رواية سائق القصر الفصل الثالث 3 بقلم جمانه السعيدي
نرجس....اجا دوري حتى احجي قصتي
اني البنت الوحيده الاهلي بابا ازوج ماما عن حب
كان يعشقها بشكل مو طبيعي
تعرفو على بعض بلكليه واول ماتخرجو ازووجو
كانو متفاهمين بشكل مو طبيعي
اما بلنسبه البابا ورث فلوس وعقارات عن اهله وكان انسان
حيل محضوض من ناحية التجاره
لو يلزم التراب يتحول ذهب
عكس عمي طلال الي مضيع كل فلوسه على السهر والونسه
وكان دائما ياخذ من فلوس من بابا
وكلما يفتح مشروع يخسر لان مايهمه الشغل ابد
اهم شي يتونس ويعيش حياته
طبعا ابد مايخلي اللوم على نفسه
اكيد يلوم الضروف والوضع واي شي كدامه
بس يلوم نفسه لا
وابنه انكس منه انسان مايحس بلمسوليه ابد
كاضيه سهر وشرب ويدور بنات
و مايدور مستقبله واخر اهتماماته يشتغل ويطور نفسه
المهم احنا عدنا أملاك هوواي وخير من الله
على عكس عمي الي خسر كلشي ومابقاله بس هذا القصر
الي عرضه بلفتره الاخيره للبيع
بسبب الخسارات الي نزلت علي
وكان دائما يجي يشكي يم بابا على وضعه وشلون الفكر يركض ورا
وهو تعبان بس مجاي يحصل من تعبه اي شي
قبل بداية الدوام بفتره تعرض بابا وماما الحادث ومع الاسف اني ماكنت وياهم
كنت اتمنى اكون اني وياهم بهاي الرحله
لان الحياة بدونهم لاتطاق ابد
من سمعت الخبر انهاريت ودخلت بمرحله من كئابه وحزن فضيع
كنت البنت الوحيده والمددله
وفجائه لكيت نفسي وحيده بهاي الدنيا
احس نفسي مثل الضايعه بصحراء وماتندل ولا تعرف اي شي
ماكو يمي بهاي الفاجعه بس بيت عمي
الي اني مااطيق اي احد بيهم
لكيتهم محتضنيني ويواسوني واني داخله بدوامه
من الصدمه
بعد الفاتحه عمي قرر اروح اعيش بيتهم
ماكان عندي خيار ثاني
انتقلت اعيش وياهم بس هم من عالم واني من عالم ثاني
ابد اني وياهم مانشبه بعض
حياتهم منحله وماكو اي احترام بينهم
عمي قرر بس تطلع أربعين بابا نزوج اني وهمام
اعترضت ورفضت
بس ماكو فايده همام انسان فاشل اني وياا مانرهم واحد للثاني
بس اني ماعندي احد يدافع عني
كان زواج حزين للغايه اولا اني رافضه هذا الزواج
ثانيا اني بعدني حزينه على اهلي
ثالثا...همام مو رجال ولا يحس بلمسوليه
ماكان زواج بمعنى الزواج
مجرد عقد شيخ وثنيبن شهود وعقد محمكه
عمي قرر من تطلع السنه الاولى الوفاة امي وابوي يسوي عرس ويعزم الناس كله
جمانه السعيدي
عمي زوجني الهمام مو حتى يحافظون عليه لو محبتا بيه
بس خاف ازوج واحد ثاني وهمه كلشي مايحصلون من الفلوس
رغم اني اعرف كلشي
بس ماكدرت اغير الوضع ابد
من يدخل همام للغرفه احس نفسي جاي اختنك
ابد مااطيقه اكره واكره انفاسه بلغرفه
على العموم
ولا ليله مارجع سكران وتليفونه مايسكت ابد
عندا علاقات لاتعد ولا تحصى
كل البنات مصادقاته علمود يصرف عليهم
عصبي وارعن واستغلالي وكل الصفات الموحلوه بي
اني متحمله بس اريد اخلص جامعتي
وساعته دقيقه ماابقه على ذمته
لازم الكه حل الهاي المشكله
جمانه السعيدي
اني وهمام على طول مشاكل اني لا اطيقه وهو لا يطيقني
وبلاخير اللوم يوكع كله عليه
زوجت عمي وعمي يوكفون بصفه واطلع اني الغلطانه
وخاصة زوجت عمي
تكوول المره الشاطره هي الي تكسب الرجال
ساعته انفجرت عليه وكتله لمن يكون ابنج رجال عود احاول اكسبه
تعاملني اتعس معامله رغم هم عايشين بخيري ويصرفون من فلوسي
اني حتى هذا السايق الجديد اشك همه مخلينه جاسوس
عليه حتى يراقب تصرفاتي
لان همه يعرفون اني رافضه العيشه بيتهم
ويخافون لا اغدر بيهم بيوم من الايام
على العموم اني ماكو بيني وبينه بس السلام وبس
اصلا اني احس حياتي ماشيه بلكووه
معتز....فات ٢٢ يوم على وجودي بلقصر وماكو بيني وبين
نرجس بس السلام
اخاف أتجاوز حدودي وياها بلكلام
لان اشوفه كلش حزينه وماله خلك وماتنطي مجال
الحد مايوم كان جمعه وبيومه ماشفت نرجس لان ماكو دوام جامعه
بس الصبح رحنا جبنا مسواك اني وتالي
والعصر احتاجوا كم شغله من السوبر ماركة رحت جبتهن
بليل زوجت طلال ام همام كانت عدها سهره هي وصديقاته
وطلبت مني اوصله وابقا انتضره
للساعه وحده ونص بليل واني واكف انتضره
طلعت وهي تمشي مامسيطره على نفسه
ماخذه مخدرات مدري شاربه سم
فتحتله الباب وصعدت ساعه تضحك ساعه تغني
ساعه تكول خل نروح على الكورنيش
وصلته للبيت دخلت السياره بلكراج ونزلته
صحت تالي تجي تساعده حتى توصل الغرفته
قفلت السياره ومنتضر تالي تجي حتى انطيه المفتاح
وهي كبت العيطه نرجس وهمام
اسمعه يغلط عليه
انتي مصيبه مو بشر منيين طلعتيلي الله ياخذج ويخلصني منج
وهي ترد علي...الله ياخذني واخلص من هاي العيشه
انت مو بشر حيوان لا احساس ولا فهم
هو يكله اني حيوان راسا بدا يضربه وهي كامت تعيط
اجيت ادخل بس ترددت
خاف يلوموني كلهم هي وزوجه انت ليش تدخل
راسا طلعت نرجس تركض حافيه
اني واكف بلكراج ماشافتني بس اني شفته من طلعت
بعدني مامسلم المفتاح كنت منتضر تالي تجي تاخذه
مالكيت نفسي اله اركض اريد الحكه خطيه تركض وتبجي
وشعرها مخربط
شكد سريعه اريد الحكه ماكووو
تركض وتبجي بصوت عالي
بدل ماتدور وتبحث علي الروايات خليها علي تليفونك وحمل تطبيقنا
