رواية جعفر العمده الفصل الرابع بقلم ليل ادم
(في اليوم التالي)
صفصف : جعفر اخوك سيد غلبان بس انت عارف طول عمره ماشي ورا وداد بنت فتوح علشان خطري حنن قلبك على اخوك بلاش تقف قصاد اخوك لحد ما يرجع ل عقله
جعفر: متقلقيش ياما أنا عمري ما هعمل حاجه تقل من اخويا الكبير سيد كرامته من كرامتي مش هينفع اي حاجه ياما
(في جانب آخر )
نعيم : أنا جيت لحد عندك علشان لو حصل حاجه تانيه محدش يقول ساب أخته
وداد : عايز اي يا نعيم ولا جعفر اللي بعتك
نعيم : هو انتي فاكره جعفر لو عايز يعمل معاكي حاجه حد هيقدر يقوله لأ أنا جاي لجل ما انقذ اختي من تحت ايد جعفر
وداد : ايوه يعني اعمل اي يعني
نعيم : ولا اي حاجه كل اللي عايزه منك تبقي في حالك بلاش تنفخي في النار علشان نار جعفر يا وداد محدش هيقدر عليها مفيش حد في السيده كلها هيحط ايده عليكي لو جعفر حط نفسه
وداد : ( فتحت باب الشقه) مع السلامه يا نعيم
نعيم : تمام تمام اللي تشوفيه يا وداد
سيد : ( طالع على غفله كان خارج نعيم من باب الشقه )
سيد : بتعمل اي هنا يا نعيم
نعيم : بعمل اي هنا دي اختي يا سيد
سيد : لا مش اختك ولا تعرفك ولا نتشرف أنها تعرفك
نعيم : سيد انت بتقولي أنا كده
سيد : وداد
وداد : نعم يا اخويا
سيد : عايزه حد من البيت ده تاني هنا
وداد: لا يا اخويا اللي تشوفه يمشي
سيد : تعالي معايا كده بقا على جعفر علشان يبطل شغل العيال ده
نعيم : اوعا ايدك يا سيد عيب عليك جعفر ولا يعرف حاجه عن جيتي هنا
سيد : طب أمشي نروح ل جعفر علشان نقفل الموضوع ده ( وشد نعيم على مكتب جعفر)
جعفر : ( بص ل سيد بصه كلها غضب ساب سيد نعيم )
نعيم: أنا سبته ماسك فيا لحد عندك هنا علشان المره الجايه متزعلش مني يا جعفر
جعفر: ماسك نعيم كده ليه يا سيد هو انت ماسك حرامي
سيد : محدش من طرفك يطلع عند وداد تاني يا جعفر كده انت بتكسر كلام المجلس
جعفر: بعد اذنك يا نعيم اطلع انت
نعيم: ماشي يا جعفر
جعفر: انت فاكر يا سيد اني لو مش عايز وداد تدخل السيدة من الأساس كان في حد في الكوكب يقدر ياخد معاها خطوه جوه المنطقة كلها
سيد: تسمي اي نعيم يطلع عند وداد
جعفر: اخته ياجدع أخته يا اللي مش بتفهم
سيد : أنا مش بفهم يا جعفر
جعفر: اه يا سيد ودماغك أد كده أنا مكنتش فوق ولا أعرف أن نعيم طالع بس أنا مستعد اقولك اللي طلع نعيم اي ولو عايز احكيلك اللي حصل كمان احكيلك نعيم طلع يربط مع أخته يحط ليها سقف يدوس على العقل علشان عارف لو قفلت معايا مش هشوف حد انت فاكر اني ساكت على كل ده ليه أنا ساكت علشانك افهم
سيد : كتر خيرك بس أنا عند كلامي يا جعفر صفي كل الشغل اللي بنا
جعفر: ملكش جنيه في كل اللي انا فيه ده ومع ذلك لو عايز فلوس أديك بس ترجع ل عقلك يا سيد بلاش نقع في بعض علشان واحده كلها تسع أيام ويخرج شوقي وتبعد عنك تاني
سيد: جعفر شيل وداد من دماغك
جعفر: والله يا ابن أبويه انتا عارف انها لو في دماغي كان اي اللي حصل
سيد: تمام ( وخرج من المكتب)
في جانب آخر
لمياء: مش بترد عليا ليه يا سيف
سيف : لمياء أنا هحل اللي حصل ما بنا بس اللي في دماغك ده مش هينفع أنا عملت مشكله مع بابا بسبب اللي شافه امبارح
لمياء: اه علشان أنا بنت الرقاصه وانتا ابن المعلم جعفر صح
سيف : لمياء انتي عارفه اني مش كده ولا عمري فكرت كده بس انتي عارفه جعفر
لمياء: واللي حصل ما بنا يا سيف هعمل اي معقول تسبني بعد كل ده
سيف : أنا مش هسيبك يا لمياء افهمي أنا مش هسيبك
لمياء: خلاص اكتب عليا عرفي علشان أصدق كلامك
سيف : مينفعش يا لمياء انتي بتقولي اي بس
لمياء: عرفت انك عايز تبعد عني
سيف : والله ابدا بس اهدي بس خليني اعرف اتصرف
لمياء: ماشي يا سيف
سيف : سلام
بعد مرور تسع أيام كان خرج شوقي و كارم من السجن وكان في الانتظار حماده فتح الله و بعض أهل المنطقة. واستقبال كبير جدا ب خروجهم من السجن
حماده: الف شكر يا رجاله الف شكر ليكم جميعا
شوقي : خود ياض يا كمال
كمال : نعم يا معلم شوقي
شوقي : عايز المنطقة كلها تفرح تلات أيام ليل نهار
كمال : احلي افراح واحلي تلات ليالي من أجل خروجك يا معلم شوقي انت والمعلم كارم
وفعلاً بدأت الناس في تعليق الأنوار والفراشه
جعفر: نزل يابني اللي انت عامله على البيت ده
العامل: ده علشان خروج المعلم شوقي وكارم من السجن يا معلم جعفر
جعفر: يعني كانوا خارجين من الحربية نزل اللي انت عامله ده يا ليفه
العامل : تحت امرك يا معلم
جعفر: خود ياض يا مصطفى
مصطفى: نعم يا معلم
جعفر: انتا مش واقف شايف الراجل عمال يفرش قوله لا يا ليفه
مصطفى: مخدتش بالي والله يا معلم حقك عليا
جعفر: واخد بالك بس من ٢٠٠ جنيه اللي ثريه اديتهالك قالتلك هات اخبار الشارع بيهم
مصطفى: ها لا مفيش حاجه يا معلم
جعفر: مفيش حاجه هو أنا اهبل ياض
دخل شوقي ومعاه العامل و وقف عند جعفر
جعفر: روح انت يا مصطفى
شوقي : يعني ينفع الواد يطلع يحط فرع نور بمناسبة خروجي تقوله لأ
جعفر: اه
شوقي : اه اي عيب دنتا ابن بلد حتا يا معلم جعفر
جعفر: ابن بلد مع الجدع إنما مع اللي شبهك الأسفلت يستجار مني
شوقي: شوف أنا واخد أجازه منك ومن المشاكل تلات ايام تلاته بس يا جعفر بعد التلات ايام دول اللي هتشوفه مش هتصدقه
جعفر: اي هتقلع ملط في الشارع
شوقي: توقع مني اي حاجه يا جعفر وعايزك دمك خفيف كده لحد النهايه تعالي يابني بلاش تحط نور على البيت سيبه مضلم كده
جعفر: اه يابني والنبي سيبه ضلمه عبال ما أضلم نور عينك يا شوقي
(في جانب آخر )
كارم : حصل حاجه
شوقي : عملت اللي قولتلك عليه
كارم : حصل
شوقي: اشرب يا جعفر يا عمده علشان اللي جاي كله شرب وبس ❤️
