادهم: والله ما حد هيموت في البيت ده غيري سلام
الام: طب اغسل وشك يا منيل
ادهم : هه مضحكتش
الأم : علشان دمك سم
أدهم: سلام
الأم: سلام
في المكتب
سامي: خود يا بيه خود تعالي رايح فين
ادهم: عم الكوكب
سامي: مش شايف انك جاي بدري اوي
أدهم: لا طبعا مفيش حاجه كتير على الشغل أنا لو عليا مش عايز امشي من هنا والله من كتر حبي في الشغل
سامي: خلصت الورق اللي خدته مني امبارح
ادهم : لا لسه
سامي: ليه
أدهم: منا بقول لحضرتك من كتر حبي في الشغل مش عايزه يخلص لما بيخلص بزعل
سامي: انتا بتهزر مخصوم منك اليوم اتفضل شوف شغلك
ادهم : هو حضرتك كل يوم تخصم اليوم أنا كده اخر الشهر مش هيطلع جنيه في مرتبي
سامي: أنا لو عليا عايز اخصملك كل نص ساعة مش كل يوم
أدهم: طب ممكن ادخل أبصم عندك جوه
سامي: انتا مجنون ياض تبصم فين
ادهم : منا عملتها قبل كده
سامي: كنت راضي عنك يا متخلف اجري أمشي
ادهم: كنت راضي عني ولا عن مدام حبيبه يا نمس انتا ( و بيمسك سامي من خده و بيضحك )
سامي: ( بصوت عالي) تحفه امشي اطلع بره
أدهم: ياساتر عصبي بشكل ( وخرج جري من المكتب )
رحاب: والله تستاهل
ادهم : أنا برضوه اللي استاهل ولا اللي مسهراني طول الليل
رحاب: منا سهرانه معاك ومع ذلك جيت في ميعادي
ادهم : أنا غيرك يا بنتي أنا راجل مهم
رحاب: على فكره حماده صاحبك هيتنقل من المكتب القديم وجي هنا
أدهم: اي ده بجد
رحاب: اه والله ومش كده وبس غاده نفسها اللي طلبت نقله لانه مستواه كويس
ادهم: هو أنا هجيب حد وحش برضوه بس ربنا يستر معاه من سامي
رحاب: هنشوف ممكن تلاقي داخل المكتب في اي وقت
ادهم: يابن اللعيبه يا عليه
رحاب: بلاش علبه دي هنا بقا
أدهم: لا خلي بالك اوعي تقولي كده قصاده ل يزعل
رحاب: ياعم اي اللي يزعل في كده بلاش اسم الشهره هنا
ادهم: شهره اي يابنتي هو اسم فعلاً حماده علبه
رحاب: ينهار ضحك يعني أبوه اسمه علبه
ادهم : اه
رحاب: الله يعينه على أسمه
ادهم : مش هنفطر ولا اي
رحاب: اي ده مفطرتش مع فاتن ليه
ادهم : أفطر سمك بلطي على الصبح انتي هبله انتي كمان ولا اي
رحاب: ( بتضحك) هيا فاتن عامله سمك بلطي على الصبح
ادهم: ياريت دا بايت من امبارح بتقولك لما يبات بيحلو قال
في جانب آخر
غاده: حماده خلي بالك هناك في واحد اسمه سامي مش عايزه معاه اي مشاكل الله يهديك
حماده: حاضر والله
غاده: حماده بكلمك بجد علشان هو دماغه ناشفه
حماده: همرهمه سيبي عليا أنا
غاده: هتعمل اي
حماده: أنا هعرف أسستمه يعني
غاده: طب ادخل تالت مكتب على اليمين بتاع رحاب و أدهم أستنا هناك
حماده: ماشي
وفعلاً دخل حماده المكتب
بتاع الأمن : لو سمحت حضرتك مين
حماده: أنا مستر حماده صاحب المكتب يابني انتا نايم على ودنك ولا اي وسع كده
الأمن : أسف يا مستر حماده اتفضل
حماده: ( بعد ما دخل ) هيا قالت أول مكتب على اليمين ولا الشمال اه افتكرت على الشمال
وفتح باب المكتب مره واحده
حماده: مفاجأة
سامي: مش في حاجه اسمها أستأذن
حماده: اي ده لا معلش أنا دخلت المكتب غلط
سامي: خود هنا انتا مين
حماده: أنا حماده علبه
سامي: اه منا قولت كده أصل وشك مش غريب عني مش انتا اللي كان الظابط معلقك في المستشفى لحد ما الشبكه ترجع
حماده: جدع انتا كده
سامي: اه انتا اللي غاده قالت عليه أصل أنا كنت ناقص مصائب
حماده: اي يا رايق مالك في اي
سامي: رايق
حماده: أنا بقالي اربع شهور حابس نفسي علشان أتعدل شكلك هتضيع عليا الدنيا كلها
سامي: مش سامع
حماده: بكلم نفسي عايز تسمع ليه الله
سامي: المكتب هنا يبدأ من الساعه تسعه الصبح لحد خمسه تمام
حماده: وماله النظام نظام برضوه
سامي: في بصمه بره تيجي تبصم يومك ينزل واخر النهار تبصم
حماده: يومي يطلع صح ( وبيضحك)
سامي: تحفه هترد عليا ولا اي
حماده: وربنا ل أصرصرك حاضر
سامي: بتقول اي
حماده: قولتلك لما اكون بكلم بنات أفكاري سبني خالص
سامي: روح شوف شغلك المكتب التالت على اليمين
حماده: اه يبقا أنا كده اللي استاهل
سامي: بنات افكارك برضوه
حماده: الله يفتح عليك يا بو وش عكر انت ( وخرج من المكتب)
فتح باب المكتب بس المرادي من غير ما يتكلم خاف يكون غلط تاني أول ما شاف ادهم و رحاب اطمأن وفتح الباب
أدهم: اي يا حماده ادخل يابني مالك
حماده: ياعم الراجل اللي في البتاع اللي جمبكم ده صبحني على الصبح
ادهم: صبحك اذاي يعني
حماده: دخلت عليه بدال ما ادخل هنا سمعني ربع مشكل حلفت ل أديله صرصار يطلع من نفوخه
ادهم: حماده انتا مش قولت خلاص مفيش من الكلام ده تاني
حماده: ياسطا ده مش من أجلي ده من اجل المكتب كله الراجل ده لو سكت كلنا هنبقا في التمام اسمع منى
رحاب: مش فاهمه حاجه هو عايز يعمل اي
حماده: عايز اعمل شاي ( وبيضحك)
رحاب: خود علشان أنا عارفه اني مش هفهم منكم كلمه الورق اهو ومعاك حماده في القضية دي
ادهم: رايحه فين
رحاب: عندي مشوار كده
ادهم : راجعه على هنا ولا
رحاب: ممكن على البيت من بره بره بس كده كده فاتن عايزاني بليل
حماده: ( بيضحك)
ادهم: استني بس ثواني في اي يا حماده
حماده: بتقولك فاتن عايزاني بليل ( وبيضحك جدا)
رحاب: هو طبيعي
ادهم: اه لأ هو كده تمام أخلعي انتي وانا هتكلم معاه
رحاب: ماشي سلام
ادهم : يابن الجزمه أمسك نفسك قصاد الناس
حماده: مش قادر يا اخويا ادهم حاسس اني مزفلط كل ما اجي امسك نفسي تفلت مني
ادهم: انتا رايح فين
حماده: فنجان القهوه ده يخص مستر ليشع اللي جوه ده
ادهم: يابني بلاش هتعمل مشكله
حماده : عيب عليك دا كيتامين ❤️❤️❤️❤️❤️❤️❤️❤️❤️❤️❤️❤️❤️❤️❤️❤️
