 |
رواية أختي والمرايا الفصل الثاني 2 بقلم رينالجزء الثاني والأخير من إسكربت "أختي والمرايا"... أختي الصغيرة كانت بتعرف حاجات كتيره أوي قبل ما تحصل؛ وخصوصاً حاجات غريبة والأغرب لما كانت في كل مره بتنكر اللي بتقوله وإترعبت أكتر لما شُقتها بتكلم حد في المرايا .. وبعدين إزاي هل كل ده تخيلات وبس وليه أنا بس اللي بشوف الحاجات دي وغيري لا؟!!فضلت واقفه قدام المكتب ببص على الجمله اللي أختي كتبتها : - "قدامك ساعه واحده بس" مكنتش فاهمه معناها إيه ويعني إيه أنا قدامي ساعه واحده بس؟!.. إتصدمت لما سمعتها بتقول لماما برا : - "رِين هتموت النهارده"... وبعدين لقيتها بتكمل الجمله وقالت : - "لو نزلت الشارع"... مكنتش عارفه حتى ماما إزاي مردتش عليها وقتها .. ولقيت نفسي من الرعب بتخذ قرار غريب أوي وهو إني قطعت الورقه اللي في الكشكول وجريت ناحية باب الأوضة وقفلته عليا بالمفتاح وقررت إني مش هطلع نهائي من الأوضه النهارده نهائي مهما يحصل.. عدت الساعه حتى إني وصلت لنهايه اليوم وكنت كويسه ومحصلش أي حاجه فضلت أقول لنفسي وأنا قاعده على المكتب : - يعني أنا لو كنت خرجت النهارده كان حصلي حاجه زي ما قالت؟!! ولا إيه بالظبط اللي بيحصل؟! شوية ولقيت نفسي بقول تلقائي : - مين؟ إستغربت أنا ليه قولت كده؟؟! وفجأة لقيت أختي الصغيرة بتخبط الباب وبترد عليا وبتقول : - يا رِين ماما بتقولك مش هتيجي إنتِ مأكلتيش حاجه النهارده!! كنت مستغربه أنا عرفت إزاي فرديت عليها وقولت بعد ما هديت شويه : - ومش هاكل .. وبعدين المفروض تعرفيها لوحدك دي... مردتش أختي الصغيرة عليا ومشيت وأنا قولتهم إني عندي مذاكره كتير ومش عايزه حد يزعجني النهارده ولما أعوز آكل هاكل لوحدي.. قعدت أسأل نفسي وأقول : - طب أنا عرفت إزاي إن في حد هيخبط عليا دلوقتي؟! تاني يوم قابلت صاحبتي مارينا في كافيه ما بس في كام حاجه غريبه حصلت اليوم ده .. وإحنا جايين نقعد فجأة لقيت نفسي وأنا بمد إيدي وبمسك الشنطه بتاعتها قبل ما تقع وفعلاً الشنطه وقعت وأنا مسكتها بصراحه وقتها فضلت أبص على إيدي وأنا مستغربه عرفت إزاي؟! لدرجه إني شكيت في نفسي وقتها بعدها بدأنا نتكلم أنا ومارينا بس مارينا كانت غريبه أوي اليوم ده بتبصلي بغرابه أوي وشوية وسألتني : - ها فهميني بقى يا رِين إيه اللي بيحصل معاكِ اليومين دول في البيت؟! بدأت أحكيلها كل حاجه .. ومارينا مكنتش مصدومه نهائي عماله تبص ليا وهي بكل غرابه وحاسه إنها مش مصدقه أي حاجه بقولها ليها نهائي.. وفجأة لقيتها مسكت إيدي وقالتلي : - يا رِين المشكله فيكِ إنتِ مش أختك... فضلت مِبلمه وقولتلها من الصدمه : - أ.. أنا... إزاي ؟!! لقيتها فجأة بتطلع الفون بتاعها وفتحت الماسنجر وورتني رسالة الرسالة اللي في الصوره دي من الفون بتاعها أنا بعتها ليها إمبارح.. والمشكلة أنا مش فاكره الرسالة دي أنا بعتها أمتي ؟! .. بعت ليها ريكورد ورساله مكتوب فيها : - إسمعي الريكورد ده بكرا لما تروحي البيت!! وبعدين قالتلي : - إنتِ بعتي ليا إمبارح الرسالة دي والريكورد ده يا رِين .. الريكورد إنتِ حكيتي فيه كل حاجه حصلت النهارده قبل ما تحصل .. المشكله فيكِ إنتِ.. أنتِ اللي عرفتي وفاة جدك وإنتِ اللي بتتخيلي حاجات كتير أوي بس إنتِ مقدرتيش تعترفي لنفسك لأنه موضوع مرعب فقولتي إن أختك هي السبب .. خليتي نفسك تتخيل إن أختك هي السبب .. وأقل حاجه الشنطه اللي كانت هتقع من شويه إنتِ عرفتي قبل ما يحصل يا رِين.. قُمت من غضبي وخوفي وبدأت أصدق كلامها فعلاً ولما سمعت الريكورد أنا فعلاً حكيت فيه كل حاجه حصلت قبل ما تحصل لغاية اللحظه دي وقولت : - يـ.. يعني المشكله فـ.. فيا أنا ؟!! لقيتها قامت وقربت مني وقالت : - اه يا رِين .. شوفي إنتِ عملتي إيه وهتفهمي... قبل ما أمشي لقيت نفسي بقولها وأنا بمسح دموعي بكل تلقائية : - مـ.. ستحيل.. مستحيل... أول ما روحت البيت لقيت أختي قاعده بتلعب فضلت أبص عليها وأنا مش فاهمه الغلط فيا ولا فيها .. دخلت أوضتي وقعدت أفكر يمكن أنا كتبت شئ غلط عملت حاجه غلط مع الأسف مكنتش لاقيه أي حاجه نهائي فضلت قاعده على الأرض بعيط وأنا غضبانه من نفسي وعلى اللي عملته في أختي الصغيرة ولقيت نفسي بقول بكل هدوء : - المشكلة فيا أنا.. أنا... شوية وبردو لقيت نفسي بقوم من على الأرض ووقفت قدام باب الشقة مستنيه حد هيرن الجرس وفجأة لقيت صاحبتي ساندي جايه وجابت الورق اللي كانت أخدته مني وقالت : - إنتِ عرفتي إزاي إني جيت؟! رديت عليها وقولت بعد ما بلعت ريقي من الخوف لأني مش مصدقه أي حاجه بتحصل حرفياً وقولت : - سمعت صوتك على السلم فحسيت إنك إنتِ اللي جايه وطلع تخميني صح !! ضحكت وبعدين قالت : - شكراً يا رِين على الورق بجد إستفدت منه كتير!! أخدت الورق منها وفجأة لقيتها بتقولي بصوت هادي أوي : - أنا لاحظت حاجه غريبه أوي في الورق بتاعك!! رديت عليها وقولت : - لاحظتي إيه يا ساندي ؟! ردت وقالت : - إنك متهيألي لما بتسرحي في المذاكره بترسمي عين.. يعني الورق كله مرسوم فيه عين كتير أوي وده غلط يعني سمعت خرافه زي كده.. وبصراحه مش فاكراها المهم هي حاجه مش كويسه بلاش تعمليها!! فضلت أفكر شويه في كلامها حتى إني مردتش عليها ولقتيها بتودعني ومشيت.. قفلت الباب وبدأ كلام ساندي ومارينا يتكرر في عقلي .. بعدها بدأت أفتش في كل ورقي ولقيت نفسي برسم العين دي كتير أوي وممكن تكون هي دي العين هي السبب إني أشوف كل اللي بشوفوه ده .. مكنتش أعرف إيه الحل ولقيت نفسي باخد الورق كله بشكل هستيري من على المكتب أي ورق كنت راسمه فيه العين دي وحرقـ.ـته كله .. بقيت اليوم مطلعتش من الأوضة وكنت قاعده على الأرض وسانده ضهري على السرير ونمت في مكاني من العياط والتعب.. بعد يومين فعلاً حسيت بتغيير في حاجات كتير بدأت تحصل منغير ما آخد بالي حسيت إن المشكله إتحلت وإن الغلط كان فيا أنا حتى إن أهل بابا جُم زارونا وأنا مكنتش أعرف أي حاجه ولا حسيت بأي حاجه .. ورحت صالحت أختي الصغيرة اللي ظلمتها وكنت أنا السبب واإعتذرتلها وقولتلها لما كانت قاعده بتلعب يعد ما طلبت مني إني ألعب معاها : - أنا آسفه زعلتك الفتره اللي فاتت.. ممكن يكون بسبب ضغط الإمتحانات حقك عليا !! ردت وقالت : - هسامحك بس لو ساعدتيني وأنا ببني البرج بتاعي بالكوتشينه!! ضحكت وبدأت أساعدها ولقيتها بتسألني : - تفكري لو حطيت آخر كوتشينتين هيقع البرج كله ولا لا!! كنت خايفه من إجابتي وقتها ورديت عليها وقولت : - هيقع!! بعدها حطت آخر كوتشينتين بحذر وقالت : - غلط موقعش!!! ضحكت وقولت لما إتأكدت إني بقيت كويسه ومش بشوف أي حاجه من المستقبل تاني : - أحسن حاجه إنو موقعش!! لمتابعه روايات سكيرهوم زورو موقعنا علي التلجرام من هنا |
تعليقات
