رواية الأرملة السوداء الفصل الثاني 2 بقلم جمانه السعيدي
هشام صرت اتابعها بحواسي مركز اهتمامي عليه
ما اعرف شنو الي جاي يصير وياي
اريد بس فرصه احجي وياها
خلص الاسبوع وكلشي تمام عدها بعض الأخطاء بس اني كنت اغطي عليه
ورا الاسبوع اجتني
رواء هااا استاذ انشاء الله راضي عني
هشام اي كلشي ممتاز
رواء يعني راح اكمل وياكم
هشام اكيد تكملين ويانه
بس اريد اسئلج سوال بس مو تفهميني غلط
رواء لا استاذ اتفضل
جمانه السعيدي
هشام انتي ليش كل يوم تجين بنفس الملابس وما تغيربهن
دنكت وبعدين رفعة راسها وكالت
احنا أمورنا حيل تعبانه واني كلشي احصله يروح للمسواك
والايجار
وما اكدر اشتري ملابس جديده
هشام اني راح انطيج فلوس وروحي اشتري ملابس
وعطور ومكياج
تعرفين شغلنا هنا يعتمد على المظاهر
واربدج تطلعين ب احلى شكل
رواء شكرا استاذ الله يحفظك
طلعت فلوس وانطيتها حتى اجهز نفسها
من رجعنا للبيت
امي هااا شلونها هاي البنيه الي تشتغل عدكم
همام ولله ما منها اي فائده
هشام خطيه عليك ولله حبابه ومؤدبه وشايف شغلها على اكمل صوره
همام شنو شايفه شغلها اصلا كلشي ما تعرف
اني اكول نمطبها حسابها مال الاسبوع
ونطردها
احسها فكر حتى شغلنا مو مثل قبل من دخلت علينا
وشغلنا تعطل
هشام استغفر ربك الرزق بيد رب العالمين هي شبيدها قابل
همام انت الكلام وياك ضايع على شنو متمسك بيها ما ادري
امي كلام اخوك صحيح
هشام يمه عاجبتني واريدها تكمل شغل ويانه ومراح اطردها ابد
عفتهم ودخلت غرفتي
اجت ثاني يوم لابسه فستان اسود مشجر باخضر فاتح
وشعرها مغيره التسربحه
ومكياجها يخبل
ولابسه حذاء اخضر كعب طالعه مثل الاميرات
باوعت عليها وابتسمت
هي شافتني ودنكت
جمانه السعيدي
كامت كل يوم تجي احلى من اليوم الي قبله
احسها تتقرب مني وتحاول تلفت انتباهي عليها
اصلا هي ما تحتاج اتعب نفسها اني عقلي طاير وياها
شهرين وصارت حافضه الشغل حفظ
وحافظه الزباين واحد واحد
والزبونات الي يجن للمحل يطلبنها بلاسم
بطل همام ينتقدها ويحجي عليها
طبعا هي حاسه همام كاره وجودها بلمحل
لان دائما يباوعلها نضرة غضب وعدم رضا ويصيح عليها
وما عاجبه شغلها
بعد فتره من شغلها ويانه
اخذت حسابه وكمنا نتراسل اني وياها
ورا ما استلمت راتبها بلشهر الرابع الي داومت بي ويانه بلمحل
اجت يوم شكله تعبان وحزينه واكو اثر ضربه على وجهه
اني شفتها تخبلت
هشام شبيج ليش هيج وجهج
رواء ما بيه شي وكعت
هشام لزمته من وجهاااا هذا مو اثر وكعه هاي ضربه مبينه
رواء لا وكعت استاذ
هشام احجي انتي جاي ياذيج احد
رواء لا لا مابيه شي وراسا وكعن دموعها
هشام انتي ماتكدرين تحجين هنا امشي نطلع اني وياج
لأي مكان واحجي
ايجوز اكدر اساعدج
طلعنا اخذتها بسيارتي ورحنا كعدنا بمطعم
طلبنا عصير
هشام يله احجي شنو صار وياج
رواء ابوي يسكر وياخذ كل فلوسي واذا ما انطي يضربني
البارحه راد من عندي فلوس
رغم هو قبل كم يوم اخذ الراتب كله من عندي
هشام هو شيستغل ابوج
رواء كلشي ما يشتغل كاعد وساكت
هشام ماعندج عمام خوال تروحين تكعدين يمهم
رواء لا ما عندي اي احد اروحله
هشام وامج
رواء امي ميته
هشام الله يرحمه
رواء اكله اني استلم راتب شهري وانت تأخذه مني
ما يفتهم
بربد بس تخلص الفلوس الي عنده اني تنطي غيرهن
منيين اجيبله
هشام ما عليج اني راح انطيج فلوس انطي وخل يسكت
ليروح يضربج مره ويصير بيج شي
رواء لا استاذ انت شنو ذنبك وياي
هشام ايجوز رب العالمين خلاني بطريقج حتى اساعدج
رواء انت ما مقصر وياي ابد
هشام هاج هذا المبلغ انطي اله وانشاء الله اني راح الكالج حل واطلعج من هاي المشكله
جمانه السعيدي
رجعنا للمحل واني افكر شلون راح اخلصها من هاي المشكله
ما اجه ابالي غير فكرة الزواج
اي ليش لا ازوجها واخلصها من ابوها وتسلطه عليها
رجعت للبيت وقررت افتح الموضوع ويه امي وهمام
هشام اني عندي موضوع مهم اربد احجي وياكم بي
امي احجي شكو خوما اكو مشكله
همام لا ما عدنا اي مشكله احجي شكووو
هشام اني قررت ازوج
همام تزوج من يمته انت تفكر بلزواج
امي تحجي صدوك
هشام اي ولله اني فكرت وقررت ازوج
همام عندك وحده معينه
هشام اي رواء
امي رواء منو
همام اوكفي يمه خل افتهم رواء الي تشتغل عدنا
هشام اي اني عاجبتني حيل واريد ازوجها عدكم مانع
همام انت شتعرف عنها شنو أصلها شنو فصلها
منو ابوها
منواهلها شنو ضروفها
اني كلبي ما مرتاح الها ابد
هشام اهووو هو تحقيق اني شعليه باهله اني البنيه عجبتني وخلص
همام ماكو شي اسمه عجبتني وخلص
ما اسمح تدخل البيتنا بنيه ما نعرف عنها اي شي
هشام اني الي راح ازوجها مو انت واني قابل بيها بكل وضعها
يعني اذا كانت فقيره او من عائله بسيطه شنو ذنبها بله
همام افهم اني ما اعيرها بفقرها بس الناس ما تنحزر
خل نسئل عنها
ونعرف كلشي يخص حياته وبعدين ارتبط بيه
هشام اني راح اسئل عنها انت مالك شغل اني الي ارتبط بيه واني الي اسئل عنها
انت ليش تعامل الناس بتعالي وشايل خشمك على العالم لان انت الله رازقك
اتقي الله شويه
امي كافي لاتتعاركون ماكو زواج قبل لا تكمل سنة ابوكم
وهاي البنيه ماتدخل بيتي
اذا ما اعرف أصلها وفصلها
الزواج شراكه العمر كله مو يوم لويومين
لازم يكون قرار الزواج مدروس وصحيح
كافي انتهى النقاش كلمن يروح الغرفته
راسي كام يوجعني من وراكم
وبعد لاتتعاركون كدامي...
بدل ماتدور وتبحث علي الروايات خليها علي تليفونك وحمل تطبيقنا
