رواية الأرملة السوداء الفصل الخامس 5 بقلم جمانه السعيدي
رواء كمت اعيط بصوت عالي همام همام الحكلي
دخلت للغرفه بسرعه وشكيت ملابسي
من الصدر ومن الكتف
همام كعدت متأخر اليوم لان البارحه سهران ويه جماعتي
امي سافرت الاخته تشوفه
واني دخلت سبحت
وطلعت بس بلفانيله والشورت
ودخلت غرفتي انشف نفسي سمعت رواء تعيط
همام همام الحكلي وكعت
بسرعه ركضت
الدرج كل خمس بايات اطفر سويه لان رواء تعيط بشكل هستيري
ما اعرف شنو صار وياها
دخلت لكيته واكعه بلكاع بس قربت عليه كامت تعيط
كومني ووكعت
دنكت عليه وكومته وهي راسا لزمتني من الفانيله وكامت
وكامت تعيط بصوت عالي
حقير ماتستحي جان احترمت اخوك ما موجود
شتريد مني عيب عليك
اني عفته وهي باقيه لازمتني
وكل شويه تعيد هذا الكلام
وكنما تريد احد يسمعه
بس ماكو احد بلبيت بس اني وياها
هشام رجعت للبيت بسرعه دخلت وركض صعدت فوك
جان اسمع رواء تصيح
عوفني ماتستحي جان خليت اعتبار الاخوك
مع الاسف عليك جنت حاسبتك اخ اليه
كل مره اعدي واسكت
واكول ميخالف هسه يعقل ويبطل
بس انت ما منك فايده ابد
جمانه السعيدي
همام اسكتي حقيره شكاعد تكولين اكيد تخبلتي
هشام دخلت وجان اشوف منضر مخزي وماتتحمله العين
رواء ملابسه امشككات
وشعرها كفشه وتدفع بهمام
وهمام بملابسه الداخليه
هشام هاااي شنو ليش هيج هاي عود انت اخوي
شلون اتسوي هيج
همام شبيك شكاعد تكووول انت شفهمت
ترا انت فاهم الموضوع غلط
هي الي صاحت عليه
ومن اجيت لكيته بهذا المنضر
هشام جان استحيت مو من عندي من رب العالمين
كل مره تكول يتحرش بيه
واكول جذب همام ماتطلع منه العيبه
همام انت صدكته تريد توكعنا بمشكله ولك اني اخوك شلون اباوع الزوجتك
رواء اي هذا الحجي ما يعبر علينا صار ساعه تتهجم عليه
و شككة ملابسي عليه الله واكبر جي فقيره وماليه احد
اعرف انت تكرهني من زمان
بس كلشي اله شرفي
ما اقبل تعتدي عليه ابد
هشام ولله اني ما مصدك ولك ليش هيج
همام اوكف لاتهتمني باطل
جمانه السعيدي
هشام اني اصيح واغلط على همام وهو يدافع عن نفسه
وما احس اله رواء طلعت حديده
من جوه الجربايه
وضربت همام بقوه على راسه من ورا
ضلت تضرب بي
كانت حركه سريعه جدا
واني فكري مشتت بهاي اللحضه
وهمام مامنتبه ومنطيه ضهرا
راسا وكع همام بلكاع
والدم ترس الكاع
اني تخبلت كعدت بلكاع وحضنته وكمت اصيح عليه
ليش ليش هيج
هاي شسويتي
ليش ضربتي
رواء ادافع عن نفسي قابل اسكت واني اشوفه يعتدي على عرضي
وحضرتك جاي تعاتبه وتناقشه
ابدال ما تاخذلي حقي منه
هشام حضنته وكمت احجي وياااا همام همام حاجيني
حاجيني همام هاي شبيك ليش سكتت
يمكن سوء فهم لا تعوفني همام
راسا وجه صار اصفر وادي ثلجن
خليت راسي على صدره
ما اسمع اي نبض
هشام مات مات همام رواء همام مات
كمت اصرخ لا لا همام فدوه لا
رواء شسويتي ولج اخوي مات
جمانه السعيدي
بقيت حاضنه وابجي اكثر من ساعه واني حاضنه وابجي
رواء كافي بجي انتبهلي شويه
لازم نلكه حل الهاي المصيبه ونطلع منه
هشام وللج مات اخوي مات
رواء اعذرني اني بعد صبر ماعندي هو يتحرش بيه
وانت واكف تعاتبه
ما سيطرت على نفسي اله اني اضربه
ما متوقعه راح يموت بسرعه
ردت بس اخوفه
هشام خل ناخذه للمستشفى
رواء اي وحضرتك شراح تكول بلمستشفى
هشام احجي كل الي صار
رواء خاف ما ترضه ولله افضحكم فضيحه واكول يتحرش بيه
واكول انت متفق وياي وستدرجته للغرفه
وساعدتني على قتله
هشام شجاي تحجين انتي تخبلتي
رواء لا عقلت ما تخبلت اخوك إذا اخذته للمستشفى
واذا انت دفنته هو بكل الحالات مات
والميت ما اجوز عليه غير الرحمه
احسن ما ناخذه للمستشفى وتحقيق
واني وياك ننسجن وامك تموت بحسرته
وبعد هذا كله راح يندفن
اني وياك ندفنه ونوفر على نفسنا كل هذا التعب
وتحافظ على بيتك وعلى سمعتك
هشام ساعته حسيت عقلي وكف من قوة الصدمه
ما جاي اصدك كل الي صار
جنت محتاج احد غيري يحل هاي المشكله
واحد عقله يشتغل ويحل هاي المصيبه
كدرت رواء تأثر عليه وتقنعني
رواء يله كوم بسرعه احفر كبر بلحديقه خل ندفنه بلحديقه
من ورا البيت وهاي السالفه ما تطلع ابد
فهمت تبقى بيني وبينك
هشام وامي شراح تكولله
رواء هسه راح نكول سافر التركيا هو مو دوم يسافر التركيا يستورد ذهب
خل نكول سافر كم يوم إلى ان نلكه حل الهاي المصيبه
هشام كان تفكيرها تفكير شيطاني
واني عقلي انشل ساعته وتوقف عن التفكير
جمانه السعيدي
طلعت للحديقه الدنيا ليل
وبديت احفر كبر اخوي بايدي
احفر وابجي وما ما مصدك
جاي احفر كبر همام بايدي
ذبيت الكرك وكعدت ابجي ما اكدر ما اكدر احفر
احس روحي مختنك
احس راسي راح ينفجر
رواء طلعت لكيته كاعد ويبجي
ليش كاعد يله احفر بسرعه قبل لايطلع النهار وترجع امك وننكشف
كوم يله خلص وفضنا من هاي المشكله
كمت واريد ارفع الكرك مااكدر ما اكدر احفر اكثر
اديه مثل الي نشلن
اخذت رواء الكرك مني وكملت حفر
رواء يله هاي الحفره كافيه تعال خل انروح انجيبه من فوك
صعدنا ولكيت رواء لافته بجرجف ورابطه الجرجف زين علي
شلته اني وياها ونزلنا واخذنا خلينا بلحفره
وكمنا نهيل التراب علي
من كملنا رواء كالت اني راح انضف الغرفه من الدم
واني كعدت يم كبر همام
هشام اسف ماكان بايدي الي صار ولله غصب عني
ابد ما متخيل بيوم اكون سبب قتلك
انت كنت اخ ونعم الاخ اني انسان نذل وماكدرت احافظ
عليك
انت تستاهل اخ احسن مني
يمكن لو اطلب منك تسامحني مراح تسامحني
حقك ما تسامحني
لان الي سويته وياك مو شي قليل ابد
جمانه السعيدي
همام لاتزعل مني ولله احبك وعقلي ما جاي يتقبل كلشي صار وياك
كمت اضرب راسي واصيح لو ادري ما راجع
اني ليش رجعت اليوم
امي شلون راح أقنعه شلون راح تقتنع انت ما موجود
اني أليوم صرت مو هشام اخوك
اني تحولت الشيطان
الله يخليك سامحني ولو المصيبه الي سويته وياك
جبيره وما الها مجال للمسامحه
رواء صعدت مسحت الدم وغسلت الغرفه وعطرته
وغيرت الفراش
واخذت الوصل الي مسحت بيهن الدم وحركتهن
حتى ما ببقى اي دليل ضدي
نزلت ورحت للحديقه ولكيت هشام نايم بصف كبر اخو ويبجي
رواء كلت بكلبي شكد غبي بس اصبر عليه راح اخليك تلحكه انت وامك
حبيبي ليش نايم هنا
هشام عوفيني بحالي من وراج فقدت اخوي
رواء اني اسفه حبيبي ماكان قصدي لحظه شيطان
ماكدرت اسيطر على اعصابي
وهو الله يرحمه حيل طوخها وياي
كل مره كنت اعدي واسكت واكول ميخالف
بس ولله صبري خلص
ماكان قصدي الي صار الله يخليك سامحني
يله كوم
تعال ادخل حمام خل اسبحك بس تسبح راح
تهدء شويه
هشام شلون اهدء واني توني دفنت اخوي بايدي
رواء قدر وصار ولا اني ولا انت جنا مخططين اله
الله يغفرله ويغفر النه ويسامحنا
يله كوم
كوه كومته من الكاع وهو كله تراب من راسه الحد رجلي
دخلته للحمام وسبحته وطلع
لكينا التليفون يدك
ام همام جاي تتصل
مره تتصل بهشام ومن ما يرد عليه
تتصل بتليفون همام
مره هنا تتصل ومره هنا
بعدين اتصلت برواء
بدل ماتدور وتبحث علي الروايات خليها علي تليفونك وحمل تطبيقنا
